меган – Вистина.мк

Принцот Хари ќе присуствува на крунисувањето на неговиот татко, но ќе биде без Меган, а наводната причина за тоа покрена лавина коментари

Слободанка Илиева — Thu, 13 Apr 2023 11:38:26 +0000

Вчера официјално беше објавено дека принцот Хари сам ќе присуствува на крунисувањето на кралот Чарлс, додека Меган Маркл ќе остане во Калифорнија. До „Daily Mail“ пристигнала информација дека преговорите биле тешки и долги, и дека Бакингемската палата најавила дека војводата од Сасекс сепак сам ќе присуствува на крунисувањето. Од друга страна војвотката од Сасекс ќе остане дома со принцот Арчи и принцезата Лилибет. Сепак, иако на сите им изгледа дека Хари и Меган се условени на ова, од дворот пристигнува информација дека ова е своевидно „маслиново гранче“ кое претходни на смирување на семејството. Принцот Хари ќе присуствува на церемонијата на крунисувањето, но нема да се појави на балконот со целото семејство ниту ќе учествува во поворката по службата. Изворите велат дека Меган одлучила да остане дома со децата поради тоа што на истиот датум му е роденден на принцот Арчи. Што се однесува до принцот Хари, ова ќе биде негово прво соочување со своите татко и брат по објавата на неговите мемоари во кои вели дека Вилијам го удрил, и дека принцезата Камила е „опасна“. фото: тањуг/профимедиа

Хари во неговите мемоари откри дека принцот Вилијам, физички го нападнал и го соборил на земја (фото)

Слаѓана Атанасова — Thu, 05 Jan 2023 10:14:13 +0000

Принцот Хари и Меган Маркл не престануваат да ја шокираат јавноста со нивната исповед од животот во британското кралско семејство, кое го напуштија во 2020 година. После серијалот „Хари и Меган“, кој многумина изненади, помалиот син на кралот Чарлс сега во автобиографијата објавил дека неговиот брат, принцот Вилијам, го нападнал и го соборил на земја. Принцот Хари својата книга ја нарекол „The Spare“, мислејќи на фразата на кралските семејства кои секогаш имаат најмалку две деца – престолонаследникот и „резервниот“. Во книгата напишал дека принцот Вилијам физички го нападнал и го соборил на земја и ја навредувал Меган Маркл. „Расправијата беше во нашата куќа во Лондон во 2019 година. Му реков дека се однесува нерационално, а тој ја нарече Меган тешка, невоспитана и кавгаџика. Му реков дека како папагал ми го повторува она што го пишуваат таблоидите за неа, а потоа почна да вика по мене“, се сеќава принцот. „Ме фати за јаката, ми го скина ланчето и ме фрли на земја. Паднав на садот за вода на нашето куче, кој се скрши. Останав со видливи повреди, модринки и исеченици од парче од садот, на грбот. Лежев на подот зашеметен, а потоа станав и му реков да излезе надвор“, напишал принцот Хари. „Вилијам ми одговори - ајде, возврати ми удар. Така се расправавме кога бевме деца. Одбив и тој замина. Малку подоцна се врати и се извини. Пред да излезе се сврте и ми рече дека Меган не треба да знае за инцидентот. Го прашав дали мисли на нападот. Тој ми одговори дека не ме нападнал“, вели принцот Хари. Тој понатаму пишува дека првично не ѝ кажал на Меган за нападот, туку прво ѝ се јавил на својата терапевтка. Меган Маркл дознала за тепачката дури кога ги забележала повредите на неговиот грб. Извадоци од книгата објави британски „Гардијан“, а „Дејли мејл“ пишува дека е голема мистерија како новинарите успеале да дојдат до копија од автобиографијата на принцот Хари, бидејќи издавачот „Пингвин Хаус“ презел многу мерки за ниту еден збор да не „протече“. Фото: Принтскрин/Профимедиа

Поради убавата манекенка, заборавил на актерката: Принцот Хари ја изневерил Меган (фото)

