марк де јонг – Вистина.мк

Шеф Марк пред камери проговори дека со шеф Никола не се во добри односи: „Таков човек игнорирам комплетно“ (видео)

Слободанка Илиева — Thu, 22 Feb 2024 06:48:27 +0000

Поминаа доста време откако шеф Марк де Јонг не е дел од кулинарското шоу „Брза кујна“ каде беше цели седум сезони, а на негово место дојде шеф Бобан. Марк набрзо потоа се впушти во нов телевизиски прект насловен „Авантурите на Марк“, кој патем одлично му оди, но темата „Брза кујна“ никако да олади. Кога Марк го напушти шоуто од каде го запознаа и засакаа гледачите, оние кои се инволвирани во проектот беа со резервирани изјави околу тоа зошто шеф Марк заминал, па дури и самиот тој тогаш не ја кажа јавно причината за занимувањето. Тогаш само шеф Никола Мишковски со кого беа нераздвојни приватно и пред камери изјави дека му било чест и задоволство да работи со колегата Марк. -После седум успешни сезони, после 1400 емисии, околу 6000 различни рецепти и многу интересни моменти, патиштата ни се разделија. Шеф Марк, ми беше чест и задоволство и предизвик да работам и снимам со тебе. Остави со сигурност голем печат во „Брза кујна“, но сигурен сум каде и да одиш ќе бидеш победник и еднакво успешен. Еј стрико, остаревеме заедно (се смее). Вака се започна, пишуваше тогаш Никола објавувајќи фотографија каде држи списание каде на насловната страница е шеф Марк. Помина време, Марк почна со новите снимања, па реши и јавно да прозбори каде „лежи зајакот“, а исто така и да покаже дека за него не згаснала ниту љубовта за пред камерите, а најмалку за готвењето кое е негова примарна пасија и професија. -Се случија некои осцилации во односот на екипата кон мене. Ситуации и зборови кои премногу ме повредија, ми ја одземаа енергијата и креативноста, не се чувствував повеќе среќен, а кога не си среќен, треба нешто да смениш, нели? Без љубов и позитивна енергија нема успех. Затоа и одлучив дека ми е потребен нов предизвик, нешто ново“, искрен беше и тогаш Марк во интервјуто за Арткујна.мк. И таман кога помисливме дека „манџата е ладна“ , повторно се огласи Марк, нешто подиректен во емисијата на Јутјуб „Ти реков, ми рече“ кај Давид Давидовски кој повторно ја начна темата и парша дали се скарани со Никола? -Не сакаран, игнорирам комплетно. Таков човек за мене... Си го покажа вистината, за мене доволно ми беше и доста, се става крај и не се продолжува. Он си знае, јас си знам, вели Марк, резервирано но со јасна слика за тоа дека зачините во односот меѓу нив едноставно не се мешаат. Што конкретно кажа Марк погледнете во продолжение:

View this post on Instagram

A post shared by DAVID DAVIDOVSKI (@davidovski_icon)

фото:Facebook/ Mark De Jong/ beza kujna

„Премногу ме повредија!“: Без љубов не се готви, а тоа бил и главниот зачин коj му недостигал на шеф Марк во „Брза кујна“ (фото)

