македонски – Вистина.мк

Нив нема да ги најдете под вистинското име и презиме: Ова се псевдонимите и прекарите на познатите македонски ѕвезди на Инстаграм (ФОТО)

Антонио Димитриевски — Sat, 29 Jul 2023 07:50:30 +0000

Социјалните мрежи, нужното зло на денешницата или нашиот прозорец кон светот? Нашите асистенти за што полесна и побрза комуникација со пријателите и непријателите, познатите, непознатите, со сите... Сите оние кои сакаме да не дознаат или дознаеме каде се, како се, што прават, што работат, како живеат, што јадат и пијат, каде летуваат, како се забавуваат... Отворен екран 24/7 во сите 365 дена во годината. За да можеш сопствениот живот, да го ставиш, а туѓите да ги имаш на увид, логично е да имаш отворено свој профил на социјалните мрежи, без оглед дали е тоа Фејсбук, Твитер, ТикТок, Телеграм, Инстаграм... Што ли веќе? Инстаграм е секако една од најпопуларните социјални мрежи на која ги споделуваме своите фотографии и куси видеоклипови... Најчесто сите ние, па и познатите и јавни личности своите профили ги имаат отворено и регистрирано под вистинскито име и презиме. Така е барем кај повеќето, но постојат и оние, кои на Инстаграм нема да ги најдете под вистинското име и презиме. Нивните профили се насловени според некој нивни псевдоним или прекар, или пак кованица од неколку букви од името и презимето... Или нешто сосема петто! 1.Таа е романтична убавица, позната македонска манекенка, мисица, модел... Љубител на цвеќето и естетиката, па затоа и држи ланец на продавници за декорација, украсување, цвеќе и подароци... Патем македонски рекордер во брзина на склучување бракови и разводи... Можеби затоа и Емилија Розман на Инстаграм ќе ја најдете под прекарот: rozmanticna. 2. Откако се појави во јавноста, со години наназад постојано е во етерот. Позната ТВ и радио водителка, последниве две-три години и уредничка на утринската програма на ТВ Сител. Убава, згодна, бејбифејс, која со изгледот им пркоси на годините иако е веќе оддамна мажена жена и мајка. Нејзиниот псевдоним под кој ќе ја најдете на Инстаграм е веројатно кованица од буквите на две имиња: Нејзиното - Елена и на нејзината ќеркичка - Илина... Или едноставно: enna_inna. А, во прашање е новинарката и водителка Елена Стојановска! 3. Бојата на косата ја менува кога сака и како сака, но најчесто е русокоса. До скоро позната ТВ водителка, а последниве години и една од највлијателните инфлуенсерки кај нас токму на Инстаграм. Позната по своите тетоважи, но уште повеќе по тоа што (веројатно) освен по цело тело, најмалку има „влакна на јазикот“, па на неправдите и нивните чинители отворено им се спротиставува в лице, правејќи ги „пуздер“! Самохрана мајка на малолетно машко дете, чие име го доадала на своето во кованицата: miandrija по која Миа Костова можете да ја најдете на Инстаграм. 4. Тој е македонска кошаркарска легенда. Играл во најголемите кошаркарски клубови во Европа, а е единствениот од Македонија кој досега играл и во НБА. Претседател на КФМ, голем пријател и шегаџија кому манекенките му се слабост, кој својот прекар за на Инстаграм си го дал по едно од култните скопски места за излегување во 80-ите и почетокот на 90-те... Култната скопска сендвичарница cickostoilko која оддамна не постои, но затоа под тоа име на Инстаграм постои профилот на Перо Антиќ. 5. Таа една од нашите најпознати ТВ водителки и секско, најпознатата и се уште актуелна лото девојка. Некогашна танчарка, модел и последниве години позната инфлуенсерка токму на Инстаграм. Веројатно со Лила Филиповска најекспонирана кога се работи за ваков вид реклама. Од облека до козметика, од разни услуги до туристички патувања, нема што не рекламира нашата Марјана Станојковска, која на Инстаграм ќе ја најдете како marjanamay. 