марио арангеловски – Вистина.мк

Марио Арангеловски и Мише по старото криминално клише во нивната гангста музичка сторија – „ФОН“ (ИО)

Антонио Димитриевски — Tue, 21 Feb 2023 13:17:38 +0000

Јутуберот и учесник во неколку домашни и регионални талент шоуа, кумановецот Марио Арангеловски, заедно со Михаил Митовски – Мише ја промовираа нивната дуетска песна „Фон“. На текстот и музиката се потпишуваат неколку автори и тоа InsertAKik, Boof, Popo и AndrejNik. А, зад видеото, кое наликува на криминалистички филм е потпишан Константин Митевски. Марио и е добро познат на јавноста по својот YouTube канал и учеството во неколку ТВ шоуа како „Сите наши песни“ „Ѕвездите на Гранд”, „The X Factor” и слично. „Добро утро, радни народе. Вчера излезе “ФОН”, проектот на кој што напорно работевме неколку месеци. Ќе ми биде драго ако погледнете што сме сработеле и ќе ги очекувам вашите коментари“ - споделил марио на својот Фејсбук профил промовтивно најавувајќи го видеото чија приказна наликува на нешто што во многу што потсетува на некои од веќе познатите криминално-коруптивни афери кај нас... Како онаа со „Луј Витон“ торбата на пример...! Мише односно Михаил Митевски е ново име на македонската музичка сцена. Тој има 17 години и е од Скопје. Зад себе веќе ја има песната „Пронто“, која доволно добро помина кај слушателите. Освен создавање музика тој е менаџер на многу забави во македонската престолнина. Како звучи и изгледа нивната гангста музичка сторија насловена „ФОН“, проследете од видеото во продолжение (КЛИКНИ ТУКА):

Македонскиот учесник во „Ѕвездите на Гранд“ и миленикот на Карлеуша, Марио Арангеловски прими вакцина против коронавирус (фото)

Христина Ѓоргиевска — Wed, 12 May 2021 06:57:03 +0000

Никако да дојде крај на пандемијата со коронавирусот која трае повеќе од една година. Населението ширум светот се вакцинира со вакцина против корона и што побрзо да заврши ова лудило. Голем број од познатите од светот исто така се вакцинираа и ја користат својата популарност да апелираат до сите граѓани да примат доза вакцина против корона. Кумановецот Марио Арангеловски на публиката стана познат по неговото учество во регионалното музичко шоу „Ѕвездите на Гранд“ каде што беше под менторство на Јелена Карлеуша. Јелена неколку пати во емисијата истакна дека тој е омилен кандидат и дека многу верува во него. Меѓутоа, Арангеловски испадна од музичкото шоу, а како што истакна на социјалните мрежи не планира да се врати и завршил со појавувањето во „Ѕвездите на Гранд“.

View this post on Instagram

A post shared by Mario Arangelovski (@mario_arangelovski)

Арангеловски е активен на социјалните мрежи, тој често снима и влогови за Јутуб, па ги известува и неговите следбеници што има ново. Така овој пат, македонскиот пејач објави дека примил вакцина против корона. Имено, тој објави фотографија додека го бочкаат, а во описот напиша: „Готово е“. Неговите следбеници го поздравија овој негов потег.

Maкедонски дуел: Мими повторно „растури“ со пеење во „Ѕвездите на Гранд“ – „Ти си лек за уши“

Христина Ѓоргиевска — Sun, 11 Oct 2020 08:48:09 +0000

Во последната емисија од третиот круг на регионалното музичко шоу учестуваа и неколку македонски кандидати, некои од нив поминаа директно во следниот круг, а некои го напуштија шоуто. Посебен белег остави Мими Јовановска која се најде во т.н македонски дуел со Марио Арангеловски од Куманово. Марио Арангеловски се претстави со песните „Кида ме“ и „Фали ми љубав“. Додека пак Мими се претстави со песните „Судбо моја“ и „Проклет да је овај живот“. Марио доби три гласа и оди во следниот круг, додека пак Мими ги освои сите гласови од жирито и се пласираше директно во четвртиот круг. Жирито имаше пофални зборови и за двајцата македонски кандидати. „Фантастични два кандидати. Се беше супер, само продолжете така. Точно во тој правец“ изјави Мили. Вики Миљковиќ исто така го пофали пеењето на Мими: „Таа е лек за уши“, беше кратка и јасна пејачката. Нивниот настап ќе може да го погледнете во видеото подолу на 2:36: 20.

