марко новески – Вистина.мк

Се ожени водителот Марко – „Дај, побрзај“ Новески: Првиот брачен бакнеж со маски, за првата брачна ноќ… маска не треба! (ФОТО)

Антонио Димитриевски — Fri, 27 Aug 2021 07:27:34 +0000

Неговото вистинско име е презиме Марко Новески, но сите го знаат како „Марко - дај побрзај“, зашто остана така запаметен по емисијата „Дај, побрзај“, која го лансираше и прослави на ТВ екраните како еден од најпопуларните водители. Луциден, откачен,забавен, непредвидлив, секогаш расположен, насмеан и весел... И вечен ерген... Ама само до вчера, кога вечно насмеаното момче „падна“... И тоа во прегратките на брачниот живот! Имено, Марко вчера го стави својот параф, својот потпис во книгата на венчаните. И младоженецот и невестата во сега модерната бело - жолта комбинација, тој и неговата животна избраничка, станаа брачни другари. Марко и невестата ( без невестински фустан и бел вел) Цена Плавевска, си ветија љубов до крајот на животот, онака свечено но, кежуал облечени, пред сведоците во кругот на семејството и најблиските пријатели. „Се оженииииив. Те сакам Плавевска и едвај чекам да видам како ќе се одвива нашата приказна. Голема благодарност до кумот Дамјан за безрезервниот ангажман околу целата работа и секако до старосватицата Сашка М. за стручната логистика околу овој чин“ - напиша тој на Инстаграм споделувајќи фотографии од церемонијата на стапување во брачните води. Уште кога се свршија во февруари годинава, водителот рече дека сакаат „свадба голема“, арно ама корнапандемијата потраја, а љубовта и брачните обврски не можат да чекаат, па свадбата ќе ја пролонгираат за некои подобри времиња. Можеби во пакет со крштевка? Вака, во овие услови и моментот на првиот брачен бакнеж им беше со маски, кои до душа за миг ги симнаа, за да го обават и овековечат чинот! За првата брачна ноќ, маска не треба! Вистина.ком.мк им посакува да се среќни и вечни и... Невестата „пеперутките во стомак“ време е да ги замени со нешто друго. Затоа, Марко, дај побрзај... Знаеш што е сега на ред! Фото:Инстаграм принтскрин/marko_noveski

Водителот Марко Новески се реши да се жени, а еве ја неговата избраничка (фото)

Слободанка Илиева — Mon, 15 Feb 2021 08:06:24 +0000

ТВ и радио водителот Марко Новески се реши да се жени. Водителот кој го препиознаваме по многу телевизиски проекти, а моментално по квизот „Листа за 300“ на телевизија Сител, во интервју за Точка ТВ открива дека одлучил за се сврши и да ја побара саканата за сопруга. Сепак, до официјализирање на бракот ќе почекаат уште некое време додека не се стабилизира состојбата со коронавирусот, бидејќи сакаат прослава каде ќе има повеќе луѓе. -Се верив во мојта сакана партнерка, па кај и да е ќе правам и свадбичка, само нека помине целата оваа работа со коронава, затоа што искрено сакам со луѓе да ја направам свадбата, да биде весели и забавно. На тој план добро ми оди, барем така мислам, ќе треба и нејзе да ја прашаме, вели Марко за одлуката и својта избраничка. Инаку, Марко Новески е доста активен корисник на социјалните мрежи, но ретко објавува моменти со саканата, кои е потешко да се видат на неговите профили. Сепак, изминатиот период додека траеше карантинот, тој објави видеото додека вежбаат заедно, а најдовме и една каде се на романтично патување во Барселона. Честититки!

„Наклон до под – љубовта прави чуда“: Марко Новески воодушеви со своето добро дело (фото)

Слободанка Илиева — Wed, 20 Feb 2019 07:58:39 +0000

Оригинален во својата појава, темперамент, харизма, карактер – ТВ и радио водителот Марко Новески како и многупати досега кај своите следбеници и пријатели предизвика позитивни ракции со своите дела. Познато е дека е голем поборник за чиста околина, разумно однесување во сообраќајот, но и грижа за животните, особено напуштените и болните.

Па така, овој пат на својот Фејсбук профил уште еднаш предизвика доста коментари за делото кое го направи со едно беспомошно и болно кученце. Воден од својата голема љубов за животните, тој не можел да го игнорира и остави беспомошното болно животно, кое пред една година било на работ на смртта на улица. Денес , по една година црното болно кученце по име Кори е здраво, излечено и претворено во прекрасно крзнено милениче кое Марко го објави и напиша:

Кори 1 година подоцна. Се најдовме пред точно 1 година и од тогаш сме на лудо патување. Голема благодарност до сите што ми помогнаа, напиша Марко и во објавата ги допиша и оние здруженија за животни кои му помогнале во добро дело.

За приказната со среќен крај доби многу пофалби од пријателите и следбениците кои му напишаа многу коментари од типот дека заслужува наклон до под за делото и резултатот кој го постигнал со својата љубов, грижа и посветеност.

Водителот Марко Новески револтиран по сообраќајната незгода која му се случи на пешачки!

Слободанка Илиева — Thu, 05 Jul 2018 08:09:52 +0000

ТВ и радио водителот Марко Новески преку социјалната мрежа Фејсбук раскажа што му се случило на пешачки премин во центарот на Скопје. Марко за малку ќе бил удрен од такси возило, па паднал на земја и го оштетил својот велосипед. Иако за време на случката била присутна и сообраќајната полиција, водителот вели дека службата била летаргична и со став дека си има друга работа. Освен тоа, негативно настроени кон познатиот велосипедист биле и останатите таксисти кои застанале во одбрана на својот колега.

При обид да го поминам пешачкиот премин(кој е обележан со велосипедска патека) кај ХОЛИДЕЈ ИНН за малце ќе бев удрен од ТАКСИ возило при што паднав и го оштетив велодипедот, во истиот момент се собраа негови колеги кои пробаа со физички закани да ме "убедат" дека нивниот колега бил во право... Сведоци на се ова беа и припадници на полицијата кои изреагираа-цитирам: ај доста се расправате си имам јас друга работа!- и само си отидоа Во целата оваа ситуација еден од таксистите си дозволи да ми рече (иако беше паркиран на самиот пешачки, а јас пробав да му посочам) дека нема закон кој му забранува да биде таму паркиран (алудирајќи дека него никој ништо не му може)... Сега ќе посочам, а следниот пат ако МВР не реагира и не го земе законот во свои раце ЈАС ЌЕ ГО ЗЕМАМ, напиша Марко. Ваквиот статус наиде на доста реакции и коментари на социјалната мрежа, пред се со револт кон целокупното однесување на инволвираните кој ТВ и радио виодителот ги посочи. фото:фејсбук