мартин вучиќ – Вистина.мк

Мартин Вучиќ за татка си: „За мене секогаш татко над татковците!“

Слободанка Илиева — Mon, 25 May 2020 08:05:15 +0000

На почетокот на месец мај почина македонскиот музичар, композитор и водител Драган Вучиќ. Неговата смрт беше последица на коронавирусот со кој Драган се инфицираше и не успеа да се избори. Денес по речиси еден месец откако почина на Инфективната клиника во Скопје, неговиот син, музичарот и актуелен директор на Народниот ансамбл „Танец“, Мартин Вучиќ, уште еднаш сакаше да потсети кој беше неговиот татко Драган за останатите, но најмногу за него. „За некого беше музичариште, за некого басист бр1, за некого шоумен, за некого композиториште.... За мене секогаш татко над татковците!“ – пишува Мартин на својот Фејсбук. https://arhiva.vistina.com.mk/radio-mileva/koj-beshe-dragan-vuchikj-i-shto-se-ostavi-zad-sebe-foto-video/ За потсетување, од корона вирус беше заразена и мајката на Мартин и соопруга на Драган Вучиќ, Весна, која успеа да се излекува со крвна плазма.

Мартин Вучиќ ретко ја покажува сопругата, а за оваа нова фотографија русокосата убавица ги собра сите пофалби (фото)

Слободанка Илиева — Fri, 20 Dec 2019 08:26:56 +0000

Поранешниот поп пејач, а денес музичар на ударни инструменти и актуелен директор на Македонскиот ансамбл за народни игри и песни „Танец“, Мартин Вучиќ, е доста резервиран за откривање детали кога е во прашање приватноста. Тој во месец јуни 2018 година се ожени со својата сакана и сегашна сопруга Сања, а се дотогаш вешто од јавноста ја криеше врската и идентитетот на својата партнерка. Дури на свадбата Вучиќ ја покажа својата понежна половена со која се врза. Од свадбата помина повеќе од една година, а се до неодамна Мартин не покажал јавно ниту еден заеднички момент. За промена тој неодамна за насловна фотографија на својот профил на Фејсбук, постави таква со сопругата, веројатно од некоја свеченост, каде и двајцата изгледаат елегантно, тој во црн костум, а таа во елегантна црна тоалета. Најмногу комплименти собра Сања на која пријателите и поласкаа дека е вистинска убавица и дека заедно се совршен пар.

Секогаш полна куќа Македонци: Татјана Лазаревска го угости Мартин Вучиќ во Австралија (фото)

Слободанка Илиева — Wed, 13 Nov 2019 08:49:49 +0000

Од 17-ти до 24-ти ноември во Мелбурн, Канбера и во Сиднеј, по повод 70-годишнината од постоењето, ансамблот „Танец“ гостува во Австралија. На чело на членовите на Националната установа е директорот Мартин Вучиќ, кој по пристигнувањето се упати на австралиско-македонска адреса каде го угостија со полна трпеза. Во Австралија кај и да си, кај естрадното брачно дуо Татјана и Новица мора да си! Кај нив, за секој Македонец вратата е отворена, а особено за колегите од музичката фела кои редовно ги посетуваат кога се на турнеја. Директорот Вучиќ заедно со колегата Бубе од „Форуна“ направија и една фотографија за спомен од посетата и убавата дружба кај Тања, а таа по пракса ја објави фотографијата на својот Инстаграм опишувајќи ја со зборовите: -Моите драгоцени гости и колеги од Македонија, пишува Лазаревска. Инаку, неодамна на гости кај Новица и Татјана беа и Благица Павловска и Маријана Новачевска. Фото-спомен имаше и тогаш, а веруваме дека албумот со македонски гости во Австралија на пејачката е доста богат!

„Ќе биде пеколно тешко“: Мартин Вучиќ со поддршка за Тамара и прогноза за останатите учесници на Евровизија

Слободанка Илиева — Wed, 15 May 2019 09:05:53 +0000

Актуелниот директор на Националниот aнсамбл за народни игри и песни на Македонија, „Танец“, Мартин Вучиќ, по првата полуфинална вечер на Евровизија во Израел, се огласи на својот Фејсбук профил со статус посветен на големиот музички натпревар. Тој напиша статус со поддршка до Тамара Тодевска, а не само што и поласка дека е маестрално пеачиште, туку и прогнозираше дека на останатите претставници кои ќе пеат во иста вечер со Тамара, ќе им биде особено тешко.

Еве вака...Јас утре вечер сакам да им дадам поддршка на 17-те други земји учеснички затоа што нив ќе им биде пеколно тешко да се носат со гласот и песната на нашата Тамара Тодевска. Верувајте од лично искуство го зборувам ова...Особено тешко ке и биде на последната земја претставничка бидејки ке треба да го превземе микрофонот што нашата "баба рога"пејачиште ке го предаде...Mислам дека не е многу скап покривот за Арената во Скопје :-) GO GO GO... „Proud“- порачува Мартин Вучиќ.

Инаку, Мартин ја претставуваше Македонија во Киев во 2005 година со песната „Ти си сон“ или „Make my day“.

Вучиќ настапи седумнаесетти по ред и освои 97 поени, пласирајќи се на 9 место во конкуренција на 25 исполнители, и се квалификуваше за финалето.

