машко-женски односи – Вистина.мк

Милица Дабовиќ откри детали од својот интимен живот, а со нејзината изјава ги шокираше сите (фото)

Слаѓана Атанасова — Mon, 14 Nov 2022 10:23:17 +0000

Милица Дабовиќ откри некои детали од нејзиниот живот кои до сега не ги знаевме, а во таа прилика откри и каде згрешила во минатото, кога се во прашање машко-женските односи. - Моите мажи ми земаа се, јас само ги ширив нозете цело време, сакав, давав и буквално ми земаа се, вклучително и почит, љубов и пари. Јас сум само тоа што сум, во тие моменти сакав се, да свети, да биде како во бајка, и мојот принц кој го најдов, и мојот претходен партнер и таткото на моето дете, но не успеав во тоа. Затоа сега сум многу внимателна, и сега слушам и многу ми е интересно и учам затоа што од ден на ден кога имаш толку лошо искуство во животот и кога твоите партнери на крајот од денот ќе ти земат се заработено со твоите две раце и две нозе и си играл само кошарка и ти го направиле животот пекол, ти сега ќе мислиш поинаку, па дали би го дозволила сега истото, не. Дали сум таква денес? Не сум - изјави Милица Дабовиќ во емисијата „Магазин Ин“. Милица смета дека ако мажот не е задоволен во бракот, тогаш ќе најде друга. -Го имаш и тоа, ако не им дадеш првиот пат, ќе оди да бара друга. Ќе најде некоја каде што ќе се испразни - додаде Дабовиќ. Да потсетиме, поранешната кошаркарка Милица Дабовиќ неодамна реши да отвори профил на социјалната мрежа за возрасни „Онли фанс“ каде девојки и мажи ги продаваат своите интимни фотографии и видеа. Фото: Принтскрин/Инстаграм

Мажите полудуваат по жените кои ја имаат оваа особина

Слаѓана Атанасова — Thu, 20 Oct 2022 13:30:16 +0000

Психолозите истакнуваат дека мажите секогаш се вљубуваат во жени со особина која е попривлечна од физичкиот изглед. Дознајте дали ја поседувате и вие. Привлечноста најчесто се поврзува за физичкиот изглед. Истражувањата покажуваат дека за мажите попривлечно од физичкиот изглед е среќата. Додека набљудувате позитивна, оптимистична и среќна личност, верувате дека покрај неа и вие ќе бидете такви. Насмеаните и ведрите лица секако се попривлечни од намрштените и премногу сериозните. Жените кои зрачат со среќа и позитивна енергија се исклучително привлечни за мажите. Кога е покрај ваква жена, тој се чувствува поопуштено, повеќе комуницира, а насмеаните лица изгледаат поубаво, посвежо, помладолико. Жените кои секогаш гледаат добро дури и кога ситуацијата е негативна, се силни поради чувството на оптимизам. Тој нивен позитивен став ги импресионира мажите и ги прави привлечни за низ, бидејќи зрачат со посебни вибрации. Извор:Кајгана.мк

За да им опстане врската, пејачката Гоца Тржан призна дека си „игра“ во креветот со Раша (фото)

Слаѓана Атанасова — Fri, 07 Oct 2022 10:40:03 +0000

Пејачката Гоца Тржан гостуваше во емисија каде зборуваа за машко-женските односи, но допреа и до темата за „Вијагра“. - Модерната медицина не мора да прави лекови „вијагра“ за жени, туку мора за мажи - истакна Гоца без влакна на јазикот. - Не е потребно, но што би рекла мојата соседка: „Ние жените секогаш можеме да лежиме на грб“ - рече Неда и предизвика громогласна смеа кај сите во студиото. - Луѓе, мора прво да играте, повеќето на одредена возраст престануваат да си играат - рече Гоца. - Еве јас собирам сликички - низ смеа додаде Горан Весиќ во новото издание на емисијата „Магазин ин“. Фото: Принтскрин/ТвПинк

