мани – Вистина.мк

Машки маани кои жените ги обожаваат

Слободанка Илиева — Fri, 20 Oct 2023 12:40:39 +0000

Секој поинаку ќе опише шармантно момче… но останува фактот дека малите нешта што ги прават мажите посебни и неодоливи придонесуваат за сексапил. Тој има стомак Дури 2/3 од испитаните жени во една анкета потврдиле дека популарните стомачни „плочки“ не се толку секси за колку што се зборува. Имено, жените изјавија дека претпочитаат да гледаат природен стомак кој опишува „нормално“ момче кое не е опседнато со огледалото, кревајќи тегови и пиејќи протеини. Умереноста секогаш функционира. Доцни со бричењето Брада стара неколку дена е вистинска мамка за жените. Не станува збор за брадата како таква, туку во малку бунтовниот и многу лежерен изглед на маж кој со соодветна облека и донекаде „фраерски“ став, едноставно вреска со сексапил. Знаци на стареење Истражувањето исто така потврди дека жените ја сметаат сивата коса како многу секси. Иако денес сѐ повеќе и повеќе мажи посегнуваат по боја за коса за да ги маскираат првите знаци на стареење, жените ќе претпочитаат сивокос маж отколку вештачки изглед кој не може да остане незабележан. Истото важи и за секси ќелавите мажи кои можат да изгледаат неодоливо со сечење до милиметар или нула. извор:popara.mk

Како да ги прифатите мааните на вашиот партнер

Христина Ѓоргиевска — Wed, 10 Feb 2021 14:29:47 +0000

Психолозите често нагласуваат колку е важно да се прифатат слабостите на партнерот во остварувањето здрава љубовна врска. Никој не е совршен и сите имаме свои маани. Сè додека овие недостатоци не нѐ загрозуваат и не се извор на големо незадоволство или несигурност, ние едноставно треба да ги прифатиме. Како да го направите тоа? Следете ги овие совети на терапевтите. Преиспитајте колку се овие маани сериозни Честопати нè нервираат некои аспекти на личноста на нашиот партнер кои не се баш премногу важни. Нашата фрустрација тогаш расте, но мора да се прашаме дали е оправдано во однос на тоа колку навистина се значајни недостатоците на партнерот. Ако вашиот партнер е емоционално сигурен и ги има сите други фундаментални квалитети што ви се многу поважни, тогаш едноставно игнорирајте ги споменатите ситници.

Прифатете ги сопствените недостатоци

Првиот чекор во прифаќањето на недостатоците на вашиот партнер е сознанието дека и ние ги имаме. И можеме да го иритираме партнерот со некои наши навики или карактеристики. Во моментот кога ќе се фокусираме на неговите недостатоци, забораваме дека и ние не сме совршени. Ние секогаш ја гледаме ситуацијата од наша перспектива, но понекогаш е добро да ја разгледаме ситуацијата и од нашиот партнер, со цел подобро да го разбереме неговото однесување. Размислете зошто одредени маани на партнерот толку многу ве нервираат Можеби ве потсетуваат на претходни лоши љубовни искуства и ги активираат старите чувства во вас. Во тој момент вие всушност не реагирате на однесувањето или личноста на вашиот партнер, туку на сеќавања и претходни настани, т.е. луѓе во вашиот живот. Не принудувајте го партнерот на неважни промени Нормално е да очекувате од партнерот да промени некоја форма на лошо однесување што негативно влијае на вас, него или вашата врска. Ова се големи, важни и значајни промени што можат да ја подобрат љубовната врска. Сепак, не можеме да очекуваме човек да промени сè само заради нас, а особено не да менува некои ситници што воопшто не нѐ загрозуваат, туку само повремено ни „одат“ на нерви. Не заборавајте дека некои навики или однесувања се резултат на вредностите на вашиот партнер кои можат да бидат различни од вашите. Во тој случај, треба да размислите дали сакате да бидете со личност која не ги споделува вашите вредности или не ви пречи да бидете различни. извор: кајгана

Мааните на хороскопските знаци

Ивана Стојанова — Wed, 05 Dec 2018 17:00:25 +0000

Сите сакаме да мислиме дека ги имаме најдобрите особини, но сепак имаме маани кои не можеме да ги скриеме од другите. Ова се мааните на хороскопските знаци.

