мерима његомир – Вистина.мк

Сестрата на Мерима Његомир откри детали од нивниот последен разговор: „Ми кажа дека си уморна и дека ти се спие“

Христина Ѓоргиевска — Mon, 20 Dec 2021 10:28:04 +0000

Пејачката Мерима Његомир почина пред еден месец по кратко боледување од опасната болест. Зад себе остави четири деца и сестрата Нина Павиќ која се огласи на својот Фејсбук и сподели емотивна порака. Таа откри детали од последниот разговор со Мерима и истакна дека и е жал што не успеала да ја види пред да почине. -Доаѓаат празници, време за желби. Јас имам една желба, а тоа е да биде сон што на вчерашниот ден те видов, а на утрешниот ден те слушнав за последен пат. Тогаш ми кажа дека си добро и дека си малку уморена и дека ти се спие, да ти ги кажам своите резултати. Ти кажав да не се грижиш дека и јас ќе бидам добро ако ти си добро. Ми одговори – важи, а јас ти реков – спиј, ќе се слушнеме. Тогаш ми јавија дека си заспала. Отогаш деновите се долги, ноќите уште подолги, а утрото најтажен дел од денот бидејќи се прашувам дали сум будна или спијам и кога ќе заврши овој лош сон, предолго трае, напиша таа. За потсетување, Мерима во септември дознала дека е болна од карцином, но за жал ја изгуби битката со болеста. фото: дамир дервишагиќ/принтскрин/никад није касно/фесјбук

„Те сонувам секоја вечер, често си покрај мене“: Неутешната ќерка на покојната Мерима Његомир со емотивна порака за својата мајка

Христина Ѓоргиевска — Tue, 30 Nov 2021 12:08:04 +0000

Пејачката Мерима Његомир која почина на 20 ноември по кратката борба со опасната болест зад себе остави четири деца кои се уште не може да ја прифатат загубата. Неутешната е ќерка на Мерима, Љубица која тешко ја поднесе смртта на нејзината мајка. Таа се огласи на својот Инстаграм каде што објави заедничка фотографија, а во описот напиша емотивна порака: -Те сонувам секој вечер и често си покрај мене. Знам дека сега ме чуваш многу повеќе. Те бакнува твојата Бубица“, напиша Љубица. За потсетување, Мерима почина на 20 ноември на 69 години од рак на панкреасот. фото: принтскрин/инстаграм

Eмотивно писмо на ќерката на Мерима Његомир прочитано на комеморацијата: „Да имам 100 животи, повторно би те одбрала тебе“

Христина Ѓоргиевска — Tue, 23 Nov 2021 11:50:32 +0000

Пејачката Мерима Његомир почина на 20 ноември по кратка борба со канцер на панкреасот, а денес (23.11.2021) ќе биде погребена на Ателјето за заслужени граѓани. На комеморацијата која се одржува во Радио Белград се обрати Ана Бекута. -Кога почина Мерима, цела ноќ гледав сники од неа на Јутуб, изјави Ана. -Мерима и јас не бевме естрадни другарки, бевме вистински другарки. Една убава случка во нејзиниот живот не спои и создаде нераскинлива врска, па дури и да не бевме често знае и да пиевме кафе. Бескрајно сум тажна што ја нема. Морам да станам твој обожавател и да ги поминувам ноќите гледајќи твои видеа. Ти благодарам, изјави Ана, па заплака. Актерката Светлана Цеца Бојковиќ ја прочита песната која ќерката Јелена ја напишала за Мерима. -Дојдов кај тебе, свесна сум каде одам, и да имам 100 животи, повторно би те одбрала тебе. Тажно те гледам додека заминувам бидејќи во секоја наша разделба ја чувствувам твојата тага, чувствувам како те стега срцето дури и кога со насмевка се обидуваш да ја сокриеш болката и тагата. Јас се уште знам дека врската меѓу нас е вечна и нераскинлива. Ќерката на Мерима за роденденот на пејачката напиша писмо кое сега беше прочитано на комеморацијата и ги расплака сите. -Зборот „сила“ ме следеше низ целиот живот. Силата беше тука додека мајка ми ме учеше што е љубов, беше тука низ сите потешкотии, низ сиромаштијата, секоја солза и секој удар. Силата беше тука кога еден ден мојата мајка ја пронајде душата и се врати на својот пат, беше тука кога раѓаше 4 деца. Можеби ангелите и велеа – „издржи уште малце“. И да не можеше таа, не можев ни јас. И затоа и се поклонувам на својата мајка, таа сила ни ја пренесе и на нас кога не учеше дека љубовта се многу кога се дава. Мамо, кога би пишувале книги за тебе, ниту една нема да ти е достојна. Ти благодарам за најубавиот подарок кој го добив од тебе, нема ништо повредно од животот“ пишува во писмото. Комеморацијата почна со песната „Јутрос ми је ружа процветала“. фото: ана паунковиќ/србија данас/принтскрин панчево

„Се плашам да не бидам следна“: Нада Топчагиќ во страв по смртта на Маринко Роквиќ и Мерима Његомир