Слободанка Илиева — Fri, 24 Feb 2023 09:19:57 +0000

Поминаа неколку месеци откако шеф Марк де Јонг не е дел од кулинарското шоу „Брза кујна“ каде беше цели седум сезони. Тогаш оние кои се инволвирани во проектот беа со резервирани изјави околу тоа зошто шеф Марк заминал, па дури и самиот тој тогаш не ја кажа јавно причината за занимувањето, но се досега. Откако од неодамна започна нов ТВ проект, тој реши и јавно да прозбори каде „лежи зајакот“, а исто така и да покаже дека за него не згаснала ниту љубовта за пред камерите, а најмалку за готвењето кое е негова примарна пасија и професија. -Се случија некои осцилации во односот на екипата кон мене. Ситуации и зборови кои премногу ме повредија, ми ја одземаа енергијата и креативноста, не се чувствував повеќе среќен, а кога не си среќен, треба нешто да смениш, нели? Без љубов и позитивна енергија нема успех. Затоа и одлучив дека ми е потребен нов предизвик, нешто ново“, искрен е Марк вол интервјуто за Арткујна.мк. Она што моментално го работи Марк де Јонг е нов телевизиско кулинарски проект насловен „Авантурите на Марк“. Баш како што е насловена неговата емисија, тој тргна во мисија да ја истражува Македонија, тадицијата, рецептите и нашата кујна за која отсекогаш знаел да каже дека му оставила силен впечаток. Непосреден, дружељубив, креативен и инспоративен за нешто ново и поинакво како во случајот. „Авантурите на Марк се реализираат со мала екипа со која соработува, најголема поддршка му е сопругата Василка, а едно сино „Фиќо“ модифицирано.во електрично, е превозното средство со кое патува низ земјава. ТВ проектот кој не е нешто ново, а сме го виделе на странските канали, но сепак е оригинално за наши простори. Истото е поставено на Јутјуб и Телма телевизија. Новина кај Марк е тоа што неодамна со госпоѓа Василка патуваа во Обединетите Арапски Емирати, а се вселија и во нов дом во скопско Сопиште. Нови авантури, нови зачини со многу љубов од кои не се сомневаме дека ќе се сервираат извонредни специјалитети. фото:Инстаграм принтскрин/Јутјуб/Фејсбук

Во популарното кулинарско ТВ шоу досега ги менуваа само водителките, сега заминува и еден од готвачите: Шеф Марк се одјави од „Брза кујна“ (ФОТО)

Антонио Димитриевски — Tue, 19 Jul 2022 06:31:37 +0000

Шеф Марк се одјави од популарното кулинарско шоу „Брза кујна.“ Марк де Јонг информира дека по поминати 7 сезони во шоуто подготвен е за нови предизвици. Преку социјалните мрежи тој се заблагодари за сета позитивна енергија и добрите желби кои ги добил. „Ми беше задоволство седум сезони да бидат дел од тимот на Брза кујна. 7 години, 1.400 емисии, 1.400 асистенти со кои заедно подготвувавме слатки изненадувања за гледачите пред малите екрани, но и за присутните во студиото. Поминавме убави моменти заедно, но по 7 години потребен ми е нов предизвик, нова авантура“ - напиша шеф Марк на Фејсбук. Дали само нов предизвик е причина за неговото заминување или има нешто друго во позадина што не с знае, засега не е познато, иако во претходната објава тој напиша дека „се надева оти е јасно зошто нема да биде дел од следната сезона на Брза кујна“. Како и да е, гледачите му посакаа среќа во новата авантура и му се заблагодарија за добрите идеи и рецепти за брзо приготвување предјадење, ручек и десерт кои за само 20 минути ги подготвуваше заедно со шеф Никола, кој засега останува во „Брза кујна“. Фото: Фејсбук принтскрин/Mark De Jong (Chef Mark)

Шеф Марк и сопругата преспаа во „Преспав“, ама оној вистинскиот сосе сопствениците (фото)

Слободанка Илиева — Sat, 05 Feb 2022 07:21:19 +0000

Иако по потекло е е Белгија, познатиот шеф Марк кој речиси секој го препозанва од кулинарското шоу „Брза кујна“, е вистински заљубен во Македонија. Тоа досега многупати го има истакнато пред камера, а не само што му се допаѓа традиционалната македонска кујна, тој ги сака и природните убавини на Македонија и патувањата во различни краишта од земјата. Овој пат, на својот Фејсбук профил тој се присети на патувањето до Преспа, односно Отешево кое пак е инспирација за популарната македонска серија „Преспав“. Марк и неговата сопруга Василка преспаа во „Преспав“, односно вистинското име на хотелот е „Лејквју“, ги запознаа вистинските сопстевеници и моментите ги овековечија со неколку фотографии за спомен, кои Марк сега ги објави пред своите пријатели и следбеници на социјалните мрежи. -Преспавме во Преспав... Убавина заборавена...чист воздух...здрава и вкусна храна и добра услуга...одлично сместување...газди со големо срце, пишува Марк. Во никој случај не пропушти да ја види кујната, да ги проба преспанските специјалитети и да го запознае шефот во кујната. Марк уште еднаш им даде идеја на сите кое место да го стават на мапата и агендата за патување со едно поинакво доживување. Фото: Марк де Јонг/Фејсбук принтскрин

