марија ај кју – Вистина.мк

Марија од „Ај кју“ го прифати предизвикот од Антониа Гиговска и се покажа себеси во природно издание (фото)

Христина Ѓоргиевска — Wed, 24 Jun 2020 07:38:54 +0000

За време на пандемијата на социјалните мрежи имаше разни предизвици, па така познатите можевме да ги видиме како изгледале како деца, на нивните свадби, како готваат... Македонската пејачка Антониа Гиговска неодамна драстично го промени својот изглед, па од русокоса се офорба во розова боја. Гиговска е активна на социјалните мрежи каде постојано објавува фотографии, но таа е и од онаа пејачки која нема проблем да се покаже во природно издание, односно без грам шминка, фотошоп. Така, пред некој ден на „Инстаграм“ објави фотка на која нема “мејк ап“, а како што истакна тогаш не се срами да ги покаже своите несовршености. Во објавата, Гиговска ги предизвика и своите колешки Елена Ристеска, Каролина Гочева, Лина Пејовска, Мартија Станојковиќ и Марија од „Ај кју“ да објават како изгледаат без шминка. https://arhiva.vistina.com.mk/radio-mileva/nitu-edna-se-ushte-ne-prifati-antonia-gigovska-gi-predizvika-karolina-gocheva-elena-risteska-lina-pejovska-foto/ Марија од „Ај кју“ одлучи да го прифати предизвикот на колешката и да се покаже себе си без шминка. „Моќта на шминката. Не сум голем фан на шминка и ретко користам, а кога користам тоа е минимално, освен за јавни појавувања затоа што има потреба од тоа. Си го сакам мојот природен изглед и свесна сум за сите ,,недостатоци” на лицето без шминка кои ме прават посебна и различна од сите останати. Шминката е тука за понекогаш да ги потенцира убавите црти, а не да го изобличи лицето. Убава си кога ќе ја симнеш шминката. Погледни ме мене, ниту јас сум совршена, па научив да се сакам“, напиша пејачката покрај објавата. Марија ги предизвика Сара Мејс, Кристина Арнаудова и Теа Трајковска да покажаат како изгледаат без шминка.

Еве што правеа познатите по завршувањето на вонредната состојба (фото)

Христина Ѓоргиевска — Mon, 15 Jun 2020 07:46:40 +0000

По три месеци во Македонија беше укината вонредната состојба, но продолжуаат да важат мерките за заштита од коронавирусот, а продолжува да расте и бројот на новозаразени со Ковид 19. Изминатите три месеци повеќето ги поминавме во своите домови, излегувајќи доколку имаме потреба. Познатите исто така поради короната ги ставија своите обврски, кариери, концерти, тунерии на „чекање“. Тие ја искористија оваа ситуација да го прават она за што можеби немало доволно време. Некои од нив и во своите домови беа креативни, инспиративни и најдоа начин како да го поминат овој несакан период. Така повеќе од познатите се вклучуваа во живо од своите домови, држеа концерти, се дружеа со фановите, вежбаа од своите домови....секој на свој начин на „убиваше“ монотонијата. По укинувањето на вонредната односно изминатиот викенд познатите се рекреираа во природните убавина на државата. Така Марија од „Ај Кју“ уживаше во Маврово, а пејачката во кратките приказни на „Инстаграм“ се пофали дека во месец јуни успеала да сними снег. „25 степени и снег во јуни“ пишува во описот. Викторија Лоба изминатите три месеци ги поминуваше со својот свршеник во станот во центарот на Скопје. Таа често на социјалните мрежи знаеше да сподели некоја убава фотографија од погледот од нејзиниот прозорец или кога ќе траше карантин од 3,4 дена споделуваше како нејзините соседи пуштаат музика од балконите и се трудат да го олеснат лошиот период. По завршувањето на вонредната и полициската час, Лоба излезе од дома и правец на Водно. Таа го искористи убавото време, за да ужива во шумите на Водно. Катарина Ивановска исто така ужива во убавините на Маврово каде често знаеше да отиде во изминатите три месеци. Анета Молика во времето на вонредната состојба некогаш знаеше да се излезе да пешачи или да вози велосипед во природните предели на Битола, а така беше и овојпат. Таа повторно пешачеше во убавините на родниот крај.

Со музика против корона: Овие две македонски пејачки среде вонредна влегоа во студио да создадат ново музичко дело

Христина Ѓоргиевска — Fri, 22 May 2020 06:36:49 +0000

Поради короната и вонредната состојба во регионот и светот, концертите и настапите на естрадните уметници се на „пауза“, а со тоа се паузирани и нивните музички кариера. Повеќето од нив ги откажаа турнеите во регионот и светот, останаа во своите домови. Некои од нив и најдоа алтернативно решение односно држеа онлајн концерти од своите домови. Сега кога попуштија мерките македонските пејачки одлучија да влезат во студио и започнат со подготвување на ново парче музика. Имено, Maрија од „Ај кју“ во кусите приказни на „Инстаграм“ објави дека неколку дена е во студио каде ја подготвува новата песна која љубителите на нејзината музика ќе имаат наскоро да ја слушнат. И Тамара Тодевска по евровизиската „Proud“ и „Monsters“ и дуетот со Роберт Билбилов, повторно за нејзините фанови од Македонија, регионот и светот подготвува ново музичко дело наречно „Risе“. Останува да почекаме и да слушнеме како ќе звучат новите песни на пејачките.