мандарини – Вистина.мк

Колку мандарини дневно треба да јадете?

Слаѓана Атанасова — Fri, 14 Oct 2022 13:15:34 +0000

Кога ќе започнат ладните есенски денови, веднаш си го замислуваме мирисот на првите мандарини. Мандарини се во служба на нашето здравје, но и против вишокот килограми – започнува нивната сезона во која тие ќе се продаваат по достапни цени. И она што е најважни дека тие содржат навистина малку калории, што ги прави и доста посакувани за консумација во текот на целиот ден или речиси неограничено. Во еден килограм мандарини има вкупно 354 калории, а огромна количина на витамин Ц и други хранливи материи. Ова вкусно и сочно портокалово овошје е всушност толку моќно што може секој од нас да го расположи. А како и не би го направило тоа кога е толку многу здраво! Мандарините се и толку многу вкусни што речиси и да не постои некој на овој свет кој што не ги сака. Меѓутоа, дали знаете дека тие за нашиот организам претставуваат нешто многу повеќе од само вкусен десерт? Мандарините го намалуваат ризикот за добивање на рак Мандарините можат да ја намалат можноста за добивање на рак на црниот дроб. Всушност, научниците на Универзитетот Кјото откриле дека луѓето кои имаат хроничен вирусен хепатит можат да го намалат ризикот за добивање на рак на црниот дроб ако пијат сок од свежи мандарини. Во едногодишната студија во која учествувале лица кои имале вирусен хепатит, 30 од испитаниците на дневно ниво консумирале напиток кој содржел сок од мандарини. На крајот од ова истражување, ниту еден од овие испитаници не покажал знаци на рак на црниот дроб. За разлика од нив, помеѓу 45 учесници кои не го пиеле овој пијалок, 8.9 отсто од нив развиле рак на црниот дроб. Мандарините се одличен извор на Витамин Ц Мандарините можат да ви дадат и до 80 отсто од потребниот дневен внос за витамин Ц. А витаминот Ц е и повеќекратно корисен, на пример во борбата со слободните радикали. Тоа се молекули со непарен број на електрони кои го бараат својот пар со што “крадат” електрони од стабилните слободни радикали. Ова предизвикува таканаречена верижна реакција, односно премин од стабилни радикали во нестабилни, што на крајот може да доведе и до телесни оштетувања како што се оштетувања на протеините и оштетување на ДНК-та. Антиоксидансите помагаат да се спречи оваа верижна реакција и да се запрат ваквите оштетувања, а тоа, меѓу останатото го зајакнува и имунитетот. Мандарините влијаат на холестеролот Антиоксидансите во мандарините можат да го намалат нивото на лошиот холестерол. Тоа го постигнуваат борејќи се против слободните радикали кои го оксидираат холестеролот, а така тој лесно се наталожува на ѕидовите на артериите. Наталожениот холестерол прави всушност крвта да започне да тече забавено во артериите, што може да го зголеми ризикот за добивање на зголемен крвен притисок, мозочен удар, болести на срцето и заболувања на црниот дроб. Мандарините ќе ви помогнат во борбата со килограмите Мандарините се голем извор на диететски влакна, дури 3 грама влакна на 100 грама производ. Редовното внесување на влакна помага да чувствуваме ситост, а според истражувањата, на децата и на возрасните им е потребно да внесат околу 20 грама влакна дневно. Меѓутоа, можеби би требало да внесувате и малку повеќе, завосно од количеството на калории кои ги консумирате. На пример, мажите и тинејџерите можеби би требало да внесат околу 30 до 35 грама влакна дневно. Консумирањето на мандарини ќе ја задоволи оваа дневна потреба, и тоа на апсолутно вкусен начин. Извор:Курир.мк

Кристина – Мандарина и се врати на професијата што ја прослави: Од тезга до „Онли фанс“ старлета, па повторно назад… на тезга за овошје (ФОТО)

