маски – Вистина.мк

Другарките во диско шема за „Ноќта на вештерките“: Катарина Ивановска и Ана Стојановска маскирани, како од хорор филм лансирани (фото)

Слободанка Илиева — Wed, 01 Nov 2023 08:10:41 +0000

Секоја година на 31-ви октомври во голем број земји се слави празникот „Ноќта на вештерките“, а овој глобален тренд на маскирање од година во година не се одминува ниту кај нас. Додуша, за разлика од минатата година поголем дел од познатите Македонци како да сфатија дека ова не е во нашата традиција и нема зошто би се обележувал кај нас, па денот, одосно ноќта помина како и секоја друга, а не специјална за празикот кој се верува дека има пагански корени. Сепак, поединци, без оглед на возраста ја активираа својата фантазија и имагинација, преобразувајќи се во разни страшни ликови и суштества, па вечерта беше идеална за журка низ скопските клубови. Познатите другарки, манекенката Катарина Ивановска и актерката Ана Стојановска се споија за заедничка забава под маски, па од она што го покажаа на своите Инстаграм „стори“, инспирација веројатно им беа „Адамс фемили“. Тикви, портокалово светело, морничави маски и музика по вкус, им ја направи повозбудлива вечерта на Ана и Катарина заедно со друштвото, па моментите ги споделија јавно. Додека за манекенката и нејзиниот приватен живот, односно за наводниот инцидент меѓу нејзините екс- партнери кружат вести по порталите, нејзе очигледно не ја тангира медиумскиот фокус, па си ја тера на забава. Со или без маски, што е тука е и до каде е! фото: ERICA SIMONE/GETTY IMAGES/ Instagram printskrin/Ana Stojanovska

Како да ги мотивирате децата да носат маска и да им објасните зошто е тоа важно

Христина Ѓоргиевска — Mon, 27 Sep 2021 13:00:00 +0000

Иако порано хируршките маски најчесто ги носеа здравствените работници, носењето маска стана секојдневие поради моменталната пандемија во светот. Целата ситуација е особено збунувачка за децата. Експертите велат дека треба да им се објасни на децата зошто сите носат маски. Исто така, неопходно е да им објасните на детски јазик што е коронавирус. Покрај тоа, треба да им се даде доволно време за да ја разберат и прифатат ситуацијата, да се ослободат од сè што не им е јасно и да им се даде секаков вид поддршка. Маските покриваат голем дел од лицето, а поради тоа децата не се во можност да го пронајдат она што го бараат кај другите, а тоа е насмевката. Ова ги прави децата да се чувствуваат несигурно, но со едноставен разговор тие ќе разберат зошто е тоа така. За некои деца, носењето маска создава непријатност, додека другите веќе долго време се навикнати. Погледнете што можете да направите за да го мотивирате вашето дете да носи маска. Охрабрете ги децата да ги украсуваат своите маски На овој начин децата ќе се чувствуваат како да имаат контрола врз ситуацијата. Можете да ги украсите маските заедно со различни бои или со што сакаат тие. Направете го носењето маска забавно Со маски и игра децата ќе влезат во улогата на лекарите и другите медицински професионалци и ќе се грижат за своите играчки. Дајте им време да се навикнат на маските Ако сте меѓу луѓето кои сè уште ги следат препораките на надлежните институции и редовно носат маски надвор, дозволете им на вашите деца да носат маски пред да ја напуштат куќата и на тој начин создадете им навика. извор: курир.мк

Петар Нечовски слави слава по протокол: Пејачот кон попот со должно внимание, ама на пропишано растојание (ФОТО)

Антонио Димитриевски — Wed, 09 Dec 2020 09:06:52 +0000

Пред новогодишните празници за православните верници започнува периодот на големите слави... Всушност нив ги има речиси преку цела година, но оние најзначајните некако се сега во доцната есен и зимата... Таков и денот кога верниците со православна вероисповед го празнуваат Свети великомаченик Георгиј Победоносец или во народот попознат како посен Свети Ѓорѓија. Освен како семејна слава, овој голем ден се празнува и како именден и како слава на цели села и градови. „Како ослободител на плениците и заштитник на сиромашните, лекар на немоќните, помошник на владетелите, победоносецот, великомаченик Георгие, го моли Христа Бога да ги спаси нашите души“. И покрај забраните за групирање, собирање, дружење на повеќе од четворица заради корона опандемијата, народот длабокопочитувајќи си ја верата, сепак слави. Слават многумина, меѓу кои и некои познати и популарни личности од македонската естрада. Еден од нив и охриѓанецот, познатиот фолк пејач Петар Нечовски. Освен по своите песни, познат како дружељубив човек, другар, пријател, со весело срце и широка душа, Петар не пропушти она што си е ред и адет да си го направи на денот на домашната слава - Свети Ѓорѓија. Славата е посна, па домаќинката традиционално зготвила пржена риба, разбирливо охридска пастрмка, а славата без свештеник не ја бидува, па уште рано изутрина пејачот реши да си го испочитува редот и попот беше првиот гостин кај Нечовски на денот на славата. Но, Петар не е само добар домаќин, туку и одговорен граѓанин, па добро знае дека и за време на славење и адети, мора да се испочитуваат протоколите. Не дека некој ќе дојде рано посабајлечки да те проверува, туку, ако веќе меѓудругото славата е за здравје на домаќините и потесното и пошироко семејство, убаво е да придонесеме здрвјето и да се зачува. Зашто чумата на 21-от век, „ламјата“ која Свети Ѓорѓија ја прободува со копјето за да не не проголта, е секаде околу нас. Па затоа, за да не ни се случи од пред врата да ја пуштиме дома и Петар Нечовски и домаќинката, ама и попот ги испочитуваа протоколите. И домаќините го дочекаа и свештеникот ја вршеше својата богослужба во нивниот дом - со заштитна маска. Пејачот и домаќинката кон попот со должно внимание, ама на пропишано растојание! А, потоа... од рипчето ќе мора да се касне, секако без маска. Ама, ако... Свети Ѓорѓија да поможит и... Нека е за многу години! Среќна слава домаќине. И тебе и на сите други што ја слават!

