мажи жени – Вистина.мк

Се’ би дале само да бидат понежен пол: Овие познати балкански пејачи станаа жени! (ФОТО)

Антонио Димитриевски — Mon, 25 Jan 2021 10:33:18 +0000

Сцената е исполнета со личности чиј изглед отстапува од стандардното и традиционалното. Приказните за мажи кои станале жени, привремено, делумно или целосно ја шокираа јавноста и си поиграа со традицијата и стереотипите на нашите простори. На оваа фотографија која кружи на социјалните мрежи, можете да ги видите: Азис, Боки13, Сестри, Наташа Маза, Невен Цигановиќ, Славко Калезиќ, Електра Елит и Божо Вреќо. Фотографија која предизвика вистинско цунами од коментари. Некои беа многу негативни, додека имаше и понекој позитивен каде ја пофалија нивната храброст да се појават во јавноста. Некои од пејач(к)ите тотално го сменија полот, како Наташа Маза и Електра Елит, додека други користеа женска гардероба, обувки на високи потпетици и силна шминка на сцената, но и во приватниот живот. Ќе го споменеме само оној, кој беше пионер на Балканот и прв го шокираше целиот регион. Популарниот бугарски пејач Азис веројатно беше првиот на овие балкански простори што го воведе овој тренд. Изгледаше многу мажествено, но се облекуваша и однесуваше како жена. Кај нас секско најпознат беше и остана Боки13. Особено после аферата „Рекет“, која се уште ја чека својата финална судска разрешница. Тој како и Азис сега направија неверојатни трансформации и од облекување во женска гардероба премина во вистински мажи. Барем навидум! Фото: Социјални мрежи

Кои се најчестите фантазии на мажите и на жените?

Христина Ѓоргиевска — Fri, 03 May 2019 13:00:25 +0000

Сексуалните фантазии не се тема на која често и јавно се разговара, но со сигурност се нешто за кое секој од нас размислува. Во едно истражување на оваа тема, спроведено пред неколку години во Канада, научниците анализирале 1.516 возрасни испитаници, од кои 799 биле мажи и 718 жени. На сите им биле поставени 55 прашања во врска со нивните еротски мисли. На прашањата се одговарало на сала од седум нивоа, од „целосно се согласувам“ до „воопшто не се согласувам“. Околу 85% од вкупниот број испитаници се изјасниле како хетеросексуалци, 3,6% како хомосексуалци, а останатите како „нешто помеѓу“, односно бисексуалци или со неодредена сексуална ориентација. Резултатите од истражувањето донекаде изненадуваат, а донекаде се очекувани. Мажите имаат сексуални фантазии почесто од жените, но разликата во проценти не е драстична. Најголема разлика меѓу половите се покажува во поглед на она што следи по фантазијата. Мажите во поголемиот број случаи сакаат да ги остварат своите фантазии, а жените јасно ги одвојуваат фантазиите од реалноста – кај нив не постои голема желба фантазирањето да се спроведе на дело. Ова се најчестите фантазии кај мажите и кај жените, според анализите на резултатите од истражувањето: Изненадувачки висок процент на жени (30 до 60%) рекле дека фантазираат за ситуации во кои ќе бидат во потчинета положба, од врзување и плескање по задникот до погруб или екстремно груб секс. Овие испитанички нагласиле дека не сакаат ваквите фантазии да им се остварат. Фантазиите што вклучуваат секс со странец исто така котираат високо на листата, а жените исто така често бираат и конкретни локации за ваквите фантазии. Високо на листата сексуални фантазии кај мажите котира сексот во тројка. Речиси ист процент од жените во истражувањето го делат тоа мислење, со таа разлика што мажите многу сакаат да им се оствари оваа фантазија, а жените повеќе се колебаат. Исто така, жените главно фантазираат за своите партнери, а кај мажите тоа не е случај. Тие главно фантазираат за прељуба, а предмет на фантазија се најчесто жени кои ги познаваат од нивната непосредна околина. Примањето орален секс исто така високо котира, но пружањето причинува нешто помало задоволство. Многу мажи фантазираат да ја „фатат“ партнерката „во акција“ со друг маж, што не е случај со жените. Истражувањето покажа и дека хетеросексуалните мажи изразиле значително поголем интерес за анален секс. Во поретките машки фантазии спаѓа сексот со проститутка или сексуална злоупотреба на жени онеспособени со алкохол. Истражувачите од Универзитетот Квебек во Монтреал исто така заклучиле дека жените главно не сакаат детално да ги опишуваат своите фантазии, додека мажите не се воздржуваат од изнесување детали, дури и оние „најсочните“. Интересен податок од истражувањето е и „фасцинантната спротиставеност“ на некои резултати, велат истражувачите. Тука спаѓа информацијата дека луѓето кои фантазираат за потчинетост често имаат фантазии во кои се доминантни, но не го исклучуваат и другото, односно сето тоа се поврзува со „виши нивоа на задоволство“. извор: курир.мк

Како се однесуваат зрелите луѓе по раскинување на врската?

