мама – Вистина.мк

Мама Антониа будно бдее додека синчето мирно спие, а таткото…? Таткото „уморен од новиот живот“ ги дели слатките сништа со синот (ФОТО)

Антонио Димитриевски — Fri, 21 Jul 2023 09:14:10 +0000

Во најголемите летни жештини Антониа Гиговска ги минува првите мајчински денови. Пејачката сето свое внимание гио има концертрирано на нејзиното штотоку родено синче, па така сега во домот се' се врти околу малечкиот Киан. Мајката иако млада и неискусна, и тоа како ревносно си ги брка работите, давајќи му ја сета мајчинска љубов и топлина на како што го нарече, малечкото „глувче“ заради кое вреди да се живее и животот има смисла и иднина. Бебето како и секое бебе, најчесто спие, цица и „ги полни пелените“. Кога е буден тука е нежната мајчинска прегратка, толку нежна и слатка, што не може да ја замени ништо друго на светот. Арно ама, во целата таа „семејна хармонија“ некој ќе праша, а што е со таткото во семејната распределба на обврските? Каде е музичарот, кого после прославата и мекиците никаде го снема? Потоа не сподели ниту една фотографија со синчето на социјалните мрежи? Епа ако не сподели тој, сподели мајката, па Антониа постираше една фотографија на своите Инстаграм приказни која ја објасни целата ситуација. На неа малечкиот Киан мирно спие, а до него, спие и таткото Роберт. Дали „уморен од новиот живот“, од неспиење ноќе, ако бебето ги буди, што не би требало да му е проблем, зашто белким има навика од ноќните свирки да не легнува до доцна во ноќта или од нешто друго, важно... Мама Антониа будно бдее додека синчето мирно спие, а таткото...? Таткото „уморен од новиот живот“ ги дели слатките сништа со синот! Фото: Инстаграм/antoniagigovskaa

Нина, сопругата на Борко Ристовски покажа дека и таа мора да има мускули, а еве и зошто?! (ФОТО)

Антонио Димитриевски — Wed, 18 Aug 2021 06:50:37 +0000

Спортистите, особено оние врвните професионалци најчесто се атлетски градени, силни, полни со енергија и кондиција, со мускулести тела и екстремитети... И мора да бидат такви, зашто таква е природата на спортот како нивна професија. Прашање кое многу често си го поставуваат оичните луѓе, нивни навивачи, фанови, симпатизери или само обични следбеници на социјалните мрежи е дали „машката сила“ не е само нивна привилегија, туку неа ја користат и нивните понежни и поубави половини, кога ги „споделуваат“ домашните обврски. Во една таква ситуација се најде и Нина, сопругата на македонската ракометна легенда, „министерот за одбрана“ како што го нарекуваат Борко Ристовски, која на дело покажа дека и убавиците, манекенките или моделите во одредени моменти исто така „мора да имаат силни мускули... иако ги немаат. Имено, Нина сподели неколку фотографии од летниот одмор на кои се гледа како со своето синче Душан и нејзината сестра Мими уживаат на егејското крајбрежје. На фотографиите никаде го нема Борко, што укажува на две нешта: Или постојано тој ги фотографирал или воопшто не бил со нив, што е многу поизвесно со оглед на професионалните обврски со подготовките за претстојната сезона. А и поновата фотографијата на која се сите заедно и во чиј опис стои: „И 11 дена разделени се многу“ - укажува дека убавата сопруга на македонскиот голман покрај споделената убавина на фотографиите, морала да има „и мускули“ за да го замени сопругот во машките работи. А, ако ги нема, малиот Душан е тука да и ги позјми своите... Се разбира засега само оние за пливање... Впрочем, фотографијата која ја отсликува љубовта помеѓу мајката и синот заменува илјада зорови... Сакала или не... „И мама мора да носи мускули“! Фото: Инстаграм принтскрин/ ninaristovska

Северина ја преполни загребска „Арена“, но главна ѕвезда во бекстејџот беше некој друг… (ВИДЕО)

Антонио Димитриевски — Mon, 09 Dec 2019 08:57:03 +0000

Северина ја преполни загребска „Арена“. Илјадници срца чукаа заедно со нејзиното од возбуда, исто толку грла пееја заедно со хрватската поп дива во едн глас речиси за време на целиот концерт. Спектакуларна глетка, и уште поспектуларно доживување, особено за време на емотивните моменти какви што беа изведбите на баладите кои допираат до срцето. Една од песните Севе му ја посвети на својот син Александар, над кого неодамна судски го изгуби старателството од бившиот сопруг Милан Поповиќ. „Ја пеам оваа песна не само за мојот син, туку за сите деца на светот и за сите мајки“, рече Северина, пеејќи ја со посебни емоции песна „Родено мое“, која ја посветеи на нејзиниот син, а на крајот не додржа и се расплаче.