Антонио Димитриевски — Thu, 28 Jul 2022 11:30:29 +0000

Ја паметите ли Кристина Мандарина? Нејзиното вистинското име е Кристина Пенава (22), а таа стана позната на социјалните мрежи откако во 2019 година беше забележана на една тезга со овошје, каде доминираа мандарините. Оттогаш го привлече вниманието, особено со трансформациите на изгледот и пластичните операции, по кои се трансформираше во старлета па дури отвори и своја „Онли фанс“ страница за возрасни. Сепак, некогашната продавачка на мандарини, сега позната хрватска старлета се врати на нејзината стара професија, онаа која и ја прослави. Кристина овојпат има поинаков асортиман, продава лубеници, цреши, дињи и домати. Иако видно вештачки разубавена, нешто што постојано го споделува на Инстаграм, сепак смета дека тоа не е потребно за работа, па облекла бела маичка на врзување под која има топ и шорцеви на себе.Обула и удобни тениски патикии бидејќи поради природата на работата мора да стои поголемиот дел од времето. Таа го покажа и своето лице без шминка, кое изгледа поприродно отколку на обработените фотографии. Неодамна таа ги шокираше своите следбеници на Инстаграм со нови усни кои ги зголеми со филери, но на најновите фотографии од штандот тие сепак изгледаат помали отколку на сликите. Долгата кафена коса ја пушти надолу, но поради жештината, сепак подоцна ја врзала во опуштено опавче. иако вака изгледа поприродно отколку на Инстаграм , сепак Кристина денес е далеку од онаа скромна и срамежлива продавачка на мандарини, која јавноста ја запозна во 2019-тата. Фото: Инстаграм принтскрин/kristinaofficial12/kristinamandarinaa

Не ја фрлајте кората од мандарините – ќе ве спаси од кашлица

Слободанка Илиева — Wed, 09 Dec 2020 13:06:48 +0000

Ако ве мачи болка во грлото или кашлица, а дома имате непрскани мандарини, од нивната кора можете да направите одличен лек. Еве што треба да направите ако сакате да ја искористите кората од мандарините како лек: -Сомелете 50 грама кора од мандарина и ставете ја смесата во тегла -Мелената кора прелијте ја со чаша вотка или 40 процентен алкохол -Тегличката добро затворете ја и оставете ја да отстои една недела на темно место -Земајте по една лажичка по јадење, откако ќе изедете една лажичка мед А ова се останатите причини поради кои мандарините се супер овошје: Со мандарините постигнувате витамински оптимум, бидејќи во 100 грама мандарини има 30 милиграми витамин Ц. Ова овошје има мала енергетска вредност, а исто така е богато со влакна кои го подобруваат варењето на храната. Мандарините се добри за видот, а исто така се покажале и како добар антиоксиданс. Доколку сте спретни во кујна, можете да направите и сос од мандарини, кој ќе го послужите во комбинација со дивеч или како дресинг за салата. извор:нетпрес.ком.мк

Рецепт за вкусен колач со мандарини

Христина Ѓоргиевска — Tue, 17 Nov 2020 14:00:08 +0000

Мандарините дефинитивно се меѓу овошјето што може да се консумира на различни начини! Денес споделуваме еден вкусен рецепт со мандарини, бадеми, маслиново масло… и уште многу други вкусни состојки!

Потребни состојки:

За тестото:

2 јајца
110 г пченкарно брашно
170 г пченично брашно
12 г прашок за пециво
170 г јогурт
80 г маслиново масло
170 г мед
1 лажица ликер амарето
1 јаболко
3-4 мандарини
бадеми

Начин на подготовка:

Вклучете ја рерната на 180 ° С.
Јајцата, медит, маслото и амарето се мешаат неколку минути додека не се добие пенеста смеса. Измешајте го брашното и прашокот за пециво и наизменично додавајте јогурт. Додадете рендана кора од мандарини и рендано јаболко. Измешајте добро.
Калапот премачкајте го со путер и посипете го со брашно (отстранете го вишокот), истурете ја смесата и протресете да се изедначи.
Излупете ги мандарините и исечете ја на парчиња. Наредете ги по желба.
Печете во загреана рерна 40-50 минути, во зависност од рерната, или додека чепкалката не излезе сува. Оставете да се излади, посипете малку со шеќер во прав и украсете со бадеми.