6. Тој е познат и се' попопуларен актер, ТВ водител и се почесто пејач. Иако припаѓа на помладата генерација на оние кои лебот го заработуваат на „штиците кои живот значат“, театарските претстави во кој тој игра забележителни улоги важат за најгледани. Џентлмен по нарав, романтик по душа, кој неодамна ја побара раката на својата сакана и сега тазе плови во брачните води. Жарко Димоски ако не по целосно име и презиме, тогаш сигурно на Инстаграм ќе го најдете како zakdim. 7. Таа е позната ТВ водителка и со Александар Блажевски го сочнуваат водителскиот тандем на најгледаната утринска програма во Македонија, утринската на ТВ Сител - „Ја сакам Македонија“. Исто така е и главен уредник на најпродаваниот магазин „Убавина и здравје“ кој вкај нас ја прослави својата 14-та година постоење. Тивка, ненаметлива, културна, елоквентна, вистинска дама, за таква важи jovana_na_na_na, псевдоним под кој на Инстаграм можете да ја најдете Јована Стојменовиќ. 8. Тој е сигурно еден од најдобритe композитори и музички продуценти во Mакедонiја, автор на безброј хитови, кои самиот ги отпеал или некои други со нив се прославиле. Син на познат музичар и композитор кој го напишал еден од најголемите македонски фолк евергрини - „Бисер балкански“. Можеби славното презиме не го користи за на Инстаграм, но затоа пак Роберт Билбилов името на својата продукција justproduction го користи за кога е тоа потребно да сподели свои видеа и фотографии на оваа социјална мрежа. 9. И таа е позната естрадна новинарка, радио и ТВ водителка прва перјаница на националната МРТВ во оваа област. Со години пред радиомикрофонот и ТВ камерите, една од „последните Мохиканци“ кои ја „чешлаат“ домашната естрада, трдавајќи и онаков третман како што заслужува. Сгодини член и еден од предводниците на македонската евровизиска делегација, која ги придружува нашите преставници секоја година. За да ја видиш Александра Јовановска на ТВ потребно да „Стиснеш плеј“, а за да ја видиш на Инстаграм потребно е да отчукаш sandruvka. 10. Таа е млада македонска поп пејачка и една од ретките, ако не и првата која завршила студии на најпрестижниот музички колеџ во светот, познатиот Беркли во Бостон, САД. Пее уште д девојченце, кога стана позната посвоите настапи на детските фестивали, за подоцна да пресрасне во вистинака млада музичка ѕвезда, која реши да се стекне со меѓународно призната музичка наобразба. Дали ќе остане во САД, ќе се врати дома да ја продочжи естрадната кариера или ќе се упати да си ја проба среќата на некоја друга дестинација, можеби во соседството, останува да видиме. А за да ја видите на Инстаграм Ања Ветерова ќе мора да ја побарате под псевдонимот кој пејачката самата си го дала: anniamusicofficial Покрај овие има уште многу други, меѓу кои се и тие кои станаа многу попознати по своите прекари кои ги користат и на Инстаграм, отколку по вистинските имиња, кои речиси никој и не им ги памети... Или барем само најблиските. Така на пример, пејачката чија професија е контролор на летање на скопскиот аеродром, Наташа Мијатовиќ е многу попозната по естрадното име miyatta... или за на Инстаграм како miyatta_of_macedonia Македонската ар ен би ѕвезда, или 1/2 од дуото „ДНК“ кого сите го знаат како Панчо, всушност се вика Владимир Блажев, кој е и ДЈ, а уметничкиот ДЈ прекар djshortypofficial го користи и за на Инстаграм... Најпознатиот македонски инфлуенсер кој всушност работи како камионџија во САД, стана познат по своите интерсени и занимливи видеа и фотографии на Инстаграм приказните, но и по тоа што „вербално демонтираше“ некои познати македонски јавни ликови како Зоки-Фаци, Боки 13-ка или Сергеј Варошлија, на пример и секако по својата хуманитарна активност. Вистинското име и презиме му е Дарко Јефремов, ама сите го знаат како darkovlogs, прекар кој го користи и на Инстаграм. Кончено, Џина Папас Џокси и неговата антологиска „На Велигден“ нема кој не ги знае. Ама затоа на прсти можат да се избројат оние кои го знаат неговото вистинско име и презиме - Ѓорѓе Васиќ, кој и за јавноста и за на Инстаграм е... geena_pappas_joxy. Фото: Инстаграм принтскрин

Почина Горан Станковиќ – македонскиот пејач кој „растури“ во музичкото шоу „Никогаш не е доцна“ (ВИДЕО)