Цеца го запали Инстаграм: Ѕвездата на журка под маски меѓу двајца мажи – посекси никогаш не била (фото)

Слободанка Илиева — Mon, 16 Nov 2020 09:34:32 +0000

Цеца Ражнатовиќ на својот Инстаграм профил стави објава од која започна лавина од коментари. Имено, таа стави црна маска на очите, а потоа сподели со своите придружници како изгледала за време на забавите под маски и напиша: "Мистична сабота навечер. Дури и да се соблечеме, ќе останеме со нашите маски!", напиша таа односно сподели стих од нејзина песна. Откако ја прележа короната, Цеца како да не се грижи за мерките за ззаштита,а нејзиното однесување е целосно ослободено од преокупација за пендемијата.

Секс строго со маски – најави директорот за јавно здравје

Христина Ѓоргиевска — Fri, 09 Oct 2020 12:00:13 +0000

Сексот во пандемија може да биде комплициран, најдобро е да го прескокнете бакнувањето, а можеби и да носите маска за да спречите ширење на Ковид-19. Сексот во пандемија може да биде комплициран, вели водечкиот лекар во Канада, и најдобро е да го прескокнете бакнувањето, а можеби и да носите маска за да спречите ширење на Ковид-19. Д-р Тереза Там, главен директор за јавно здравје во Канада, во средата издаде јавно соопштение за тоа дека ќе останете безбедни од вирусот при вршење сексуални активности. “Сексуалното здравје е важен дел од нашето целокупно здравје. Сепак, сексот може да биде комплициран во времето на Ковид-19 …”, се вели во соопштението, со што се зголемуваат ризиците за партнерите кои се вклучуваат со луѓе надвор од нивното домаќинство. Прво треба да се воспостави врска со доверба и партнерите исто така треба да размислат за користење маска што ги покрива носот и устата, вели Там. Тековните докази покажуваат дека постои многу мала веројатност да се зарази со новиот коронавирус преку сперма или вагинални течности. Сепак, дури и ако луѓето кои се вклучени немаат симптоми, сексуалната активност со нови партнери го зголемува ризикот од добивање или поминување на Ковид-19 преку близок контакт, како бакнување “, се вели во нејзината изјава Сексот треба да се избегнува ако било кое лице има симптоми на Ковид-19, се вели во соопштението, што сугерира „ограничување на употребата на алкохол и други супстанции, за да можете вие и вашиот партнер да донесете безбедни одлуки“. Се разбира, исто така, се повтори најчестиот здравствен совет – да продолжите да практикувате безбеден секс, вклучително и со употреба на кондоми и познавање на статусот на себе и на вашиот партнер. „Преземајќи ги овие мерки на претпазливост и останувајќи свесни за ризиците што ги претпоставуваме, Канаѓаните можат да најдат начини да уживаат во физичката интимност додека го штитат напредокот што сите сме го направиле во знаењата за Ковид-19“, заклучува извештајот на д-р Там. Канада забележала повеќе од 129.000 случаи на Ковид-19, вклучително и 9.135 смртни случаи, според Агенцијата за јавно здравје на Канада. извор: дневниновости.мк

Изум за време на пандемија: Заштитна маска која преведува осум јазици

Христина Ѓоргиевска — Wed, 05 Aug 2020 12:45:54 +0000

Јапонската стартап „Донат Роботикс“ измисли паметна маска за време на пандемијата на коронавирус, која помага во комуникација и при физичко дистанцирање. Паметната маска Ц-Фејс може во комбинација со апликација да препише диктат, да го зголеми волуменот на гласот на корисникот и да преведе говор на осум различни јазици. Маската има отвори на предната страна, па затоа не штити од Ковид-19, и треба да се носи преку стандардна заштитна маска. Таа е направена од пластика и силикон и има вграден микрофон, кој преку блутут може да се поврзе со смартфон. Ц-Фејс нуди можност за превод на осум јазици: кинески, корејски, виетнамски, индонезиски, англиски, шпански, француски, и обратно. извор: Курир.мк

