„Cyrillic“ во електро-етно стил ја преточија „Твоите очи Лено“ во нивната „Севда“ (ВИДЕО)

Антонио Димитриевски — Tue, 21 Jan 2020 11:54:03 +0000

„Севда“ е најново остварување на македонското електронско дуо „Cyrillic“ , а инспирација за истата е од македонската народна песна „Твојте очи Лено“, но спакувана во модерен дип-хаус аранжман со етно примеси. За новиот сингл Андреј и Бојан соработуваа со македонската поп пејачка наташа Малинкова, која ги пее вокалите во темата која има и видеоспот во режија на познатиот уметнички фотограф и видео режисер Зоран Зонде Стојановски. Истиот се снимаше на неколку локации во Македонија, а моделот кој ја има главната улога во видеото е убавата Марија Давчевска. Задоволството од одлично сработениот проект со споделија и самите Андреј и Бојан: „Севда е страст, Севда е љубов. Севда е фузија на два тотално различни музички света, кои што тука перфектно се споија. Многу ни е мило што направивме еден ваков проект, каде што ставаме наш печат како Cyrillic, на една од нашите омилени Македонски етно песни. Се надеваме дека ќе им се допадне на нашите фанови и пошироката јавност ѝ ќе придонесе на помладите генерации да им стане блиска нашата Македоснка музика“ - вели Андреј. На неговите зборови се надоврзува Бојан, кој додава: „Севда е комбинација на етно елементи со карактеристични Cyrillic звуци и мистичен вокал испреплетени за еден одличен радиски и клубски сингл. Интересна е реакцијата на публиката на нашите настапи кога за прв пат ја слушаат, обично се позитивно изненадени поради тоа што не очекуваат такава комбинација“. Инаку од неодамна Cyrillic станаа ексклузивци на „Sky Eye Entertainment“, всушност ова е втор издаден сингл под оваа издавачка куќа. Погледнете го видеото за нивната „Севда“ и преслушајте како звучат старите исконски вредности на традицијата во ново, дигитално пакување:

Петар Маркоски во една љубовна сторија за… „Уна Сињора“ (ВИДЕО)

Антонио Димитриевски — Wed, 18 Jul 2018 11:12:25 +0000

Младиот и талентиран пејач Петар Маркоски, на пошироката јавност и е познат уште од времето на музичкото натпреварување „М2“, кога охриѓанецот беше еден од оние млади потенцијали да станат ѕвезда, по која организаторите беа во потрага.

Петар има нова песна насловена „Уна Сињора“ која е направена во модерен поп стил со регетон призвук и истата одлично е визуелизирана.

Музиката ја потпишува самиот изведувач во коавторство со Иван Јованов Ивајо, кој стои и зад продукцијата, додека Петар ги напишал и стиховите за „Уна сињора“.

Видеоспотот е реализиран во преубавата Парга во Грција, а како режисер на истиот се потпишува Даниел Јовески, кој заедно со Дарко Митев биле и зад камерата како директори на фотографија.

Во видеоспотот покрај петар главната улога ја има македонскиот модел со впечатлива егзотична убавина, 22 годишната синоока убавица, Марија Давчевска.

Како звучи и изгледа љубовната сторија со „ Уна сињора“ на Петар Марковски, проследете во продолжение: https://www.youtube.com/watch?time_continue=53&v=TXP9hN2M_M4

марија давчевска – Вистина.мк

„Cyrillic“ во електро-етно стил ја преточија „Твоите очи Лено“ во нивната „Севда“ (ВИДЕО)

Петар Маркоски во една љубовна сторија за… „Уна Сињора“ (ВИДЕО)