Антонио Димитриевски — Mon, 10 Jul 2023 11:15:37 +0000

Македонската јавност, особено онаа естрадната ја потресе уште една тажна вест. Почина познатиот кафеански пејач и забавувач Горан Станковиќ (50). Скопската јавност,особено оние кои биле чест дел од ноќниот живот многу добро го познаваат како еден од првите пејачи кој ги забавуваше гостите по скопските локали на таканаречените ноќни свирки. Најчесто во еден од култните ноќни клубови во 90-ите, сега позната скопска кафеана „Рулет“ каде Горан беше не заобиколен дел од оние кои со години ја правеа забавата до раните утрински часови. Во деведесеттите беше член на „Реквиум бенд“ и иако можеби никогаш не направи голема естрадна кариера, а ја заслужуваше многу повеќе од некои познати естрадни уметници, располагаше со моќен вокал кој никого не оставаше рамнодушен, кога беспрекорно, верно на оригиналот ги пееше најпознатите регионални поп и голк хитови... Од, „Бијело Дугнме“, Здравко Чолиќ, преку Шабан Шаулиќ, до Харис Џиновиќ... немаше нешто што Горан не умееш да го отпее. Конечно, учеството во регионалното музичко шоу „Никогаш не е доцна“ му ја донесе задоцнетата потврда на неговите квалитети и популарноста која Горан ја заслужуваше уште многу отпорано. Многу негови пријатели, помалку или повеќе познати скопски фаци, урбани градски ликови, сопственици на угостителски локали, негови пријатели се простуваат од пејачот и неговото прерано заминување. Освен музиката, Станковиќ беше поранешен ракометар и ракометен работник. Долги години беше дел од раководството на ракометниот клуб, Јуниор Кисела Вода. Неговиот глас беше најмногу препознатлив од натпреварите на Металург во Автокоманда и „Борис Трајковски“, каде што беше најавувач на средбите. Почивај во мир и пеј им на ангелите, пејачиште! Сочувство до семејството.

Македонец од Неготино рапува на македонски со познати рапери од Чикаго: Vukac Mc во новата соработка со Real AP и Tay Glo – „In The Stars“ (ВИДЕО)

Антонио Димитриевски — Fri, 16 Dec 2022 10:27:51 +0000

Алеĸсандар Петров, ака Vukac MC, само што не благослови со уште еден бенгер, овој пат во соработĸа со уметниците од Чиĸаго - Real AP и Tay Glo. Песната се виĸа „In The Stars“, има музичĸо видео што го режираше Б Шута (BSHOOTA), видеограф од Чиĸаго. Инженер за снимање беше Дом Ленон, а Ниĸола Тефов беше продуцент и мастеринг инженер за песната. NT Music го објави на сите музичĸи и видео платформи. Еве мала приĸазна за ĸаĸо се настана оваа песна, Вуĸац неочеĸувано ги запозна Реал АП и Теј Гло на хип хоп забавата ĸоја ја организираше еден од пријателите на Вуĸац. Отĸаĸо Vukac MC ги слушан Real Ap и Tay Glo, навистина му се допадна нивниот звуĸ, протоĸ и стил. По неĸое време, тие се поврзаа и снимија неĸолĸу проеĸти, од ĸои едната е „In The Stars“. Реал АП е најдоминантен на оваа песна, но Вуĸац има ĸратоĸ, но сладоĸ стих на мајчин јазиĸ: „Маĸедонсĸи јазиĸ“. Инаку за тие што не знаат, Алеĸсандар Петров познат и ĸаĸо Вуĸац МЦ, е роден во Неготино, Маĸедонија. Тој е рапер, пејач и ĸларинетист. Љубовта ĸон музиĸата започнала уште од мали нозе. Тој вели деĸа првиот пат ĸога слушнал песна од Еминем и 50 цент бил воодушевен и веднаш се заљубил во ĸултурата и музиĸата на Хип Хоп. Со теĸот на времето, тој почнал да учи повеќе за рап и хип хоп музиĸата и ĸултурата и на ĸрајот, тој почнал да рапува неĸои од неговите омилени песни од Еминем, 50 Сент, Др. Дре, 2Паĸ, Џибит и други...! Проследете како сето тоа звучи и изгледа во видеото во продолжение (КЛИКНИ ТУКА):

Дијана Оу-Џи на три јазици ќе ве „провози“ низ жежок перформанс во нејзиниот – „Onlyfans“ (ВИДЕО)

