машка контрацепција – Вистина.мк

Доаѓа машка контрацепција! Се нанесува на рамениците, а еве како делува!

Слаѓана Атанасова — Mon, 05 Dec 2022 15:00:01 +0000

Контрацепцијата кај мажите се уште е во фаза на истражување, се применува со мачкање на рамениците и делува на тој начин што го намалува бројот на сперматозоиди. Машката контрацепција која се втрива во рамениците на момците е на пат да делува подобро од апчињата. Хормонскиот гел „Несторон“, како што го нарекуваат во периодот на истражување, ги изненадува научниците со својот успех во испитувањата. Десетици парови, вклучително и околу 40 во Обединетото Кралство, ја тестираат пионерската контрола на раѓањето. Резултатите од студијата сè уште се во тајност, но истражувачкиот тим досега нема пријавено ниту една бременост. Водачот на студијата д-р Дијана Блајт вели: – Восхитени сме. Не ги предвидовме резултатите што ги добивме, па затоа сме многу среќни. Досега, тие се добри како најефективните методи за жените, вклучувајќи ги интраутерините помагала и импланти. Несторонот делува така што го намалува бројот на сперматозоиди на помалку од милион на милилитар, во споредба со нормалните 15 до 20 милиони. Веќе е одобрен за употреба кај жени, каде што го спречува ослободувањето на јајце клетките од јајниците. Новата машка верзија се меша со тестостерон за да ги замени хормоните во крвта – но не и тестисите. Бавната верижна реакција на хормоните значи дека мажите можат да пропуштат ден или два од третманот без страв од случајна бременост. Но, методот е реверзибилен и некои парови ја напуштиле студијата за да основаат семејства. Ќе треба да следи поголема и подолга студија за да се докаже колку е ефикасен. Ако се биде во ред, гелот би можел да се најде во аптеките до 2030 година, пренесува „TheSun“. Извор:Попара.мк

Нова контрацепција за мажите: Заборавете на кондомите, пристигна новата контрацептивна пилула за мажи

Наташа Тасевска — Fri, 13 Apr 2018 09:10:07 +0000

Контрацептивните таблети не ја намалуваат сексуалната желба кај мажите Пред неколку месеци, првата машка контрацептивна пилула беше тестирана, а потоа беше покажано дека кај повеќето тестирани мажи таа предизвикува депресија, го намалува либидото, ги зголемува акните, болката во мускулите и води кон чести промени во расположението. Затоа беше спроведен уште еден тест на 83 мажи во период од еден месец и половина и овој пат тестирањето помина успешно.

Контрацептивната таблета не ја намалуваат сексуалната желба кај мажите. Позната е како "диметандролон ундеканоат" и се состои од масни киселини со долг синџир кои го забавуваат процесот на деградација. Затоа е доволно да се конзумира еднаш дневно. Машките пилули функционираат исто како и пилулите за жени, што значи дека ја комбинира активноста на андрогени - машки хормони како тестостерон и прогестин. Резултатите покажаа дека се намалени нивоата на тестостерон кај мажите кои употребиле пилула од 400 мг, но само ако ја употребувате пилулата заедно со храната. Секој од испитаниците добил мала тежина и забележан е низок степен на добар холестерол. „Многу мажи се огласија и рекоа дека би сакале да земаат дневна пилула како реверзибилна контрацепција, а не долгорочни инјекции“, велат експертите.

Прв машки гел за контрацепција – еве како се користи

Слободанка Илиева — Tue, 26 Dec 2017 09:17:35 +0000

Првото средство за контрацепција кај мажите кое се нанесува како лосион драматично ќе го намали бројот на спрематозоиди. По речиси цела деценија истражувања, научници од САД ќе почнат да го тестираат гелот за контрацепција кај мажи во април идната година. Гелот треба да се мачка на рацете и на рамената секој ден. Досегашните тестирања во текот на шест месеци се покажаа успешни – кај 89% од мажите кои учествувале во истражувањето бројот на сперматозоиди се намалил на помалку од 1 милион на милилитар, што е многу мал број за да може жената да забремени, додека кај 78% од мажите целосно изостанало производството на сперма. Во текот на истражувањето биле користени два типа на гел на различни делови од телото, а сега ќе се комбинираат во еден производ. Тестирањето на тој нов гел ќе трае четири години и досега ќе биде најголемиот постигнат резултат кога станува збор за контрацепцијата кај мажите. Повеќе од 400 парови од САД, Велика Британија, Италија, Шведска, Чиле и од Кенија ќе учествуваат во истражувањето. Мажите ќе треба да мачкаат по половина лажица гел на надлактицата. Гелот се суши за една минута. Гелот треба да го намали бројот на сперматозоиди во текот на 71 часа, па нема да биде проблем ако заборават да намачкаат нешто. Дури и доколку истражувањето е успешно, ќе поминат неколку години додека гелот ќе се продава во јавноста. Извор: Иновативност.мк