мебел – Вистина.мк

Кога Ивана Наскова ќе легне, нејзиниот „совршен странец“ станува „совршена плескавица“! (ВИДЕО)

Антонио Димитриевски — Sat, 04 Nov 2023 08:18:40 +0000

Ивана Наскова јавноста ја запозна како радио и ТВ водител на емисијата „На шанк“. Покрај тоа таа е и стендап забавувач, писателка и автор на книгите „Совршениот странец“, „Сестра“, „Вети ќе ме сакаш“, „Секогаш те одбирав тебе“... Но, од пред некое време или поточно неколку години, неа ќе ја препознаете и како лик од ТВ реклама за еден познат македонски бренд за мебел.

А кога веќе ваква долгонога, расна убавица треба да рекламира мебел, прво што ви паѓа на памет е спалната соба...

Оттаму, некој проценил дека долгоногата русокоса „сестра“ од пред „ТВ шанкот“, совршено прилега за рекламирање на таканаречениот „брачен сексодром“, па ете ти како Ивана се најде среде „брачна неволја“.

А и приказната за рекламното видео кое го снимил Дарио Јанковиќ е брачна класика: Се враќа мажот дома, жената раскомотена во брачниот кревет од спалната, нормално, нерасположена за размена на нежности со сопругот под изговор дека ја боли главата, а всушност ја боли „таквото“ за него, зашто веќе следниот кадар покажува дека не е до главата...Барем не до нејзината... И иако, „вети ќе го сака“, посакала и нешто повеќе.

Ама за малерот да биде поголем, ниту креветите не се тоа што некогаш биле, освен ако претходно не ги тестирате уште во самиот салон... Кој со мажот, кој со швалерот, секако!

А кога Ивана Наскова ќе легне... нејзиниот „Совршен странец“ станува „совршена плескавица“!

За да не ја повтори истата грешка, оттогаш таа купува мебел само на одбрано место и „секогаш го одбира него“! Како изгледа оваа брачно - швалерска драма помеѓу писателката, „совршениот странец“ и несовршениот кревет, погледнете во рекламно-хумористичното видео во продолжение:

View this post on Instagram

A post shared by Ivana Naskova (@ivananaskova) on Oct 4, 2018 at 10:55am PDT

Кога Зорица Марковиќ ќе се фати за микрофон, настанува лом: Пејачката среде емисија го преврте мебелот во студио (ВИДЕО)

Антонио Димитриевски — Mon, 25 Sep 2023 10:52:32 +0000

Кога Зорица Марковиќ ќе посегне по микрофон, настанува лом и тоа во буквална смисла на зборот.Имено, пејачката гостувала во ено музичко шоу, а песната толку ја понела што во еден момент почнала да руши и урива се пред себе. Зорица во наплив на адреналин, хормони и позитивна енергија дури и го преврте бебелот, односно троседот пред себе. Какво расположение и атмосвера се создаде во студиото, сведочат свирежите и овации кои одекнуваа низ студиото. Во еден момент и Рада Манојловиќ скокна на нозе, заигра коло, па потоа позираше и запеа со Зорица. Каква естрадна лудница направија и како сето тоа изгледаше погледнете во продолжение:

View this post on Instagram

A post shared by Moja Happy Muzika (@mojahappymuzika)

„Ѕвездата на Гранд“ пати од инсомнија па моли за помош, бидејќи се бори со проблем кој ја доведе до работ на нервен слом: „Не можам повеќе“

Антонио Димитриевски — Wed, 15 Mar 2023 12:52:50 +0000

Прославената учесничка од претходната сезона на „Ѕвездите на Гранд“, Атомска Мина изгледа како девојка која го живее својот сон и нема грижи на овој свет, но со последната објава на Инстаграм ги увери своите следбеници дека не е така и дека има мака. Мина има сериозен проблем што ја вознемирува во извршувањето на секојдневните обврски. Имено, пејачката се пожалила дека пати од несоница, на која влијае нешто што не може да го контролира, поради што излезе во јавноста и побара помош. „Ги молам луѓето да ми помогнат. Станувам во 3 часот ноќе и имам несоница, но ја имам делумно затоа што предметите постојано крцкаат низ мојот стан“ - започна Мина, а потоа детално објасни како се манифестира нејзиниот проблем. „Легнувам да заспијам цврсто, ми се крцка шкафот за чевли, па шушти фрижидерот, па крцка масата, па полицата... Различни предмети цело време крцкаат и само што ќе заспијам нешто пуцкета, како дрвото да е олабавување или не знам што е веќе?! Потоа го вклучувам телевизорот да не го слушнам тоа крцкање, а кога ќе го вклучам почнуваат да викаат, да се караат, да се дерат... ужас, тргнува некој хорор, бодат со ножеви. Не можам повеќе“ – рекла пејачката која се надева дека некој ќе и помогне да го надмине овој проблем. Фото: Инстаграм принтскрин/atomskamina