Еден фактор е клучен зошто жените сакаат доминантни мажи

Слаѓана Атанасова — Thu, 06 Oct 2022 14:00:26 +0000

Не е некаква тајна дека многу жени, без разлика колку се самостојни и успешни, сепак преферираат доминантните мажи да им се прв избор. Тоа го покажаа и многубројни студии, а главно станува збор за несвесни избори кои доведуваат до тоа. Жените повеќе сакаат лоши момци Иако можеби мислите дека станува збор за стереотип, сепак во реалноста станува збор за факт. Доминантните мажи се повеќе склони на пороци, како пушење цигари и пиење алкохол, но и на импулсивни реакции. Ваквото однесување возбудува одредени жени, па така стануваат лесна цел. Мажите добиваат контрола, а жените доминација. Добрите мажи се помалку интересни За некои жени поинтересно е да чекорат кон непознатото, со тип со кој ќе доживеат луди моменти отколку романтични прошетки и моменти со партнерот. Влијание од детството Да се биде доминантен, доколку умеете да ја најдете вистинската мерка, може да биде пожелно. Но, не и ако премине во насилно однесување. Моќните мажи можат да бидат заводливи, но треба да обрнете внимание на тоа дали одлуките во врската се донесени под принуда. Кога се мешаат агресија и малтретирање со доминација Кога подобро ќе размислиме, нашите партнерски односи често се условени со начинот на воспитување. Можеби некој од родителите бил доминантен, па тоа влијаело на изборот на партнер. Во тој случај, партнерот личи на родителот, бидејќи тоа е познат образец. Веројатно некои жени не се ни свесни за тоа, но го очекуваат тоа на што навикнале во своето семејство. Извор:Кајгана.мк

Прашања што ќе ви покажат дали сте со вистинскиот партнер

Слаѓана Атанасова — Tue, 04 Oct 2022 13:45:36 +0000

Темите поврзани со пари, започнување заеднички живот и поранешни љубови може да бидат малку незгодни. Но, тоа не значи дека партнерот/партнерката треба да го игнорира вашиот обид да дојдете до одговори за нив. Ако од која било причина другиот станува вознемирен кога ќе го замолите искрено да ви каже од каде му е толку голема сума пари на сметката или станува особено чуден кога ќе ѕирнете во неговото минато, не треба да замижувате на таквите ситуации. Директниот одговор на овие прашања е многу важен... Како заврши твојата последна врска? Ако раскажувате приказна за поранешните љубови и на саканиот му го поставите ова прашање, а тој на секој начин се труди да го избегне одговорот, тоа е аларм пред кој не смеете да бидете слепи. Важно е да знаете што е тоа што тргнало наопаку во поранешната врска на вашиот партнер. Можеби бил измамен, а можеби бил тој што изневерил. Не ве интересираат сочните детали, туку дали има причина за загриженост. Дали има некој податок за твоето лично здравје за кој треба да знам? Секој од нас има право да ја чува својата здравствена историја за себе. Меѓутоа, ако вашиот партнер боледувал од некоја болест која можеби предизвикала стерилитет, треба да го знаете ова. Исто така, треба да се биде отворен за познати и потенцијални сексуално преносливи болести. Би било добро да знаете дали некогаш имал проблеми со депресија, зависност од алкохол или наркотици. Ако не е подготвен да зборува, мајте трпение, но ако не сака, тоа е знак дека нешто не е во ред. Дали можеш да го замислиш нашиот заеднички живот? Иако е неблагодарно да се зборува за иднината на самиот почеток на врската, сепак е важно да знаете дека и вие и вашиот партнер се стремите кон исти работи. Ако не сака да ви даде одговор на ова прашање, тоа е затоа што не знае каде сака да оди врската. Можеби сега врската е забавна и необврзна, но не ве гледа како партнер со кој може да живее заедно. Дали сакаш еден ден да стапиш во брак? Кога го поставувате ова прашање, не фокусирајте се конкретно на одговорот на партнерот колку на неговата подготвеност да зборува за такви работи. Ако е подготвен да разговара за тоа со вас, тоа може да ви даде индикации за тоа дали можете да планирате за иднината со таква личност или не. Меѓутоа, доколку одбие да зборува за брак, поврзување и создавање семејство, а тоа е нешто што вие го сакате, најдобро би било да ја заобиколите таквата личност. Дали би одел/а на терапија за парови со мене? Ако партнерот реагира лошо на идејата да побара стручна помош со вас, ако во иднина наидете на несовладлив проблем, тоа е гласен аларм. Тоа покажува ниво на незрелост и неподготвеност да направи сѐ што е потребно за да ја направи вашата врска успешна. И ако теоретски не е подготвен да се бори за вас, нема смисла да се борите за двајцата. Извор: Кајгана.мк