View this post on Instagram

Zivot je borbeno polje ❤ #ljubavradjaheroje #severina #arenazageeb #rodjenomoje?

A post shared by IVANA (@ivanaelenazg) on Dec 8, 2019 at 12:14am PST

Но, освен на синот, Севе посвети уште една песна на некој друг...

View this post on Instagram

#virujenute #themagictour #arenazagreb #zagreb #volimstosevolimo #ljubavseljubavljuvraca #severina

A post shared by Severina Kojic (@severina) on Dec 8, 2019 at 9:52am PST

Некој, кој и е исто толку близок и сакан, некој кој знае што значи да се минува низ она што таа минува заради изгубеното старателство над своето дете, зашто Северина е нејзино дете, а малиот Александар нејзин внук. Токму таа - „госпоѓа Мама“ исто така доби своја песна на концертот, но мајката на Северина беше главна уште пред почотокот на истиот, кога влезе во бекстејџот. Беше дочекана со аплаузи и стоечки скандирања од присутните зад сцената кои извикуваа: „Мама, мама, мама...“ , а Северина штом ја виде и падна во прегратки, а следуваа и бакнежи! Тоа веднаш ја побуди љубопитноста на камерите и фотографите, па „госпоѓа мама“ ја засени својата ќерка и беше главна ѕвезда во бекстејџот!

View this post on Instagram

MA-MA! MA-MA! MA-MA! ❤️ #mama #themagictour #arenazagreb #zagreb #volimstosevolimo #ljubavseljubavljuvraca #severina

A post shared by Severina Kojic (@severina) on Dec 8, 2019 at 11:43am PST

„Љубовта со љубов се враќа“ - напиша Севе во посветата покрај видеото кое го овековечи овој емотивен момент!

Македонската фолкерка дома има сериозна конкуренција: Драгана Јовановска е на добар пат „да и го украде шоуто“ на мама Тања (ВИДЕО)

Антонио Димитриевски — Sat, 09 Nov 2019 09:50:49 +0000

Македонската фолкерка Тања Јовановска Трајкова важи за една од поатрактивните пејачки на домашната фолк естрада. Згодната кумановка покрај естрадната кариера и секојдневните обврски е и посветена мајка. На нејзината ќерка Драгана не само што и пренела дел од гените, туку и дел од своето пејачко знаење, умеење и искуство, па 12 годишното девојче полека почнува да наговестува кој ќе биде поголема ѕвезда во домот на Јовановски?! Или можеби најголема, зашто и татко и Младен - сопругот на Тања е музичар, која на синтисајзер ја придружува мама на настапите. „Крвта не е вода“, па затоа и „крушката под крушка паѓа“ - велат. А, кај малата Драгана паѓаат аплаузи, воодушевувања, пофални зборови уште од нејзиниот прв настап. А настапува веќе неколку години, и тоа од учество во детските хорчиња, па се до појавувањето на разни домашни и меѓународни фестивали каде редовно победува или во најмала рака зема некоја од наградите, како и на регионалните музички талент шоуа како „Пинковите ѕвездички“ на пример. Општо гледано, ако се земат во предвид сите нејзини учества и појавувања, малечката уште сега има повеќе настапи надвор од Македонија од својата мајка. За освоените награди и да не зборуваме! Затоа македонската фолкерка нека му ја мисли... Има сериозна конкуренција дома, од која не ќе може да „избега“, зашто нејзината ќеркичка Драгана Јовановска е на најдобар пат „да и го украде шоуто“! А фолкерката не само што нема ништо против оваа конкуренција, туку е и горда на неа, и тоа најмногу на свет! И колку повеќе Драгана ќе и ги засенува славата и популарноста, мама Тања толку ќе биде посреќна и погорда на својата наследничка! Како што во моментов се радува и гордее со најновата изведба на нејзината ќерка во новто продолжение на музичката серија „Дајте музика“, каде Драгана ја пее песничката „Сакам овој ден да трае“ на авторот Николче Мицевски. Како тргнала, кариерата на новата ѕвездичка што се раѓа допрва почнува, а ќе потрае многу, многу денови... и години. https://www.youtube.com/watch?v=0TDI34F8mbM

Сопругата на Борко Ристовски, Нина откри чија копија е синчето (фото)