Антонио Димитриевски — Fri, 22 Jul 2022 13:22:54 +0000

Македонската (т)рап уметница Дијана Оу-Џи (Dijana OG) отвори уште една, нова, „Онлифанс“ страница… Овој пат музичка, содржана во нејзината нова песна копја токму го носи истиот наслов: „Onlyfans“! Музиката и стиховите во темата, самата ги потпишува, додека инструменталот е на ArtimoX, а зад аранжманот миксот и мастерингот стои Sharo. Она што е фасцинантно во музичката „Onlyfans“ се стиховите. И овој пат совршено склопени, па во целата приказна одлично вклопени, со што ДијанаОу-Џи одново покажа дека тоа знае мајсторски да го направи. Но фасцинацијата не е само во стиховниот калибар и римата, туку во тоа што истите во песната се напишани и отпеани дури на три различни балкански јазици: Македонски, српски и бугарски! И тоа во иста тема, а сепак не се косат, ниту меѓу себе се поништуваат – напротив… совршено соодветствуваат и едни во други се вклопуваат! Вистинско мало музичко и пред се’ стиховно ремек-дело, што до сега ретко кому, а веројатно и никому не му успеало! Не барем така успешно, речиси без мана, како на Дијана! Во видеото чија режија ја потпишува Даниел Стоиљковиќ, како и обично има доволно еротски набој, иако рака на срце, далеку е од тоа да содржи поексплицитни сцени. Само онолку, колку што е потребно вашата фантазија да ја „заскокотка“, страста разбранува, а копнежот претвори во желба… Сосема доволно да ви се допадне што е... „лоша“! Како звучи и изгледа кога Дијана Оу-Џи (Dijana OG) гратис ќе ви дозволи да бидете нејзин(и) „Onlyfan(s)“ ѕирнете во нејзиното ново видеоиздание, и оставете таа „да ве вози“... во продолжение:

Најголемата фолк-забава за ова лето на 1-ви септември во Битола: Најпопуларните македонски фолк ѕвезди на едно место

Антонио Димитриевски — Mon, 30 Aug 2021 12:47:05 +0000

На 1-ви септември во еден од најубавите градови во нашата земја ќе се одржи можеби досега најголемиот фолк-спектакл со најпознатите македонски фолк-ѕвезди. Концертот е закажан на ракометното игралиште во Битола, а публиката ќе ужива во најголемите хитови во изведба на популарната Сузана Гавазова, Анета и групата Молика, Марјан Коцев, Стојне Николова, Благоја Грујовски, Ирена Спасовска, Дамјан Стојановски, Рамко Беслими, Ален Хасановиќ, Каан Мазахр и Зуица Лазова. Познатата пејачка Зуица Лазова вели дека ова ќе биде одличен концерт. – Пееме во еден од најубавите градови во Македонија, верувам дека битолчани ќе уживаат и ќе се забавуваат на први септември. Ги покануваме сите што се во можност да дојдат на ракометното игралиште- вели Зуица. Исто така и Марјан Ковец не го криеше задоволството што ќе настапува пред битолската публика. – Со нетрпение чекаме да дојде први септември. Собрани сме многу добра екипа и ветуваме дека ќе направиме одлична забава – накусо изјави славниот пејач. Инаку станува збор за голем концерт со мултиетнички карактер, каде покрај многуте македонски фолк-ѕвезди ќе можеме да видиме изведувачи од другите етнички заеднци, како што се Ромите, Турците и Бошњаците. Она што е важно да се напомене, а тоа е дека познатите изведувачи ќе имаат прилика да пеат на најсовремена опрема, голема бина и одлично осветлување, нешто што ретко се гледа кога станува збор за фолк-музиката. Концертот ќе биде организиран според сите мерки за заштита од корона-вирусот!

