марко маринковиќ – Вистина.мк

Македонскиот рапер заврши со ќотек и модро око? Слаткар навистина претепан, па најави детали како ја заработил големата модринка или само „глуми маркетиншко лудило“ пред Нова Година? (ВИДЕО)

Антонио Димитриевски — Wed, 27 Dec 2023 08:12:21 +0000

Марко Маринковиќ кого јавноста, особено онаа естрадната многу повеќе го знае под уметничкиот прекар Слаткар(истика), вчера се појави на својот Инстаграм профил со модро око! Раперот најприн објави фотографија на која се сликал со голема модринка под левото око, а во описот на фотографијата напишал: „Паметните луѓе простуваат... Ама јас сум глупав во последно време“! Засега никому не му е јасно кој вака го „нашминкал“ Слаткар, но оние што умеат да читаат меѓу редови, од неговата порака веднаш сфаќаат дека раперот нема да седи мирен додека не го возврати ударот. Кога и како, со која тактика, знае само желниот за одмазда, Слаткаристика! Она што сака да биде познато срамежливо го најави во второто, овој пат видеообраќање, во кое Марко Маринковиќ појаснил дека вака го „унередил“ некој, со кој очигледно добро се познава. Што е причината не кажа, ама затоа најави дека денес, среда 27 декември после 14.00 часот ќе ги соопшти деталите. Во меѓувреме во споделеното видео само кусо објаснил што се случило: „Ме нападнаа едни к*њи, еден ку*тон што глуми Дон... Самата истрага уште е во тек, ама мислам дека утре (за денес) после 13 или 14 часот ќе можам сите детали да ги изнесам“ - сподели раперот, иако во неговата веродостојност многумина „со искуство“ веднаш се посомневаа, тврдејќи дека Слаткаристика одбрал добра тактика да „глуми маркетиншко лудило“ пред Нова Година, како најава со кревање џева за нешто што допрва на музички план од него следува! „Ѓаволот лежи во деталите“ - велат, а упатените тврдат оти деталите кај Слаткаристика укажуваат дека има модринка на окото без видлив подлив и испукани капилари!!? Па сега вие видете дали раперот навистина бил претепан или само сака да ве насамари, да ја лапнете јадицата и да загризете на неговата „евтина приказна“ од улицата? Впрочем, да почекама до рано попладне и да видиме дали навистина Слаткар некој со тупаница го „нашминка“ или се' е само (не)вешт трик и „уметничка шминка“?

View this post on Instagram

A post shared by Slatkaristika (@slatkaristika.official)

Фото и видео: Инстаграм/slatkaristika.official

Му дадоа да каже нешто за ДНК, а тој им се „изнаруга“ со потсмев: Слаткар само сакаше да се „пошегува“ со Панчо и Андреј или сепак во секоја шега има и половина вистина? (ВИДЕО)

Антонио Димитриевски — Wed, 16 Nov 2022 08:41:54 +0000

Пред големиот концерт закажан за 3-ти декември 2022 во арената „Борис Трајковски“ во Скопје, членовите на ар-ен-би дуото ДНК како дел од својата рекламна кампања за големиот настан проследен со јубилеј - 20 години постоење, споделија снимено видео во кое голем дел познати лица од македонската естрада кажаа што мислат за нив, преку одговорот на прашањето: „Што прво ви паѓа на памет кога ќе се спомне ДНК?“ Познати спортисти, ТВ водители, музичари, пејачки и пејачи од Македонија и регионот преку своите одговори им испратија своевидна честитка за јубилејот и поддршка за работата и претстоечкиот концерт, а сето тоа спакувано во специјална видео-порака. Видеото полно со честитки за јубилејот и дузина желби за многу среќа и успеси, од сите и тоа секој на свој начин. Сите освен еден... Имено, меѓу сите ѕвезди во видеопораката и тој, Марко Маринковиќ попознат како Слаткаристика. Ионака познат по својот „мрсен“ вокабулар полн со „сочни пцости“ Слаткар и овој пат сакал да остане свој дури и во честитката, арно ама... По се' изгледа се надминал себе си во „дозата сарказам во хуморот“, кој речиси никој, освен тој самиот не го сфатил онака како што го замислил! Имено, на некогашниот рапер од Ново Лисиче, музички „лут ривал“ на ДНК, по се изгледа овој пат ривалитетот му надвладеал над желбата за добри намери. Или барем тоа така изгледа и звучи во неговата „игнорантска“ видео - честитка до ДНК!? Па, наместо од срце кажани убави зборови или барем протоколарни комплименти, излезе дека Слаткар им се „изнаруга“ со потсмев на Панчо Андреј. „Као Македонец традиционалиста, за мојата 'као конкуренција', мислам се' најлошо. Значи, не можам да ги смислам. Прво што ми текнуе е на оние ДНК анализи од оние крими-џими филмои. Иначееее... на друго ништо не ми текнува“ - порачал М.М. во видеото. Дали Слаткар само сакаше да се „пошегува“ со Панчо и Андреј, па тоа испадна како што испадна, а јавноста „погрешно“ го протолкува или сепак во секоја шега има и половина вистина, проценете самите? Каква и да ви е Вам проценката, а на Слаткар намерата, сепак некако останува впечатокот дека... Таму каде што има чад има и оган!? Особено ако се знае дека не така оддамна, Слаткар и Панчо и не беа баш во најпријателски односи, иако подоцна обајцата како да ја „спуштија топката“ и ги „закопаа воените секири“. Дали некое „жарче конкурентска нетрпеливост“ сепак остана да тлее или тоа баш така и не е, туку случајно, несакајќи се поклопија некои нешта во „честитката“ на Слаткаристика пред големата концертна фешта на ДНК - за јавноста останува недомица? А за Андреј и Панчо...? Зависи! Кој како ги поима нештата!

