медитација – Вистина.мк

Најдобриот период од денот за медитација: Тогаш најмногу чувствуваме мир

Слаѓана Атанасова — Thu, 16 Nov 2023 12:58:18 +0000

Ако сакате да ја додадете медитацијата во вашата рутина, нема „лош“ период од денот да го правите тоа, но придобивките од утринската медитација можат да бидат привлечни. Кое е најдоброто време од денот за медитација? Најдоброто време од денот за медитација е времето од денот што одговара на вашиот распоред и нивото на мотивација. – Најдобро време за медитација е кога навистина можете да се посветите на тоа. Конвенционалната мудрост е дека утрото е одлично време за тоа, и ако можете да најдете време наутро, тоа е одлично. Но, ако не – секое време што можете да го одвоите за медитација е добро време – вели Џон Метјуз, лиценциран клинички социјален работник, пишува Healthline. Придобивките од утринската медитација Придобивките од медитацијата не зависат од времето на денот, но има причини зошто често се препорачува медитација наутро. Утринската медитација ги поставува темелите за смиреност и рамнотежа за претстојниот ден. Помага во центрирање на умот, управување со стресот и подобрување на целокупната емоционална благосостојба. Тоа може да ви помогне да управувате со чувствата на загриженост, исчекување и вознемиреност во особено стресни денови. Утрински мир и тишина Утринската медитација може да ја постави сцената за вашиот ден, но утрото исто така може да ја постави сцената за медитација. Утрата обично имаат вродено чувство на смиреност пред метежот и вревата на денот. Вашиот ум е природно мирен по одморот, а светот околу вас е тивок од сон. Извор: Попара

Борко Ристовски покажа како им успева семејната идила – постарото синче е бато за пример (фото+видео)

Слаѓана Атанасова — Thu, 16 Feb 2023 09:01:28 +0000

Нина, сопругата на ракометниот голман Борко Ристовски, пред повеќе од 15 дена се породи по втор пат и на свет донесе девојче на кое родителите му го дадоа името Анастасија. Највозбудено за пристигнувањето на новороденчето дома беше постарото братче Душан или лавчето како што го нарекуваат мама и тато. Сопругата на Ристовски се породи на 31 - ви Јануари, а Борко сега објави една од ретките семејни фотографии и покажа кој е најзаслужен за хармонијата во нивното проширено семејство. Имено, „министерот за одбрана“ покажа дека синот шутира топка во дворот заедно со него во вечерните часови, додека мајка Нина ја успива малата Анастасија. Но, потоа пред спиење Душан седнува и медитира, за ем тренингот да биде целосен и успешен пред да се вратат во домот, ем полесно да го фати сонот. „И нормално медитација пред спиење“ - разјасни Борко, кој на објавата додал и емотикони со смајли. Потоа гордиот татко на социјалната мрежа Инстаграм го објави и резултатот од тренингот - медитација, преку емотивно видео од семејниот дом, заедно со наследниците во дневната соба каде докажа дека неговото синче навистина е батко за пример кој успешно си ја сфатил улогата:

View this post on Instagram

A post shared by Borko12Ristovski (@borko12ristovski)

„Не се потребни зборови“ - Секојдневно ме изненадува. Мојата душа ... мојот Душан - напиша тој под објавата. На видеото малата Анастасија спие во прегратките на татко и, додека нејзиниот постар брат Душан седи до неа и се обидува да ја „провери“ дали малата дадичка навистина спие. Фото: Принтскрин/Инстгарам/Борко Ристовски

Оргазмична медитација: Кои се придобивките од овој нов секс тренд? (18+)

Слаѓана Атанасова — Wed, 17 Aug 2022 14:00:47 +0000

Со помош на традиционалната медитацијата можеме да го насочиме нашето внимание кон прифаќање на сегашниот момент и кон практики кои ни помагаат да се смириме. Кога станува збор за оргазмичната медитација, исто така се фокусираме на сегашниот момент, на нашиот здив и енергија, наместо на физичкиот допир со партнерот. И двата вида медитации се обидуваат да ја подобрат врската помеѓу умот и телото и ви дозволуваат не само да имате повеќе спокојство со себе, туку и длабоко да се поврзете со другите.

Што претставува оргазмична медитација?

Наместо да се чувствувате под стрес поради сексот и да му дозволите на вашиот ум да талка во моментот, оргазмичната медитација ќе ви помогне да ги задржите вашите мисли на место за да можете да се концентрирате на вашите чувства и поврзаност со вашиот партнер.

Оргазмичната медитација е насочена кон промена на вашата духовност и вашата сексуалност заедно со партнерот. Според информации од стручни лица од веб-сајтот Healthline, треба да обрнете внимание на клиторисот и нежно да ја галите оваа област околу 15 минути, пожелно со лубрикант. Секако, во тоа можете да уживате сами, но подобро е чувството кога ова го прави партнерот. Така ќе се почувствувате духовно поврзани со оргазмот, со универзумот и со енергијата на вашиот партнер. За време на овој процес, не само што ги ослободувате хормоните на среќа, како што се случува за време сексот, туку и духовно ќе се усогласите еден со друг. Иако главната цел на оргазмичната медитација не е оргазам, сепак многумина успеваат да доживеат експлозивен оргазам.

Кои се придобивките од оргазмичната медитација?

