марта – Вистина.мк

Стефан Лазаров „ги отвори картите“: По свадбата со невестата веднаш заминаа на „меден месец“, кога таму еве ти ги првите проблеми во брачниот живот (ФОТО)

Антонио Димитриевски — Wed, 12 Jul 2023 09:06:31 +0000

Стефан Лазаров откако направи свадба за паметење со сите салтанати, народни обичаи и адети, но и невидена журка за младите, редно беше да се одмори и од веселбата и од сите обврски, предизвици и проблеми што претходно ги имаше и сите премрежја низ кои мина во првата половина на оваа година. Логично е младите по свадбата да замината на таканаречен „меден месец“ иако тоа никогаш не се временски баш 30 дена, но сепак доволно, кој колку може да си дозволи за да здивне и да се одмори од напорните подготовки пред и за време на тој толку значаен ден во животот. А на „медениот месец“ се знае што се прави... „Се срка од медот“, се разбира, зашто младите колку добро и да се познаваат, сега како официјално озваничени брачни сопружници, редно е да почнат да се навикнуваат еден на друг во малку поинакви услови. Ама живот како живот, носи и добро и зло и убави и помалку убави моменти, па треба да се види дали заедно може да се издржи во сите можни околности. Стафан Лазаров и неговата млада, убава сопруга Марта таман пристигнаа на замисленото одредиште да се опуштат, одморат и уживаат во ред други „брачни задоволства“, кои постарите ги нарекуваат „брачни обврски“ , не минаа ниту - ден два, кога се случи нешто што им ја расипа забавата. На „медениот месец“ додека беа онака олабавени, опуштени и вљубени, се појавија првите проблеми во брачниот живот на двете гулапчиња, па излезе наместо да „сркаат од медот“ некој да мора да голта апчиња. Имено, дали од преголем замор, дали од променливото време, или од тоа што спиел „гол на промаја“, Лазаров наместо да го фати „брачната ма(ги)ја“, го фати настинка! Јутјуберот качил висока температура, па „медените денови“ се претворија во непријатна авантура! Лазаров не можел да издржи па решил да ги „отвори картите“ и јавно да се пожали... На температурата која го истошти сиот, а не на брачниот живот... Ова колку да појасниме за да не се разбереме погрешно и да ја налутиме невестата, па потоа Лазаров да го прашуваат: „Како бе од настинка, ти излегла модринка... под око?“ Вака, нека е со помин! Фото: Инстаграм/__qmarr__/_lazarovv

Лазаров откри чие презиме ќе носи неговата идна сопруга: Марта јавно призна како ќе се презива, ама дали доброволно или „под принуда“? (ФОТО)

Антонио Димитриевски — Wed, 28 Jun 2023 07:48:28 +0000

Дека на Стефан Лазаров и неговата свршеница Марта им се бројат на прсти деновите кога ќе го кажат судбоносното ДА и сето тоа ќе се прослави со голема свадбена веселба - сите знаат! Но, оноа на што во еден од нашите написи и ние потсетивме, а на Лазаров како да се чинеше дека до крај не му е јасно, е фактот што познатиот јутубер ситно брои до свадбата, ама затоа беше во крупни прашалници, зашто се’ уште не знаеше, дали Марта ќе го земе неговот презиме? Не барем до вчера, вторник, 28-ми јуни 2023-та... Или барем тоа само така изгледаше, па за да ги отстрани сите дилеми, недоумици и шпекулации, Лазаров решил да ја земе работат во свои раце. Јавно прозван, реши јавно и да ја натера својата идна сопруга, јавно и да каже , односно произнесе, чие презиме ќе носи по венчавката? Споделувајќи го написот од Вистина.ком.мк, јутјуберот јавно ја прозва својата свршеница да се изјасни во една реченица порачувајќи и: „Марта, ајде да одговориш јавно“ - па сето тоа го сподели на своите Инстаграм приказни! Со тоа што во продолжение најдолу со ситни букви како во оние договоритте за кредит во банка или за мобилна телефонија, што никој не ги чита додека не ги потпише, а, „после потпишуење нема каење“, стои она што идната невеста го признала: „Лазарова мислам дека подобро стои“! По своја желба или туѓа волја - разоткрија пријателите. Имено, на статусот на јутјуберот меѓу првите налетал неговиот пријател Мандар со кого по кратката пауза заради „извесни недоразбирања и усогласување на ставовите“ сега „одново се шајка“, па решил идниот младоженец „да го извади од гаќи“. Така, шеговитиот пријател го споделил споменатиот статус на кој додал: „Вонредни вести! Лазаров ја натерал Марта ( _qmarr_ ) да си го смени презимето. Да се активираат сите невладини и Хелсиншкиот комитет под итно... И по телевизии вднаш другар!“ - асоцирајќи на тоа дека Лазаров извршил „предбрачно насилство“ врз својата идна брачна сопатничка. Се разбира терајќи шега со својот пријател или што би рекле по скопски: Решил на Лазаров јавно да му „удри дупачка“! Но, итриот јутјубер не само што не се лути на шегите, туку имал доблест и на шегата да направи дополнителна шега на своја сметка, па сето тоа јавно го објавил на своите Инстаграм приказни и уште додал: „Среќа не е името“! На Македонија „на сила“ и го сменија името, ама затоа на Лазаров доброволно ќе му се „мултиплицира“ презимето, откако неговата идна животна сопатничка Марта јавно го израдува, дека по венчавката сепак ќе се презива... Лазарова! Фото: Инстаграм принтскрин/_lazarovv

