мартин мила – Вистина.мк

Мартин Мила процени дека неговиот роденден е како „Создаден“ за нова песна (ЛИРИК ВИДЕО)

Антонио Димитриевски — Mon, 04 Apr 2022 09:47:48 +0000

По пауза од 3 години, талентираниот музичар Мартин Мила се враќа со нов сингл наречен „Создаден“. „Помина многу време, цели три години, па и повеќе откако ви немам напишано допис за нов сингл… Како што би рекле „се заборавивме“. Некои и ми велат: 'Ајде бе Мартин, кога ќе извадиш некој хит, те снема'. Навистина, ме снема. Долго време и размислував дали веќе вреди да напишам и повторно да се вратам во „музичките води“. Поминав низ многу, многу тежок период кој ми ја потисна и креативноста, а и желбата за многу работи за кои отворено би зборел за да помогнам, верувам, на многу луѓе во денешницата со кој се борат“, вели Мартин. Додава дека синглот го направиле со неговиот долгогодишен драг пријател и продуцент Гоце Симоновски мината година во ноември, но, пак, некако не почуствувал дека уште тогаш треба да го пушти во етер. „Но сега е време, на денот кога ми е роденден, а песната се вика „Создаден“. Мислам дека денеска е вистинското време во прилог да ви ја доставам оваа композиција во која за прв пат ја нема мојата позната гитара, туку само чиста емоција и да речеме, еден начин на „исповед“, каде во текстот, верувам, ќе се пронајдат многу луѓе“ - вели Мартин, кој самиот е автор на музиката и стиховите, а песната е снимена, продуцирана и мастерирана во студиото „Супер Нова“ во Тетово. Слушнете како звучи новата тема на Мартин Мила во моментот како „Создаден“ за медиумска промоција:

Мартин Мила не постои… „Без тебе“ (АУДИО)

Антонио Димитриевски — Tue, 02 Jun 2020 11:50:09 +0000

Пред неколку дена македонскиот поп изведувач Мартин Мила (Србиновскаи) на македонската публика, преку својот Јутјуб канал, на јавноста и ја претстави својата најнова песна насловена „Без тебе”. Тој за испирацијата за нејзиното создавање и зошто решил токму сега да ја исфрли во етерот, ќе го изјави следното: „Стиховите новата песна се мои, а музиката е на „Carla’s Dreams“ од Молдавија, земена од темата „Imperfect” од 20216 година. Многумина можеби и не очекуваа да слушнат во првиот и вториот дел до рефренот дека ќе 'рапувам', но сепак јас тоа би го нарекол повеќе 'рецитирање' на одредена тема. Единствено така можеше да се опише приказната која сакав да ја раскажам и споделам со вас, за која наскоро ќе има и видео запис” - изјави Мартин. Што вели во неговата најнова песна и кому му се обраќа, слушнете во продолжение: https://www.youtube.com/watch?v=YAXTM2N1soM&feature=youtu.be&fbclid=IwAR0soh2s-cNsEdVXTEFwgbDn_iBNr2yO1Qg8YPuUSd-fM7X1eKXYJ9SYt_U

„Риплеј“ го препејаа Боб Марли во „Небо сино“ (ВИДЕО)

Антонио Димитриевски — Fri, 05 Apr 2019 11:20:45 +0000

Акустичното дуо „Риплеј“ ја претстави својата нова песна, која в сушност е нивно видување во македонска верзија на хитот „Redemption song“ од легендарниот Боб Марли.

Гитаристот и вокал Никола Велиновски - Црни и саксофонистот Столе Коцев овој пат ги здружија силите и со вокалистката Ивана Стојановска, која заедно со Црни ги пее стиховите потпишани од Мартин Мила, а аранжманот го направи Ангел Ќосев, во чие студио „Подрумот“ е снимана песната, додека за видеото се погрижила екипата на „Моментс продакшн“.

