Први фотографии од раскошната свадба на Мустафа Сандал: Помладиот син со татка си, од постариот ни трага (фото)

Слободанка Илиева — Tue, 14 Jun 2022 10:45:11 +0000

Откако минатата недела се венчаа во Рим, Мустафа Сандал (52) и Мелис Сутсуруп (33) вчера го кажаа судбоносното „да“ на раскошната свадбена церемонија во Мармарис, на која присуствуваа членови на семејството и избрани пријатели. Парот на свадбата пристигна во розов автомобил за голф терени. Мелис за овој важен ден избрала едноставна бела венчаница, додека Мустафа сив костум. Свадбата се одржа во прекрасната градина на хотелот Д Марис, специјално уредена за таа прилика. На свадбената церемонија присуствуваше помладиот син на Мустафа, Јавуз, додека постариот Јаман, барем судејќи по фотографиите споделени на социјалните мрежи, го немаше. Заедно со Мелис, на свадбата беше и нејзиниот син од претходната врска, седумгодишниот Јигит.

View this post on Instagram

A post shared by WorldWide Magg (@worldwidemagg)

View this post on Instagram

A post shared by Melis Sandal (@melis.sutsrp.fn)

Мармарис: Турски град кој дише во духот на Грција

Христина Ѓоргиевска — Wed, 02 Jun 2021 11:17:05 +0000

До пред неколку децении, Мармарис беше мало рибарско место кое го носеше името Фискос. Денес тој важи за една од најубавите дестинации на турскиот брег. Турскиот брег од година во година станува сè попривлечен за туристите поради одличните аранжмани и понуди, но и поради природните убавини во кои може да се ужива дури и надвор од летната сезона. Иако е нешто поскап од, да речеме, Анталија - Мармарис е дефинитивно една од локациите која вреди да се посети. Пред да биде прогласена пандемијата на коронавирусот во светот која нанесе сериозен удар на туристичкиот сектор, Мармарис секое лето го посетуваа нешто повеќе од половина милион луѓе.

View this post on Instagram

A post shared by Visit Marmaris (@visit_marmaris)

Оддалечен 150 километри од аеродромот Милас, 100 километри од Бодрум и 80 километри од Кушадаси, Мармарис важи за бисер на егејскиот брег. Познат е и како градот кој не спие односно место на кое 24 часа во неделата можете да пронајдете низа интересни случувања. Долж целиот брег се отворени барови, кафулиња и ресторани, што привлекува голем број туристи кои по долгиот ден на плажа, сакаат да уживаат во богатиот ноќен живот и одличната турска гастрономија.

View this post on Instagram

A post shared by Visit Marmaris (@visit_marmaris)

Властите нагласуваат и дека во текот на летото е достапен и такси превоз со кој можете да посетите некои од турските и грчките острови, а најпопуларни се посетите на Родос. Во Мармарис можете да се сончате на повеќе од 10 километри долг брег. Плажите се прилагодени и за деца, а песокот е воглавно каменест. Горната половина од плажите е прекриена со чадори и лежалки кои можат да се изнајмат по многу евтини цени. Морето е топло, чисто и идеално за пливање.

View this post on Instagram

A post shared by Visit Marmaris (@visit_marmaris)

Во зимскиот период во овој град престојуваат околу 30.000 луѓе, а налето тој број се зголемува на 300.000. Според зборовите на локалните туристички водичи, помеѓу посетителите се парови, семејства, големи и помалку групи на луѓе... Во понудата се вклучени неколку стотина хотели, а повеќе од 90 отсто од капацитетот е пополнет во текот на целата сезона.

View this post on Instagram

A post shared by Visit Marmaris (@visit_marmaris)

Мармарис – Вистина.мк

Први фотографии од раскошната свадба на Мустафа Сандал: Помладиот син со татка си, од постариот ни трага (фото)

Мармарис: Турски град кој дише во духот на Грција