Ова е канцеларијата на Ким Kардашијан: Следбениците и порачаа – „Ова е ужасно“ (видео)

Слободанка Илиева — Fri, 24 Jun 2022 11:58:43 +0000

Ким Кардашијан неодамна покажа како ја уредила својата канцеларија. Снимката стана вирална на TikTok, а луѓето пишуваат дека никогаш не виделе понеудобен мебел. На снимката се гледа канцеларија уредена во скандинавски стил, а во еден момент се гледаат и столчињата во форма на триаголник наменети за гостите. „Мислам дека штотуку ги видов најнеудобните столчиња досега“, се вели во описот на објавата на снимката.

@kimkardashian @skkn ♬ original sound - Kim Kardashian

„Грбот би ме болел страшно“, „Попрво би седнал на подот“, „Тоа се столчиња за гостите да не седат предолго“, „Ова е ужасно“, се само дел од коментарите на TikTok. Многумина пишуваат дека едноставно е невозможно да седите на таков мебел повеќе од неколку минути. Некои напишаа дека Ким мебелот го користи само за украсни цели и дека најверојатно воопшто не ја користи канцеларијата. фото:принтскрин/тик ток

„Заслуживме“: Наташа Беквалац се почести себе си и ќерките – еден кревет чини 2500 евра (фото)

Слободанка Илиева — Fri, 11 Mar 2022 12:13:32 +0000

Пејачката Наташа Беквалац неодамна со ќерките се преселила во нов стан во Белград, кој целосно го реновирале, а сега покажа кои делови од мебелот сè уште им недостигале во домот. Наташа очигледно не штедела, а како што самата изјавила, ќерките и себе си ги почестила со нови кревети и маси. Пејачката напиша: „Го заслуживме“ и со своите следбеници сподели што се случувало. - Решив да ги почестам девојките и себе си за 8 март... затоа што тоа го заслуживме - напиша Наташа. А на снимката јасно се гледаат мајсторите кои го донеле мебелот и го составувале додека им помагала помалата ќерка на Наташа. Според Информер.рс, Наташа само за креветот на Хана дала 2.500 евра, а и купила неколку маси, француски кревет и комоди. фото:Инстаграм/Наташа Беквалац

Стојанче Ангелов доби конкуренција… или идеја за сопствен бизнис по заминување од политиката? (ВИДЕО)

