маријана и росана – Вистина.мк

Маријана и Росана славеа роденден: Близначката која живее во Австралија нарача торта „онлајн“, па доби шок испорака која и го спушти шеќерот… на минимум (ВИДЕО)

Антонио Димитриевски — Thu, 15 Dec 2022 09:23:05 +0000

Маријана и Росана, легендарните македонски пејачки - сестри близначки вчера, 14 декември (среда), славеа роденден. Сто пати сме рекле дека на дамите не им се бројат годините, ама секако им се бројат ако не подароците, тогаш барем честитките за „денот што го чекаме цела година“! Иако физички раздвоени со живот на различни континенти, сестрите споделија пост за нивниот роденден, а потоа и благодарница за многубројните роденденски честитки кои ги добија. Маријана, која веќе со години живее во далечната Австралија, посакала да се почести за роденденот... И себе си и најблиские, па решила тоа да биде со роденденска торта. За да не прави самата, решила да ја нарача. Денес современата технологија овозможува дури и да не морате да одите во слаткарница, туку доволно е само да имате Интернет и да бидете на еден клик со вашата „посластица“. Каталогот веднаш ви излегува пред очи, а ваше е само да одберете и нарачате што ви душа сака, односно што ви фаќа око... Онлајн, секако! Само што она што и се случи на славеничката Маријана е поука за сите дека „она што окото ви фаќа онлајн“ не е ниту оддалеку исто со она што ќе го видите пред очи во живо, кога ќе го добиете. Имено, Марјана откако ја одбрала саканата торта, онлајн нарачката бргу стигнала на домашна адреса и тоа елегантно спакувана во „соодветна кутија“... Само што димензиите на тортата, ако така може да се нарече „шеќерчето“ што пејачката го добила, не биле ниту оиддалеку соодветни на она што треба да бидат. Или во превод: платила како за торта, а добила едвај колаче... И тоа со душегрижничко образложение на производителот дека тие се грижат за вашето, во случајов нејзиното здравје... За да не и се качи шеќерот! А, откако ја доби „онлајн“ нарачката, на Маријана по шок испораката всушност шеќерот и падна... И тоа на минимум... Ако не и на нула! Па затоа, шокираната славеничка наместо да се израдува на тортата, сподели предупредувачко видео... Колку да пазите кога купувате, што и од кого онлајн нарачувате (КЛИКНИ ТУКА): Фото: Фејсбук принтскрин/Marijana Novacevska

Познатите македонски пејачки – сестри близначки славеа роденден: Далеку една од друга, меѓусебно си го честитаа со емотивни пораки (ФОТО)

Антонио Димитриевски — Tue, 14 Dec 2021 08:12:01 +0000

Тие се веројатно најпознатите естрадни близначки во Македонија. Своевремено мошне популарни, во златните времиња кога „жареа и палеа“ на музичката сцена, најпрвин во забавната музика со своите песни, хитови, фестивалски настапи... Подоцна и во фолкот, преку новосоздадената македонска народна песна. Нема кој не знае да запее барем еден од нивните некогаш големи хитови, денес евергрини... Од „Признавам, не можам без тебе“, преку „Ако не исчезнам“, па се до „Едно срце имам душо“ или „Свири ми брате, Цигане“... Грст хитови, безброј настапи и долга кариера... Годините и општествените состојби сепак си го направија своето, па едната оддамна замина даживее и работи во далечната Австралија, другата полека го оставаше пеењето, ја напушташе музиката, посветувајќи и се на сосема друга работа. Но, песните останаа, а меѓусебната поврзаност иако на огромна далечина, остана нераскинлива. Сестрите близначки, Маријана и Росана Сариќ деновиве славеа родеден. на дамите не им се бројат годините, но затоа им се гледа радоста, среќата, возбудата кои се евидентни колку и мосталгијата, желбата покрај сите убавини, еден ден повторно да бидат заедно една покрај друга. Иако заеднички, заради временската разлика Маријана има можност прва да го слави роденденот, што и остава можност пак на Росана прва да и го честита, да ја искаже сета своја љубов кон својата сестра-близначка, сите емоции и желби, кои и овој пат прва и ги испрати пренесе преку емотивна роденденска порака на социјалните мрежи: „Сестра моја, душо моја, сонце мое најсветло... И пак после толку години за нашиот роденден не сме заедно, но ти знаеш декаси половина од мојата душа која е секогаш во мене... Мене пак утре ми е роденден и нека ни се множат годините... Кој би рекол заедно сега полниме 114 години, уф, не се малку... Што да ти посакам драга моја сестро, освен здравје и среќа пред се, а се' друго може да се надмести... Твојата позитивност и насмевка никогаш не ги тргај од лицето, а јас знам дека ти тоа го можеш... Биди спокојна зашто животот е само еден, нема реприза и е краток... Те сакам повеќе од себе... Среќен роденден душо моја“ - и порача Росана на својата сестра - близначка. Маријана не чекаше долго за да и ја возврати љубовта на ист начин преку своја роденденска честитка на Росана. таа во статусот на својот Фејсбук профил напиша: „Среќен роденден сестро, сонце, душо и срце мое. Нека и овој ден и секој нареден биде твој, секогаш исполнет со љубов, среќа и насмевка. Ти си мое се' “ - возврати Маријана додвајќи дузина емотикони во роденденската честитка до нејсината сестра. Нека им се множат годините, радостите, среќните мигови, успесите...!