Слаѓана Атанасова — Mon, 17 Oct 2022 10:05:50 +0000

Принцот Хари и Меган Маркл често се главна тема на медиумите, како поради скандалите кои ги следат и лошиот однос со кралското семејство, така и поради нивното бурно минато кое не престанува да ги следи. Еден таков, најде начин повторно да излезе во светлината на денот. Во книгата напишана од Анџела Левин се наведува дека принцот Хари имал афера со модел кој работел за познатиот бренд „Барбери“. Во прашање беше девојка по име Сара Ен Меклин која принцот ја запозна на приватна забава. Според странските медиуми, во тоа време принцот Хари и Меган Маркл веќе биле во врска. Краткотрајната романса се случи набргу откако Хари ја запозна Меган, со која се ожени пред четири години во капелата Свети Џорџ во замокот Виндзор во Велика Британија. - На самиот почеток на врската со Меган Маркл, принцот Хари излезе на состанок со манекенката Сара Ен Меклин - напиша Левинова. Таа наведува дека се запознале на приватна забава, а потоа размениле телефонски броеви, по што принцот ја опсипал со пораки. - Тие се прилично слични, но секој од нив тргна по својот пат - се наведува во книгата. Во тоа време, постоеше сомнеж дали и Меган раскинала со нејзиното момче со кој беше две години.

View this post on Instagram

A post shared by sarahannmacklin, ANutr (@sarahannmacklin)

После тоа, Хари и Меган ја продолжија врската, а Сара почна да гради кариера како голем модел и нутриционист. И додека Меган и Хари сега имаат семејство, Сара стана многу позната на социјалните мрежи.

View this post on Instagram

A post shared by sarahannmacklin, ANutr (@sarahannmacklin)

Хари и Меган поминаа многу, а неодамна за странските медиуми откри дека нејзиниот сопруг ја спасил кога и било најтешко. - Кога се чувствував многу лошо, мојот сопруг ми најде доверлив терапевт. Набрзо почнав со терапија, која ми помогна да се чувствувам подобро – рекла Меган. Фото: Принтскрин/Профимедиа

Однос кој не е далеку од гласините: Принцот Вилијам проговори по интервјуто на Хари и Меган

Слободанка Илиева — Fri, 12 Mar 2021 09:45:55 +0000

Принцот Вилијам зборуваше по интервјуто што Меган Маркл и принцот Хари и ги дадоа на Опра Винфри. Преносот на интервјуто не престанува да зборува за обвинувањата што Меган Маркл и Хари ги упатија кон кралското семејство. Сега ја имаме и другата страна - рече принцот Вилијам. Тој вели дека сè уште не разговарал со Хари, но дека тоа ќе го стори наскоро. - Ние, во голема мерка, не сме расистичко семејство. Сè уште не разговарав со Хари, но планирам - кратко рече Вилијам додека заедно со неговата сопруга беа во едно училиште во источен Лондон. Пред оваа индивидуална изјава, да ве потсетиме, пристигна изјава од Бакингемската палата. Одговорот е, очекувано, прилично воздржан и формулиран со дипломатски тон. „Целото семејство е тажно сега кога дозна за сите предизвици на кои биле изложени Меган и Хари во изминатите години“, напишано е на почетокот на официјалното соопштение на палатата, кое го објавија. "Темите што беа покренати, особено расизмот, се загрижувачки. И додека некои спомени може да се разликуваат, тие сепак се сфаќаат многу сериозно и семејството ќе се справи со нив без јавно влијание. Хари, Меган и Арчи секогаш ќе бидат сакани членови на семејството", пренесува „Мирор“.

Кејт и Меган ги скараа браќата: Вилијам и Хари повеќе не се дружат, зашто жените им ги замрсија конците и ним и на целото кралство (ФОТО)

Антонио Димитриевски — Thu, 29 Aug 2019 09:35:07 +0000

Принцот Вилијам (37) и војвотката од Кембриџ Кејт (37) ги преименуваа со друго име своите организации за добротворни цели и со тоа „официјално се разделија“ од Меган Маркл (37) и принцот Хари (34). Според документите објавени од британските медиуми, Кејт и Вилијам легално го смениле името на организацијата во Кралската фондација на војводата и војвотката од Кембриџ. Тоа е последниот чекор во одвојувањето на Хари и Меган од некогашното заедничко добротворно друштво, откако престанаа да поставуваат свои фондации.

