макфест 2022 – Вистина.мк

Се зборуваше дека се скарани и „очи не сакаат да си видат“, па еве што се случи помеѓу Лила и Марјана кога се сретнаа на „Макфест 2022“ (ФОТО)

Антонио Димитриевски — Sat, 05 Nov 2022 08:15:06 +0000

Ако Кристина Димитри и Андријана Петрушовска ги „однесоа сите погледи“ на мажите на годинешниот „Макфест 2022“ меѓу пејачките, тогаш Лила Филиповска и Марјана Станојковска ги „залепија за себе“ погледите на сите: И на мажите и на жените и на ТВ камерите... Зашто двете ТВ водителки се појавија во такви возбудливи модни изданија, во кои слободно можеа да прошетаат на црвениот тепих и сцената дури и на некоја светска манифестација, на која исто така немаше да останат незабележани. Дека двете дами работата „ја имаат во малиот прст“ оддамна е познато, па затоа и се можеби со години наназад најпознатите и најпопуларните во браншата... особено Лила, која дефинитивно е врвна по многу нешта. И изгледот кој го негува и речиси не го менува со години, па изгледа речиси дупло помлада од што е, а и по имиџот, изборот на гардеробата, обувките, шминката, накитот... Комплетниот аутфит, во кој водителката секогаш изгледа топ и фит! Така беше и овој пат, на годинешниот „Макфест“ кога Лила уште со самата појава на црвениот тепих предизвика еуфорија. Блескаа блицевите на фоторепортерите, мобилните сликаа, камерите снимаа, а првата дама на македонскот ТВ водителство суверено позираше и чекореше кон својата работна позиција.

View this post on Instagram

A post shared by Lila (@lilafilipovska)

Во долг зелен светкав фустан од куќата на една од најпознатите модни креаторки кај нас, со длабоко деколте и уште подлабок шлиц кои доволно „ја скокоткат фанатазијата“, многу тоа откриваат, ама ништо не покажуваат, Лила едноставно блескаше... И на сцената и надвор од неа! И ако Лила е „македонската кралица на ТВ водителството“, Марјана Станојковска пак, со годините се профилираше во „принцеза на водителскиот ТВ занает“ која како помлада претендира да ја наследи. Но, она што на себе го носеше и на овој „Макфест“ како и секогаш беше повеќе од модерно и атрактивно, ултрапровокативно, а сепак елегантно и... едноставно заодливо. Особено втората вечер, кога долгиот фустан со една „отворена страна“ буквално ги мамеше машките погледи, во исто време скокоткајќи и милувајќи ја нивната фантазија, зашто ваквиот изглед надополнет со останатите детали буквално „и гали и пали“ со само еден фрлен поглед на сексапилната Марјана.

View this post on Instagram

A post shared by MARJANA STANOJKOVSKA (@marjanamay)

Сепак, она што беше најинтересно, беа претходно пласираните шпекулации, веројатно темелени на кулоарските естрадно-чаршиски муабети, дека двете ТВ водителки се во лоши односи!? Дека двете колешки не сакаат „очи да си видат“ и приватно, а камо ли да работат нешто и заедно?! Токму оттаму сите погледи на меновинарите и медиумите, па и на сите останати без вперени во нивната неизбежна фестивалска средба на „Макфест 2022“! Како ли ќе реагираат, што, ли ќе се случи, ќе има ли размена на „остри зборови“, се' ќе мине само со „погледи попреку“ или двте ТВ водителки само „ладно“ ќе се разминат, ќе свртат глава и нема ни да се погледнат? Арно ама, дека „на лагата и се куси нозете“ како и на „фејк вестите“, покажаа нивната средба зад фестивалската сцена. Лила и Марјана не само што се сретнаа, туку се изгушкаа, бакнаа, насмеани разговараа, си направија селфи и позираа специјално за нашиот портал Вистина.ком.мк, дементирајќи ги сите гласини околу нивната наводна кавга! Обете потврдија дека ниту биле, ниту се скарани или во лоши односи... Напротив! Лила и Марјана на „Макфест 2022“ докажаа дека не само што се топ водителки, туку се и блиски пријателки! Не „душманки“, туку колешки и другарки! А, чаршијата и кулоарите во естрадата? Ако немаат друга работа, како и секогаш нека плетат приказни, со кои само им ја креваат цената! Фото: Инстаграм принтскрин/lilafilipovska/marjanamay/приватна архива