Антонио Димитриевски — Sat, 25 Dec 2021 09:46:40 +0000

Стојанче Ангелов, некогашен македонски бранител во конфликтот од 2001-ва, полициски генерал, денес политичар и актуелен Директорот на Центарот за управување со кризи и е оддамна познат на македонската јавност по многу нешта. Покрај војникувањето и политиката, екс генералот стана познат и по своите боречки вештини. Меѓу другото, сечење лубеница со катана (сабја) врз нечии стомак додека човекот лежи и особено по кршењето ќерамиди... Со рака, односно тупаница и секако, неговата потесна или што би рекле, суб-специјалност, кршење ќерамиди со глава! Понекогаш заради тренинг и челичење, понекогаш заради облог, но и заради чиста забава, како што тоа беше на манифестацијата за доделувањето на Твитер наградите. https://www.youtube.com/watch?v=XiKQ3cBf32A&feature=emb_logo Видео кое преку ноќ стана вирален хит на социјалните мрежи, па го прослави Стојанче меѓу народот повеќе и од военото јунаштво и од политиката, во која со последните изјави покажува „визионерски способности“... Небаре е Нострадамус или маалски гатач, па во една од последните свои изјави околу коронапандемијата, генералот „претскажува“: „Политиките на Владата, се по основ на алгоритмите на СЗО, што се покажаа како успешни. Исто така, сметам дека има учени луѓе во опозицијата, поконкретно во ВМРО - ДПМНЕ, кои и самите знаат дека доколку и тие би биле на власт, состојбата би била иста, ако ме прашувате мене, можеби и полоша“ – рече Ангелов на ТВ 21... И тоа без да погледне во стаклената кугла. И додека штипскиот „ќерамидокршач“ ја претскажува политичката иднина, веројатно морајќи свесно да замижи пред суровата реалност на сегашноста во која живееме, како што мижат и оние на кои лубеницата им лежи на стомакот додека неговата катана ја сече, генералот доби конкуренција! Имено, Стојанче веројатно бил инспирација за добар маркетинг, па по мотитивите од неговото „ќерамидокршачко дело“, еден македонски бренд за мебел решил да направи реклама. Со тоа што малку ги испревртеле улогите, а и дрвото не е „ќерпич“ па така лесно не се преполовува. Можеби затоа што главниот јунак не е „генералот“ или дрвото на „Монако“ е ептен јако? Како и да е, Стојанче и неговиот познат удар со глава, станаа инспирација за реклама! Но, генералот не е само туѓа инспирација, зашто не е единствениот во светот што ја користи својата глава за стекнување на не само умствена слава. По светот има голема конкуренција што за Стојанче Ангелов може да биде нов предизвик, па дури и инспирација. Конечно, видеото подолу можеби ќе му послужи како идеја за отворање сопствен бизнис. Се разбира кога мандатот на прв човек на ЦУК ќе му истече, партијата чиј коалиционен приврзок е ќе падне од власт и замине во опозиција, а Стојанче остане без својата функционерска позиција. Впрочем, секој умен политичар што знае да ја користи главата, знае дека бргу минува славата, па по паѓање од власта веќе не припаѓаш на истата каста... Затоа, не е лошо да се има „план Б“ за иднината, а иднината лежи во „преработка“ на органската храна, која е ем уносен бизнис, како за некого овде марихуаната, ем е здрава... Особено ако имаш цврста глава! Фото: Фејсбук принтскрин

Драгана Мирковиќ покажа како изгледа нејзиниот дом за време на Велигден, но сите забележаа само еден детаљ (ФОТО)

Христина Ѓоргиевска — Fri, 30 Apr 2021 07:44:48 +0000

Српската пејачка Драгана Мирковиќ големиот христијански празник Велигден ќе го дочека како и повеќето граѓани - дома, во својот луксузен дом во Австрија. Како и сите верници, таа вапцала велигденски јајца, а со крајниот резултат се пофали на социјалните мрежи. За нејзиното дело пејачката доби многу пофалби и комплименти. Освен бојадисаните јајца, сите забелажаа како Мирковиќ го украсила домот за време на празникот, каде посебно внимание привлече мебелот на Версаче. За потсетување, Драгана со години живее во Виена заедно со својот сопруг Тони и децата Марко и Мануела. Фото: Инстаграм принтскрин/dragana_mirkovic

На познатата српска фолкерка глодари и го уништиле целиот мебел и ентериерот во викендичката на море (ФОТО)

Антонио Димитриевски — Mon, 19 Oct 2020 08:57:07 +0000

Познатата српска фолкерка доживеала необичен шок пред еден месец, кога пристигнала во нејзината викенд - куќа во Крачиќи во Црна Гора и го пронашла уништен сиот мебел и остатокот од ентериерот. Таа и нејзиниот сопруг Златко Ѓорѓевиќ прво помислиле дека влегле крадци во нивната викендичка покрај морето, бидејќи сцената била ужасна, слична на онаа по полициски или арамаски претрес. Но, наскоро се утврдиле дека ништо не им недостасува, и не се работи за крадци, туку за штетници. Во прашање се пухови (вид глодари) кои и влегле во куќата на Нада преку полуотворените прозорци и направиле хаос. „Не можете да замислите што направија од мојата куќа. Го изгризале мебелот, и сè што беше од дрво внатре. Тие дури изглодале и половина шише. Кога тогаш не добив мозочен удар, мислам дека никогаш нема“ - плачејќи објасни пејачката кога ја прашале за коментар. Нејзиниот сопруг Златко продолжил да објаснува како се случило глодарите да влезат во нивната куќа во Крачиќи. „Ги оставивме прозорците отворени на кип, моравме заради влагата, а на нив имаме мрежи против комарци, па бевме убедени дека ништо нема да се случи. Сепак, глодарите ја пробиле мрежата за комарци и влегле внатре. Најдов два пуха во тоалетот, влегле таму да пијат вода, а во кујнскиот мијалник пронајдов и неколку малечки од нив. Страшно е тоа што го направија. Го фрливме мебелот, ги варосавме sидовите и го дезинфициравме секој агол“ - ни се пожали сопругот на пејачката. Топчагиќ дојде во Белград минатата недела и планира да остане тука уште неколку дена, по што таа и нејзиниот сопруг ќе заминат во својата куќа на Тара, каде што го поминуваат поголемиот дел од своето време додека трае пандемијата на коронавирусот.