извор: кајгана

Сезона на мандарини: Зошто е добро да изедете макар една дневно?

Слободанка Илиева — Thu, 24 Oct 2019 13:50:24 +0000

Сезоната на мандарини веќе започна, а со овој текст сакаме да ве потсетиме на неколку причини повеќе зошто е добро да изедете макар една дневно. Нутриционистите велат дека таа помага да се одржи организмот во добра состојба, како и дека со редовно консумирање, не само што ќе се чувствувате, туку и ќе изгледате добро. Покрај тоа: Мандарините имаат малку калории. Една мандарина содржи 45 калории, 1 гр. протеин, 11 грама јаглехидрати и два грама влакна. Исто така, содржи и 30% од препорачаниот дневен внес на витамин Ц, како и на витамин А, калиум, магнезиум и Б витамините. Сокот од мандарина не содржи влакна како свежата мандарина, но има дури 73 милиграми витамин Ц, односно 97% од препорачаната дневна доза. Витаминот Ц е важен за здравјето на крвните садови, тетиви, лигаменти и коски. Има улога и во работењето на мозокот и метаболизмот на масти. Влијае и на регулирањето на холестерол и жолчните камчиња. Препорачана дневна доза на витаминот Ц: - деца од 1 до 8 години: 15 до 25 милиграми - деца од 9 до 18 години: 45 до 65 милиграми - жени: 75 милиграми - мажи: 90 милиграми - пушачи: 110 до 124 милиграми Антиоксидансите го штитат телото од слободните радикали, па помагаат во спречување на срцеви заболувања, канцер... А цитрусните овошја се одлични антиоксиданси. Го успорува процесот на стареење, ги намалува воспалувањата, симптомите на алергии. Мандарините се добри и за кожа, заби, вид, коса, мускули, витка линија. Мандарините можете да ги јадете сами или како додаток во салата, со јогурт или житарици. Сокот од мандарини може да го користите во смуди или да си направите вода со вкус. Кога купувате мандарини, изберете ги оние полутврдите односно тврдите со интензивна портокалова боја. Меките мандарини со вдлабнатини, како и оние потемните избегнувајте ги. Во ладилник можете да ги држите до две недели. извор:точка.ком.мк

Три килограми за три дена: Светот полуде по диетата со мандарини!

Христина Ѓоргиевска — Tue, 15 Oct 2019 12:45:16 +0000

На љубителите на мандарини би можела да им се допадне исхраната во која ова овошје го има главниот збор, а која наводна дава одлични резултати кога е во прашање губењето на вишокот килограми. Познато е дека цитрусите добро влијаат на дигестивниот трак на човекот, а во таа група намирници особено се истакнуваат мандарините. Во 100 грама мандарини се содржат околу 50 калории, но и импресивни 30 милиграма витамин Ц. Исто така, содржат фолна киселина, калиум, железо, магнезиум, витамините Б1, Б2 и Б3, а богати се и со влакна. Освен што истражувањата покажуваат дека редовната консумација на мандарини помага во превенцијата од срцев удар, дијабетес, мозочен удар, етеричните масла што се добиваат од кората на мандарините се користат за опуштање, како и за борба со несоница. Интересно е што мандарините можат да го прочистат организмот од токсини и да ви помогнат да симнете по некој килограм. Затоа е сè популарна диетата со мандарини, односно тридневната детоксикација при која потребно е да се придржувате на оваа мени. Прв ден Појадок: два децилитра сок од мандарини без шеќер или 5 мандарини, 2 варени јајца кафе или чај без шеќер Ручек: 5 мандарини, 250 грама сезонска салата со лимонов сок, кафе и чај Вечера: 150 грама варено немасно месо, 200 грама зелена салата со сок од лимон, чај со мед Втор ден Појадок: два децилитра сок од мандарини без шеќер или 5 мандарини, две варени јајца, кафе или чај без шеќер. Ручек: 5 мандарини, 50 грама полномасно сирење Вечера: 200 грама риба, зелена салата Трет ден Појадок: 5 цели мандарини, две лажици овесни снегулки измешани со една лажица суво грозје, кафе со засладувач Ручек: 5 мандарини, 1 шолја бистра или супа од зеленчук, неколку крекери Вечера: 200 грама пилешко, зелена салата Во текот на траењето на оваа диета важно е да пиете минимум два литра вода, пишува BetterMe. и