Македонските јавни личности се простуваа на социјалните мрежи од Балашевиќ, но само Игор Џамбазов се прости онака, како што големиот Ѓоле беше погребан – со негова песна (ВИДЕО)

Антонио Димитриевски — Mon, 22 Feb 2021 08:43:01 +0000

Големиот балкански уметник Ѓорѓе Балашевиќ вчера, недела, 21 февруари 2021 година тивко, без помпа, беше погребан на гробишатата во Нови Сад само во присуство на членовите на неговото семејство и звукот на тамбурите кои ја свиреа неговата музика, неговите вонвременски песни. https://arhiva.vistina.com.mk/radio-mileva/gjorgje-balashevikj-pogreban-vo-novi-sad-so-muzika-od-tamburashi-video/ Веста за смртта на легендарниот кантавтор, музичар и поет Ѓорѓе Балашевиќ го потресе целиот регион, па и Балканот, а неа покрај регионалните и балканските, ја објавија и најреномираните светски медиуми како Американската новинска агенција Асошиејтед Прес (АП), Вашингтон Пост, Еј-би-си Њуз, Ен-би-си, Сан Франциско Хроникл, УС Њуз, Рипаблик…. За неговата големина останаа да зборуваат бројните песни и вонвременските стихови кои засекогаш ќе останат во нашето сеќавање и ќе живеат во срцата на многу генерации. Откако веста за неговата смрт молскавично се рашири низ сите земји на поранешна Југославија, од големиот Балашевиќ на социјалните мрежи се простија многу познати личности, музичари, актери и почитувачи на неговиот лик и дело кои за последен пат му оддадоа почит. Македонија не беше исклучок, па бројни македонски јавни личности на своите интернет профили се збогуваа со единствениот кантавтор и пејач, објавуваајќи негови песни, цитати и стихови кои засекогаш ќе останат да се пеат. Тамара Тодевска, Каролина Гочева, Тијана Дапчевиќ, Весна Бејби Петрушевска, Сања Николиќ, Миа Костова, Огнен Здравковски, Калиопи... се само дел од нашите јавни личности кои испратија последен поздрав и споделија негови песни на своите Фејсбук и Инстаграм – профили.

Но, можеби на највпечатлив начин од големиот Балашевиќ, чија песна „Пуб“, своевремено во своја верзија позната како „Кољо што го викат Поп“ ја обработи и самиот, се прости и нашиот Игор Џамбазов. https://www.youtube.com/watch?v=WaHxIXLqr8w&t=101s И тоа онака, како што доликува за ваков човек, како што впрочем и самиот беше испратен до неговиот вечен дом - со негова песна. Овој пат Џамбазов на својот Инстаграм профил сподели видео со своја изведба на познатата песна на Балашевиќ од 1985 година, баладата „Словенска“, со која му го кажа последното: „Збогум пријателе“, на големиот уметник и колега.

View this post on Instagram

A post shared by Игор Џамбазов (@igordzambazov)

Во кината почнаа проекциите на филмот „Хакер“ синхронизиран на македонски од јутјуберот Steffonator и актерот Горазд Цветковски

Антонио Димитриевски — Thu, 01 Oct 2020 13:37:01 +0000

Во кината ширум земјава од денеска почнуваат проекциите на данскиот филм „Хакер“, синхронизиран на македонски јазик од познатиот македонски јутубер Steffonator и актерот Горазд Цветковски. „Станува збор за филм кој е многу добра тинејџерска акција. Беше голем предизвик за мене, но сепак ја прифатив понудата и се впуштив во една многу убава приказна во која многу уживав. Филмот е синхронизиран на македонски јазик со мене во главната улога и со уште неколку предобри актери во останатите улоги“, вели Steffonator. Филмот започнува да се прикажува во едно од скопските кина на 1-ви октомври. На 5-ти и 6-ти октомври ќе се прикажува во Кинотеката на Македонија. Во текот на октомври планирани се проекции во Битола и Радовиш. Проектот е подржан од Министерството за култура, а најавена е и можност за гледање на филмот на платформата Cinesquare. https://www.youtube.com/watch?time_continue=93&v=s1TqduOUNf8&feature=emb_logo

„Рита Ора ја пративме на нива… да ора!“: Македонските „Анонимуси“ ги урнаа сајтовите на Дуа Липа и Рита Ора (ФОТО)