Ако сакате навистина да се чувствувате синхронизирано под чаршафите, има многу придобивки од испробувањето на оваа медитација. Не размислувајте за многу други работи, бидете фокусирани само на вас и вашето тело. Иако процесот е повеќе фокусиран на тоа како комуницирате со вашиот партнер, крајните резултати се експлозивни. Уживајте во вашиот партнер, предиграта, слатките погледи и галењата. Оваа медитација може да ви помогне да го ресетирате вашиот сексуален живот и да бидете повеќе во склад со саканата личност. Извор:Црнобело

„Ако можам јас на 61 година, тогаш можат сите“: Лепа Брена ја откри тајната на добриот изглед

Слободанка Илиева — Thu, 10 Mar 2022 09:41:16 +0000

Лепа Брена открива како ja одржува витката линија и има затегнато тело во седмата деценија. Пејачката истакнува дека секој ден го прави истото - медитира! Згодната Брена многу се грижи за својот изглед и здравје, па сега ги откри деталите.

View this post on Instagram

A post shared by Lepa Brena (@lepabrenaa)

- Пијам многу вода секој ден, медитирам и вежбам. Ако можам да бидам активна на 61 година, тогаш секој може. Кога патувам, се трудам да одам на плажа или базен и да пливам. Најважно е човекот да не го запоставува телото, треба да го движиме секој ден – изјави фолк ѕвездата за српски„Информер“ и додава дека внимава и на гласот:

View this post on Instagram

A post shared by Lepa Brena (@lepabrenaa)

- Ние пејачите мора да внимаваме на гласот и да го негуваме. Не пушам затоа што ги уништува гласните жици. Понекогаш сакам да наздравувам со пријателите со чаша вино, и тоа е тоа, вели Брена со мотивирачка порака до сите за подобро здравје, дух и изглед. фотот: Инстаграм/Лепа Брена

Лепа Брена по 33 години раскажа една случка од снимањето на „Хајде да се волимо“, а е поврзана со актерот Никола Симиќ

Христина Ѓоргиевска — Wed, 08 Apr 2020 09:35:47 +0000

Лепа Брена се потсети на деновите кога соработуваше со Никола Симиќ на нејзиниот филм „Хајде да се волимо“. Меѓутоа, никој не знае дека Никола ја научил пејачката една работа која и служи по 33 години. „Јас научив како да се одморам за 15 минути. Ми треба мир, апсолутна тишина, ги затварам очите, како да медитирам. Се околу мене е исклучено. Да нема електромагнетни зрачења. Го исклучувам мозокот, легнувам и не размислувам. Ги фрлам мислите. Прв кој ме воведе во медитација беше покојниот Никола Симиќ кога го снимавме филмот „Хајде да се волимо“ вели Брена. „Додека сите на пауза излегуваа да пушат и да пијат, Никола Симиќ седеше во јога поза и молчеше. И кога ќе завршеше тоа, тој е смирен. Јас го прашав: „Никола, а што правиш? Тој ми одговор: „Јас медитирам“. Го прашав што, како и тој ми објасни“ вели фолк пејачката. За потсетување, Никола почина на 9 ноември 2014 година. Тој беше театарски, телевизиски и филмски актер.

Ќе решава судски спор со… „медитација“: Кој „и го смести“ на новинарката на вестите на „ТВ 24“? (ВИДЕО)

Антонио Димитриевски — Mon, 28 Oct 2019 08:28:32 +0000

Алтернативата изгледа дека е во мода. Сме слушнале за алтернативна уметност, за алтернативна музичка сцена, алтернативна медицина... а деновиве на вестите на „ТВ24“ не потсети дека имало и алтернативно судство. Или поточно алтернатитивен пристап во решавањето на судските спорови. Новинарката и водител на вестите на „ТВ 24“, Анита Додевска егзактно им објасни на гледачите како се решава судски спор со „медитација“!!! Ако имаш судски спор, само ќе си седнеш со прекрстени нозе, се опушташ, кулираш, паѓаш у екстаза, физичкото и духовното ги доведуваш во хармонија и проблемот сам исчезнува. Или што би рекле додека си во „состојба во која не мислиш на ништо, како што ја нарекуваат медитацијата, спорот сам се решил!? Кој не би сакал да е така, ама не е... А не е, зашто решавање на судски спор со „МЕДИТАЦИЈА“ , како што тврди новинарката - не постои! Постои МЕДИЈАЦИЈА или посредување, ама тоа е нешто сосема друго! А новинарката на вестите на „ТВ 24“ упорно, неколку пати во прилогот „медијацијата“ ја замени со „медитација“... Грешки се случуваат, ама кај „24“-творка некако зачестија. Само да ве потесетиме на она, кога неодамна презентерката Сања Почивалец, најавената лидерска средба ја нарече „педе*ска“ средба на истите вести!?

ПЕДЕРСКА СРЕДБА В ПЕТОК, ПРЕСВЕТ ТВИТЕРУ! @24_Vesti why you do dis? ??? pic.twitter.com/PlqahMS8IL
— КиселиБомбони (@moni_gal9) July 15, 2019

Ниту тогаш ниту сега не дознавме дали се работи за личен „лапсус“ на презентерско-новинарската двојка или некој намерно „и го смести“ тогаш на презентерката, а сега на новинарката од вестите на „ТВ 24“?