„Песната е насловена ’Небо сино’ и со сигурност ќе навлезе далбоко во вас. Ова е трета преработена песна, а со трите авторски песни, полека но сигурно ќе стигнеме до албум“, велат од „Риплеј“, кои зад себе ги имаат дебитантската „Така случајно“ макфестовската „Ти си мојот сон“ и минатогодишната “Драма“.

Како звучи Боб Марли во нивното „Небо сино“ дознајте во продолжение: https://www.youtube.com/watch?time_continue=44&v=qo8GsW45Xq0

„Риплеј“ во музејот на илузии направија – „Драма“! (ВИДЕО)

Антонио Димитриевски — Fri, 31 Aug 2018 11:19:45 +0000

Дали сте подготвени за една мала „Драма“? Доколку сте, слушнете и погледнете ја најновата и третa по ред, авторска песна со видео запис на веќе познатиот бенд „Риплеј“.

Во соработка со познатиот Мартин Мила, творец на текстот, тонското студио „Подрумот“ на Ангел Ќосев, кој со своите музички вештини се погрижи за аранжманот, и музиката што ја креираа момците од „Риплеј“, повторно направија нешто што ќе биде вредно за паметење.

Магијата на видеото, кое го изработи Никола Жарков, се создаде во актуелниот музеј на Илузии. Заедно со нивните спонзори и пријатели кои овозможија овој проект да стане реалност направија сè за да можете да уживате во нивната „Драма“! https://www.youtube.com/watch?time_continue=7&v=o8J7TpyAEAA

По потресните статуси за смртта на Влатко Илиевски, Мартин Мила ја чепна македонската естрада таму каде што најмногу боли?

Антонио Димитриевски — Mon, 09 Jul 2018 07:25:25 +0000

По веста за смртта на македонскиот поп - рок пејач Влатко Илиевски, голем дел од неговите колеги од македонската естрада и јавниот живот со потресни и трогателни статуси на социјалните мрежи се простуваа(т) од него! Пејачи, пејачки, музичари, ТВ водители, актери, модели... на своите профили напишаа зборови на последна почит за нивниот колега, пријател, и соработник кој прерарно го заврши животот.

И навидум сето тоа изгледа достоинствено, зашто човечки е достоинствено и да се простиш од некого со кого си се знаел, дружел, соработувал, делел иста сцена, иста маса, шанк, улога, микрофон... Но дали сите беа и се искрени во своите зборови, во својот напишан статус, во своето сочувство со семејството, во емоциите кон починатата личност? Или можеби беа само лицемерни, а искрени во почитта онолку, колку што вистински го почитуваа и додека Влатче беше жив? Без оглед на сите негови доблести и маани, предности и недостатоци, убавини и пороци...?

Постои една позната изрека која вели: „За покојниот - се' најдобро“ ! И најдобро е да остане така. Но, сепак останува и нешто друго, некаква горчина во грлото, црв на сомнеж што останува да не јаде, огорченост која е посилна од она што треба да остане пикнато под тепих... Нешто, со кое не може секој да се согласи, да се помири, да го премолчи... Се разбира, доколку е навистина тоа така.

А тој, колегата на сега покојниот Влатко Илиевски по глас и гитара, музичарот и пејач Мартин Мила, за разлика од сите останати имаше многу поинаков статус на својот Фејсбук профил, кој го објави по сите други објавени проштални статуси на македонската естрада! Упатен на дел од нејзините протагонисти, без да апострофира и потенцира по име на кого се однесува, Мартин Мила сепак чепна по раната која најмногу боли...

Имено, тој на својот Фејсбук „рафално распали“ по колегите обвинувајќи ги за лицемерие и перење на совеста. Еве го неговиот статус:

Бил во право или не, на кого точно мислел, кои се тие и што се' знаеле за Влатко, дали навистина му зборувале и правеле нешто зад грб...? Останува времето да открие или можеби, велот на мистеријата да замине засекогаш во заборав. За да го паметиме Влатко онаков, каков што всушност и беше: весел, ведар и насмеан...Чиста душа! Добар за сите, освен за... себе!