Сопругата на шеф Марк, Василка првпат се појави пред камери и откри како функционираат заедно: „Тоа беше љубов на прв поглед“

Христина Ѓоргиевска — Fri, 16 Jul 2021 07:17:36 +0000

Марк де Јонг или познат како шеф Марк од „Брза кујна“ неодамна официјално стави потпис во матично и вплови во брачните води со неговата партнерка, а сега сопруга Василка Димоска де Јонг. Марк и Василка направија скромна свадбена церемонија во кругот на нивните семејства и најблиски пријатели. Марк гостуваше во емисијата „Џентламен магазин“ каде што зборуваше за џентламенството, за својата љубов кон Македонија, готвењето, за сопругата. Имено, тој откри дека од Белгија дошол во Македонија бидејќи и ветил на неговата баба дека еден ден ќе ја посети, па откако пристигнал тој сфатил тука е неговиот живот. „Откако дојдов во Македонија се сменив, потполно сум друг човек. Како во мојот живот да беше предвидено да дојдам овде и да останам овде, да се запознаам со мојата омилена половина“, вели Марк. Сопругата на шеф Марк, Василка е лекар – специјалист во две области. Таа моментално работи како доктор со лица со интелектуална попреченост односно е генерален секретар на националната организација за поддршка на лица со интелектуална попреченост „Порака“. Василка исто така гостуваше во емисијата „Џентламен магазин“ каде што зборуваше за Марк, каков е тој како џентламен, како се запознале, како функционираат заедно. Сопругата на шеф Марк раскажа дека се запознале на некој хуманитарен настан и дека тоа било љубов на прв поглед. Исто така, таа откри дека се заљубила во Марк во неговите мали џентламентски манири. Како што раскажува Димоска она што им е заедничко на неа и Марк е тоа што и двајцата сакаат да патуваат, да пробуваат разни специјалитети, да запознаваат и да се дружат со нови луѓе. Таа открива дека Марк често знае да и направи некој посебен специјалитет односно да и зготви нешто спонтано и тоа да биде вкусно. Василка вели Марк е вистински џентламен, а љубовта кон сопругата секојдневно и ја покажува со ситни детали. Како што раскажува, нејзино омилено цвеќе се орхидеите кои ги имаат во нивниот дом, а шеф Марк со посебна љубов и внимание ги одлегува. „Јас многу сакам кога се тоа е многу спонатно, кога мора нешто да се донесе. Многу се радувам и на обично цвеќе, но мое омилено цвеќе се орхидеите. Јас ги сакам, но не знам да ги негувам. Дома наместо зависи, имаме прозорорци кои се со завеси од орхидеи. Марк ми го прави тоа задоволство во домот да имаме колекција на орхидеи, а тој ги негува со огромна љубов. Секој ден кога ќе ги погледнам тие завеси од орхидеи ја чувствувам неговата љубов“, вели Василка. Целото интервју со Марк и Василка погледнете во видеото подолу. фото: фејсбук/ марк де јонг/ васила димовска де јонг/принтскрин/јутуб/џентламен магазин/мрт

Се ожени шеф Марк од „Брза кујна“: Со зурли и тапани и бакшиш на чело, семејна свадбена веселба на Камник ( ФОТО+ВИДЕО)