Извори од Кралската палата разбирливо, негираат дека имало кавги меѓу браќата и нивните животни придружнички. Браќата ја основаа Кралската фондација во 2009 година, а Кејт се приклучи на две години подоцна, откако се омажи за Вилијам, додека таа оттогаш е клучен дел од неговата работа.

Ова не е единствениот пат кога браќата се разделија. Поточно, Меган и Хари имаат свој профил на Инстаграм, одвоен од Вилијам и Кејт. Експертите што го следат кралското семејство рекоа дека го сториле тоа со цел да се приближат што е можно поблиску до следбениците.

Односно, Хари и Меган често пишуваат свои постови под фотографиите, додека за Вилијам и Кејт тоа не е случај. За двојката тоа го прават експерти од нивниот тим. Многумина тврдат дека сопругите се среќни што ги одвоиле браќата за себе.

Војвотката од Сасекс инсистираше на тоа откако се омажи за принцот, затоа што поранешната актерка не е научена да живее во големо семејство.

Кралицата и е многу лута на Меган пред Божиќ: „Работите излегуваат надвор од контрола!“

Кристина Петрушевска — Tue, 25 Dec 2018 12:15:22 +0000

Британците со нетрпение го очекуваат вечерашниот божиќен говор на кралицата Елизабета Втора иако е сигурно дека нема да се изјасни за Брегзит и поделбите кои владеат помеѓу нејзиниот народ. Ова беше навистина возбудлива година за кралското семејство, а скандалите не ги заобиколија ниту овој пат. Проблемите со семејството на Меган им зададоа главоболка на персоналот и членовите на кралското семејство. Полусестрата, полубратот и таткото на Меган постојано се појавуваа во медиумите, а на кралицата најмногу ѝ пречи ситуацијата со Томас Маркл од која најмногу сака да се ослободи и поради тоа ѝ е многу лута на Меган.

View this post on Instagram

A post shared by HM Queen Elizabeth (@hm.queenelizabeth) on Dec 25, 2018 at 12:02am PST

-Работите излегуваат надвор од контрола, а Хари и Меган очигледно не знаат да го решат проблемот, вели неименуван извор од Кенсингтонската палата. Имено, Меган Маркл и принцот Хари не побарале помош од Бакингамската палата во случајот со Томас Маркл и инсистираат тоа сами да го решат, а со оглед на тоа дека кралицата е свесна дека тоа не им оди од рака е многу лута што не бараат помош. Кралските биографи велат дека ситуацијата со семејството на новата кралска невеста требала и можела да се реши пред венчавката и дека штетата која семејството Маркл му ја нанесе на кралското семејство е непоправлива. Меган со својот татко не контактира од денот на својата венчавка на која тој не дошол бидејќи наводно имал проблеми со срцето. Подоцна во медиумите се појави Томас кој изнесе детали од животот на својата ќерка, но и од на принцот Хари така што јавноста дозна дека Хари го поддржува Доналд Трамп, што е недозволиво со оглед на тоа дека кралското семејство не смее да се изјаснува за политички теми.

„Војната продолжува“: Кејт Мидлтон и Меган Маркл одбија Божиќ да го прослават заедно

Кристина Петрушевска — Tue, 18 Dec 2018 16:00:37 +0000

Принцот Хари и неговата бремена сопруга Меган Маркел ја одбија поканата на неговиот брат, принцот Вилијам да му гостуваат за Божиќ како минатата година, објави Сан. Војвотката од Сасекс претпочита да го поминат Божиќниот одмор во резиденцијата на кралицата Елизабета Втора. Резиденцијата Сандрингам не е голема и изборот на принцот Хари и неговата сопруга е чуден, рече извор близок до кралското семејство, кој претпоставува дека двајцата сакаат сопствен простор, одделно од неговиот брат. -Односите меѓу двете семејства се љубезни, но тие не поминуваат многу време заедно, рече истиот извор. Односот помеѓу двајцата браќа се олади. Кејт е резервирана кон Меган уште од свадбата, зашто никако не и се допаднал фустанот, наменет за нејзината ќерка, принцезата Шарлот. Божиќ во Сандрингем е сосема традиционален. Еднаш, принцезата Дијана рече дека е досадно и клаустрофобично. Според кралскиот биограф Кристофер Вилсон тоа може да биде тешко искушение дури за родените во кралското семејство.