Овен

Вие секогаш мора да сте во право. Импулсивни сте, брзоплети и експлозивни, а имате и вродена ароганција. Склони сте кон кавги и лесно се нервирате, но и лесно се навредувате. Ако некој претера, знаете да бидете груби, нетолерантни и одмаздољубиви. Во љубовта сте многу непредвидливи, љубоморни и посесивни. Поради желбата за доминација, знаете да бидете и непријатни како соработник, а неподносливи како шефови.

Бик

Вие сте многу своеглави, па често трдоглаво си терате по свое, дури и тогаш кога знаете дека не сте во право. Иако ви треба многу за да се налутите, кога бесот ќе избие на површина, тоа е како вулканска ерупција. Малку сте успорени, па делувате многу бавно и мрзеливо. Ориентирани сте кон парите и тие ви се многу важни. Во љубовта сте посесивни и љубоморни, иако тоа ретко го признавате.

Близнаци

Многу сте љубопитни и многу зборувате. Тоа ги излудува сите околу вас. Расположението ви е непредвидливо и често знаете да ги изненадите луѓето околу вас. Умеете да бидете и лукави и пресметливи, а често го криете и стравот од неуспех. Најчесто сте окупирани со големи планови, но не успевате да довршите голем дел од нив.

Рак

Мрзоволни сте и често го менувате расположението и склони сте кон самосожалување. Брзо се навредувате, а таа особина ја покажувате во однос на сите. Но, ако некој го чепне вашето его, знаете да бидете и одмаздољубиви. Понекогаш толку се вовлекувате во својот оклоп, така што тешко може некој да ве извлече од тоа. Некогаш сте пресметливи и егоцентрични, па го избирате и најлесниот пат до успехот. Склони сте кон претерување кога пиете.

Лав

Вие сте театрални, па често привлекувате внимание на себе. Сакате да бидете во центарот на вниманието и едноставно не поднесувате да бидете неприметени. Суетни сте и вообразени и сакате да доминирате, а често и претерувате во тоа. Често глумите бидејќи се плашите од омаловажување од другите. Понекогаш им помагате на другите за да им покажете дека не можат без вас.

Девица

Многу зборувате, па понекогаш сте толку опширни така што можете да ги удавите сите околу себе. Тешко поднесувате критика на ваша сметка, а кон другите сте многу критички настроени. Често ги потиснувате емоциите, бидејќи сметате дека тоа ве прави несовршени. Некогаш имате и напади на бес и нервоза.

Вага

Иако делувате како некој што знае што сака, често сте многу неодлучни за важните одлуки. Колку е поголем изборот, толку повеќе се двоумите. Склони сте кон промени на расположението, а вашите реакции се непредвидливи. Брзо се лутите, а несвесно знаете и да се навредите. Суетни сте и помалку надмени. Знаете да сте и студени и посесивни.

Шкорпија

Вашето таинствено однесување понекогаш тешко се одгатнува, поради што многу луѓе ве доживуваат како степски волк. Иако делувате незаинтересирано, сепак се приметувате, но затоа ретко покажувате како се чувствувате. Кога некој ќе ве испровоцира, знаете да сте непријатни и саркастични, а навредите не ги заборавате.

Стрелец

Вашето расположение е променливо, без оглед на тоа дали претерувате или се повлекувате во себе. Умеете да бидете детинести, непрактични, нетрпеливи и наметливи. Исто така, да бидете и многу тврдоглави и склони кон расправии. Во работата често сте неефикасни, а во љубовта површни и едно зборувате а друго правите.

Јарец

Работата и кариерата ги ставате во прв план. Статусот ви е многу важен, често сте опседнати со успехот и сакате да доминирате. Конзервативни сте и тврдоглави, а разумот често ви управува со срцето. Склони сте кон кавги, а знаете да бидете и злопамтило. Имате проблем со покажување на емоции, особено ако сте жена.

Водолија

Егоцентрични сте, бунтовни и мислите дека се знаете најдобро. Непредвидливи сте, и немате многу трпение. Премногу сте љубопитни за да останете верни, а уживате во флертот секаде.

Риби

Вашата суета е нагласена, пречувствителни сте и мислите само на себе си. Сметате дека сте несфатени, па често се изолирате од светот. Вашата непрактичност често знае да ви создаде проблеми.