Mногумина би посакале да се на негово место: Oвој Македонец и се „залепи“ на Карлеуша (фото)

Христина Ѓоргиевска — Wed, 19 Feb 2020 08:40:39 +0000

Во регионалното музичко шоу „Ѕвездите на Гранд“ има македонски кандидати кои се борат да се покажат во најдобро светло, а благодарение на своите ментори работат на тоа да бидат уште подобри. Ова година, првпат во музичкото учестува и кумановецот Марио Арангеловски кој е под менторство на Јелена Карлеуша. Пејачката заедно со својот тим односно Мира Шориќ и Ивана Петерс работат со своите кандидати. https://arhiva.vistina.com.mk/radio-mileva/makedonskiot-uchesnik-vo-dzvezdite-na-grand-otkriva-kakov-mentor-e-karleusha-znae-na-vistinski-nachin-da-mi-ja-krene-samodoverbata/ Марио успеа убаво да се претстави во вториот круг, па помина директно во третиот круг кој наскоро треба да започне со снимање. По тој повод, Арангеловски замина во Белград за да поработи со своите ментори, да ги одберат песните, да поработат на грешките и целокупното претставување. Меѓутоа, Марио освен што „учеше“ од Јелена, тој го искористи моментот да направи „селфи“ со пејачката. Заедничката фотографија, Македонецот го објави на својот „Инстаграм“. Многумина, посебно фановите на пејачката би посакале да се најдат на местото на Марио и да ја запознаат Јелена во живо или да направат едно заеднички селфи. Во една прилика, Марио исткана дека Јелена многу добро знае да им ја крене самодовербата на своите избрани кандидати.Тој исто така истакна доколку Карлеуша не би му била ментор ќе се откажал од шоуто. Како Јелена ќе го подготви Македонецот за третиот круг на музичкото шоу останува да видиме. За потсетување, оваа сезона од „Ѕвездите на Гранд“ се откажаа Стефан Величковски и Елена Миленковска.

Македонскиот учесник во „Ѕвездите на Гранд“ открива каков ментор е Карлеуша: „Знае на вистински начин да ми ја крене самодовербата

Христина Ѓоргиевска — Thu, 06 Feb 2020 08:58:57 +0000

И оваа сезона во регионалното музичко шоу „Ѕвездите на Гранд“ има неколку македонски кандидати кои ќе се борат да стигнат до финалето на музичкото шоу. Еден од нив е и кумановецот Марио Арангеловски кој е под менторство на Јелена Карлеуша. Марио засега помина во третиот круг на шоуто, а наскоро со својот ментор ќе ги започнат подготовките во истиот. Имено, Арангеловски во едно свое видео на Јутуб истакна дека бил изненаден од првиот менторски час и тоа колку менторите биле посветени на своите кандидати. Во интервју за Гламур, Марио откри како поминува едно снимање на музичкото шоу. „На последното снимање во Белград, покрај обврските околу настапот, одлучив да снимам и влог за мојот канал на јутуб. Па, топло им препорачувам на сите ваши читатели да тркнат таму и да го погледнат, за на еден вистински начин да ја почувствуваат таа тензија која владее помеѓу нас кандидатите пред настапот, но, и да видат што се се случува кога камерите се исклучени и како всушност изгледа студиото. Накусо, снимањата се многу напорни, особено за нас кои не живееме во Белград или Србија, генерално. Долг пат, проби, шминка, фризура, чекање…, вели Арангеловски. Меѓутоа, Марио исто така откри каков ментор е Карлеуша, како заедно се подготуваат за песните и круговите. Да, на мое огромно задоволство, Јелена Карлеуша ми е ментор. И на самиот почеток мора да напоменам дека ми е чест што имам можност да работам со неа и што ме поддржа уште во првиот круг, па со самото тоа имав можност да ја одберам за ментор. Инаку, вежбаме во Гранд продукција, во едно музичко студио. Мира Шкориќ е дел од екипата која работи со нас, а, наскоро ќе ни се приклучи и Ивана Петерс. Ние најчесто одиме со список на песни кои би сакале да ги пееме, тие ги селектираат оние кои сметаат дека се соодветни за нас, не слушаат, а потоа следува финалниот избор, со нивни препораки“ вели македонскиот кандидат за Гламур. Како Марио ќе се подготви за третиот кру и дали ќе ги добие сите гласови останува да почекаме.