И се смешка блескава кариера: Марија Спасовска имаше одличен настап на „Макфест“ со нејзината песна – „Омилен“ (ВИДЕО)

Антонио Димитриевски — Tue, 25 Oct 2022 10:34:35 +0000

Дефинитивно младата и талентирана пејачка Марија Спасовска беше една од најзабележаните учесници на овогодинешното издание на фестивалот „Макфест“, кој се одржа викендот во Штип. Нема сомнеж дека Марија ги освои срцата на публиката, а доказ за тоа се позитивните коментари кои не престануваат да пристигнуваат на нејзина адреса. Таа имаше одличен настап со нејзината песна „Омилен“ уште во првата вечер од фестивалот, а тоа го потврди нејзиниот пласман во втората вечер, каде настапи со веќе докажаните музички ѕвезди од македонската естрада. Веднаш по завршувањето на фестивалот, односно наредниот ден младата пејачка го објави и својот видеоспот за макфестовската песна, кое го изработија момците од „Урбан Рекордс“. „Презадоволна сум од песната, настапот реакциите на публиката, задоволна сум од себе како се претставив на фестивалот. Добивам по десетици пораки дневно на социјалните мрежи од луѓе кои не ги познавам дека им се допаднал мојот настап, а тоа посебно ме радува и ме мотивира во исто време. Се надевам дека песната ќе биде слушана во иднина“ - вели младата пејачка. Марија се потпишува како автор на оваа песна, односно нејзини се музиката и текстот, а прсти замеша и познатиот продуцент Роберт Билбилов кој го направи аранжманот. Инаку Марија во својата фиока има веќе неколку готови песни, па следната ќе биде објавена за само неколку месеци или неколку недели од сега... До тогаш погледнете го спотот за „Омилен“ (КЛИКНИ ТУКА), а доколку ви се допадне, лајкнете и споделете...

Мисицата и „Гранд“ пејачката ги однесоа сите погледи на „Макфест 2022“: Кристина и Андријана – две„секс бомби“ кои го спакуваа стилот и сексапилот во еротско-страден пакет налик на ѕвездите од белиот свет (ФОТО)

Антонио Димитриевски — Tue, 25 Oct 2022 07:52:10 +0000

Тукушто завршениот „Макфест 2022“ полека ја слегнува прашината од еуфоријата која траеше викендов во Штип. Се сумираат резултатите, слегнуваат впечатоците, се анализираат деталите... Севкупно, но и секој од изведувачите поединечно за својот настап, сценското преставување, изведбата, кореографијата, костимографијата... И сето останато во фестивалското појавување, во „негови пет минути“ што се паметат цела година, а некои можеби и многу подолго потоа. На годинешното фестивалско издание видовме многу тоа. И модерни песни и пристојни вокални изведби и атрактивни сценски настапи... Но, сепак две дами од македонската естрада и тоа оние од поновата генерација предизвикаа визуелна фасцинација. Едната доскорешна мисица, манекенка и топ модел, а од скоро и пејачка, другата млада пејачка „Гранд ѕвезда“ предизвикаа наезда на комплименти, пофалби и коментари, но пред се' на себе „ги залепија“ и „влажните машки погледи“ и љубопитните женски „ѕиркања под око“ кога е во прашање нивниот моден стил и секако неодоливиот сексапил! Кристина Димитри во пакет со нејзиниот постојан естраден партнер ДЈ Боно на сцената пееја за „Салса“, а во истиот манир и беа облечени. Особено атрактивната мисица, која во „карневалскиот костимот“ налик на бразилските убавици од Рио, го истири сиот свој сексапил на сцената, но и вон неа. Немаше вистински маж што не погледна во нејзините долги нозе, убавото извајано разголено га*е во кое впечатливо беше потонала тангата од светкавото боди и отвореното деколте... Ваквиот еротски имиџ надополнет со ракавици до надлактици, мрежести хулахопки, високи сребрени „штикли“ и пердувестиот украс на главата, направи Кристина Димитри да ја однесе славата! Уште кога на сцената еротските движења и заводливото нишање на колковите во својот настап ги вметна, Кристина Димитри ја направи возбудата комплетна! Барем кога се во прашање стилот и сексапилот, дефинитивно атрактивната тетовка беше највозбудливата појава и на црвениот тепих и во бекстејџот и на фестивалската сцена на „Макфест 2022“! Ништо помалку забележителна, впечатлива и атрактивна не беше ниту уште една млада пејачка. Македонската „Гранд ѕвезда“, Андријана Петрушовска покрај сигурниот вокален израз, убавата кореографија и танчарите кои настапија со неа, сцената, а и просторот вон неа ги обои со својата „фам фатал“ појава! Облечена целата во кожа, од глава до петици, Андријана делуваше како една од оние убавици, кои штом ги видите, од возбуда „ве лазат морници“! Пееше „Барај ме“, себе си се пронајде во кожен топ, во кој заедно со неа немирно танцуваат нејзините бујни гради, кожни, тесно припиени панталони. однапред отворени и исшнирани со врвки до препони и долги црни ракавици од провидна тантела до рамена, обуена во војнички чизми, направија пејачката да изгледа како „садо-мазо“ домина! Имиџ кој ги истакнува сите нејзини атрибути, предизвикувачки, провокативен и возбудлив, а сепак не и вулгарен! Изглед кој во комбинација со песната и сценскиот настап покажа дека младата „Гранд ѕвезда“ може подеднакво добро да изгледа и изведува и поинков стил на музика од она што можеби од неа се очекува!

