Битолчанецот Менде Куновски со модерна серенада – „Мастило“ (ВИДЕО)

Антонио Димитриевски — Tue, 31 Jan 2023 13:18:19 +0000

Како и што беше најавено, одличната песна „Празен календар“ на битолчанецот со ангелски глас - Менде Куновски доби продолжение... Овојпат таа носи наслов „Мастило“... Некој можеби ќе каже - модерна серенада и искрено нема да згреши, но едно е повеќе од сигурно, а тоа е дека ова музичко дело е буквално за сечиј вкус... А како и да не биде , кога Менде повторно избра да соработува со веќе докажани и квалитетни автори. Текстот го напиша Борче Нечовски, а музиката е дело на Суад Хусеин - Цуле, додека пак аранжманот го изработи Ташко Грујовски. Особено сме сигурни дека ќе се памети фразата од текстот, која вели: „Не сум сретнал жена како тебе, што ме љуби, а ништо не бара“... „Многу сум пребирлив кога треба да изберам песна за себе и поради тоа не вадам песни на секои три месеци. Оваа екипа со која работам ме познава доволно добро и знае што може да ме „погоди“. Јас сум презадоволен, реакциите на најблиските пријатели, соработници се позитивни, а такви ќе бидат се надевам и на публиката кога ќе ја слушне оваа песна“ - вели Менде. За оваа нова Менде сними и видеоспот, кој го изработи „Арт продукција, а во кој се појавува и убавата Анита Јовчевска. Инаку Менде тука незапира, тој наскоро ќе ја изненади публиката и со нова тамбурашка песна и тоа со негова колешка од Србија. До тогаш познатиот битолчанец може да го видите и слушнете во живо на многубројните негови настапи ширум нашата земја, а таа привилегија ја имаат и нашинците во Канада и Шведска, каде тој честопати настапува... Уживајте во „Мастило“, а доколку ви се допадне, лајкнете и споделете на вашите социјални мрежи (КЛИКНИ ТУКА):

Фолк-звук кој недостигаше: “Празен календар” – Менде Куновски (ВИДЕО)

Антонио Димитриевски — Fri, 01 Nov 2019 12:09:24 +0000

Македонската фолк сцена добива уште еден квалитетен уметник кој со својот вокал и тоа како ќе го задржи вашето внимание. Станува збор за битолчанецот Менде Куновски, кој вчеравечер, 31 октомври, (четврток) пред своите најблиски пријатели, колеги, роднини, но и вљубеници во убавата песна, го промовираше своето првенче во еден познат битолски ресторан. „Празен календар“ е насловот на оаа деби-песна на Куновски, а на кој како автор се потпишува едно од најдокажаните музички имиња, Николче Мицевски (музика и аранжман), додека текстот е на Борче Нечовски. Песната е снимена во студио "XL Момировски". Ова не е фолк-песна во која преовладуваат гајди, зурли и тапани. Овој проект докажува дека и на овие наши простори има капацитет да се создаде модерна, а сепак квалитетна фолк-песна. „Долги години бев член на битолската група 'Алтернатор', но решив дека е вистинско време да создадам нешто сам и нешто што ќе остане да се слуша долги години. Јас вака го замислувам новиот фолк-звук во нашата земја и убеден сум дека ќе и се допадне на публиката“ - вели Куновски, кој не крие дека му е драго што за првенчето соработувал со најдобрите. „Да се работи со Николче и Борче е чест и привилегија. Вистински мајстори во својот занает, впрочем и нивните дела кои ги имаат создадено сведочат за тоа што јас го зборувам“ - завршува Куновски. Се разбира, новата песна беше и екранизирана од рацете на вредната екипа од "Веста Продукција". Ова е само почеток, бидејќи во блиска иднина повторно ќе го видиме и слушнеме Менде со нова песна. https://www.youtube.com/watch?v=pKRg-ogAhBI

менде куновски – Вистина.мк

Битолчанецот Менде Куновски со модерна серенада – „Мастило“ (ВИДЕО)

Фолк-звук кој недостигаше: “Празен календар” – Менде Куновски (ВИДЕО)