„Hurricane“ со заштитни маски на лицето го претставија видеото за „Roll The Dice“, посветено на светската борба со коронавирусот (ВИДЕО)

Антонио Димитриевски — Tue, 31 Mar 2020 09:22:15 +0000

Несудените годинешни евровизиски претставнички на Србија, женското вокално трио „Hurricane“ го претстави видеото за „Roll The Dice“. Членките на популарната група ја посветија оваа песна на храбри доктори, медицински сестри, војници, полицајци, жени ... Поточно, на сите оние кои во моментов се борат на епидемијата на вирусот корона на свој начин. Некои храбро извршувајќи ги работните задачи, останатите слушајќи ги советите на надлежните државни органи и не го напуштаат домот. Самото видео е во согласност со мотивот на оваа песна. Ивана Николиќ, Сања Вучиќ и Ксенија Кнежевиќ имаат маски на лицето, а улиците, аеродромите, парковите и другите јавни места се празни, како показател како и треба да биде моменталната состојба. Погледнете го видеото во продолжение: https://www.youtube.com/watch?time_continue=60&v=hgbkHdFmIiY&feature=emb_logo

Нема потреба да ги перете по секое носење: Како најдобро да ги дезинфицирате маските од платно по носењето?

Христина Ѓоргиевска — Wed, 25 Mar 2020 13:45:51 +0000

Поради недостаток на хируршки маски во аптеките, многумина беа креативни и започнаа да прават свои. Сепак, веднаш се појави прашањето како да се дезинфицираат и да бидат безбедни за носење, а да не се перат секој ден? Експертите дадоа едноставен одговор на ова прашање – нема потреба да ги миете после секое носење. Сè што треба да направите е да ја вклучите пеглата на пареа и со неа да ја стерилизирате маската која сте ја носеле тој ден. Всушност, пеглата со пареа е најдобрата дезинфекција не само за маски, туку и за сите работи што ги носите – блузи, јакни, панталони. Само поминете со пеглата на двете страни на вашите маски, па дури и облеката, и ќе направите да бидат 100% дезинфицирани. извор:Курир.мк

„Корона стајлинг“: Вака изгледаат маските на македонските познати личности (фото)

Христина Ѓоргиевска — Wed, 25 Mar 2020 08:13:18 +0000

Коронавирусот или „Ковид 19“ ни стави „кочница“ на секојдневниот живот, обврски, навики, активности. Брзината со која се шири вирусот предизвика да го ставиме секојдневието на пауза и малку да му дадеме одишка на пребрзото темпо на живеење. Во исто време и не освести, не разбуди да ги цениме вистинските вредности, да имаме повеќе време за себе и своите најмили. „Ковид 19“ прво се појави во Кина, а потоа многу брзо се прошири во Италија, регионот, целиот свет....и во нашата мала држава Македонија. Секој ден расте бројот на заболени лица, а надлежните препорачуваат да се почитуваат превентивните мерки за заштита од короната. Имено, она што е добра и позитивна страна на “чумата на 21 век“ е што може да придонесеме да престане да се шири. Дражаваните институции и здравствените организации преземаат мерки за заштита, а едни од нив се често миење на рацете со топло вода и сапун, седење во изолација односно не треба да излегуваме од дома, а ако го правиме тоа да носиме заштита поточно маски и ракавици, друга мерка е да избегнуваме контакти со други лица... Голем број од македонските јавни личности се придржуваат кон препораките и апелираат до граѓаните да ги почитуваат. Имено, естрадните уметници ги откажаа и своите настапи во државата и регионот, а многумина од нив се наоѓаат во своите домови. Тие често знаат да се јават преку социјалните мрежи и на своите фанови да покажат како го поминуваат времето, а пејачите знаат да се приклучат лајв и да поразговараат со своите фанови, да запеат и слично. Но, кога треба да се излезе од дома и да се завршат некои обврски, познатите користат заштита односно маска и раквици Вака изгледаа нашите јавните личности со „корона стајлинг“

Мелита Ракиќевиќ

Дарко Спејко

Вера Мештеровиќ

Димитар Атанасовски

Елена Ристеска

Тамара Тодевска

Лила Филиповска

Инфектолог за заштитните маски: „Се носат најмногу 3 часа!“

Слободанка Илиева — Mon, 23 Mar 2020 13:20:34 +0000

Професор д-р Андреј Трампуж е еден од најпознатите европски инфектолози. Потекнува од Словенија, а веќе долго работи во Берлин, во болницата „Charite“. „Заштитната маска може да се носи најмногу три часа. После тоа време таа станува влажна, а кога е влажна, со самото тоа е и заразна и неефикасна за заштита“, објаснува д-р Трампуж. Д-р Предраг Кон, епидемиолог и член на експертскиот тим во борба против коронавирусот, објаснил и кога всушност треба да се користат маските. „Маските треба да ги носат сите оние кои имаат било какви респираторни проблеми, без оглед дали тие се поврзани со коронавирусот или некое друго заболување. Здравите лица, без симптоми на инфекција, не треба да се носат на отворено 'туку-така'. Се препорачува само кога влегувате во затворени простории, како возила и здравствени установи“, вели доктор Кон. извор:точка.ком.мк