Марга сол – Вистина.мк

Викторија Лоба е родена за љубов… во секоја – „Воздишка“ (ВИДЕО)

Антонио Димитриевски — Mon, 18 Feb 2019 13:39:46 +0000

„Воздишка“ е новото видео на Викторија Лоба кој се промовираше премиерно на нејзиниот Youtube канал, снимен на познатата вулканска плажа White Beach на еден од најубавите грчки острови, Санторини. Автор и музички продуцент на песната е Маргарита Сотировска, попозната како Марга Сол, додека самата Лоба се јавува во улогата на текстописец.

„За да се сними спотот, заедно со целата екипа специјално чекавме времето да биде ветровито и облачно, за да го доловиме контрастот на невремето со емоцијата која ја пренесувам преку Воздишка“ - вели Викторија Лоба по повод медиумската премиера на видеото.

Инаку, видеото е продуцирано и режирано од Дарко Митев – Аргона, стајлингот е дел од брендот на креаторот Андреј Ѓоргиевски - Папаз.

„Воздишка е напишана во еден здив, која е дел од новиот албум Нов свет. Во албумот изборот на песните креирани од Лоба и соработниците се музички парчиња кои долго време ќе се слушаат. Еве што вели за нив Викторија:

“Една од моите цели како артист и индивидуа која постојано вложува во себе, сакам да инспирирам и да бидам инспирирана. Сакам да ја споделам длабочината на моите чувства директно со публиката.

Како и секогаш имам желба да сум отворена и искрена во тоа што го работам, да ги потсетам луѓето на оние едноставни и мали нешта, кои всушност се толку големи, важни и значајни во нашиот живот како што е љубовта и искрената комуникација меѓу нас” - заклучува Лоба споделувајќи ја својата „Воздишка“ со Вас, преку видеото што можете да го погледнете во продолжение. https://www.youtube.com/watch?v=avDizeR9Xr8&feature=youtu.be

Викторија Лоба заедно со Марга Сол се… „Над небото“ (ВИДЕО)

Антонио Димитриевски — Wed, 07 Nov 2018 10:38:46 +0000

Feel It на англиски и „Над небото“ на македонски јазик се новите песни во deep house стил кои Викторија Лоба на својот Јутјуб канал ги промовираше со видео записи. Автори на композициите се македонските продуценти Марга Сол и Darles Flow, а Лоба го креираше текстот за македонската верзија.

Песната официјално е издадена од M-Sol records на Spotify, iTunes, Beatport и останати музички мрежи, а Лоба вели дека и претставува задоволство соработката со двајцата еминентни музички продуценти, особено тоа што публиката ќе слушне различни синглови со светски звук.

Комплетниот музички пакет е финализиран со видео приказна изработена од Дарко Митев, а стилизирана од креаторот Папаз, со дејствие кое се одвива на преубавиот грчки остров Санторини.

Слушнете како звучат и изгледаат обете верзии на новата песна на Викторија Лоба: https://www.youtube.com/watch?v=GVSqZPlce6Q https://www.youtube.com/watch?v=c-KYJf3TnZU

Дарко Цветковски алиас Darles Flow и Викторија Лоба се „немирни“ – „Restless“ (АУДИО)

Антонио Димитриевски — Mon, 17 Sep 2018 12:44:37 +0000

„Викторија Лоба има нова песна... И тоа пее на англиски“ - би рекле помалку упатените, иако не се далеку од вистината. Имено, македонската пејачка со руско потекло деновиве се појави како вокал во темата „Restless“, зад која стои уште едно „наше дете“, композиторот и продуцент Дарко Цветковски кој се потишува како Darles Flow.

Истиот е автор на музиката и ја потпишува продукцијата на овв трака, додека мелодијата и стиховите се на Марга Сол, во чие студио е песната снимена и за чија „М-Сол продукција“ е издадена. „Дарко, чест ми е што гостувам во твојата нова трака... Благодарам М-Сол рекордс“ - напишала Лоба во својата благодарница постирана на социјалните мрежи.

За по дома, додека возите автомобил, на плажа, во диско, за везден, пуштете си ја „Restless“ и уживајте. Викторија Лоба има нешто сосема поразлично од тоа до сега да ви каже! Слушнете и што: https://www.youtube.com/watch?v=V9JETs7jWTg&feature=youtu.be