марс – Вистина.мк

Прва фотографија од ледениот кратер на Марс

Ивана Стојанова — Wed, 02 May 2018 11:53:45 +0000

Европската вселенска агенција (ЕСА) ја објави првата фотографија од ледениот кратер на Марс. Научниците направиле комбинација од три фотографии на кратерот Королјев, направени на 15 април од висина на 400 километри. Водечкиот истражувач Николас Томас изјави дека боите на фотографијата се прилагодени на тоа, што повеќе да потсетуваат на оние кои се видливи со човечкото око.

Дупло голо: Теа Трајковска – гола на сцена, гола по дома… (ФОТО)

Антонио Димитриевски — Wed, 22 Nov 2017 08:34:33 +0000

Откако ја „протресе“ македонската естрада со нејзиниот провокативен настап на радискиот фестивал МАРС 2017 каде ја освои наградата за најуспешна соработка заедно со нејзиниот колега Панчо од ДНК за темата „Рушевени“, атрактивната Теа Трајковска продолжува да провоцира.

На Теа не и е прв пат да се слика „раскомотена“ па на своите профили на социјалните мрежи да постира фотографии на кои нејзините обожаватели, и не само обожаватели, ќе „плакнат очи“!

Разголена на сцена, разголена по дома, разголена надвор... Теа е ем модерна, ем секси, ем провокативна... Каде и да се појави, зад себе остава „рушевини“... од желби, копнежи и пусти сништа!

Овој пат таа на својот профил на Инстаграм објави фотографија од која дефинитивно ќе ви се заврти во умот.

Облечена во црно сако кое повеќе открива отколку што покрива и црна долна облека, Теа дефинитивно има намера да ја превземе титулата за најсекси пејачка на македонската естрада.

МАРС заокружи една деценија и почести со најдоброто од македонската музика! (Фотогалерија)

Слободанка Илиева — Wed, 15 Nov 2017 13:13:25 +0000

„Зарем изминаа 10 години...?“ – беше мислата која им помина низ глава и гласно ја изговорија учесниците на годинешното јубилејно издание на фестивалскиот бренд на домашната забавна музичка сцена - МАРС. Да, помина една деценија откако КЦ Александар Македонски и проект менаџерот Антонио Димитриевски останаа истрајни во идејата за поддршка на македонската музика која 10 години има свој празник каде заслужено го добива своето внимание, особено во време-невреме за нашата музика и изведувачи. Вчеравечер (14.10.2017) во Македонската опера и балет повторно се случи уште една музичка парада од најдоброто на забавната естрада за годината која полека изминува. МАРС ја заокружи својата добро смислена и организирана шема, чиј квалитетет и оригиналност се докажа во сиве овие години... Па така, на сцената се појавија оние кои како и МАРС останаа перманентни во својата работа, пејачи кои вредно и посветено работеа да го задоволат увото на слушателот. Дел од нив на манифестацијата се чувствуваа свои – како дома, бидејќи речиси секоја година добиваат потврда како од публиката така и од радијата дека успеале да направат хит кој публиката го пее во секој стих, сака да го слуша и секако да го пофали, а со тоа дополнително да ги мотивира да продолжат да ја богатат домашната забавна музика која секогаш знае да звучи одлично.

10-то роденденско јубилејно издание на Македонскиот радиски фестивал како што е редот годинава понуди доста поинаква роденденска замисла на програмата од сценариото, кое на едно место не ги собра само музичарите, туку и водителите што во изминатите изданија беа дел од манифестацијата , а со љубов и особена чест се појавија на сцената на МОБ за да ги врачат статуетките и да ги прогласат победниците по карегории кои заслужија да бидат наградени за хитовите кои ги имаа изминативе месеци, а за тоа одлучија повеќе од 30-тина радио станици ширум земјава и секако публиката.

Домаќинка на ова јубилејно издание која водеше од сцената, беше познатата водителка Марија Петровска, која специјално за МАРС пристигна од Словенија во Скопје за да го „управува бродот“ и да испише уште нови спомени кои како и минатите години ја врзуваат за оваа манифестација.

Вечерта се отвори со звуците од музиката на Тоше Проески на која играа момците и девојките од балетското студио „Ребис“, како и Дј Мастер Хит, кои придонесоа публиката да пропатува низ музичката историја и песните кои МАРС ги награди низ годините.