Христина Ѓоргиевска — Wed, 16 Oct 2019 06:57:15 +0000

Во февруари 2018 година, Борко Ристовски и неговата сега веќе сопруга Николина ставија потпис во матично и запливаа во брачните води. Имено, тогаш немаше свадбена прослава туку скромна семејна вечера, а свадбата веселба се случи на почетокот на оваа година во еден луксузен хотел во Скопје каде присуствуваа нивни пријатели, но и личности од јавниот свет. https://arhiva.vistina.com.mk/radio-mileva/vaka-izgledashe-svadbenata-torta-na-borko-risteski-i-negovata-sopruga/ Борко и Нина уживаат во својата семејна идила, а нивната радост и среќа ја зголемува синчето Душан кое име една ипол година. Тие на социјалните мрежи често знаат да споделат дел од нинвниот приватен живот и да покажат како уживаат. Кога има некој голем повод, родендени, „Ден на вљубените“, „Денот на мајка“, годишнина од брак итн тие често си честитаат на социјалните мрежи. Деновиве, Нина откри на кого личи нивниот син. Велат дека ќерките најчесто личат на татковците, додека синовите на мајките, а ова испадна точно и кај Нина и Борко. Имено, Нина на „Инстаграм стори“ објави колаж од фотографија кога таа била мала и фотографија од Душан, па покажа дека Душан е копија на мама.

Полов апартхејд: Родител 1 или 2… а всушност, само голема нула!

Антонио Димитриевски — Tue, 26 Feb 2019 11:23:58 +0000

Откако „го решија“ името, партнерите 1 и 2... сосе останатите од владеачката коалиција заедно со граѓанските приврзоци, тргнаа да ги решаваат и другите важни прашања во државата, преку закони. Еден од „најважните“ закони за нив да ти бил законот за заштита од дискриминација. Така уште во средината на март за прв пат ќе сме добиеле закон за заштита од новиот облик на дискриминација, таканаречаната сегрегација. Најдискриминирани во нашава Македонија да ти биле оние од ЛГБТ популацијата. А да ги прашаш што тоа им е забрането: да учат, да студираат, да работат, да спортуваат, културно да се издигнуваат, да веруваат, рекреираат, забавуваат, да водат љубов...? И уште на илјада и едно ШТО? - немаат одговор! Освен еден: дека се по дифолт дискриминирани! Ок, се! Зашто не можат да раѓаат! Ама како да им објасниш дека тој закон е Божји, а не собраниски? А брак? А пред матичар да застанат? И дете да усвојат? Тоа се тезите и барањата за нивната наводна „дискриминација“. А, повторно не сфаќаат или само така им чини, дека она што Бог не го озаконил, ниту еден закон не може да ти го компензира! Затоа веста дека во Србија ќе се избрише „мама и тато“ а ќе се воведе нов закон за Родител 1 и Родител 2, ги вознемири и разбранува духовите и во Македонија. Зашто таков закон, под називот „Закон за спречување и заштита од дискриминација се“, подготвува и кај нас, па под плаштот на наводната дискриминација на мала група... знаете веќе што, ќе треба да прифатиме да бидеме дискриминирани сите ние останати од мнозинството. Чист полов апартхејд! Сексуалната ориентација и родовиот идентитет божем сега се предмет на дискриминација, а со законот за сегрегација скроен по мерка на нивното га*е, демек нема да бидат. Ама затоа дискриминирани ќе бидеме сите ние што сме „стрејт“! И наместо тато и мама ќе бидеме родител 1 и родител 2? А во учебниците ќе озваничиме дека мажот не ги прави, а жената не ги раѓа, туку штркот ги носи децата како „нулти родител“? Или што би рекле „родоносец“! Па сите едвај ќе го чекаме да се врати од југ, а во меѓувреме родителот 1 ќе има секс со родителот 2 само заради обострано задоволство, а врстата ќе ни ја продолжува...? Е кој де? Имаат ли на тоа прашање одговор „дискриминираните законобаратели“ како и „законодавците“ од партнерската 1 и 2 коалиција? И кој тоа ќе биде Родител 1, а кој Родител 2? Мажот или жената? И како тоа практично ќе изгледа и звучи? „Сине оди кај број 2 и кажи му дека број 1 ќе му ја... растури бројката“!? Родител — оној кој родил односно обезбедил потомство. Машките и женските единки се парат и раѓаат потомство, со што машкиот родител станува татко, а женскиот родител станува мајка. Така пишува во литературата. Така беше до сега. Ако прифатиме да бидеме законски дискриминирани наместо божем дискриминираните, од човечки единки ќе станаме само... бројка! Родител 1 или 2... А, всушност, само една голема нула!

