марко милошевиќ – Вистина.мк

Пукна тиквата: Андреана Чекиќ на одмор физички се пресметала со Марко, па ја раскинала свршувачката?

Христина Ѓоргиевска — Wed, 20 Jan 2021 10:48:09 +0000

Пејачката Андреана Чекиќ наводно на одмор физички се пресметала со својот сега веќе поранешен свршеник Марко Милошевиќ, пишуваат српските медиуми. Имено, пејачката и нејзиното момче жестоко се скарале во ресторан во кој биле и Александра Пријовиќ и Урош Живковиќ, а кавгата продолжила во апартманот каде што дошло и до физичка пресметка меѓу партнерите, пишува курир.рс Врската меѓу Андреана и Марко од самиот почеток беше турбулентна, па не е ни чудно што и овојпат се скараа и раскинаа. Првите неколку дена на одмор се било во најдобар ред, но во текот на една вечер настанал конфликт па на нив не им било гајле што имало и други луѓе во ресторанот. Бидејќи биле на одмор и немало каде да одат, по кавгата тие останале заедно во апартманот, а утредента се вратиле во Белград. По враќањето, одлучиле секој да продолжи по својот пат, го прекинале секој контакт, па дури и профисионалниот, тврди колега на Андреана. Марко беше менаџер на Андреана, таа му дала отказ и го ангажирала Ибро Шариќ кој е задолжен за нејзината турнеја по Америка. На Инстаграм профилот на Чекиќ сега пишува дека нејзин менаџер е Ибро, додека пак Марко работи со Љуба Аличиќ и Сречко Кречар. Иако не не им се избришани заедничките фотографии на Инстаграм, тие повеќе не се следат на оваа социјална мрежа. По сето ова, пејачката заминала во Виена од каде што често објавува фотографии и снимки, а Марко се иселува од станот каде што живееле заедно. Марко и Андреана се во врска неколку години, тие и досега неколкупати раскинуваа, па на крајот повторно беа заедно. Дали ќе биде така и во овој случај, останува да видиме.

Заборави на плукањето и навредите: Андреана Чекиќ се смири со оженетото момче (видео)

Христина Ѓоргиевска — Tue, 05 Nov 2019 13:37:45 +0000

Српските медиуми со денови пишуваат за пејачката Андреана Чекиќ и нејзиниот свршеник Марко Милошевиќ. Имено, неодамна српските медиуми пишуваа дека додека пејачката била на турнеја во САД имала жестока кавга со својот свршеник, па среде улица тој ја плукнал и навредил. „Имаа слободен ден, па пејачката и членовите на бендот се одмораа. Излегоа на музика на едно место за да се релаксираат. Ништо не укажуваше дека може да се случи нешто лошо,но набрзо се случи инцидент. Тој почна да пие и во еден момент, тие почнаа гласно да расправаат. Милошевиќ тогаш започна да ја навредува Андреана, нарекувајќи ја со погрдни имиња и навредливи зборови. Никој не можеше да го задржи“ – вели очевидецот, кој тогаш бил на истото место. Според него, Милошевиќ ја плукнал пејачката в лице и и’ ја искинал маичката. “Викаше: Јас ги сакам моите пари. Не дојдов тука бесплатно. Музичарите се обидоа да го убедат да ги смири своите страсти, но попусто. Тогаш тој и ја искина маичката така што градите и се гледаа. Хорор. Тоа беше капката што ја прели чашата. Тогаш некој од нивниот тим го одвлекол Марк до автомобилот. Го однеле во друг хотел и му купиле билет од 1.600 долари за Србија“ – изјави тогаш очевидецот. По оваа случка во САД, Андреaна ги избриша сите заеднички фотографии со момчето, а на оваа тема не сакаше да дава изјави. На прашањето дали е со свршеникот или не, таа единствено велеше: „немам коментар“. Сега српските медиуми пишуваат дека Чекиќ се смирила со својот свршеник. Имено, како што пишува ало.рс, пејачката пеела на една приватна забава, а Марко бил покрај неа и ја држел за рака. Тие го снимија овој момент и го објавија на социјалните мрежи. Еве доказ дека Андреана и Марко се заедно.

