мартин и стефан филиповски – Вистина.мк

„Некст Тајм“ го промовираа филмскиот спот за – „Кога падна на Пирина“ (ВИДЕО)

Антонио Димитриевски — Thu, 14 Apr 2022 09:44:17 +0000

Популарното македонско дуо Некст Тајм ги израдува фановите со уште една преработка на стара македонска песна. За преработката на старата македонска песна „Кога падна на Пирина“, Стефан и Мартин од Некст Тајм направија уште еден филмски спот со кој ги воодушевија фановите. Преработка на песната „Кога падна на Пирина“, вчера, 13-ти април, беше промовирана заедно со видеоспотот за неа. Старата македонска песна ја опејува смртта на војводата и македонски револуционер Јане Сандански, а музичкиот спот на Некст Тајм е како еден вид краток филм за овој историски настан. Од коментарите на Јутјуб и Фејсбук, јасно е дека фановите го сметаат за уште едно вистинско, мало музичко-филмско ремек-дело. „Веруваме дека македонскиот дух ќе живее вечно преку оваа песна. Веруваме дека ќе ве направиме горди“ - рекоа Мартин и Стефан на промоцијата. За аранжманот на песната се погрижи маестралниот Николче Мицевски, а режисер на видеото е Огнен Шапковски, додека изработката на спотот го потпишува „Мелем продукција“. Комплетната екипа која учествувала во неговата реализација е потпишана под видеото кое можете да го погледнете во продолжение:

Стефан и Мартин од „Некст тајм“ славеа роденден, a eве колку години наполнија

Христина Ѓоргиевска — Mon, 21 Sep 2020 06:51:25 +0000

Дуото од „Некст тајм“, Мартин и Стефан деновиве имаа убав повод за славење. Имено, причина поради која се радуваа и славеа беше нивниот 34-ти роденден. Токму поради тој повод на нивна адреса пристигнуваа убави роденденски желби. Во кусите приказни на „Инстаграм“ тие ги споделуваа роденденските пораки. Стефан роденденот на својот брат му го честиташе со една фотографија од близначиња, а како објаснуваше напиша: „Среќен роденден брат“, напиша тој во описот на фотографијата. Инаку, Мартин и Стефан наполнија 34 години. Среќен роденден!

„Некст Тајм“ на нова прошетка низ македонската музичка историја со преработката на „Прошета се Јовка кумановка“ (ВИДЕО)

Антонио Димитриевски — Sat, 12 Oct 2019 10:37:49 +0000

Дуото Некст Тајм во чест на 500-годишнината од постоењето на Куманово ја преработи песната „Прошета се Јовка кумановка“. Вечерта на празникот „11 Октомври“ 2019 година, истата и официјално беше претставена со видео запис во Центарот за култура „Трајко Прокопиев“ во Куманово, во чест Денот на македонското востание. Станува збор за уште една одлична преработка на стара македонска песна, која имате прилика да ја слушнете во едно ново и поинакво руво, чиј нов аранжман повторно го потишува Николче Мицевски, а песната е снимена во студиото ХЛ на Дејан Момироски кој стои и зад миксот на песната. Нејзината филмска визуелизација е во вид на уште еден одличен видеоспот кој одново го режираше Огнен Шапковски, чии се и колорот и монтажата на спотот, додека зад камерата како директор на фотографија се потпишува Кристијан Теодоров, а сето тоа под капата на „Мелем продукција“. Со „Прошета се Јовка кумановка“ близнаците Мартин и Стефан Филиповски ја продолжуваат приказната од нивните последни музички проекти, каде преработија неколку стари македонски традиционлани песни како „Нешто ќе те питам бабо“, „Слушам кај шумат шумите“ и „Ја излези Ѓурѓо“. https://www.youtube.com/watch?v=Cclx-3UwUH8