Драган Вучиќ откри детаљ од приватноста на Мартин за која тој никогаш не зборува јавно

Слободанка Илиева — Wed, 13 Mar 2019 08:17:25 +0000

Голем број познати личности седнаа да се возат во градски автобус низ Скопје во емисијата „Возење со Вучиќ“, а наспроти Драган на автобуското седиште досега седеа од водители и пејачи, до спортисти и композитори... Но, овој пат редот му дојде на Драган за тој да застане од другата страна како соговорник во интервју за ТВ магазинот „Ексклузив“. Темата на која најмногу говореше Вучиќ беше љубовта и долгогодишниот брак со радиоспикерката Весна, а меѓу другото откри и мал детаљ од приватноста на неговиот син Мартин Вучиќ кој изминатото лето се ожени со својата избраничка Сања.

Новинарката не го заобиколи прашањето за бракот на неговиот син, а Драган имаше кус одговор за синот и снаата, но алудираше на тоа дека младите генерално чекаат да помине многу време додека се решат на брак.

Тие беа заедно пет години и нормално беше да се земат. Тие се еден многу убав пар. Меѓутоа за младите сега, нека не ми забележат, некако се дистанцираат едни од други. Збориме и од машки и од женски. Тие се во свој филм, овие во свој филм, вели Вучиќ за „Ексклузив“.

За потсетување, Драган и неговата сопруга Весна станаа свекор и свекрва во месец јуни 2018 година. Нивниот син – единец, музичарот и актуелен директор на Националната установа за народни игри и песни „Танец, Мартин Вучиќ, направи гламурозна свадба со својата сакана Сања во ресторанот „Ла Тана за свадби“ во Скопје.

Мартин пред петнаесетина години го отпеа хитот „Рано е да се врзам“ кој потоа стана еден вид на химна на момчињата кои не брзаат да стапат во брак или сериозна врска. Мартин кој никогаш не зборува јавно за својот приватен живот, за свадбата направи преседан и тогаш изјави: ‘Рано ми е да се врзам’ отиде во историјата, бидејќи јас веќе поодамна се врзав со љубов“.

Васил Ангелов ја претстави својата „Музика“ (ВИДЕО)

Антонио Димитриевски — Fri, 28 Dec 2018 11:27:26 +0000

Се сеќавате ли на младото момче кое толку веродостојно ги пееше кавер верзиите на хитовите на Тоше Проески како „По тебе“ или „Надеж“на Лозано?

Васил Ангелов е млад тинејџер кој потекнува од музичко семејство. Негов татко е академскиот музичар и долгогодишен член на групата „Арија“, Здравко Ангелов, па не е ниту чудно, ниту изненадување што музиката полека од хоби на Васил му станува идна професија. Токму деновиве тој ја издаде својата прва солистичка песна проследена со видеоспот, едноставно насловена „Музика“.

Интересно е тоа што со неа на сцената се враќа и Мартин Вучиќ кој овој пат се јавува како комплетен автор на музиката, стиховите и аранжманот на песната. Истата е снимена, миксана и мастерирана од Љупчо Соколовски.

На младиот Васил очигледно е дека не му недостасува музикалност, а од она што може досега да се слушне испеано од него, јасно е дека располага со моќен, но суптилен вокал кој токму потсетува на гласовите неговите идоли Тоше и Лозано, што укажува дека се работи за голем потенцијал од најновата генерација на македонската естрада.

„Музика“ е визуелизирана со видеозапис кој го потпишува „Блек меџик продукција“. Зад камерата стоеле Љупчо Павловски, Љупчо Соколовски и Никола Автовски, која се потпишува и како монатажер и режисер на видеото кое можете да го погледнете во продолжение: https://www.youtube.com/watch?v=9ErkgIhUFdU

Среќни луѓе: Драган Вучиќ стана свекор – син му Мартин се „врза“! (ФОТО)

Антонио Димитриевски — Sun, 10 Jun 2018 05:46:20 +0000

Драган Вучиќ и неговата сопруга, радиоспикерката Весна, добија снаа. Нивниот син - единец, музичарот Мартин Вучиќ завчера, петок, 8 јуни 2018, направи гламурозна свадба со својата избраничка Сања во ресторанот „Ла Тана за свадби“ во Скопје.

Поранешниот поп пејач, а денес музичар на ударни инструменти - член на Македонската филхармонија, на свадбената веселба собра и дел од естрадата и познати лица од шоу бизнисот, како и голем број на јавни личности, со кои го прослави почетокот на заедничкиот живот со долгогодишната девојка Сања.

Во 2005 година, тој ја претставуваше Македонија на Евровизија во Киев - Украина, со песната „Make My Day“каде успеа да обезбеди влез во финалето.

Пред седум години, тој одржа успешен концерт во Универзалната сала наречен „Песни за душа“, каде што изведе повеќе стилизирани, традиционални македонски песни. Дел од нив, тој му ги посвети на својот дедо од страна на мајка му, легендарниот музичар на народни инструменти, Пеце Атанасовски.

Мартин пред петнаесетина години го отпеа хитот „Рано е да се врзам“ кој потоа стана еден вид на химна на момчињата кои не брзаат да стапат во брак или сериозна врска. Музичарот кој никогаш не зборувал јавно за својот приватен живот, сега ќе изјави:

„Долгогодишната врска со Сања ја крунисавме со брак, во присуство на многу роднини, пријатели, драги гости. 'Рано ми е да се врзам' отиде во историјата, бидејќи јас веќе поодамна се врзав со љубов“.

Меѓу највеселите свадбари секако, свекорот Вучиќ-сениор, кој засвири на својот инструмент - бас гитарата и запеа, а во една од турите друштво му правеше и Бени Шакири, кој со сестра му Нора и семејствата беа дел од многуте гости на свадбената веселба на Вучиќ.