Антонио Димитриевски — Mon, 21 Jun 2021 08:31:03 +0000

Готвачкото ТВ шоу „брза кујна“ за кратко време стана едно од најпопуларните телевизиски емисии од ваков формат. Натпреварувачите секојдневно се менуваат, водителките повремено, ама главните ѕвезди останаа исти: Шеф Никола и шеф Марк! Двајцата врвни готвачи и забавувачи се неизоставен дел врз чија кулинарска умешност, вештина и знаење, ама и смисол за хумор и забава се темели шоуто, па затоа без било кој од нив нема ни добра храна, ни добра забава! И додека шеф Никола Мишковски пред две години ова време вплови во брачните води правејќи едноставна забава за најблиските, за шеф Марк де Јонг сите „знаеја“ дека е во брак“ со неговата македонска избраничка Василка Димовска... Арно ама, работите стоеле малку поинаку! Имено, иако има возрасни деца - син и ќерка кои живеат во Белгија, популарниот готвач и неговата понежна половина всушност само живееле заедно во вонбрачна заедница...Или како што кај нас народски се вели, во „див брак“! Токму затоа, шеф Марк и неговата Василка, викендов, 20 јуни 20221 година, решија и официјално да стапат во брак... Да ја озаконат својата врска, која всушност беше еден вид брак, кој само не беше официјализиран на хартија! Ковид протоколите за свадби иако попуштија, сепак шеф Марк и Василка се решија за „скромна“ семејна свадбена веселба со најблиските роднини и пријатели, која ја одржаа на едно од најелитните скопски гастромномско-вински локалитети, Камник. А свадба не е свадба без младоженец и невеста, па затоа младоженците се потрудија да не го „пропуштат моментот“: Тој во свечен костум со китка на реверот, таа во бела невестинска венчаница со бидермаерот в рака... Младоженците пред матичарот се заколнаа на вечна љубов, па првите секунди од ветувањето и официјалниот брак, како што е редот, ги зачинија со сочен свадбен бакнеж! Гостите малубројни, ама сепак весели, а музиката - традиционална, изворна, македонска... Зурли и тапани им свиреа на младите! Шеф Марк можеби не ги научил до крај чекорите на орото, ама затоа добро ги научил македонските адети, па качен на тапанот, ниту тој, ниту сватовите не ги испратија со празни раце свирачите. Илјадарки и евра бакшиш се делеа, а Бога ми и лепеа на чело на музичарите, чии звуци на нивните иснструменти му ја разубавија свадбената веселба на познатиот готвач и неговата невеста! На свадбата покрај останатите гости биле присутни и децата на шеф Марк, ќерката и синот Микел ( Мики) кој сподели и видео од свадбата на татко му! Се' на се', ако во „Брза кујна“ за подготовка на врвен специјалитет на шеф Марк му се потребни едвај 20 минути, одлуката за брак по македонски рецепт, очигледно ја “крчкаше“ подолго време! Како и да е, нека им е со среќа брачниот живот... и официјално! Фото и видео: Фејсбук принтскрин/Fancy Flower Boutique/Mickael De Jongh

Изненадување: Лила го прекина снимањето на „Брза кујна“ (фото)

Слободанка Илиева — Mon, 24 May 2021 07:15:26 +0000

Квиз и кулинарското шоу на телевизија Сител, „Се или нешто“ и „Брза кујна“ се едни од најпопуларните и најпосетените од учесниците кои сакаат да си ја пробаат среќата со бројките, да се покажат во готвењето, да освојат некоја награда и секако да добијат некакво искуство пред камера. Но, за водителките како Лила и Сања Савеска, а и за готвачите Марк и Никола, снимањата се секојдневие, а пред камерите се чувствуваат како дома. За промена, Лила реши да ги смени студијата, па им направи изненадување на колегите од соседното студио, кои пак оваа ненадејна посета не пропуштија да ја објават на Фејсбук. -Ненадејна посета го прекина снимањето на „Брза кујна“. Фантастичната и незаменлива домаќинка и водителка на најгледаното шоу "Се или нешто", не изненади и ни направи чест со својата појава во нашето кулинарско шоу „Брза Кујна“. Ти благодариме за честа Лила Филиповска. Доаѓај почесто, заедно ќе учиме да готвиме со Марк де Јонг и Никола Мишковски, напиша водителката Сања Савеска. По ваквата најава и покана, останува дали ќе ја видиме Лила како ќе се покаже во кујната, а тоа особено би било интересно за гледачите во претстојниот празичен период.