View this post on Instagram

A post shared by Andrijana Petrushovska (@andrijanapetrushovska)

Како и да е, едно е сигурно: Мисицата и „Гранд“ пејачката ги однесоа сите погледи на „Макфест 2022“! Кристина и Андријана - две„секс бомби“ кои го спакуваа стилот и сексапилот во еротско-страден пакет налик на ѕведите од белиот свет! Обете покажаа и потврдија дека „ѓаволот се крие во деталите“, а малите детали се секогаш она што најмногу (ве) „пали“! Фото: Инстаграм принтскрин/kristina.dimitry/andrijanapetrushovska

„Макфест 2022“: Годинешното 37-мо издание полека му ги враќа стариот сјај и гламур и што е најважно, му ја врати „душата“ на фестивалот (ФОТО)

Антонио Димитриевски — Sun, 23 Oct 2022 12:10:54 +0000

Вчервечер, сабота 22 октомври во Штип заврши 37-то издание на можеби најреномираниот македонски фестивал на забавни мелодии „Макфест 2022”. Во петокот, 21 октомври 2022 се одржа првата фестивалска вечер, со релативно нови музички имиња, додека пак втората вечер, беше ревијална. На неа, покрај шесте избрани од првата вечер, настапија мноштво од познатите, популарни и веќе етаблирани македонски музички имиња како и ѕвездениот гостин од регионот. На блескавата фестивалска сцена ги видовме волшебната Тамара Тодевска, урбаните фраери од „Два Бона“, повратникот Ламбе Алабакоски, македонско-руската душа Викторија Лоба, младите Пајак и Лара Иванова во дует, евровизиската претставничка Андреа Коевска, музичкиот супермен Виктор Апостоловски, Александар Тасевски и неговиот „Балкан бенд“, атрактивната „Гранд ѕвезда“ Андријана Петрушовска, ДЈ Боно и ултрасексапилната Кристина Димитри... Mеѓу сите наши ѕвезди пееше и гостинот од регионот, пејачот на легендарното „Бијело Дугме“, Ален Исламовиќ. Тука беа и младите надежи, Марија Спасовска, Благица Ѕунѕуровска, Мелани Тарчуловска, Мартинијан Кириловски... Секако и авторската екипа од композитори , текстописци и аранжери беше врвна, па за очекување е дел од фестивалските песни од годинешното макфестовско издание да прераснат во хитови, а некои можеби ќе станат и евергрини, зашто авторските имиња како: Роберт Билбилов, Игор Џамбазов, Иле Спасов, Дарко Тасев, Иван Јованов, Лазар Цветковски, Александар Масевски, Владимир Дојчиновски, Елвир Мекиќ, Весна Малинова, Кристијан Габроски… гарантираат и комерцијала и квалитет. А миксот на едното и другото за разлика од последниве неколку години, овој пат беше за неколку скалила погоре. Одличната организација, за која беа заслужни сите инволвирани страни почнувајќи од главниот организатор - општината Штип и нејзиниот градоначалник м-р Иван Јорданов кои обезбедија околу 100 илјади евра, и тоа 4,5 милиони денари обезбедени од Општина Штип и 1,5 милиони денари од спонзори, преку уметничкиот директор на „Макфест 2022“ Роберт Саздов и извршните продуценти - композиторот и пејач Јован Јованов и Александар Арсовски од општина Штип, па се' до сите професионално ангажирани лица и волонтери, направија се' фестивалот да го кренат повторно на нозе. Црвениот тепих, изјавите на познатите пред почетокот на фестивалот, случувањата во бекстејџот, лепезата на познати лица за ТВ водители и презентери на двете фестивалски вечери ( Лила Филиповска, Марјана Станојковска, Димитар Атанасовски, Миланка Рашиќ, Александра Јовановска, Јана Бурчевска, Борко Ристевски)... Се разбира, како и самото она што се случуваше на фестивалската сцена од која МРТВ и