Христина Ѓоргиевска — Fri, 18 Jan 2019 16:30:03 +0000

По раскинување на врската, некои луѓе се чувствуваат повредено, тажни се и намалено им е нивото на самодоверба. Меѓутоа, ако ги насочите своите мисли во вистински правец, побрзо ќе закрепнете и на здрав начин ќе го продолжите животот по разделбата. Неколку терапевти издвоија шест однесувања на зрелите луѓе по раскинување на врска: Нема да им се вратат на поранешните партнери Зрелите и сериозни луѓе не им праѓаат пораки на бившите во 2 наутро. Можеби и кај нив се јавува потребата за таква комуникација, но тие разумно успеваат да одолеат на тој нагон и нема да се јават или да пратат порака. „Тие знаат дека има причина зошто врската не функциониралаи наместо да продолжат да се обидуваат да ја поправат врската, прифаќаат што и како изгубиле и стануваат имун на потребата да се вратат на поранешните партнери“, вели Арон Андерсон, советник за брачни и семејни проблеми. Не се обвинуваат себе си и не играат улога на жртва Зрелите луѓе се трудат да бидат позитивни по раскинувањето. Иако сфаќаат дека направиле грешки, не влегуваат во магепсаниот круг на вина, туку преземаат одговорност за своите грешки и се фокусираат на тоа да станат посилни и попаметни личности. „Не треба да се обвинувате себе си бидејќи тоа ќе ве направи немоќни, ќе се чувствувате слаби и ќе мислите дека никој не ве сака. Зрелите и паметни луѓе преземаат одговорност и продолжуваат понатаму со живото“, вели терапевтката Олга Блох. Не дозволуваат загубата да ги дефинира „Луѓето кои се сметаат за зрели никогаш нема да си дозволат раскинувањето да ги карактеризира како личности. Иако ова искуство е многу тешко и болно, тие учат од него и стануваат отпорни на болката“, вели терапевтката Сузан Краус. Авторката Нора Ефрон во една од нејзините книги го опишува разводот како процеш што траел многу подолго од бракот и дека на крајот сфатила колку долго тој развод ја дефинирал и бил главната работа во нејзиниот живот. Наскоро сфатила дека тоа не треба да биде така и тргнала во друг правец. Не се сметаат за непривлечни само заради тоа што не им се привлечни на бившите Вашата вредност не зависи од тоа колку сте привлечни и колку некој ве сака, особено ако станува збор за поранешниот партнер. Кога самоуверена личност ќе раскине, таа уште е свесна за своите квалитети и можности. „Луѓето кои можат јасно да видат кои се и што можат да направат, без проблеми можат да продолжат понатаму по раскинувањето бидејќи знаат дека ако поранешниот партнер не ги цени, ќе се појави некој кој ќе го прави тоа. Тие знаат дека одбивањето и раскинувањето не значи дека нешто не е во ред со нив, туку гледаат на раскинувањето од друга страна. Знаат дека секое раскинување значи дека се чекор поблиску до личност која навистина ќе ги цени и ќе ги сака онакви какви што се“, вели Блох. Не се обидуваат да победат во раскинувањето Зрелите луѓе по раскинувањето се трудат да бидат најдобра верзија на себе и не се обидуват да им наштетат на бившите на кој било начин. Свесни се дека и двајцата претрпеле загуба и продолжуваат понатаму без никакви проблеми и потреба и понатаму да се врзуваат за пропаднатата врска. Не го носат товарот од претходната врска во новата Сите со себе носат делови од врските и односите со луѓето со кои биле претходно, но она што е вистински предизвик е да не дозволиме товарот од претходната пропадната врска да го влечеме во наредната и со тоа од старт да ѝ наштетиме. „Зрелите луѓе си даваат време да закрепнат од раскинувањето, да сфатат што не функционирало и што сакаат од себе и од следниот партнер. Знаат дека раскинувањето не е само нивна вина и не им е страв да се соочат со сѐ што направиле погрешно и како да не го повторат тоа во следната врска“, вели Андерсон. извор:кајгана

Конечно потврдено: Kој лаже повеќе- мажите или жените?

Горан Силјановски — Thu, 17 Jan 2019 14:30:52 +0000

Освен полот и годините, и околината игра улога во одлуката дали некој ќе ја каже вистината или не, откри една најнова научна анализа. Едно неодамна спроведено истражување конечно го потврди она во кое жените одамна се сомневаат: мажите лажат повеќе од жените! Во обемното истражување на научниците од институтот Макс- Планк, биле собрани податоци од 565 помали истражувања за лажењето во кои учествувале вкупно 44.000 испитаници. Резултатите покажале дека годините и полот влијаат врз тоа колку често лажеме. Анализата беше објавена во стручното списание Psyhological Bulletin. Во анализата на истражувањата спроведени во изминативе неколку години, научниците откриле дека најчесто лажат мажите и помладите луѓе. Во истражувањата биле правени мали експерименти, како фрлање паричка. Секој испитаник требало да ја фрли паричката и да му го каже резултатот – петка или глава – на назначениот истражувач. Оној што ќе добие резултат „глава“, добива пари. На крајот на експериментот бројот на исходи „глава“ и „петка“ требало да биде отприлика ист за сите испитаници. Меѓутоа, во речиси сите случаи, мажите почесто излажале дека им се паднало „глава“ за да добијат пари – мажите излажале во 42% од случаите, а жените во 38% од случаите. Мажите почесто лажат бидејќи се повеќе подготвени на ризик -Ова би можело да биде едно од можните толкувања на резултатите од истражувањето. Мажите почесто ризикуваат да бидат „фатени во лага“ и затоа не се воздржуваат од лажење, за разлика од жените, велат научниците. Исто така, на жените им е потешко да лажат ако со тоа наштетуваат некому.

Женската лага за време на сексот која ги шокира мажите

Ивана Стојанова — Sun, 28 Oct 2018 10:33:08 +0000

Според истражувањето спроведено врз 2.300 испитаници, дури 67 отсто од жените барем еднаш во животот глумат оргазам. Но, тоа за мажите не е ништо ново. Она што ги изненадува е причината поради која жените се решаваат на лажен оргазам. Дури 50 отсто од жените признале дека глумат оргазам за сексот што побрзо да заврши. Интересно е што дури 28 отсто од жените глумат дека се завршило прекрасно за да не го повредат својот партнер, а 32 отсто жени откриле дека не можат да доживеат оргазам поради својата несигурност и окупираност со изгледот.