Познатиот јутубер ситно брои до свадбата, ама затоа е во крупни прашалници: Лазаров се’ уште не знае, дали Марта ќе го земе неговото презиме?

Riste Zdravkov — Tue, 27 Jun 2023 10:13:32 +0000

Стефан Лазаров е пред денот кога тој и неговата вереница Марта ќе го кажат судбоносното ДА. Познатиот јутјубер во септември минатата година ја запроси својата долгогодишна девојка на мошне обичен начин, но на мошне невообичаено место, на стадионот Камп Ноу во Барселона, а оттогаш полека се подготвуваат за денот кога и пред државата и пред Бога ќе се заколнат на вечна љубов, односно денот на гочллемата свадбена веселба. Како што е редот Марта со своите најблиски пријателки ја прослави својата моминска вечер, односно имаше момински викенд во една вила во Белград, Србија.

View this post on Instagram

A post shared by Marta✨ (@__qmarr__)

Но и покрај многуте подготовки на идниот брачен пар, Лазаров како да е во дилема за едно нешто, кое се чини и нему до крај не му е јасно. Познатиот јутубер ситно брои до свадбата, ама затоа е во крупни прашалници: Лазаров се' уште не знае, дали Марта ќе го земе неговот презиме? Можеби затоа и се' уште не открил и не се пофалил дали неговата идна сопруга ќе го носи неговото презиме или ќе го задржи своето? Или можеби ќе оди на комбинација кон едното да го додаде другото? Останува во периодот кој следи да ја дознаеме вистината, дали Лазаров тоа ќе го соопшти пред или по свадбата, откако сите веќе ионака ќе знаат, како во иднина неговата Марта ќе се презива!? Фото: Инстаграм принтскрин/_lazarovv/__qmarr__

Се сврши и Стефан Лазаров: Најпознатиот македонски јутјубер ја побара раката на девојката на Камп Ноу (ВИДЕО)

Антонио Димитриевски — Mon, 19 Sep 2022 07:26:33 +0000

Некогаш млад, надежен фудбалер кој кариерата ја завршил пред и да ја почне заради тешка повреда, а потоа модел и ТВ водител и сега пејач и Јутјубер… „Мултиталентиран мултипрактик“, што би рекле некои, за ова младо момче. А по таквите како по правило се лепат најубавите девојки во градот, од кои некои му ги припишуваа... Дури и познатите ријалити старлети како Тара Симов на пример, која излезе дека му е само најдобра другарка, зашто Стефан Лазаров ја сака само Марта! Познатиот македонски јутубер викендов тоа на најдобар начин и го покажа, откако на многу интересна локација ја запроси својата девојка, иако ниту една, веројатно не сонува да биде запросена на фудбалски натпревар! Но, Лазаров не мислеше така. Како голем фан на фудбалскиот клуб Барселона која викендов играше првенствен натревар од Ла Лига против екипата на Елче на „Камп Ноу“, јутјуберот реши да ја почести и однесе својата Марта заедно да ја гледаат Барса во живо. Арно ама на Лазаров не му било само до Барселона и фудбалот, туку токму на Камп Ноу решил да го заврши ергенскиот живот и да ја запроси неговата долгогодишна девојка која е чест гостин и во неговите Јутјуб видеа кои се многу гледани. Стефан возбуден бидејќи за прв пат во животот го гледа својот омилен клуб во живо, ама уште повозбуден од чинот кој треба да следува, а таа тоа не го ни насетува. И тогаш во еден момент, како „гром од ведро небо“ за идната вереница, се случува она најсвеченото - моментот на запросувањето.

View this post on Instagram

A post shared by Stefan Lazarov (@_lazarovv)

Идната невеста „шокирана“, па потоа во прегратките на јутјуберот, а „среќниот шокирач“ насмеан и среќен откако таа кажа ДА, додека гледачите наоколу на трибината, со своите мобилни снима и со овации им аплаудира на вљубените свршеници, исто како кога Барса ќе даде гол! Како изгледала од почеток до крај целата „операција свршувачка со среќен крај“ кој е всушност само нов почеток на една приказна за поинаков, заеднички живот, погледнете од видеото кое самиот „свршеник“ Лазаров го спакувал и споделил на својот Јутјуб канал (Кликни ТУКА). И секако, честитки и од нас до Стефан и Марта!