Знаци кои откриваат дека не сте со вистинскиот маж за вас

Слаѓана Атанасова — Wed, 28 Sep 2022 13:00:30 +0000

Можеме да мислиме дека човекот кој го сакаме е совршен за нас, но телото ни испраќа сигнали дека можеби не сме во право. Тоа е така бидејќи се што мислиме и чувствуваме се преведува во говор на телото. Тоа е нешто што не може да го контролираме. Кога нешто ќе тргне наопаку, го чувствуваме тоа. Еден од главните симптоми дека нешто не е во ред е вознемиреноста. Личноста која доживува силен стрес можеби не го разбира тоа, но затоа доживува напади на паника и отежнато дишење. Кои сигнали ни ги испраќа телото кога личноста во која сме вљубени не е вистинската за нас? Ако секој пат кога ќе помислите на партнерот, насмевката исчезнува од вашето лице, тоа укажува дека односот со него не ви носи радост, дека не сте среќни. Сте ја изгубиле самопочитта Вистинскиот маж ни дава позитивни емоции и ја зголемува нашата самодоверба. Ако постојано се сомневате во себе, се преиспитувате, размислувате дали нешто сте го направиле добро, а притоа ви паѓа самодовербата, најверојатно сте со погрешен партнер кој не влијае позитивно на вас. Се чувствувате емоционално и психички исцрпено Потсетете се како се однесува вљубена личност. Изгледа како да може се, како да не постои препрека на патот. Тоа е така затоа што партнерот кој ни одговара ни дава сила и енергија, мотивација. Но, ако поголем дел од времето се чувствувате исцрпено, тоа сугерира дека овој маж не е за вас. Сте изгубиле интерес за тоа што ви се допаѓа Кога сте среќни в врска, продолжувате да живеете свој живот како и кога сте биле сами, го правите тоа што го сакате, се дружите со мили луѓе, имате ваши интереси. Не престанувате да живеете онака како што сте живееле само за да ги задоволите потребите на партнерот. Во спротивно, ако веќе не го правите тоа што го сакате, ако сте се оддалечиле од милите луѓе, тоа е јасен сигнал дека врската има негативно влијание на вас и вашето однесување. Не спиете добро Причини за лош сон има многу, но покрај стресот една од нив е и изборот на погрешен партнер. за да спие некој добро, мора да биде спокоен, опуштен, без грижи и проблеми кои му дишат во врат. Ако не сте во можност добро да спиете покрај партнерот, запрашајте се дали сте со вистинскиот маж за вас. Ако вашето тоа не може да се опушти покрај него, тоа ви кажува многу. Извор:Кајгана.мк