Слаткар работи турбо: На Сања Николиќ „и направи“ бебе, а знаете ли што и направи на Сузана Гавазова? (ФОТО+ВИДЕО)

Антонио Димитриевски — Sat, 10 Oct 2020 07:07:06 +0000

Неодамна Марко Маринковиќ - Слаткаристика и неговата поубава половина Сања Николиќ, објавија на Инстаграм дека го добиле својот прв наследник. Сања и „Слаткар“ за прв пат станаа родители, откако таа на свет го донесе малиот кој го доби името Моша. „Ќе почестам, ама нема да правам 'свадба'... Мекици? Тоа е жива глупост. Најшкарт инвестирани пари. Овде само нешто се слави. Треба да се работи, а не само да се слави“ - рече тогаш Марко во изјавата за ТВ магазинот „Бекстејџ“, ама откако синчето се роди, не потврди дали имало или не „мекици собиранка“!? Слаткаристика додаде дека за него најважен медиум иако тоа во класична смисла на зборот и не е, бил Јутјуб. „Ние не сме јутјубери, ама сепак, да не беше каналот, сите ние немаше да бидеме тоа што сме денес. Милиони прегледи? Да, имам над милион прегледи, ама тие не значат и милиони во вистинскиот живот“ - раскажа Марко пред камерата во „ТВ магазинот од зад сцената“. Малку подоцна, на социјалните се појави интересна фотографија која побуди голема љубопитност. Неа ја објави фолк ѕвездата Сузана Гавазова на своите Инстаграми приказни, а на фотографијата фолкерката е сликана заедно токму со „Слаткар“, додека во описот стои: „Се готви нешто со најдобриот и единствениот Слаткар!“ Слаткар на Сања Николиќ „и направи бебе“, мекици за бебето вети дека нема да прави, а што тоа (ќе) и направи на Сузана Гавазова? Требаше да дознаеме наскоро, арно ама...! Во меѓувреме, се случи корона пандемијата и „лончињата се измешаа“, па од ветеното изненадување, се' уште не видовме ништо. Или можеби среќниот татко сега има помалку време за творење, а многу повеќе обврски за „дворење“ на својот наследник и неговата госпожа мама? Како и да е, Марко и остана должник... на Гавазова, а, таа на публиката, која уште го чека нивното „неисполнето“ ветување!

По неполн месец од породувањето Сања Николиќ излезе на прва прошетка со синчето (фото)

Христина Ѓоргиевска — Mon, 11 May 2020 07:47:23 +0000

Марко Маринковиќ – Слаткар и неговата сопруга Сања Николиќ на средината на април, поточно на 15.04.2020 година се реализираа во нивната најважна улога – станаа родители на син. Парот за нивниот наследник одбра оригинално име – Моша. Новопечениот татко тогаш на социјалните мрежи ги сподели среќните вести за пристигнувањето на новиот член. „Се роди Моша Маринковиќ. Голем да му расте“, напиша на „Фејсбук“. https://arhiva.vistina.com.mk/radio-mileva/se-porodi-sanja-nikolikj-slatkar-stana-tatko-sinot-vekje-dobi-ime-mosha-foto/ Оттогаш секој нивен момент е исполнет со радост, љубов, среќа, а бидејќи периодов седиме дома, тие имаат уште повеќе време да се посветат и уживаат со синчето. Деновииве, Сања одлучи да го искористи топлото и убаво време, па да ја направи првата прошетка со Моша. Таа со заштитна маска се прошета со синчето низ скопските улици, а Слаткар овој момент го овековечи со видео кој го објави во кратките приказни на својот „Инстаграм“ профил. фото: принтскрин/инстаграм/сањаниколиќ

Панчо ДНК во обид да ги закопа воените секири со Слаткар: „Како постар сакам јавно да му се извинам“

Слободанка Илиева — Tue, 28 Jan 2020 08:26:48 +0000

Војната преку медиумите помеѓу Панчо ДНК и Марко Слаткар започна минатата година кога Слаткар во една негова песна го посочи својот колега Панчо како човек кој е доказ дека во Македонија за да успееш не ти треба талент. Панчо пак, тогаш не остана имун на тоа што Слаткар го навреди во песната и уште тогаш, додека беше во Америка го возврати ударот кон раперот. Топката не ја спушташе ниту едниот, ниту другиот. Сега, нештата преминаа во друга димензија, односно Панчо се одлучи да ги закопа воените секири поттичкнат од загубата на НБА ѕвездата Коби Брајант. Панчо прилично се расплени во својот статус на Фејсбук, кој ви го пренесуваме во целост.