Мажите чекаат ред пред тезгата на бујната продавачка на мандарини на пазарот во Загреб (видео)

Слободанка Илиева — Thu, 03 Oct 2019 12:19:08 +0000

Хрватката Кристина Пенави или како што ја нерекуваат хрватските медиуми „Памела Мандарисон“, е девојката со бујни гради која на пазар во Загреб продава мандарини. Да ги немаше бујните гради и виткото тело, тешко дека некој би и дал вакво внимание, но во последно време таа е се поактуелна. Мажите се нејзин главни купувачи, а за мандарините на Кристина чекаат ред. Таа на тезгата за 10 часа работно време продава дури до 300 килограми мандарини. Еден медиум направи и видео прилог, а како изгледаше тоа гледате во продолжение: https://www.youtube.com/watch?v=PpEOhKwWaoY

Пет причини зошто треба да јадете мандарина

Моника Манасиевска — Tue, 06 Nov 2018 12:30:11 +0000

1. Помагаат при настинки и грип Мандарината како и другите цитрусни овошја е одличен извор на витамин Це кој е важен за имунитетот и борбата против сезонските болести. Ги ублажува симптомите и го забрзува оздравувањето. Во стотина грама од ова овошје има 30 милиграми од овој нутрициент, што задоволува третина од дневните потреби. 2. Го топат вишокот килограми Заради малиот удел на масти и сол мандарината се смета за нискокалорична и се препорачува да ја има на мените при диети, односно кај оние кои сакаат да ослабат. Го забрзува метаболизмот и помага за топење на масните перничиња во пределот на стомакот. Цитрусите имаат и низок гликемиски индекс кој помага во рамнотежата на нивото на шеќери во крвта, па се препорачува и кај дијабетичари. 3. Го забрзува варењето При конзумирање мандарина не треба да се заборави на белата влакнеста коричка која го обвиткува плодот од внатрешната страна. Јадете ја, особено ако внесувате многу јагленохидрати и масти. Тој дел е полн со диетални влакна и ќе го забрза варењето на храната . 4. Го чува срцето и кардиоваскуларниот систем Мандарината е добар изор на калиум кој го снижува крвниот притисок, говраќа ритамот на срцето и го чува здравјето на кардиоваскуларниот систем. Хранливите материи во мандарините го спречуваат наталожувањето на лошиот холестерол на артериите, што може да доведе до срцев удар. 5. Природен антисептик Во зачувување на здравјето ќе ви помогне и есенцијалното масло од мандарини, кое се смета за природен антисептик затоа што го штити организмот од некои бактерии. Придонесува за ублажување на болни грчеви во дишниот систем, а и го опушта нервниот систем, па се препорачува да се користи за тешки ситуации или ако сте под стрес. Внимание! Мандарината како и другите цитрусни овојша содржи доста оксалати па затоа не се препорачува кај лица склони на формирање камчиња во бубрезите или жолчката.