овој пат вршеше директен пренос, направија годинава да видиме, слушнеме и доживееме еден малку поинаков „Макфест“. Подмладен, содржински освежен, модерен и во песните и во изведбите на изведувачите и во пристапот на организацијата, со што „Макфест 2022“ полека го враќа стариот свој сјај и гламур... И што е можеби уште поважно, ваквото издание му ја врати „душата“ на малку подизбледениот и уморен фестивалски концепт од последниве неколку години. Оваа „нова фестивалска младост“ покажува дека и при крајот на четвртата деценија од своето постоење, „Макфест“ има, може и мора уште многу тоа да донесе, да даде, да пружи и понуди... Нови хитови, нова фестивалска возбуда, нови деца кои еден ден ќе станат етаблирани музички имиња, нов естетско - уметнички раскош кој и на градот Штип и на Македонија и недостасува, зашто и македонската публика и домашната естарада тоа го заслужува. Останува на медиумите да ги вртат и протежираат и песните и изведувачите, а за градот Штип, општината, градоначалникот, воопшто на организаторот на фестивалот - домашна задача која треба уште утре да седне да ја подготвува: Догодина да видиме и доживееме еден уште поубав, посвеж, помодерен, поблескав и погламурузон „Макфест 2023“. Зашто таков на сите ни е потребен! Фото: Архива и социјални мрежи

Вечерва во Штип: „Макфест 2022“ – втора ревијална вечер

Антонио Димитриевски — Sat, 22 Oct 2022 11:40:33 +0000

Вчеравечер,петок, 21 октомври 2022 година во Штип започна 37-то издание на еден од најреномираните македонски музички фестивали – „Макфест 2022“. На сцената во Домот на културата „Ацо Шопов“ на првата вечер од фестивалот, односно вечер на млади ѕвезди, се појавија 12 помалку познати и сосема нови или млади музички имиња, иако меѓу нив имаше и некои кои се веќе добро познати и оддамна етаблирани на естрадата. Само шест учесници од од нивк ои имаа најмногу поени од стручното жири и гласови на публиката која гласаше со своите влезни билети, ќе имаат привилегија да учествуваат и на втората вечер од фестивалот, односно сцената ќе ја делат со музичките ѕвезди од естрадата. Ова се имињата на шесте дебитанти и нивните песни кои собраа најмногу гласови и се пласираа на втората ревијална вечер: Првата макфестовска вечер ја заокружи Игор Џамбазов со своето музичко вокално-гитарско блуз шоу, кој во себесвојствен, уникатен и оригинален стил со своите аспецијално адаптирани изведби не потсети на многу подзаборавени нешта. Најмногу на убавите времиња, тажните моменти, љубовните воздишки, макфестовските догодовштини, суровата сегашност, на животот низ годините воопшто... Игор и неговите гитарски компањони беа шлагот на вечерта од првото парче нагодинешниот макфестовски музички колач! Вечерва, сабота на 22-ри ќе се одржи ревијалната вечер на која шестемина пласирани од првата ќе им се придружат на веќе етаблираните имиња од македонската естрада. На сцената ќе ги видиме Тамара Тодевска, момчињата од „Два Бона“, Ламбе Алабакоски, Викторија Лоба, Пајак и Лара Иванова, евровизиската претставничка Андреа Коевска, Виктор Апостоловски, атрактивната Андријана Петрушовска, а ќе има и гостин од регионот, односно пејачот на легендарното „Бијело Дугме“, Ален Исламовиќ… Со едн збор, не очекува вистинска музичка посластица во едно различно и возбудливо издание на фестивалот, па затоа не пропуштајте ја можноста да го проследите и ревијалниот дел на „Макфест 2022“!