Погоден од вчерашната трагедија и прераното згаснување на животот на Коби Брајант, човекот со кој израснаа многу генерации, рол модел, идол на многу спортисти, кошаркарски фанови, човек кои едноставно не можеш а да не му се восхитуваш на желбата за победа и истрајноста. Колку и да го “убивал” твојот сакан NBA тим потајно ни бил симпатичен на сите. Поентата на овој статус ми е тотално друга. Вчера се запрашав, а верувам и сите вие, зошто треба да се случи некоја голема трагедија за сите да не спои? Зошто треба да се случи нешто вакво за да сфатиме дека денес сме тука, утре веќе не сме? Зошто да се мразиме едни со други? Зошто да не дадеме поддршка и кажеме : БРАВО, ФАЛА, ИЗВИНИ, ТЕ САКАМ на сите оние за кои стварно тоа го мислиме, а не го кажуваме од пуста суета или љубомора? Размислував дали имам некој таков во мојот живот и сфатив дека имам еден човек кои се вика Марко или на јавноста познат какоСлаткаристика коj го знам и се познаваме минимум 15 години. Јавноста е запознаена за нашата “нетрпеливост” која според мене генерално излезе од нигде никаде и дури и ја не знаев зошто и од каде е сета таа омраза упатена кон мене од негова страна. Да не должам многу, како постар сакам јавно да му се ИЗВИНАМ ( иако никогаш не слушнав од него за што бев “нападнат” од негова страна) и да си го тргнам целиот оној товар кои ми седел како грутка во душата сите овие години наназат. Исто така сакам да кажам дека сум му ПРОСТИЛ за се што кажал за мене, едноставно животот е толку краток за да чувам “ТОКСИЧНИ” мисли кои ми ја одземаат енергијата зошто како што кажав ЖИВОТОТ Е ПРЕУБАВ за да го трошиме на лоши негативни работи. Слушнав дека наскоро ќе стане татко и му посакувам од се СРЦЕ само убавини во тој поглед, а истото тоа ќе му донесе сосема нов ментален склоп и поглед кон светот. Исто така сакам да ви кажам на сите мои колеги, музичари, уметници дека музиката и уметноста не е трка на 100метри и нема тука победник. Победници сме сите ние кои твориме, бидејќи музиката е една од ретките универзални јазици кои ги обединуваат луѓето и прават посреќни. Не чекајте да се случи “KOBE” за потоа да сфатите што сте изгубиле и да се каете дека не сте кажале се што сте имале на УМ. П.С - Сакајте се, почитувајте се и поддржувајте се! Ваш Панчо, завршува Владимир Блажев- Панчо кој сега како што вели е ослободен од товарот кој му бил како грутка на душата.

Во ова јавно извинување беше означен и Слаткаристика, но сепак, од него немаше ни трага ни глас. За својата постапка Панчо доби илјадници лајкови и коментари во кои се пишува дека има големо срце, дека е голем човек и вреди да се прочита секој збор во неговото јавно извинување. Дали Стакар ќе возврати во иста мера или ќе остане резервиран и ќе ја задржи својата „нетрпреливост“ кон колегата, останува да видиме...

Синот на пејачот и авторот на „Пукни зоро“ пронајден мртов

Христина Ѓоргиевска — Mon, 05 Nov 2018 12:09:14 +0000

Марко Маринковиќ (24) синот на пејачот и авторот на „Пукни зоро“, Тома Маринковиќ е пронајден мртов во Шпанија. Младото момче починала во недела наутро, кога по нејасни околности паднал од терасата во хотелот „Al Jusana“ каде што бил сместен со уште неколку студенти од Србија како дел од програмата „Еразмус“.

По завршените студии во Србија, Марко во Шпанија заминал на едукативно подобрување. Несреќата се случила во 10часот наутро. Според локалните медиуми, Марко останал сам во собата, а неговиот цимер заминал на појадок. За сега, не е познато дали станува збор за самоубиство или несреќен случај.

(ФОТО) Сања Николиќ стана жена на магистер!

Слободанка Илиева — Fri, 16 Feb 2018 08:00:25 +0000

Раперот Марко Маринковиќ -Слаткар реши да направи еден голем чекор во својот живот, односно да го зголеми својот степен на образование и да добие нова професионална титула. Имено, тој реши да ги финализира постдипломските студии на Универзитетот за туризам и менаџмент во рамките на меѓународниот маркетинг менаџмент, па сега пред неговото име стои префиксот М-р.

За оваа новина се пофали на социјалните мрежи, па сега освен македонски артист, миленик на хип-хоп заедницата, мзуиччар, ја има и титулата М-р Марко Маринковиќ, а неговата Сања сега е жена на магистер.

Честитки!