Новинарката на Сител покажа колку личат со новородената ќеркичка: Каја е копија на мама (ФОТО)

Антонио Димитриевски — Tue, 05 Feb 2019 08:12:19 +0000

Убавата и шармантна уредничка на бизнис вестите на ТВ Сител, Наташа Мерсовска кон крајот на минатата година за прв пат стана мајка. Таа на свет донесе здраво женско дете, а малечката доби необично, но убаво и модерно име – Каја!

Првите фотографии на среќната мајка, новородената ќерка и воопшто семејството, можевме да ги видиме уште веднаш по породувањето. Нормално, тогаш Каја се' уште беше многу мала за да може да се каже дали повеќе наликува на мама или на нејзиниот татко. Впрочем, бебињата многу бргу ги менуваат цртите на лицето, заради брзиот развој.

Сепак, иако малата принцеза е се' уште бебе, таа веќе почнува да ги покажува убавините на својот физикус. Мама Наташа деновиве направи неколку најнови фотографии, па истите ги постираше на својот Инстаграм профил.

На една од нив, тие се фотографирани во крупен план, како лежат една до друга...Мама без шминка, за Каја се подразбира. А, сличноста е повеќе од евидентна: убаво лице, бел тен, крупни светли очи и насмевка која плени... Со еден збор, Каја е копија на мама Наташа! Барем сега за сега... а, веројатно и во иднина!

За карактерните особини на малечката убавица нема да зборуваме. Ќе оставиме родителите сами да си препознаат, во кој сегмент на карактерот, која карактерна црта од кого, нивната ќеркичка ја има превземено!

Едно сепак е сигурно: малата Каја ќе биде убавица... на мама!

Синчето на Даниел Кајмаковски возврати љубов: Мама ја погали, тато си го бакна, дури и на слика! (ВИДЕО)

Антонио Димитриевски — Mon, 26 Nov 2018 08:40:38 +0000

Откако стапи во брак, особено откако му се роди синчето, Даниел Кајмакоски многу повеќе е посветен на семејството отколку на кариерата. не дека не планира нови нешта и дека нема настапи, напротив.

Последен пат публиката можеше да го види неодамна на концертот во чест на Тоше во ВИП арената „Борис Трајковски“, а веќе ја има договорено и новогодиишната ноч, во еден познат локал во Будва, на црногорското приморје.

Сепак Даниел, не е така често и толку многу отсатен од дома, за на малиот Давид да му недостасува неговото присуство, неговата татковска прегратка... Но, очигледно малиот знае што е тоа љубов и како истата да ја сподели со мама и тато... Та макар, таа била и на слика!

Очигледно емоциите не му недостасуваат, зашто мама и тато уште од бебе му ги подариле и му го всадиле чувството за емпатија, за тоа како и колку треба да се сакаат луѓето, особено најблиските, па Давид она што го примил и научил од своите родители го покажа на дело: како со љубов се возвраќа дадената љубов!

Закачената семејна фотографија на ѕидот и на неа неговите родители. А малиот Давид покажа како се сакаат, па мама ја погали, а тато го бакна... Та биле и на слика!

View this post on Instagram

Si go saka tato nema tuka sto ? #truelove #mylife #myeverything

A post shared by Daniel Kajmakoski (@daniel_kajmakoski) on Nov 24, 2018 at 6:21am PST

Милена Антовска сподели преслатко видео од нејзината ќерка како и се радува на мама на ТВ екраните (видео)

Христина Ѓоргиевска — Mon, 17 Sep 2018 07:20:59 +0000

Македонската водителка Милена Антовска пред една година стана мајка на своето прво дете, ќерката Лана Марија. Оттогаш, Милена е посветана на мајчинството и секој слободен момент го поминува со семејството. Веднаш по породувањето, Милена оправдано се повлече од ТВ екраните, па улогата на водителка ја замени со улога на мајка. Во текот на таа година, Милена не беше актуелна во телевизиските појавувања, но преку социјалните мрежи ги информираше следбенците за нејзините активности и како си поминува во породилното отсуство. Антовска пред некое време се врати на ТВ екраните. Меѓутоа, новата сезона водителката ја започнува со нови проекти. Имено, водителката која имавме прилика да ја гледаме на Утринска емисија сега ќе води нова емисија „Сподели проблем со Милена“. Деновиве, на социјланите мрежи кружи рекламно видео за новиот проект на Антовска, а на својот Фејсбук, Милена сподели видео на кое нејзината ќеркичка стои пред ТВ екраните и ја гледа мамичка.