View this post on Instagram

Andreana Čekić se pomirila sa svojim oženjenim verenikom Markom Miloševićem

A post shared by ALO.RS (@alo_novine) on Nov 5, 2019 at 3:52am PST

Беше кратка и јасна: Андреана Чекиќ го прокоментира скандалот за кој се пишува со денови

Христина Ѓоргиевска — Wed, 30 Oct 2019 10:33:32 +0000

Српската пејачка Андреана Чекиќ во последните неколку месеци често е во центарот на вниманието во медиумите. Прво, пејачката се најде во медиумите кога објави дека се разведува од нејзиниот сопруг, потоа кога обелодени дека е во врска со оженет маж Марко Милошевиќ, за да на крајот заврши со скандали поврзани со физички пресметки меѓу Марко и Андрена. Имено, изминатиот период Андреана беше на турнеја во САД, а во медиумите се појавија написи дека наводно парот физички се пресметал. https://arhiva.vistina.com.mk/radio-mileva/svrshenikot-i-menadzer-na-andreana-chekikj-na-turnejata-niz-sad-srede-lokal-ja-pluknal-pejachkata-v-lice-i-i-ja-iskinal-maichkata-pa-ostanala-so-goli-gradi/ Како што пишуваше српски Курир, избраникот на пејачката бил толку неподнослив, агресивен и дрзок кон неа, што членовите на групата и организаторите морале да интервенираат и да ги разделат. По ова случка, Чекиќ од својот „Инстаграм“ ги избриша фотографии со Марко, а отаму започнаа шпекулациите дека наводно повеќе не се заедно,. Пејачката вчера се врати од турнејата во САД и беше на концертот на Дарко Лазиќ во „Сава Центар“. Новинарите ја прашаa да ги прокоментира сите случувања и скандалот за кој се пишува со денови. „Немам коментар. Не давам изјави за скандалот и за се што се пишуваше. За тоа не сакам да зборувам, не е важно дали дојдов сама или не“ кратко изјави Чекиќ. За потсетување, Марко ја побара Андреана за своја сопруга на нејзиниот роденден.

Се’ уште законската жена на вереникот на Андреана Чекиќ избезумена и шокирана кога дознала за неговата веридба со пејачката

Антонио Димитриевски — Fri, 06 Sep 2019 08:24:42 +0000

По неколкумесечната врска со нејзиното сè уште женето момче Марко Милошевиќ, пејачката Андреана Чекиќ (35) беше запрашана дали ќе се омажи за него, иако законски тој се уште не е разведен од првата сопруга. Тој ја побара за жена пејачката на прославата на нејзиниот роденден, кој таа го прослави порано заради деловните обврски. Исто така, роденденот на Марко беше пред неколку дена, па затоа тие решија да ги прослават обата заедно.

Марина, инаку се' уште законската жена на Марко, била вчудовидена, избезумена и шокирана откако ја разбрала веста дека тој иако се' уште не се развел од неа, ќе се жени по втор пат. „Ах, што можам да кажам? Како би се чувствувале вие? Не очекував вакво нешто да ми приреди, барем не додека не потпише развод, што паметно избегнува да го потпише“ - рекла Марина, додавајќи: „Фрла пари за прослави и гламур, без да се запраша дали тоа дете треба да купи тетратки за почетокот на новата учебна година? Дали е тоа човек, да има дете што не го видел три месеци? Како се чувствува тоа дете кое штотуку тргнало на училиште, на кое неговиот татко никогаш не се сетил и не посакал да го види, а камо ли да му купи една тетратка и молив?

Српската пејачка Андреана Чекиќ има ново момче, ама тој е женет: „Го лажеше моето дете дека ќе му подари куче, а му го украде таткото“! (ФОТО)

Антонио Димитриевски — Tue, 19 Mar 2019 11:43:30 +0000

Српската фолк пејачка Андреана Чекиќ се појави на 8 март во Белград со новиот избраник Марко Милошевиќ, и иако се зборуваше за дека имаат складна врска без проблеми, вистината очигледно е сосема поинаква. Имено, се огласи сопругата на Марко, која ја обвини Андреана за распадот на нејзиниот брак, велејќи дека сопругот ја изневерувал со пејачката!

„Се сомневав и претходно, но се' ми стана јасно кога ја видов нивната заедничка фотографија од концертот на Џани. Дури тој ден кога таа ја постираше таа фотографија мене сијаличката ми се се запали, па и оставив коментар под фотографијата: „Убово ти стои мојот маж“, но тој коментар бргу беше избришан! Тој ми се јави да ми каже да не го правам тоа, а јас го прашав што се случува? „Да, ние сме во врска“ - само кусо ми рече. „Тие се од 12 јануари во врска“ - вели M.M, сопругата на Марко Милошевиќ, новото момче на Андреана Чекиќ .

„Марко живееше со мене до пред десет дена, а тие заедно работат од 1-ви септември. На 21 -ви март се подготвував да прославиме, бидејќи тогаш требаше да ни биде десетгодишнината од официјалниот брак! А, тој сега не му се јавува ниту на детето. Јас и напишав порака: "Како не ти е жал на детето да му го земаш таткото?" Го лажеше моето дете дека ќе му подари куче, а му го украде таткото! Не верував дека некој може да биде толкаво дно! Фото: Никола Томиќ/ Инстаграм принтскрин