Принцот Хари се натпреваруваше со сопругата Меган и загуби (Видео)

Кристина Петрушевска — Wed, 31 Oct 2018 16:42:56 +0000

Британскиот принц Хари и неговата сопруга, војвотката Меган Маркл се во Оукланд, Нов Зеланд, каде се натпреваруваа во фрлање гумени чизми и таа победи. -Немаше некое големо соперништво. Ми се чинеше оти таа не верува дека ќе победи, но победи, рече едно од децата кои навиваа додека траеше играта. Инаку, како што наведуваат медиумите, земјотресот што го погоди северот на Нов Зеланд, не се почувствувал во градот Оукланд, каде што присуствуваат принцот и војвотката.

Саманта Маркел се појави пред портите на нејзината сестра Меган

Љупчо Најчевски — Thu, 11 Oct 2018 10:35:21 +0000

Саманта Маркл (53), контроверзната полусестра на Меган Маркл, се појавила неповикана пред дворецот Кенсингтон, а во рацете имала писмо. Таа дошла во Велика Британија за да се соочи со војвотката од Сасекс, поради семејните проблеми. Исто така сакала да поразговара и за лошиот однос кој од неа го добива нивниот татко Томас, кој не присуствувал на кралската венчавка. Меѓутоа, таа наишла на ѕид и молк, бидејќи не стигнала подалеку од капијата на дворецот. Оваа жена е снимена како разговара со чуварот на капијата на приватниот влез во дворецот во западниот дел на Лондон. Американката која била во количка, поради проблеми со склерозата, не успеала да го предаде писмото, кое очигледно било наменето за нејзината сестра. На влезот ѝ било кажано дека им е наредено да не ја пуштаат внатре. Сепак успеала да стигне да купи маска со ликот на Меган Маркл и принцот Хари, што многумина го оцениле како многу бизарно. Таа дошла во Лондон, две недели откако претставници на палатата примиле писмо дека нејзиното однесување ќе ескалира, ако не добие прилика да разговара со војвотката. Ова е само една од низата со приказни помеѓу Меган и нејзиното семејство. Таа е во лоши односи со семејството од таткова страна. Нејзината полусестра ја користи секоја прилика да ја оцрни во медиумите, а нејзиниот полубрат своевремено го предупредувал принцот Хари да не се жени со неговата сестра. Меган од венчавката не се слушнала ниту со татка си, кој досега дал повеќе интервјуа за медиумите во обид да ја натера ќерка си да се види со него.

Ќе се стопите: Принцот Хари уште кога ја запознал Меган ја покажал неговата романтична страна подарувајќи и уникатен подарок (ФОТО)

Кристина Петрушевска — Wed, 05 Sep 2018 12:16:43 +0000

Изгледа дека љубовната приказна на принцот Хари и Меган Маркл е како во бајките.

Освен што тој е вистински принц, изгледа дека е и многу романтичен, ако судиме според подарокот кој ѝ го дал на својата сегашна сопруга, уште на почетокот на врската. Како што пренесува магазинот “People”, Хари на почетокот на врската ѝ подарил слика на својата сакана, на која на едната страна имало нацртан заљубен пар кој се држи за раце, а од другата страна испишано текст “Everybody Need Somebody To Love”, што во превод би значело “Секому му е потребен некој кој ќе го сака”.

Сликата е дело на британскиот уметник Ван Дона, а дека Хари го купил за Меган, сега за “People” открил колекционерот на уметнички дела, кој наводно му ја продал во октомври, 2016-та година. “Хари често ги посетува моите галерии, а кога ја купи оваа слика, рече дека бара нешто за една “многу посебна личност” “, се присетува колекционерот, а се претпоставува дека принцот за овој поклон издвоил и неколку илјади фунти.