Антонио Димитриевски — Sat, 25 Jul 2020 08:59:09 +0000

Македонските хакери, таинствената група „Анонимуси“ објави дека ја срушиле страницата на англиската пејачка со албанско потекло Дуа Липа, откако на социјалните мрежи објави мапа на Голема Албанија која зафаќа делови од сегашните територии на Србија, Црна Гора, Македонија и Грција и испрати пораки за Косово. Сношти, AnonOpsMKD објави на Твитер дека ја презела официјалната веб-страница на Дуа Липа и дека тие го сториле тоа „чисто од научни цели за оние кои мислат дека немаат капацитет“ и дека таа нема да биде функционална еден час и во тој момнт изгледаше вака: Нешто подоцна, групата објави и дека „ја испратила и другата пејачка со албанско потекло, Рита Ора, на нива да ора два часа, што е доволно за почеток“, односно дека ја презела и нејзината веб - страница. „Косово е веќе поставено на сите мапи, како дел од Србија“, напишаа македонските Анонимуси, а овој нивни потег не остана незабележен и во медиумите во Србија, кој на своите портали го објавија чинот на македонските хакери. Фото: Инстаграм принтскрин/ Недељник - Профимедиа

Митевски, Дац и Благој Нацоски со порака на солидарност и љубов во новата македонско-италијанска верзија на – „Уште ми фалиш / Mi manchi ancora“ (ВИДЕО)

Антонио Димитриевски — Mon, 13 Apr 2020 12:48:42 +0000

Александар Митевски и Драган Спасов -Дац, музичко актерското дуо кое ја воскресна и продолжи нишката на современи шансони, срцепарателни балади кои со тек на времето како по некое непишано правило стануваат евергрини, на својата макфестовска тема „Уште ми фалиш“ и деновиве и дадоа нова димензија. Поттикнати од корона пандемијата која го погоди целиот свет, но во Европа најмногу Шпанија и Италија, двајцата уметници решија истата песна да ја надополнат со уште еден вокал. Овој пат оперскиот глас на нашиот со нашиот еминентен тенор Благој Нацоски кој живее и работи во Џенова, Италија. Тројцата одново заедно ја отпеаја „Уште ми фалиш“ на македонски и италијански како порака на солидарност и љубов во овие тешки времиња низ кои минува светот, па и македонскиот и италијанскиот народ, претворајќи ја песната во безвременска, песна за сите генерации. Како звучи сега, вака отпеана песната чии стихови се своевидна ретропективна на животот и младоста, на сите остварени и неостварени љубови, желби, мечти, младешки сништа… без оглед кои сме и што сме, колку сме познати или успешни, исполнети и реализирани личности, на кои животот и премрежјата што ги носи времето во вака тешки мигови, подеднакво ни се закануваат на сите. Слушнете и погледнете ја новата македонско-италијанска верзија на „Уште ми фалиш“ или „Mi manchi ancora“... https://www.youtube.com/watch?v=UcZwcOsXCmA&fbclid=IwAR3YjDM8TIL_HN4BlAIxcH0UUZUYLZkV_cnrynCB28_7TPnQaEVOKq9iSLI&app=desktop

Вака познатите македонски личности се штитат од коронавирусот (ФОТО)