Празник за очи, празник за уши, а полно срце и душа за учесниците кои се закитија со титулите за најслушани нумери од селектираните 12 категории кои редоследно изгледаа вака:

1.АЊА ВЕТЕРОВА – „Рам Бам Бам“ – (Ѕвезда што се раѓа)

2.ДИМИТАР И ТАЈФАТА – „Остани“ – (Радиски Хит со Етно Мотиви)

3.САРА МЕЈС –„Небо“ – (Радиски Диско хит)

4.ВИКТОРИЈА ЛОБА – „Дојди“ – (Радиски Поп хит)

5.ДНК – „Невозможна мисија“ - (Ар Ен Би хит)

6.КРИСТИНА АРНАУДОВА – „Љубена“ - ( Најдобта Радиска балада)

7.ТЕА И ПАНЧО – „Рушевини“ – (Партнерство за Хит)

8. АЈ КЈУ – „Мојот крал“ – (Радиски Хит изведен од група)

9.НАТАША МАЛИНКОВА – „Хеј мама“ - (Радиски Хит изведен од женски вокал)

10.ЛОЗАНО – „Ова лето ќе се памти“ – (Радиски хит изведен од машки вокал + Апсолутен радиски хит+ Најдобар текст на песна)

11.НЕКСТ ТАЈМ – „Слушам кај шумат шумите“ – (Најдобра преработка)

12.МЕМОРИЈА – (Награда за трајни вредности)

Имено, на сцената од познатите ТВ и радио лица се појавијa новинарите и водители кои изминативе години се запишани во историјата на фестивалот, а за јубилејот организаторот ги собра сите заедно на истата сцена да ја заокружат приказната за која велат дека имаат само убави спомени и се горди што некогаш биле дел од неа.

Па така, меѓу оние кои ја имаа честа да ги поделат статуетките и да евоцираат спомени од некогаш беа: Марина Костовска, Снеже Велков, Миа Костова, Марко Марк, Ване Маркоски, Димитар Атанасовски, Миланка Рашиќ, Елена Стојановска, Александра Јовановска и Живкица Каленикова. Минатогодишната водителка од сцената, Слободанка Марковачева, која и изминатите три години беше дел од приказната на МАРС, годинава само го позајми својот глас за најавната шпица на фестивалот, но изостана нејзиното учество во живо на сцената поради оправдани причини. Годинава 10-то јубилејно издние се разликуваше и по тоа што изостанаа гостите од регионот, кои секоја година добиваа статуетка за регионална популарност, бидејќи фокусот целосно им беше насочен само на домашните изведувачи.

Крајот секако беше резервиран за значајната категорија за трајни вредности која заслужено им припадна на членовите од групата „Меморија“, кои изјавија дека оваа нагрда им е поттик дека ќе траат повеќе, а не заобиколија да го акцентираат и куриозитетот на вечерта со тоа што на сцената го повикаа проект менаџерот и наедно првиот тапанар на „Меморија“, Антонио Димитриевски кој со силна емоција во гласот кажа дека вредностите траат и ќе треаат, токму како „Меморија“, како МАРС, а исто така го најавија и концертот кој ќе се случи на 18-ти месецов во Метрополис арена.

Инаку, за разлика од минатата година, ова издание на фестивалот покрај присутните во салата на МОБ, можност да го проследат ова големо домашно музичко случување имаа и гледачите на првиот канал на Македонската телевијата која емитуваше пренос во живо. Се на се, МАРС уште еднаш покажа и докажа дека може да се истрае во секакво време, па дури и кога е најтешко, бидејќи македонакта музика ако не ја вреднуваме и цениме од дома, тоа се потешко може да се случи надвор. [gallery link="file" size="full" ids="3642,3641,3640,3638,3639,3633,3634,3636,3635,3637,3632,3631,3630,3628,3629,3626,3627,3624,3625,3623,3622,3621,3620,3619,3618,3617,3615,3616,3614,3613,3612,3611,3609,3610,3608,3607,3605,3606,3604,3603,3601,3602,3600,3599,3598,3597,3595,3596,3594,3592,3593,3591,3590,3589,3588,3586,3587,3585"]

(ФОТО) Теа ја „сруши“ сцената на МАРС: Се појави без гаќички и откри премногу!

Слободанка Илиева — Wed, 15 Nov 2017 09:01:57 +0000

Младата поп-пејачка Теа Трајковска вчеравечер со Панчо ДНК настапи на сцената на МАРС каде ја добија наградата за најслушан партнерски хит.

По тој повод Теа се појави во специјално издание од провокативен тесен фустан кој имаше отворени странични делови од кои пејачката покажа повеќе гола кожа, но и дека не носи гаќички.

Теа пееше за „Рушевини“ ама „руши“ и со сексапил кој ја разбранува љубопитноста, веројатно најмногу кај посилниот пол.

На сцената на МАРС имаше доста впечатливи изгледи, но Теа дефинитивно беше најпровокативната.