Христина Ѓоргиевска — Tue, 23 Nov 2021 09:15:22 +0000

Пејачката Нада Топчагиќ тешко поднесува што нејзините колеги и пријатели Маринко Роквиќ и Мерима Његомир починаа во еден месец, па наводно е во депресија. Пејачката наводно сонува лоши соништа и пие лекови за смирување, пренесува република.рс Имено, пејачката е потресена од трагедиите кои се случуваат на српската естрада и никако не може да прифати што се случува. -На Нада многу и е тешко, не може да прифати што се случува. Иако многу тврдат дека глуми, не е така. Таа е емотивна жена, кога некој сака, го сака. Посебно и е криво за Маринко затоа што имаа недоразбирање и не беа во добри односи. Не ја прифати неговата смрт и веста дека Мерима има иста болест и тоа во потежок облик уште повеќе ја разочара. Нада се затвори во четири ѕида и само плачеше. На секој час и се јавуваше на Мерима и праќаше пораки, несвесна дека жената има болки и дека и нема спас. Иако сопругот Златко ја советуваше да се одмори за да не се разболи, тоа не беше можно, вели куќна пријателка на Нада. Пејачката потврди дека се чувстввуа лошо и дека не е во состојба да зборува. -Не ми е добро со денови, недели. Што се случува? Немам повеќе солзи. Се плашам да спијам бидејќи се плашам од лоши вести, сите мртви ми се јавуваат во сон. Не гледам во телефонот за да не прочитам дека некој е лош, дека некој починал. Кој е следниот? Се плашам да не сум јас. Ова се тешки времиња. Луѓе, починуваат вистински уметници. Не можам повеќе, изјави Топчагиќ. За потсетување, Маринко Роквиќ почина на 6 ноември 20021, а Мерима Његомир почина на 20 ноември. фото: инстаграм/нада топчагиќ

Последната песна на Мерима Његомир е објавена еден ден пред нејзината смрт, еве со кој снимила дует (видео)

Христина Ѓоргиевска — Mon, 22 Nov 2021 08:42:00 +0000

Пејачката Мерима Његомир почина на 20 ноември на 69 години по кратката борба со опасната болест. Таа зад себе остави бројни хитови, а нејзината последна песна е претставена само еден ден пред нејзината смрт. Станува збор за песната „Љубав траје“ која Мерима го сними во дует со групата „Легенди“. Дуетот го снимале во студиото на РТС, а песната беше објавена на 19.11.2021, еден ден пред да почине Мерима. Автор на музиката и текстот е Зоран Дашиќ Даша. Мерима Његомир снимила повеќе од 25 албуми, а освен новокомпонирани, таа пееше и традиционални народни, страградски песни. фото: принтскрин/јутуб

Почина Мерима Његомир

Христина Ѓоргиевска — Sat, 20 Nov 2021 08:49:00 +0000

Пејачката Мерима Његомир почина на 69 години по кратката битка со опасната болест. Оваа информација за pink.rs ја потврди нејзината ќерка Љубица. „Така е“, кратко рекла таа. Пред неколку дена српските медиуми објавија дека пејачката не се чувствува добро. -Мерима не се чувствува добро. Дозна дека е тешко болна и тоа ја уништи. Таа има тежок облик на рак. Последниот месец дена болна лежи во кревет и не станува од постелата. Ја посетуваат нејзините деца и носат намирници, го чистат станот. Најмалата ќерка се пресели кај неа да биде тука кога ќе и треба нешто и да и биде поддршка во овие тешко моменти. Тешко и е да објаснува каква и е здравствената состојба, па избегнува да разговара со луѓето“ вели извор. Мерима снимила повеќе од 25 албуми и испеала некои од безвременските хитови како „Иванови корита“, „Ружо моја“, „Због тебе“ и многу други. Песната „Иванови корита“, која Мерима ја сними во 2001 година на крајно тивок и ненаметлив начин, стана голем хит, што е многу необично. Иако пејачката продолжила да снима песни и албуми, по таа 2001 година, ниту една од песните не успеа да ја надмине популарноста на „Иванови корита“. фото: Novak Djurović/NEMANJA NIKOLIĆ/printscreen RTS

Не се чувствува добро, не може да зборува: Пејачката Мерима Његомир е тешко болна, се бори со опасната болест

Христина Ѓоргиевска — Wed, 10 Nov 2021 09:36:17 +0000

Не се чувствува добро, не може да зборува: Пејачката Мерима Његомир е тешко болна, се бори со опасната болест Пејачката Мерима Његомир со месеци не се појавува во јавност, а како што пишуваат српските медиуми таа е тешко болна. Meрима во септември дознала дека има канцер и е во лоша здравствена состојба, пишува телеграф.рс „Мерима не се чувствува добро. Дозна дека е тешко болна и тоа ја уништи. Таа има тежок облик на рак. Последниот месец дена болна лежи во кревет и не станува од постелата. Ја посетуваат нејзините деца и носат намирници, го чистат станот. Најмалата ќерка се пресели кај неа да биде тука кога ќе и треба нешто и да и биде поддршка во овие тешко моменти. Тешко и е да објаснува каква и е здравствената состојба, па избегнува да разговара со луѓето“ вели извор. По овој повод се огласи и Мерим и истакна дека семејството е со неа: -Не се чувствувам добро, не можам да зборувам, посебно не на таа тема. Полна ми е куќата, сите се покрај мене, посебно мојата фамилија“ изјавила пејачката. фото: зорана јевтиќ/курир телевизија/м.м ата имагес