Антонио Димитриевски — Thu, 12 Mar 2020 09:44:15 +0000

Коронавирусот не е нималку наивна работа и не е веќе само таму некаде, туку насекаде, па и тука кај нас во Македонија. Светската здравствена организација прогласи пандемија, што значи дека алармот е вклучен, црвеното светло запалено... Се откажува се' што може да се откаже, а носи висок ризик, секакви масовни собирања... Свеста е вклучена на најсилно или барем така треба да биде, кај сите нас. Секој треба да ги почитува препораките и упатствата за заштита, за сите да придонесеме оваа нова „чума на 21-от век“ што побргу да ја снема. Некои тоа го сфаќаат многу сериозно и одговорно, други онака - лефтерно, трети пак „мува не ги лази“, од едно уво им влегува од другото им излегува, и воопшто не ги допира се' што околу нив се случува. Сепак македонските јавни личности или поточно познатите фаци се покажауваат како одговорни граѓани. И не само што се покажуваат, туку и покажуваат како и колку ги почитуваат препораките, како се штитат самите себеси и околинат околу нив од коронавирусот, а некои од нив и самите даваат свои препораки како треба да се заштитиме од ова заразно зло. На кафе со чисти раце Препораките од Комисијата за заразни болести се јасни. Седи дома ако не мораш никаде да одиш. На Мартин Филиповски од братското дуо „Некст Тајм“ дома му било здодевно сам да го пие кафето, па тркнал во првото маалско кафуле, во соседството. На кафе, ама со чисти раце. Зашто каде и да оди, гелот за дезинфекција како прва заштитна опција, секаде со себе го носи! Ист вирус - три различни „лека“: Превентивна фаза на алкохолна база Коронавирусот е смртоносен, ама алкохолот е смрт за коронавирусот. Тоа и некои од лекарите го потврдија. Затоа алкохолната дезинфекција на предметите и организмот е добра опција. И однадвор и „одвнатре“, се разбира, умерено, со усул... По една, колку да го сотре вирусот или воопшто и да не му даде да припириса. Идејата не е лоша, само што има еден проблем. Алохол да, ама кој? Оној чистиот од аптека, ем не се кознумира, ем се' поретко го има да се набави. Затоа „лекот“ му е овој другиов... Ама кој, зашто и од него има „илјада и една“ сорта? Три различни македонски познати лица имаат три различни препораки како се штити од коронавирус во превентивна фаза на алкохолна база. Сестрите Тодевски - Тамара и Тијана со српска препорака: „Нејзиното величество - Кајсијевача“. Позанатата српска овошна ракија, позната на секој мераклија на добрата капка, кој со појавата на коронавирусот автоматски станува и „совесен граѓанин“. Некогашниот музичар и пејач во „Браво бенд“, денес соло фолкер Живко Динев „лекот“ за Короната го најде таму кај што му е родната жица, во неговата Струмица. Популарниот Жилче тврди дека народот мора да се свести, оти нивната „струмичка мастика“ е лек за сите болести! Нашата, а светска манекенка и топ модел Катарина Ивановска, го преферира истиот рецепт за корона заштита, ама како „светска женска“, сепак држи до светски бренд: „Џони Вокер - блек лабел“, една чашка пред, една после пладне и „Ковид 19“ тешко дека ќе биде смел да ве нападне. Скафандер или маска за „филтрирано дишење“ Заштитната маска е една од првите работи што ги препорачаа лекарите за заштита. Затоа и медицински маски не можат повеќе да се најдат ни на клинички, а камо ли во аптеките. Не барем за 3 денари, колку што им е реалната цена. Водителот и маркетинг експерт Димитар Атанасовски сепак успеал некако да се снајде. Состанокот не смее да чека, а „лабораторијата за идеи“ ни Ковид 19 не може да ја затвори, па затоа Диме и колешката така маскирани тргнаа на „ бизнис митинг“. Патем, водителот изгледа се уплаши дека оваа медицинскава маска можеби којзнае колку и нема да го заштити, па побара „појачана варијанта“... Турбо модел, на кој ни ураниум не може да му помине, а камо ли Корна, па праша каде може да го набави посочениот бренд, во која компанија? Одговорот - во прватата продавница за филтри за моторно масло за Сканија! Кога сме кај маските и нивната заштита од вирусот, пејачката Теа Трајковска решила многу да не експериментира. Светските искуства на познатите секогаш се најдобри, па го препорачува „космонаутскиот скафандер“ на манекенката Наоми Кемпбел. Ем сигурно и безбедно, ем не мораш да трошиш пари за нова фризура. Во здраво тело „Ковиид 19“ не вирее: Рекреативно - витаминска заштита Оваа теорија ја има сопругата на Димитар Атанасовски, пејачката и харфистка, Сара Мејс. Неа маска не и треба. И треба справа за вежбање... За да биде здрава и насмеана, ко бомбона. Зашто: „Во здраво тело не иде Корона“ нели, како што самата вели! А модната креаторка Ива Спасовска има препорака за витаминска превентива. Овошно смути и целата вибрација на телото и мислата ќе ви бидат подобри. Така барем Ива не бодри! За мислата ни е јасно, ама за вибрацијата на телото...? Веројатно ќе мора да го испиете целото... И тоа по три пати на ден! Интимна Корона препорака: „Секс, само на пристојно растојание“ Кога сме веќе кај „вибрациите на телото“, екс новинарот, ТВ водител, сега „комар ПР менаџер“ Зоран Василевски попознат како Зоки - Фаци, исто така излезе во јавноста преку социјалните мрежи со своја препорака за Корона заштита. Неговата е поврзан со „интимниот“ живот на населението. Ковид 19 се пренесува со близок контакт, па затоа прашањето е: „Секс - да или не?“ Одговорот го има Зоки-Фаци. Се разбира, директно во „прво лице“ - множина! Епа, покрај официјалните препораки, сега знаете и алтернативно како да се заштитите од коронавирусот. Изборот е Ваш. Кој како сака нека прави, важно е да сте сигурни, безбедни и здрави!