Вечерва во Штип започнува 37-то издание на „Макфест 2022“

Антонио Димитриевски — Fri, 21 Oct 2022 10:12:02 +0000

Вечерва,петок, 21 октомври 2022 година во Штип започнува 37-то издание на еден од најреномираните фестивали во македонската музичка историја - „Макфест 2022“. На сцената во Домот на културата „Ацо Шопов“ вечерва (21-ви октормври) ќе се одржи првата вечер од фестивалот, односно вечер на млади ѕвезди, на која учество ќе земат нови музички надежи. Следната вечер, односно во сабота на 22-ри ќе се одржи ревијалната вечер на која ќе учествуваат веќе етаблирани имиња од македонската естрада. На сцената ќе ги видиме Тамара Тодевска, момците од „Два Бона“, Ламбе Алабакоски, Викторија Лоба, Пајак и Лара Иванова, евровизиската претставничка Андреа Коевска, Виктор Апостоловски, атрактивната Андријана Петрушовска, а ќе има и гостин од регионот, односно пејачот на легендарните „Бело Дугме“, Ален Исламовиќ... Само шест учесници од првата вечер кои ќе имаат најмногу бодови, ќе имаат привилегија да учествуваат и на втората вечер од фестивалот, односно сцената ќе ја делат со музичките ѕвезди од естрадата... Инаку ова 37-мо издание на фестивалот ќе биде различно по многу работи. Прва и основна е тоа што втората вечер ќе биде ревијална, нема да има победници. Исто така радува тоа што скоро сите песни на изведувачите се модерни и по терк на светските хитови. Исто така новина е што фестивалот ќе го водат дури пет водители. Двајца главни водители - познатата Марјана Станојковска и Димитар Атанасовски, додека пак презентери ќе бидат: Лила Филиповска, Миланка Рашиќ, Јана Бурчевска и познатиот ракометар Борко Ристовски, кој навистина ќе биде интересно да се види во една сосема поинаква улога. Уметнички директор на фестивалот е познатиот музичар и композитор, Роберт Саздов. Она што можеби многумина ќе ги изненади е тоа што на една иста сцена ќе застанат „лутите ривалки“, Марјана Станојковска и Лила Филиповска. За нивниот однос со години се зборува, а едно е повеќе од сигурно, а тоа е дека двете речиси никогаш не се видени како се дружат во приватниот живот... Судејќи по сето ова, не очекува едно различно и возбудливо издание на фестивалот, па затоа не пропупштајте ја можноста да го проследите!

Викендов стартува „Макфест 2022“ во Штип

Антонио Димитриевски — Tue, 18 Oct 2022 12:30:47 +0000

Викендов ќе се одржи 37-то издание на фестивалот „Макфест 2022“, кој традиционално ќе се одржи во градот Штип, односно во Домот на културата „Ацо Шопов“. Фестивалот ќе има две вечери, првата на 21-ви за нови ѕвезди и втората вечер 22-ри ќе биде ревијална вечер во која ќе настапат етаблирани ѕвезди од македонската естрада. На фестивалот ќе настапат следните имиња: Тамара Тодевска, Викторија Лоба, „Два Бона“, Ламбе Алабакоски, Мартинијан Кириловски, Андреа Коевска, Виктор Апостоловски, Андријана Петрушовска, Пајак и Лара Иванова, Ален Исламовиќ, диџеј Боно и Кристина Димитри, Александар и Балкан Бенд, Филип Пешевски, Марија Спасовска, Дарко и како браќа, Блеа – Благица Ѕунзровска, Мелани Тарчуловска, Мила Николовска, Марија Атанасова, Јуле Николовска, Јана Спирковска, Марија Цветановска, Дејан Тасев и Деа Симичева… Уметнички директор на фестивалот е Роберт Саздов, кој ветува одличен „Макфест“, а она што ќе го прави посебно ова издание, е тоа што ќе преовладуваат модерни песни. “Подготовките се при крајот, полека се приближуваме до датумот за одржување на фестивалот. Се тече во најдобар ред, артистите едвај чекаат да настапат во Домот на културата „Ацо Шопов“. Не очекува еден одличен и модерен „Макфест“, накусо изјави Саздов.

