Зошто е добро да јадете мешунки?

Слободанка Илиева — Fri, 27 Nov 2020 13:40:52 +0000

Мешунките се извор на скроб и протеини. Тие содржат 20-40% протеини – двојно повеќе од житарките. Исто така, вреди да се спомене присуството на растителни влакна кои помагаат во отстранувањето на штетните материи од телото и го намалуваат нивото на холестерол и на мрснотии во крвта. Понатаму, влакната во дигестивниот систем набабруваат кога ќе дојдат во контакт со вода и го зголемуваат својот волумен создавајќи чувство на ситост и спречувајќи прејадување. Освен тоа, мешунките се храна со понизок гликемиски индекс. Ова се сите причини зошто луѓето кои имаат проблеми со вишокот килограми или со високото ниво на шеќер во крвта треба почесто да ги вклучуваат мешунките во исхраната. Гравот, леќата и леблебијата содржат витамини од групата Б: тиамин, рибофлавин и фолат. Тиаминот и рибофлавинот придонесуваат за создавање енергија во организмот, додека фолатот позитивно влијае на здравјето на срцето и на крвните садови. Од минералите, мешунките содржат магнезиум, калиум и цинк. Магнезиумот има позитивен ефект врз здравјето на коските, срцето и мускулите, а цинкот го зајакнува имунитетот. За време на пандемијата на коронавирусот, најголемиот дел од слободното време го поминувате дома. Наместо чипс со ниска хранлива вредност, изберете кикирики. Тоа е мешункаст зеленчук кој содржи олеинска киселина, протеини и витамин Е. Темноцрвената мембрана на кикириките содржи ресвератрол, антиоксидант што има антимутагено, антиоксидативно и антиинфламаторно дејство. Истражувањата покажуваат дека имаат позитивно влијание врз здравјето на срцето и штитат од рак на кожата. извор:кафепауза.мк

мешунки – Вистина.мк

Зошто е добро да јадете мешунки?