Мето Ди Флеш во новото видео појаснува зашто сме – „Позитивни негативно“ (ВИДЕО)

Антонио Димитриевски — Wed, 30 Mar 2022 06:19:51 +0000

Песната „Позитивни негативно” е четвртата авторска песна на нашиот познат музички уметник Мето Ди Флеш која доаѓа со видео запис како и претходните. Мето Ди Флеш се потпишува како комплетен автор на текстот, музиката и аранжманот. Песната е снимена во неговото студио во Струга. Прридружните вокали се на Марија Мечкароска и Анастасија Поповска и ја истакнува он-лајн соработката со повеќе музичари од целиот свет. Песната е напишана како што вели тој во еден здив. Зборува за актуелното време кое го живееме, пандемијата која наместо да не зближи не раздели еден од друг. Луѓето кои се занимаваат со музика и уметност се и беа најпогодените од новонастанатата состојба. „Нема ништо полошо од тоа некој да ти забрани да го работиш тоа што го сакаш и тоа што те прави среќен“ - вели Методи. „Новото 'нормално' ништо добро не ни донесе туку напротив како се повеќе луѓето да сме спротивставени меѓу себе“. Тој упатува порака повеќе да се сакаме,почитуваме и вистински да бидеме позитивни, а негативни на ковид тест. „За видеото да изгледа светски се погрижи Мухамед Манте кој повеќе месеци работеше на него. Го нацрта Њујорк, поштено се изнаработи па од видео студиото Флеш на Самир Демиши директно ме стави во центарот на светот“ - вели Методи повикувајќи вре да ги проследите песната и спотот.

Мето Ди Флеш прашува – „Да не е млако“? (ВИДЕО)

Антонио Димитриевски — Fri, 12 Apr 2019 09:42:31 +0000

Еден од најекспонираните македонски музичари кој публиката го познава како 1/2 на негошното дуо „Флеш“, за подоцна да продолжи сам како „Мето Ди Флеш“, по долго време авторска пстиненција, конечно има нова песна.

Многумина и биле на неговите караоке музички забави во живо, па оттаму и го познаваат секогаш насмеаниот и расположен стружанец кој на публиката на своите тезги низ локалите, клубовите и дискотеките ширум Македонија, постојано и приредува незаборавни журки. А на нив редовно прашањето: „Да не е млако?“... иако кај Мето никогаш не млако - напротив, секогаш е многу јако! Оттаму и инспирацијата за насловот на песната „Да не е млако?“

„После 11 години се нафатив да напишам песна. Прва под брендот Мето Ди Флеш. Како автор се јавувам на песни на „Ден Потоа“, мојот бенд кој има два албуми издадени во 90-те години, додека последната е напишана за дуото „Флеш“, каде што бев дел од него“ - ќе рече Методи Поповски во едно од своите последни интервјуа.

Музиката и стиховите се негови, како и аранжманот за песната која е снимена во студиото „Флеш“, а придружните вокали ги пее Марија Мечкароска.

Песната ја придружува видеозапис кој е исто така изработен од „Флеш“ продукција од Струга, а е режиран, снимен и монтиран од Мухамед Манте, асистент продуцент бил Самир Демиши, додека во видеото се појавуват и девојките од студиото за танц „Бах“ од Струга.

Вака изгледа и звучи кога Мето Ди Флеш низ песна прашува: „Да не е млако?“

мето ди флеш – Вистина.мк

Мето Ди Флеш во новото видео појаснува зашто сме – „Позитивни негативно“ (ВИДЕО)

Мето Ди Флеш прашува – „Да не е млако“? (ВИДЕО)