Ова немате прилика да го видите на ТВ екраните: Марио од Куманово откри што се случува зад камерите на „Ѕвездите на Гранд“

Христина Ѓоргиевска — Tue, 21 Jan 2020 07:56:37 +0000

Секоја сабота на Канал 5 телевизија имаме прилика да го гледаме музичкото шоу „Ѕвездите на Гранд“. Во последните неколку години, оваа музичко шоу е регионално. Односно ако до пред неколку години учествуваа само кандидати од Србија, сега има и претставници од државите во регионот. Во Македонија ова е едно од најпопуларните шоу од ваков карактер, па неколку години наназад се пријавуваат Македонци и Македонки кои сакаат да си ја пробаат среќата или да го покажат својот квалитет. Некои од нив успеајаа, некои само еднаш се појавија, а некои се уште се „тресат“ на сцената на „Гранд“. И оваа година, како и претходната има Македонци кои се „борат“ во музичкото шоу. Според новите правила на „Гранд“, секој член од жирито е ментор на кандатите и заедно сооработуваат. Оваа сезона еден од учесниците е Марио Арангеловски од Куманово за кого веќе ви пишувавме во вчераните вести на вистина.ком.мк https://arhiva.vistina.com.mk/radio-mileva/sherifovikj-vikashe-na-cel-glas-dali-ste-normalni-poradi-ovoj-makedonec-nastana-haos-vo-dzvezdite-na-grand-video/ Марио имаме прилика да го гледаме на сцена и како настапува, но тој сега откри што се случува зад камерите на „Ѕвездите на Гранд“. Имено, ако на ТВ екраните може да видиме како се изгледа совршено, намонтирано, убаво и професионално, но и исто така може да ги видиме кавгите меѓу членовите на жирито, Кумановецот откри што се случува пред снимање. Имено, во неговиот влог на Јутуб тој покажа како изгледа зад сцената на Гранд од каде што излегуваат кандидатите, исто така ја покажа и собата за емоции каде што е водителот Воја заедно со поддршката на кандидатите, покажа како изгледа просторијата каде што се подготвуваат кандидатите. Пред да започне снимањето, кандидатите со нивните ментори имаат генерална проба, а некогаш снимањата знаат да траат и по неколку часа на ден. Во продолжение погледнете како изгледа зад камерите на музичкото шоу. За потсетување, во 2017 Ристе Ристески победи во „Ѕвездите на Гранд“.

Шерифовиќ викаше на цел глас: „Дали сте нормални“ – поради овој Македонец настана хаос во „Ѕвездите на Гранд“ (видео)

Христина Ѓоргиевска — Mon, 20 Jan 2020 08:57:10 +0000

Во последната емисија на регионалното музичко шоу „Ѕвездите на Гранд“ настапуваше кумановецот Марио Арангеловски кој првпат е во музичкото шоу и е под менторство на Јелена Карлеуша. Тој се претстави со песните „Једина“ од Тоше Проески и „Кремен“ од Дино Мерлин. Кога станува збор за пеењето, Марио не се претстави во најдобро светло. Меѓутоа, жирито беше задоволно од сценскиот настап, а во еден момент понесен од атмосферата Марио отиде на местото каде што седеше Карлеуша и почнаа да и пее и да игра пред неа. На крајот на интерпретациите, Марио освои четири гласа, односно од Вики Миљковиќ, Ѓорѓе Давид, Ана Бекута и Драган Стојковиќ Босанац. Меѓутоа, кога Марио заврши со пеењето и жирито со гласањето, Марија Шерифовиќ бесна и лута викаше на цел глас: „Дали сте ви нормални? Момче извини, но зошто гласаше ти Босанац?, праша Марија која беше изненадена од гласот на Босанац. „Јас гласав од протест бидејќи овде со мене седат луѓе кои не слушаат. На пример, тие бараат да дадат глас бидејќи матрицата е тивка и не се слуша...Јас го повлекувам својот глас“ истакна Босанац. „Не се слушаше матрицата и затоа момчето лошо пееше“ Вики продолжи со дискусијата. „Ма, што зборувате луѓе, матрицата беше коректна“ додаде Поповиќ. „Мени ми се допаѓа како ова момче изгледа како целокупен пакет“ истакна Миљковиќ која даде глас на македонскиот кандидат. „Изгледаш како кукла. Спакуван си како треба, ти си убаво момче.Се облече како што треба и тоа значи дека го почитуваш жирито и продукцијата. Босанац не знам каде е твојот проблем“ вели Ѓорѓе Давид. Пофални зборови за Марио имаше и неговиот ментор, поточно Јелена Карлеуша која овој пат не можеше да гласа. „Имаш преубава боја на гласот. Преубава. Исто така многу си убав, те гледав цело време додека се сликаше. Ти и се допаѓаш на публиката и тука нема лаги. Точно е дека си убав, но ти си аматер кој се бори со тремата. Но, дека си прекрасно момче кое има потенцијал, тоа е јасно како ден“ истакна Карлеуша. Марио со четирите гласа помина во бараж, а потоа помина во третиот круг. Како, Марио ќе се претстави во третиот круг останува да почекаме и да видиме. Дотогаш, неговиот настап може да погледнете во видеото подолу на 01:05.