Јутјуберот и пејачката „се смуваа“ или таа само има своја двојничка: Лазаров во врска со Март(иј)а? (ФОТО)

Антонио Димитриевски — Sat, 07 May 2022 07:55:18 +0000

За Стефан Лазаров велат дека е момчето кое за кратко време ги освои симпатиите на гледачите на прва. И додека беше на ТВ како водител во некои од најгледаните естрадни или утрински ТВ магазини, но и заради она што сега го прави на својот Јутјуб канал. Некогаш млад, надежен фудбалер кој кариерата ја завршил пред и да ја почне заради тешка повреда, а потоа модел и ТВ водител и сега пејач и Јутјубер... „Мултиталентиран мултипрактик“, што би рекле некои, за ова младо момче. А по таквите како по правило се лепат најубавите девојки во градот, иако како и за многу познати и популарни ликови и сега како и со години наназад, се шират разни муабети. Дека сето тоа се само „евтини чаршиски приказни“, Лазаров реши да и покаже и на пошироката јавност, па ја откри својата врска со младата преубава девојка. Оние што ги знаат оддамна и од поблизу, се разбира воопшто не се изненадени, но на оние кои Лазаров го знаат само од ТВ, Јутјуб или социјалните мрежи, кожата им се наежи кога видоа со кого Јутјуберот бил во врска?! „Ма, не е можно? Позната е, а сепак не е ријалити старлетата Тара Симов, која му ја припишуваа! Ама затоа Стефан Лазаров е во љубов со Мартија Станојковиќ?“ - тврдеа едни, додека други им делеа благослов велејќи дека ова момче и девојка... „Баш се супер двојка“! И човек да не ги знае, ќе помисли дека е така, иако тоа така, не е ниту од далеку! Точно, Лазаров е во љубовна врска и тоа долга, петгодишна, со Марта... Ама не и со Мартија! Неговата девојка се вика така , ама не е онаа младата слатка, шармантна кумановка, позната и се' популарна македонска пејачка, иако девојката на Лазаров, неодоливо потсетува на неа. Двете личат како „јајце на јајце“, како да се две сестри. И Марта како и Мартија е со полни усни, влажен поглед и очи како на срна, бисер заби... Вистинска убавица, која има повеќе од 10.000 следбеници на Инстаграм. Речиси идентични двете се како „близначки“, па затоа некој „случајно или намерно“ ги „измешал лончињата“ и ја „пуштил болвата“ во јавноста дека Лазаров е во врска со Март(иј)а! А тој всушност тој само ја сака Марта! Иако сега повеќе нема дилеми која е која или кој е со која од нив, можеби има добра идеја за сценарио за музичко видео... Со приказна за заменет идентитет?! Прашање е кој прв ќе го сними, Лазаров или Мартија? Или можеби заеднички... во дует? Фото: Инстаграм принтскрин/__qmarr__/martijastanojkovic/_lazarovv

„Стиховен калибар“ сета своја љубов ја преточил во волшебни стихови посветени на една – „Марта“ (Лирик ВИДЕО)

Антонио Димитриевски — Mon, 07 Feb 2022 14:10:03 +0000

„Стиховен калибар“ - уметничкиот псевдоним зад кој се крие македонскиот хип-хоп артист и афористичар од Скопје чие вистинско име е Горан Јанкуловски има нова песна. За разлика од неговите поранешни жестоко критизерски насочени стихови кон политичката и општествена елита, полни со израз на револт кон целиот медиумски и комерцијален „терор”, извитоперената општествена реалност олицетворена во криманалот, корупцијата, неморалот, лицемерието... овој пат авторот својот „ Стиховен калибар“ го насочил кон љубовта и љубовните стихови. „Марта“ е емотивно отстапување од зацртаниот правец или можеби дел од една сосема нова фаза на Јанкуловски, поетски стихови кои допираат до најдлабоките човекови чувства, во кои е вткаена љубовта и сето она што како благосостојаба таа го носи со себе. Или можеби уште поубаво опишана во постот што еден од неговите следбеници го споделил: „Песна која потсетуваа на едни не така далечни времиња, а сепак загубени во неповрат...Буди надеж, оптимизам и вредности кои ретко можат да се сретнат денеска во меинстрим поп културата. Чудно е како душата на жицата од гитарата е пренесена во нешто толку впечатливо и незаборавно. Со убав вокален колаж кој извира од душа... Ваква приказна недостига на денешното време...“ Музиката на „Марта“ е авторско дело на Дарко Тасевски, додека прекрасните стихови во неа чудесно успеал да ги вткае Горан Јанкуловски. Миксот и мастерот го потпишуваат „VJ Media“, а волшебната лирика исткаена во вокалниот колаж е визуелизирана со лирик видео, кое како и целиот проект е посветен на една Марта... Неговата тригодишна ќеркичка, на која песната и е роденденски подарок. Иако во Марта веројатно може да се препознае секоја искрена љубов на овој свет. . Како звучи „Стиховен калибар“ во неговата „Марта“, проследете во продолжение: