маша – Вистина.мк

Маша е скопско дете со руска душа на шпанско тло, за која допрва ќе се слушне преку – „Voices“ (ВИДЕО)

Антонио Димитриевски — Tue, 18 Jan 2022 11:01:22 +0000

Русинката Маша се појави пред неколку години на македонската сцена и по неколкуте одлични песни покажа дека е зрела за големи нешта. Бидејќи музиката нема граници, младата пејачка од Валенсија, Шпанија започнува да ги прави првите чекори по светскиот музички пат. Ако се прашувате зошто токму од Валенсија, затоа што Маша пред неколку месеци се запиша на реномираниот „Berklee College of Music“ за целосно да се посвети на својата најголема љубов - музиката. „Voices“ е насловот на нејзината најнова песна, но овојпат на англиски јазик. Токму Маша е автор на текстот, додека пак на музиката и аранжманот ги потпишуваат Панче Касапски, Маша и Лазар Цветкоски. „Морам да кажам дека сум горда на ова што го направивме со тимот. Благодарна сум и на Панче, Лазе, Даниел, бидејќи го добив тоа што одамна го замислував во мојата глава. Се надевам дека песната ќе и се допадне на публиката, до мене веќе пристигнуваат доста позитивни критики. Ова е само мотив за мене да продолжам понатаму и дека сум на вистинскиот пат“ - вели младата Маша. Разбирливо, Маша за „Voices“ сними и видеоспот, а довербата и овојпат му ја даде на добро познатиот Даниел Јовески кој повторно направил ново мало ремек-дело. Слушнете ја, погледнете и споделете... Ова е Маша со нејзините „гласови“:

Маша се прашува – „Дали ти ќе дознаеш“? (ВИДЕО)

Антонио Димитриевски — Tue, 26 Jan 2021 12:16:06 +0000

Македонската музичка сцена и тоа како е желна за нови имиња кои ќе ја освежат и ќе создадат нешто ново и поинакво од она што сме навикнати да го слушаме и гледаме со години. Факт е дека на поп-сцената во Македонија ретки се млади артисти кои умеат да донесат нов и модерен звук, а токму едно такво име е младата пејачка Маша. Маша е Русинка која веќе неколку години живее во нашата земја. Неодамна таа сними песна на македонски јазик со наслов „Дали ти ќе дознаеш“, на која како автор на музиката се потпишува Панче Касапски, стиховите ги напишал проверениот мајстор Огнен Неделковски, а аранжманот и миксот ги изработил Лазар Цветковски. Несомнено одлична екипа за „влез“ на македонската музичка сцена. Дека е задоволна од новата песна потврди лично и Маша: „Многу сум задоволна од тоа како звучи песната. Да бидам искрена, јас не ги познавам многу луѓето кои работаат музика во Македонија, но по консултација со неколку мои блиски пријатели, решив да ја изберам и да работам со оваа екипа. Исто така не смеам да го заборавам и режисерот на видеото, Даниел Јовески, кој направи одличен спот“ – изјави Маша. И се разбира, прашањето кои многумина би сакале да и го постават: Зошто на Македонски јазик, а не на руски? Одоговрот на Маша е едноставен: „Јас тука живеам, тука се образувам, го научив одлично Македонскиот јазик и немав дилеми за тоа дали да пеам на руски или на македонски“ – вели Маша. Инаку ова е само почеток за младата пејачка. Маша планира да биде продуктивна кога е во прашање создавањето на новa музика и тоа се разбира, на македонски јазик... А, сега проследете ја темата „Дали ти ќе дознаеш“: https://www.youtube.com/watch?v=3RgAETnA1rQ

Нова причина за радост и позитивна енергија: Лоба и свршеникот се решија за нов член во нивниот живот (фото)

Слободанка Илиева — Wed, 29 Apr 2020 06:40:12 +0000

Во вакво време невреме кое го живееме сите, несомнено ни е потребна дополнителна позитувана енергија која ќе ја акумулираме од нештата што не исполнуваат и не прават среќни. Пејачката Викторија Лоба неодамна преку социјалните мрежи откри дека во изолација посветува време за вежбање и одржување на телесната форма, се храни здраво, готви, чита книги, слуша музика... Но, сега по неколку години се реши на чекор од кој заедно со свршеникот Ѓорѓи имаат нов член во домот. Лоба пред неколку години со тешко срце се збогуваше со својата најверна пријателка, пекинезерот Нола, а иако е голем љубител на животните, и беше тешко да се одлучи да ја замени откако почина, односно да земе нов миленик кој постојано ќе биде со неа. Сега дојде вистинското време за да се одлучи на таков чекор, па деновиве се пофали дека сега ја вдомила преслатката Маша, кученце од популарната раса помпериан. Со прошетките заедно со неа, но и голем дел од времето поминато дома, Лоба има дополнителна причина за радост, смеа и позитивна енергија. Доколку ви паднало на ум да вдомите некое животниче и сте голем љубител, сега е вистинското време да си го разубавите и онака пореметеното секојдневие.

(ФОТО) Стопена од среќа: Малечката Маша ја преплави мама Здравкица со емоции!

Слободанка Илиева — Thu, 28 Dec 2017 08:05:21 +0000

ТВ и радио водителката Здравкица Милиќ крајот на годината што за брзо време ќе ја испратиме, ќе ја памети по среќните моменти за кои е заслужна нејзината најголема среќа – ќеркичката Маша. Кон средината на месец ноември Маша наполни четири години, а мама Здравкица за првпат ја прати во градинка, да се социјализира, да си игра со дечињата и да се адаптира на едно поинакво секојдневие. Овој предпразничен период и малечката Маша беше дел од првата приредба организирана од градинката, а Здравкица блесна од радост со полно срце гледајќи ја својата наследничка. -Приредба, јас стопена, напиша водителката во описот на фотографија каде позираат со Маша за да го овековечат моментот.

Дека е бескрајно благодарна на Бога што ја има титулата мајка, е и повеќе од очигледно, особено во моменти кога својот плод на љубовта го гледате како расте пред вас.

Инаку, Здравкица периодов паузира од работа, па може комплетно да му се посвети на сопругот и своето мало, а најголемо богатство.