маска за лице – Вистина.мк

Оваа маска ќе направи чудо со вашето лице во зима

Христина Ѓоргиевска — Sat, 20 Jan 2024 08:22:50 +0000

Во текот на зимата нашата кожа е изложена на негативни влијанија, кои можат да ја исушат и да придонесат таа да изгледа лошо. Со цел да го освежите своето лице можете да направите маска од портокали. Две лажици сок измешајте со две лажици брашно и смесата нанесете ја на чисто лице. Смесата нека отстои 20 минути, а потоа измијте го лицето со млака вода. Оваа маска ќе направи чудо. Таа посебно одговара на жените кои имаат мрсна кожа. Добро е маската да ја нанесувате еднаш неделно. извор: курир.мк

Длабински ја чисти кожата, а се подготвува од само 2 состојки: Маска за лице со која ќе имате блескав и рамномерен тен

Христина Ѓоргиевска — Tue, 01 Feb 2022 14:00:06 +0000

За вашата кожа да изгледа убаво и подолго време да го задржи младешкиот изглед, неопходна е секојдневна нега. Дерматолозите, покрај кремите за хидратација, препорачуваат и редовно користење на маски за лице, а најдобри се оние кои се подготвуваат во домашни услови од природни состојки. Лицето трпи големи последици поради штетните фактори. Сонцето, прашината, ветерот... сето ова го нарушува изгледот, па затоа овозможете ѝ закрепнување на кожата со оваа маска. Чистите пори гарантираат блескав тен, а кога ќе започнете да ја применувате оваа маска во вашата рутина за убавина, за брзо време ќе забележите драстична разлика.

За подготовка ви се потребни:

- 2 лажички овесни снегулки - 1 лажичка сода бикарбона Изблендирајте ги овесните снегулки во прав, а потоа додајте 1 лажичка сода бикарбона и неколку капки вода за смесата да се соедини. Бидете внимателни со додавањето вода за пастата да не стане премногу ретка. Добиената паста нанесете ја на лицето и оставете ја да се исуши. По 20 минути измијте со млака вода, а претходно можете да направите и блага масажа на лицето. Познато е дека содата е одлична за целиот организам, па така и за кожата. Маската делува како благ пилинг кој ги отстранува мртвите клетки и вишокот маснотии и ја намалува можноста за појава на акни. Овесните снегулки ја омекнуваат кожата, а содата има благо антивоспалително и антисептичко дејство, па е одлична во овој период кога секојдневно носиме заштитни маски кои го иритираат лицето. извор: кармин.точка.мк

Маска за лице која ги брише годините: 4 природни состојки за ефикасна борба против брчките

Христина Ѓоргиевска — Mon, 20 Sep 2021 13:00:07 +0000

Замислете да не треба да трошите пари за скапи третмани и креми и вашето лице да изгледа младешко, затегнато и сјајно. Добрата вест е дека сето ова е можно благодарение на јапонската маска за лице. Јапонките се познати како добро уредени и млади дами, и често користат помош за нега на кожа од кујната. Една од најпопуларните домашни маски кај Јапонките е онаа со авокадо, кое ги чисти порите, и обезбедува на кожата доволно влага и го забавува стареењето.

Препорачливо е да ја користите оваа маска еднаш неделно, а резултатите ќе бидат видливи по вториот третман.

Состојки:

1/4 авокадо
лимонов сок
пола супена лажица маслиново масло
една супена лажица мед

Подготовка и примена:

Исечете го авокадото на четвртини и отстранете го делот што се јаде со вилушка, а потоа изгмечете го. Ставете го во сад и додадете сок од лимон, мед и маслиново масло. Пред да ја нанесете маската на лицето, натопете крпа во топла вода и држете ја на лицето неколку минути за да ги отворите порите. Нанесете ја маската со четка за маска или прсти. Држете на лицето 15 минути, додека не се исуши. Исплакнете го лицето со млака вода и исушете со чиста крпа, а потоа нанесете хидратантна крема. извор: попара.мк

Совршена за летниот период: Маска за лице која ги намалува знаците на стареење и го враќа сјајот на кожата

Христина Ѓоргиевска — Mon, 12 Jul 2021 12:00:37 +0000

Во текот на летниот период на кожата ѝ е потребна дополнителна нега, а оваа маска ќе ѝ го врати изгубениот сјај. Се користи еднаш неделно, а лицето веднаш станува посвежо и поблескаво. Кога следен пат ќе пиете кафе, не го фрлајте талогот бидејќи тој може да послужи како козметички препарат. Добро е познато дека кафето е состојка која се користи во козметичката индустрија, а тоа јасно говори колку е тоа добро за кожата. Кафето изобилува со антиоксиданси кои се заслужни за младешкиот изглед на кожата. Со редовната употреба на оваа маска за лице можете да ги ублажите знаците на стареење и да го вратите сјајот и еластичноста на кожата.

За подготовка ви се потребни следните состојки:

- 2 лажички мелено кафе - 2 лажички какао во прав - 3 лажички полномасно млеко или јогурт - 1 лажичка мед

Примена:

Добро измешајте ги сите наведени состојки и нанесете ја смесата на лицето. Нежно измасирајте за подобра циркулација, а потоа оставете ја да отстои 15 минути. Исплакнете со млака вода и продолжете со вашата секојдневна рутина за нега на кожа. извор: точка.мк

Ја поттикнува регенерацијата на кожата и ги елиминира брчките: Моќна маска за лице од само 3 состојки

Христина Ѓоргиевска — Tue, 18 Aug 2020 12:00:01 +0000

Ако имате проширени пори или сакате да направите пилинг со кој ќе ги отстраните мртвите клетки од кожата, тогаш оваа маска е за вас! Покрај тоа, маската ќе ѝ ја обезбеди потребната влажност на кожата и ќе ја нахрани, што директно влијае на намалување на брчките на лицето.