Мира Шкориќ ги надмина неговите очекувања: Македонскиот кандидат од „Ѕвездите на Гранд“ откри како поминал првиот менторски час

Христина Ѓоргиевска — Wed, 27 Nov 2019 08:52:20 +0000

Во најновата сезона на регионалното музичко шоу „Ѕвездите на Гранд“ има неколку македонски учесници, веќе некои добро познати од претходните сезони, а некои кои првпат стапнуваат на сцената на „Гранд“. Во првиот круг настапуваше и македонскиот кандидат Марио Арангеловски од Куманово кој при првата негова интерпретација направи вистинско шоу и од жирито доби четири гласа, а за ментор ја одбра Јелена Карлеуша. https://arhiva.vistina.com.mk/radio-mileva/kumanovecot-napravi-opsht-haos-vo-dzvezdite-na-grand-a-za-nejziniot-glas-se-moleshe-video/ Марио во едните свои излагања на „Јутуб“ истакна дека сакал Јелена да му биде ментор, а доколку не се случило тоа истакна дека можеби ќе се откаже од шоуто. За среќа, желбата му се исполни, па сега Марио ќе треба да се подготвува за новиот круг. Имено, пред некој ден Арангеловски тргна за Белград каде заедно со тимот на Јеца, односно Мира Шкориќ го имаше првиот менторски час на кој бираа песни за вториот круг. Марио истакна дека трипати го враќале и дека пробите траеле до раните утрински часови, но дека конечно се договориле кои песни ќе ги пее. Исто така, во новиот влог на „Јутуб“ тој истакна дека Мира ги надминала неговите очекувања односно дека тој мислел дека првиот менторски час ќе помине набрзина и дека нема многу да се замараат. Арангеловски објасни дека Мира потполно им се посветила и не ги пуштила да си одат додека не одредиле со кои песни ќе се подготува за следниот настап. Како Марио ќе се претстави во следниот круг и дали повторно ќе го освои жирито останува да почекаме до јануари.

Кумановецот направи општ хаос во „Ѕвездите на Гранд“, а за нејзиниот глас се „молеше“ (видео)

Христина Ѓоргиевска — Mon, 07 Oct 2019 07:14:01 +0000

Четиринаесетата сезона на регионалното музичко шоу „Ѕвездите на Гранд“ неодамна започна, а и во оваа сезона ќе има многу македонски кандидати кои се борат за што подобро место и пласман. Во последната емисија настапуваше македонскиот кандидат Марио Арангеловски од Куманово кој можеби на јавноста му е познат како јутубер односно снимања на видеа со некогашна учесничка во музичкото шоу, Ивона Јовановиќ. Во последната емисија, Марио прв настапуваше на сцената на „Гранд“, a со неговата појава и енергија тој направи вистинско шоу. Тој се претстави со песните „Десет млаџа“ од Дино Мерлин и „Ајде иди“ од Здравко Чолиќ. Марио во текот на втората песна направи вистинско шоу на сцената на „Гранд“, дури ја фрли и вратоврската на сцена, а жирито беше воодушевено од неговата харизма. По завршувањето на изведбите, Марио доби четири гласа и тоа од Ана Бекута, Марија Шерифовиќ, Јелена Карлеуша и Вики Миљковиќ. Жирито имаше само пофални збори за Марио, а тој за свој ментор ја одбра Јелена Карлеуша. Тој прво ја исклучи Ана Бекута за ментор, па јавно и се извини, но потенцираше дека како што може жирито да бира кандидати, така и кандидатите можат да го бираат својот ментор. „Како што вие може да бирате кандидати ние може да бираме ментори. Со почит кон другите, но јас ја бирам едната и единствена Јелена Карлеуша“ истакна Марио и доби овации и аплауз. „Браво мајсторе“ истакна Поповиќ поради неговата искреност и што го кажа своето мислење. Како Јелена заедно со својот тим ќе го подготви Марио за следниот круг останува да видиме. Неговиот настап може да погледнете во видеото подолу на 4 и 35. https://www.youtube.com/watch?v=8CESshBn9Ng