Последни подготовки: „Макфест 2022“ носи модерен звук, ова се дел од учесниците

Антонио Димитриевски — Tue, 04 Oct 2022 08:44:25 +0000

Полека, но сигурно се ближиме кон 37-то издание на најреномираниот музички фестивал во нашата земја, „Макфест 2022“, кој ќе се одржи на 21-ви и 22-ри октомври во Штип. Градот под Исарот и оваа година ќе биде домаќин на фестивалот кој е еден од главните „столбови“ на македонската музичка сцена наназад низ годините, а по се изгледа така ќе биде уште долги години... Се разбира, во овие 37 години на овој фестивал настапиле стотици изведувачи, најмногу од Македонија, а учесници имало и од земјите од регионот, па и пошироко. Она што го прави „Макфест“ посебен, е тоа што во овие 37 години го одбележаа многу хитови, многу евергрини и тоа во секакви стилови и жанрови. Но, едно е повеќе од сигурно, а тоа е дека секое време си носи свои трендови... Па, ако судиме по тоа, на „Макфест“ оваа година ќе доминираат модерени звуци, а тоа само докажува дека македонската музичка сцена и тоа како ги следи светските трендови во музиката. Впрочем тоа го докажува и големиот интерес кај македонските артисти за да настапат на овогодинешниот фестивал. Тоа ни го потврди и уметничкиот директор на фестивалот, познатиот музичар Роберт Саздов. „Да, интересот е навистина голем и тоа не радува сите. Како што знаете, ќе има два вечери, првата е натпреварувачка, додека втората вечер е ревијална. Она што особено морам да го истакнам е дека на конкурсот изведувачите и композиторите пријавија доста модерни песни“ - вели Саздов. Инаку на сцената во Штип, односно во Домот на културата „Ацо Шопов“ ќе настапат околу 25 изведувачи вкупно во двете вечери. Меѓу нив е познатата пејачка Тамара Тодевска, момците од „Два Бона“, пејачката Викторија Лоба, Ламбе Алабакоски, Виктор Апостоловски, Андреа Коевска, со дует ќе се претстават раперот Пајак и Лара Иванова, атрактивната Андријана Петрушовска и многу други... За постојано нови информации поврзани со фестивалот, следете ги официјалните страни на Инстаграм: https://www.instagram.com/makfestfestival/ и страната на Фејсбук: https://www.facebook.com/makfest.mk

Нејзиното време допрва доаѓа: Марија Спасовска ќе дебитира на „Макфест 2022“ (ФОТО)

Антонио Димитриевски — Wed, 28 Sep 2022 10:05:57 +0000

Веруваме дека повеќето од Вас се сеќаваат кога во 2018 година малечката Марија Спасовска ја претставуваше нашата земја на детскиот „Евросонг“, кој тогаш се одржа во Минск - Белорусија. Уште тогаш слаткото малечко девојченце од Скопје со преубав глас го привлече вниманието на домашната јавност, а многумина во старт веќе и предвидоа блескава музичка кариера. Полека, но сигурно нејзиното време доаѓа па Марија „запливува“ во сериозните музички води. Ако во 2018 таа беше во категорија јуниори, денеска слободно ќе кажеме дека таа е зрела да се префрли во категорија сениори. Марија Спасовска оваа година за првпат ќе дебитира на сцената на еден од нашите најстари и најпопуларни фестивали, фестивалот на забавни песни „Макфест 2022“ во Штип. Спасовска заедно со својот тим веќе почнаа да ги прават подготовките за фестивалот, а она што е фасцинантно за некој на нејзина возраст, е тоа што Марија ќе настапи како кантавтор на ова нејзино дебитанско појавување на фестивалот.