Радиските хитови на годината ќе се прогласуваат на 10-иот МАРС на 14 ноември во МОБ

Антонио Димитриевски — Thu, 09 Nov 2017 14:05:49 +0000

Најпопуларните радиски хитови на годината, селектирани и испратени до организаторите од над 30 радиостаници во Македонија ќе бидат избрани на 10. Македонски радиски фестивал МАРС 2017 кој ќе се одржи на 14 ноември во Македонската опера и балет.

Листите со повеќе од 100 изведувачи и околу 500 песни биле испратени од македонските радиостаници, а најслушаните се ставени на финалната листа според оценката на жирито, составено од претставници на национални и локални радија од различни региони од Македонија.

Изведувачот кој ќе биде прогласен за апсолутен радиски хит за 2017 година ќе добие награда од 60.000 денари, а за авторот на една од финалните песни чиј текст ќе биде прогласен како најдобар од новинари од разни медиуми во Македонија ќе добие награда од 10.000 денари.

Претставникот на организаторот, КЦ Александар Македонски, проект менаџерот на МАРС 2017, Антонио Димитриевски на денешната прес-конференција во кафе-барот „Гнездо“, рече дека за една деценија МАРС прераснал од фестивал во единствена манифестација која ги валоризира и наградува и авторите и изведувачите на домашната поп-рок естрада. – По многу нешта останавме, не само единствени во земјава, туку и единствени во регионот. Кога почнувавме ги имаше Хрватски радиски фестивал, Србија и Босна и Херцеговина имаа свои радиски фестивали. Нив повеќе ги нема а, ете, ние опстанавме 10 години, рече Димитриевски. На МАРС 2017 во МОБ покрај останаите финалисти ќе настапи и бендот „Меморија“ кој ја добива наградата Трајни вредности, а неколку дена потоа, на 18 ноември, ќе одржи и голем солистички концерт во скопската Метрополис арена.

Ана Трајковска – девојката која е годинешното заштитно лице на МАРС

Слободанка Илиева — Mon, 06 Nov 2017 13:49:53 +0000

Годинава на 14-ти ноември во МОБ ќе се одржи јубилејното 10-то издание на реномираниот Македонски радиски фестивал или попознат како МАРС. Секоја од изминатите години насловниот плакат го красеа македонски убавици, а овој пат таа улога и припадна на Ана Трајковска која е студентка по економија и идна банкарка, а пошироката јавност ја запозна од спотот на Лозано за „Ова лето ќе се памти“.

Освен студиите кои се нејзината главна преокупација, убавата Ана е и фото модел. Извајаното тело, убавото лице, полните усни и долгата црна коса се нејзиниот заштитен знак. За себе вели дека убавото тело го одржува со вежбање и за неа нема поубаво чувство од она по тренинг. Дека навистина се чувствува така од спортувањето и одржувањето на линијата, докажуваат фотографиите на кои блеска од убавина, сексапил и самодоверба. Уживајте во глетката од убавината на ова наше македонско девојче чие лице го краси и е симбол за годишениот МАРС.

(ВИДЕО) Лозано „Ова лето ќе го памти“, па затоа и се залепи на старата љубов!

Слободанка Илиева — Fri, 03 Nov 2017 07:33:04 +0000

На прашањето по која песна најмногу ќе го паметиме летото 2017-то во Македонија, многумина, а особено љубителите на македонската музика би кажале дека тоа е „Ова лето ќе се памти“ на поп пејачот Влатко Лозановски. Есенва пак, на 14-ти ноември во МОБ по 10 –ти јубилеен пат ќе се случи Македонскиот радиски фестивал или попознат како МАРС каде и годива повторно ќе продефилираат најголемите домашни хитови и нивните изведувачи.

Меѓу нив како и секогаш е Лозано кој низ годините наназад освои неколку статуетки на МАРС, а секако овој пат ќе биде дел од забавата со песната „Ова лето ќе се памти“ која стана голем хит изминатите неколку месеци. Влатче на големо работи за тоа публиката да гласа за неговата песна на радискиот фестивал, а во меѓувреме е доста активен на социјалните мрежи објавувајќи фотографии и видеа, на едните е во природа, додека на другите е во студио заедно со неговиот долгогодишен соработник Лазар Цветковски.

Инаку, ова лето сигурно ќе го памти по многу нешта, што убави, што помалку добри, но едно е сигурно, Лозано е залепен на старата љубов – музиката и студиото кои како и досега му донесоа доста успеси и радост.

A post shared by Лозано - Влатко Лозаноски (@vlatkolozanoski) on Nov 2, 2017 at 1:17am PDT

A post shared by Лозано - Влатко Лозаноски (@vlatkolozanoski) on Nov 1, 2017 at 1:33am PDT

Доколку сакате да го даде својот глас за некој од вашите омилени македонски музички ѕвезди, тоа можете да го направите на фејсбук страницата на МАРС.