Научно објаснето зошто мажите не разбираат што им зборуваат жените

Слаѓана Атанасова — Thu, 15 Sep 2022 13:30:23 +0000

Дури и во најдобрите врски постојат ситуации во кои мажите немаат поим што им порачуваат жените. Коренот на проблемот се крие во различниот начин на размислување кај мажите и кај жените. Ова не ги нервира само жените, туку и мажите бидејќи тие сметаат дека често неоправдано се прогласени за виновни, без да направат нешто лошо. „Љубовта е поим кој не е лесно да се објасни, бидејќи под него подразбираме многу видови љубов кои вклучуваат и различни нијанси на чувства. Жените тие ситни разлики можат да ги препознаат и често се лутат ако забележат дека мажот воопшто не разбира за што зборува жената кога зборува за љубов“, вели Коди Комерс, професор по експериментална психологија на Оксфорд. Напомнува дека разликите се природни и дека жените треба да ги разберат бидејќи произлегуваат од природата на нашето размислување. „На пример, жените го ценат патувањето, а мажите се повеќе насочени на самата цел. Работите ги проценуваат по тоа дали можат да им помогнат да го постигнат тоа што го сакаат во животот. Значи, на работите гледаат дали има некоја функционална вредност и колку е таа поголема, повеќе ќе го ценат тоа што им се дава“, објаснува Комерс. Сепак, во принцип љубовта не може да ја проценуваме без оглед на целите. Во љубовта нема цел или можност да освоите повеќе бодови и прво место, па веројатно тоа е и причината поради која жените на таквото размислување не гледаат позитивно. „До недоразбирање најчесто доаѓа затоа што мажите ја сакаат партнерката или сопругата поради тоа што таа може да го направи за нив. Љубовта на мажот, на пример, може да произлегува од фактот дека жената ја гледа како идеална за основање семејство или проценува дека може да биде добра поддршка за неговата кариера. Тоа не значи дека на мажите ова им е единствената инспирација за љубов, но му е многу важна. Но, тоа не е баш основа за романтична врска, бидејќи кога се менуваат ситуациите се менуваат и улогите, како и „корисноста“ на другата личност за остварување на одредени цели па мажите полесно излегуваат од врската“, тврди Комерс. Другиот вид љубов, кој се темели на тоа што е другата личност, а не само што може да направи за вас, за машкиот мозок може да биде товар. Поради тоа мажите тешко ќе одговорат на прашањето зошто сакаат некого. Тие ја опишуваат функцијата на таа личност, како алат што им е ним корисен, а тоа не одговара на тоа што жените го сакаат и посакуваат, наведува Комерс. Се разбира, сите мажи не се исти, но ако наидете на еден таков добро решение е да имате на ум дека „само“ љубовта во односот со него едноставно не е доволна основа за среќна врска. Мора да размислите дали можете да бидете одговор на потребите на мажот. Односно, дали можете да бидете алат за постигнување на неговите цели. Извор:Кајгана.мк

Микроизневерување – нов поим за новиот тренд во машко – женските односи!

Антонио Димитриевски — Mon, 08 Jan 2018 09:51:54 +0000

Микроизневерувањето не е доволно големо за да се нарече изневерување, но сепак се работи за непочитување на партнерот и токму тоа говори дека нешто не е како што треба во врската. Овие се првите симптоми на микроизневерувањето: Барате совет (само за да остварите контакт) од некој навистина згоден човек. Вие се интересирате за нешто што лесно можете да го дознаете од пријателката или од Google, но одлучувате да стапите во контакт со вашиот супер згоден колега, иако знаете дека “невиниот” разговор лесно може да ви го олесни флертувањето … Доколку ја премолчите оваа ситуација пред вашиот партнер, јасно е дека не било сè толку наивно. “Омилени” на социјалните мрежи. Секој од нас се воодушевува од некој на социјалните мрежи, и тоа е во ред … Меѓутоа, ако постојано го посетувате профилот на некое поранешно момче, одреден познаник или личност која ја познавате, внимавајте да не пораснат симпатиите од виртуелни во реални. Интерни зафркации за кои никој друг не знае. Ако имате пријател или другар со кој имате тајни и само ваши “фори” кои никој друг не ги разбира или сфаќа, запрашајте се стварно дали ви е навистина тој човек само пријател…И дали доколку партнерот има таква другарка би ви било сеедно? Допишување кое ја преминало границата. Секој поставува различни граници, но она што е вулгарно е навистина вулгарно. Ако тоа вклучува сексуална илузија или емоции, тоа сигурно е знак дека вашето срце не припаѓа целосно само на еден човек. Заклучок: социјалните мрежи и достапниот интернет насекаде си го направија своето! Извор:Убаво.мк