На Прија животот и прија, а уште повеќе парите на Боба и Брена: Прво искешира 160.000 евра за нов џип, сега 10.000 за мебел, плус вработила возач, дадилка и куќна помошничка!

Антонио Димитриевски — Fri, 04 Sep 2020 09:31:00 +0000

Дефинитивно за Александра Пријовиќ (24) нема криза! За време на корона пандемијата, кога повеќето пејачи едвај врзуваат крај со крај, снаата на Брена реши да ја обнови куќата на Бежаниска Коса, но и да ангажира личен возач, дадилка и куќна помошничка! „Пред една и пол година, Прија се пресели во нова куќа, за која таа и нејзиниот сопруг Филип платија половина милион евра. Иако тогаш комплетно ја опреми вилата, таа сега решила одново да го смени целиот мебел во дневната соба“ - вели извор близок на Александра и објаснува зошто пејачката тоа го прави: „Прија го разгали својот син Александар, па му дозволи да го обои целиот мебел со пенкала и извалка со храна! Неодамна и се смачи од тоа, па отиде во салонот за мебел да избере нов сет. Иако тргна по една работа и се допаднаа и фотелјите, полицата за книги, масата ... На крајот, сето тоа ја чинеше околу 10.000 евра!“ Но, тоа не е единственото нешто на што снаата на Брена троши пари за време на пандемија на коронавируси. „Прија ангажираше и личен возач, кој ја вози каде што ќе посака, а тој ќе ја вози и кога ќе започне да настапува. Таа многу ретко го вози својот нов џип самата, иако за него плати дури 160.000 евра! Пеачката вели дека возењето е стресно за неа, па решила да го ангажира возачот“ - вели добро информираниот извор и додава: „На нејзиниот платен список се наоѓа и нејзината нова куќна помошничка, но и дадилката која се грижи за малиот Александар. За него донеодамна се грижеа мајката на Прија, Борка, која сега е во Хрватска и мајката на Филип, Зорица Накиќ, која неодамна се врати во Шпанија. Сега тоа го прави бебиситерка, која Прија ја најде по препорака“ - резимира изворот.

View this post on Instagram

Family ✨ @aleksandra__official @f.zivojinovic #aleksandraprijovic #aleksandrazivojinovic #singer #serbiangirl #paparazzi #family

A post shared by Aleksandra Prijović ? (@aleksandraprijoviccc) on Sep 1, 2020 at 2:28pm PDT

Боки 13 го оставија „по гаќи“: Се’ што му беше запленето, ќе му биде конфискувано

Антонио Димитриевски — Thu, 18 Jun 2020 10:52:59 +0000

Конфискација на предмети и на пари на осудените Бојан Јовановски и Катица Јанева, определи денеска судијката Васка Николовска-Масевска при изрекување на пресудата во случајот „Рекет“. Како што беше речено, на Боки 13 му се конфискува облеката и накитот од скапи брендови, што му беа одземени од страна на обвинителката за организиран криминал Вилма Русковска во истрагата, како и повеќе уметнички слики, мебел и сè што му е стекнато со пуштањето во оптек на парите од земениот рекет. На Јанева, пак, ќе ѝ бидат конфискувани 50.000 евра, а ако нема пари на сметките, ќе бидат присвоени лични предмети или недвижнини во износот со кривичното дело. Денеска Кривичниот суд, Скопје на Јанева и Јовановски им изрече затворски казни во траење од 7 и 9 години. Извор:Курир.мк Фото:Боки13/Инстаграм принтскрин