И најдобрите грешат: Шеф Марк откри дека му се случува да згреши во готвењето и тоа само поради една клучна причина (видео)

Слободанка Илиева — Fri, 11 Dec 2020 08:45:42 +0000

Шеф Марк Де Јонг гледачите секој работен ден имаат можност да го гледаат годека ја презентира својата маестралност во готвењето во шоуто „Брза кујна“. Овој пат повторно беше на шоу, на истата фреквенција на телевизија Сител, но во шоуто „Магазин“. Марк во таа прилика откри доста детали од неговиот живот во Белгија и Македонија во изминатите седум години откако е тука, а зборуваше за бракот со неговата сопруга Василка. Секако, неизбежна тема беше јадењето и готвењето. Марк вели дека од македонската кујна омилено му е тавче гравче, но ова традиционално јадење секогаш го подготвува неговата сопруга Василка, а тој едвај чека да го дегустира. Познатиот готвач и дома е задолжен за поспецифични јадења, особено оние од француската кујна, но како што вели и тој знае за згреши поради една клучна причина. -Ми се случи два или трипати да го погрешам јадењето дома заради немање расположение. Верувајте ми, чудно ми беше тоа и сопругата ме прашаа: „Што ти е денеска, има нешто во јадењето што не оди“. Навистина, не бев расположен, па само од таа причина го утнав јадењето. Не беше на нивото на кое секогаш го подготвувам. Затоа велам, љубовта и расположението при готвењето се чувствуваат и во јадењето. Чудно, ама така е!“ - вели Марк и додава дека сосовите му се специјалност. -Сопругата најмногу ги сака сосовите што ги правам, бидејќи во секое јадење треба да има сос, тоа е француска кујна. Тоа е вкусот што ја дава целината на јадењето, вели Марк. Целосното интервју можете да го погледнете од видеото на шоуто „Магазин“ во продолжение:

„Нема болка – нема добивка“: Шеф Марк си постави голем животен предизвик до сигурни промени (видео)

Слободанка Илиева — Thu, 22 Oct 2020 07:14:23 +0000

Тој е ведар, позитивен, секогаш насмеан и расположен за разговор, а неговиот талент и маестралност во кујната се неприкосновени – тоа е шеф Марк Де Јонг. Сите знаеме дека храната и кујната се оние што за него живот значат, но тој пред себе си постави нова мотивација и предизвик кои ќе го променат и здраствено и физички. Имено, познатиот белгиски готвач со македонска адреса веќе извесе период е активен во еден познат скопски фитнес центар каде е решен да изгуби килограми и да биде во форма. „Нема болка- нема добивка“, гласи мотото на Марк кое го пишува во објавите на својот Фејсбук. За дополнителна мотивација како партнерка и во теретаната, Марк ја има својата сопруга Василка која ја одржува својата витка линија. https://arhiva.vistina.com.mk/radio-mileva/mark-i-nikola-gi-pochnaa-snimanjata-na-brza-kujna-no-so-nova-voditelka-foto/ Инаку, Марк деновиве започна со снимањата на шестата сезона на „Брза кујна“ заедно со шеф Никола и новата водителка Сања. Посветеноста секогаш вродува со резултати, а не се сомневаме дека Марк како што тргнал, ќе успее во намерата.

Марк и Никола ги почнаа снимањата на „Брза кујна“, но со нова водителка (фото)

Слободанка Илиева — Wed, 21 Oct 2020 06:59:55 +0000

Со почетокот на месец семпември изминатите пет години почнуваше и емитувањето на популарното кулинарско шоу „Брза кујна“ на ТВ Сител. Овој септември тоа не се случи поради пандемијата од коронавирусот, но сега шефовите и домаќини, Марк де Јонг и Никола Мишковски, на своите Фејсбук профили открија дека шестата сезона започнала да се снима. Во прилог на информацијата објавија и нова фотографија од нив двајцата, но и новата водителка која ќе го води шоуто. Станува збор за Сања Савеска која е познат телевизиски лик од утринската програма на телевизија 24. Следбениците на Марк и Никола им порачаа дека едвај чекаат да гледаат нови кулинарски предизвици и натпреварувачи, но и да поднаучат некој нов рецепт од нив, а разбирливо и дека ја забележаа промената на Александра Илиевска. -„Ново освежување“, „Редно беше да почнете“, „Каде е Александра“, беа само мал дел од коментарите. Причината за промената на Александра засега е непозната. За потсетување, првата сезона на кулинарското шоу „Брза кујна“ го водеше Билјана Максимовска на чие место набрзо дојде Александра Илиевска. Исто така во минатата петта сезона Марк и Никола исто така имаа замена од двајца свои колеги, но тие само ги надополнуваа низ емисиите.