Татјана Стојановска во издание какво не сте ја виделе досега: Презентерката запеа во емисија (видео)

Христина Ѓоргиевска — Sat, 13 Feb 2021 08:02:11 +0000

Презентерката Татјана Стојановска важи за една од најубавите и најелегантни ТВ дами. Стојановска имаме прилика да ја гледаме на вестите на Канал5 телевизија каде со години професионално си ја работи својата работа. Иако не е премногу активна на социјалните мрежи, понекогаш знае да објави некоја фотографија, а ретко имаме прилика да ја видиме во поразлични изданија од оние на кои сме навикнати. Татјана гостуваше во емисијата „Еден на еден“ кај Жаре каде што зборуваше за својата професија, во еден момент дури и задача да чита брзозборки и одлично се снајде во тоа. Исто така, таа откри дека со сопругот Михаил знаеле често да одат на караоке шоу и таа да се фати за микрофон и да ја запее „Признавам“ од Маријана и Росана. Татјана заедно со Жаре во емисијата запеаја дел од познатата песна, а како звучеше тоа може да слушнете во видеото подолу.

View this post on Instagram

A post shared by Еден на Еден (@edennaeden)

Дел од македонските познати фаци како по договор во ист ден објавија фотографии од минатото: Жал за младоста или… како се видоа себе си пред многу години (ФОТО)

Антонио Димитриевски — Tue, 26 Nov 2019 08:47:48 +0000

Годините минуваат, животот тече, работите се менуваат... „Панта реи“ - како што впрочем вели старата латинска поговорка. Затоа одвреме-навреме сите ние, па очигледно и тие, јавните личности во Македонија, знаеме да се навратиме на минатото низ, муабети или прошетка по спомените преку она што сме го овековечиле во времето: старите фотографии или поретко видеа. Секој од нас има албуми со фотографии од детството, тинејџерските денови, младоста... И најчесто овие наши слики како икони ги чуваме, за навека да не потсетуваат кои, што и какви сме биле некогаш... Вечни спомени што остануваат за нас, но и за генерациите што дошле или допрва доаѓаат по нас! Е токму извадени од старите албуми, дел од македонските познати фаци како по договор објавија фотографии од минатото во ист ден. Носталгија по младоста или за да се потсетат и искоментираат како се видоа себеси денес, од пред многу години. Така, сестрите-близначки Сариќ, некогашната неприкосновена вокална двојка Маријана и Росана или поточно оваа втората - Росана се потсети на времето кога таа и сестра и „жарееа и палеа“ на македонската сцена, на која по долги години пауза годинава се вратија на „Макфест“. Фотографијата од „златните времиња“ Росана ја опишала со само еден збор: „Некогаш...“! Уште една естрадна двојка близнаци, само овие од посилниот пол, решиле да се потсетат на годините од раниот живот, поточно од детството, преку стара фотографија. Детски роденден, маскенбал или новогодишна прослава... Мартин и Стефан од „Некст тајм“ не објаснија, ама затоа пејачот прокоментирал како гледа денес на себе си и брат му Мартин во она време, во времето на нивното детство. Пејачката и прва дама на „Борка“, Биба Додева не се вратила толку назад во времето во прошетката по спомените, но затоа пак спомените кои и оставиле веројатно еден од најсилните впечатоци и обележале битни моменти од нејзиниот живот реши да ги извади на „луфтирање“. Жал за младоста и годините или носталгија по изгледот, само Биба знае, која напшишала дека на фотографијата која личи на свадбена, изгледа помлада...многу помлада од денес. Останатотото напишано во продолжение - нема да го коментираме! И новинарско - водителската двојка Александра Тимковска - Ване Марковски се најдоа прегрнати и гушнати на заедничјка фотографија... од времето! До душа не така оддамна, ама сепак минале години. А на неа двајцата се се' уште ... Дечишта! Така барем самите напишале дека се доживуваат на сликата кога на времето почнуваа во еснафот!