За припрема ќе ви биде потребно:

- половина шолја мед - 3 супени лажички свеж исцеден сок од портокал - 1 лажичка морска сол Измешајте ги сите состојки во еден сад и маската е спремна за користење. Нанесете на сува, чиста кожа и оставете 15-тина минути да делува, а потоа измијте го лицето со млака вода. Како оваа маска делува на кожата? Медот е богат со антиоксиданси и поттикнува регенерација на ткивата. Длабински ја храни кожата и го враќа нејзиниот сјај. Лимонската киселина од портокалот ќе го изедначи тенот и ќе ги ублажи сите флеки на лицето, додека морската сол е задолжена за пилинг и отстранување на мртвите клетки кои го нарушуваат блескавиот изглед. извор: точка.мк

Направете чудо од вашето лице, подгответе си маска од портокал и сода

Христина Ѓоргиевска — Fri, 24 Apr 2020 12:00:40 +0000

Колку и да уживаме во маски за лице, од време на време не е лошо да си подготвиме нешто и самите. Сода бикарбоната е бомба за ексфолијација на кожата и за отстранување на црнките. Додавајќи малку сок од портокал, ќе ги затегнете порите и природно ќе ја избелите кожата благодарение на витаминот Ц. Подготовка: Измешајте една лажица сода бикарбона со една лажица сок од портокал за да добиете густа смеса. Нанесете тенок слој на лицето, вратот и на деколтето. Ќе почувствувате пецкање, но тоа е зашто маската делува. Оставете ја да стои 20 минути. Намокрете ги врвовите од прстите и тријте со кружни движења за дополнителна ексфолијација. Исплакнете го лицето и уживајте во неговиот свеж сјај. Предупредување: Може да забележите мало црвенило по миењето, но тоа ќе исчезне за кратко. Оние со чувствителна кожа може да ја остават маската да делува пократко време. извор: Курир.мк

Колку долго се задржува коронавирусот на заштитната маска за лице?

Христина Ѓоргиевска — Wed, 08 Apr 2020 12:00:34 +0000

Со оглед на тоа дека коронавирусот примарно е болест на респираторниот систем, заштитната маска за лице не е површина до која не може да дојде вирусот. Замислена е како средство кое го штити лицето на тој што ја носи од вдишување на ситните капки кои се исфрлаат кога некој болен ќе се накашла или ќе кивне. И се разбира, обратно – ги штити луѓето во околината кога тој што ја носи ќе кашла или ќе кива. Бидејќи примарниот материјал од кој се прават маските е ткаенина, ново истражување објавено во научното списание Lancet открива дека коронавирусот на маските за лице може да преживее до седум дена. Зачудувачки, но траги од тој вирус може да се најдат на заштитните маски дури и на седмиот ден, наведуваат авторите на студијата. Властите ширум светот советуваат заштитните маски да се носат постојано додека трае пандемијата на коронавирусот за да се заштитат од заразата. Сепак, недостигот од N95 маски многумина натера да импровизираат – од марами, делови од стари маици, марамчиња итн. Без оглед на тоа од каков материјал се направени, на сите нив вирусот може да живее до една недела. Некои го знаат тоа, па маските ги перат или ги фрлаат после носењето. Како и да е, треба да се избегнува да се допира надворешниот дел од маските или ако се допре, да се дезинфицираат рацете веднаш после тоа за вирусот да не навлезе преку прстите во устата, носот или очите, од каде што има слободен пристап до целиот организам. Извор: Иновативност

Домашна маска за чисто лице

Слободанка Илиева — Mon, 24 Feb 2020 14:20:04 +0000

Направете маска за лице од природни состојки. Потребни ви се 1 лажица мед, 1 шолја чај од камилица и половина мала шолја јаболков оцет. Измешаје мед и оцет, па додајте камилица, оставете малку да отстои, па нанесете на лицето. Оставете 10-15 минути, па измијте го лицето. Ќе забележите подобрување во рекордно време, вашето лице ќе биде чисто и убаво. Напомена: Природните рецепти не се замена за традиционалната медицина, ниту за лекарствата препишани од доктор. Природните рецепти служат само како додатоци во исхраната и превенција. Не ги употребувајте доколку сте преосетливи на некоја од природните намирници. извор:готви.мк

Пролетна маска за освежување на вашето лице

Моника Манасиевска — Tue, 03 Apr 2018 10:29:58 +0000

Добијте лице без акни и темни точки- оваа маска помага врз избелување и изедначување на тенот на кожата на лицето.

СОСТОЈКИ:

1 лажици сода-бикарбона
јаболкова киселина
1/2 лимон
1 лажица мед

ПОДГОТОВКА:

Во половина чаша вода (40 ml) додадете 1 лажица јаболкова киселина. 2 мали лажици сода бикарбона постепено растворете во мешавината со вода и киселина. Додадете сок од поливина исцеден лимон на мешавината и на крај додадете го медот. Мешајте неколку минути се додека не се добие хомогена смеса.

КАКО ДА ЈА КОРИСТИТЕ МАСКАТА:

Пред нанесување на лицето потребно е убаво и темелно да ги измиете и исчистите лицето од остатоци од шминка. Ова ќе ги отвори порите и лицето ќе може послободно да дише. Убаво исушете со мека и топла крпа. Нанесете ја маската полека и оставете да стои на лицето 5-10 минути . Остранете ја маската внимателно и измијте го лицето со топла вода и завршете со ладна вода со цел да ги затврите порите. Со оваа маска ќе добиете сјајна кожа и кожа со поздрав изглед.