македонска верзија – Вистина.мк

Лара Иванова за нејзината „евровизиска“ песна има и македонска верзија – „Цвеќе на тагата“ (lyrics video)

Антонио Димитриевски — Thu, 03 Feb 2022 14:45:35 +0000

Лара Иванова изненади со уникатен пристап со дури две јазични верзии на својата нова песна, со којашто моментално се натпреварува во изборот за македонски претставник на Евровизија 2022. Лара изјави јасен личен став и желба, доколку ја добие довербата на публиката на Конкурсот за избор на македонски претставник и песна што ќе нè претставува на Евровизија оваа година. Пеењето на свој мајчин јазик Лара го согледува како многу подобра опција од пеење на странски јазик, посебно кога станува збор за пеење на Евровизија и претставување на својата земја и култура. „Јас умеам да пеам и на двата јазици, но сепак мајчиниот јазик ѝ дава душа на нашата музика. Моќната нежност на една музичка изведба е целосен круг на автентична интерпретација на една песна, посебно балада каква што е „Цвеќе на тагата. Со македонската, којашто е всушност оригиналната верзија на песната, сакав да покажам дека може да се пее и на повеќе од еден јазик. Ако публиката ми ја даде поддршката и довербата преку глас на платформата на МТВ, по шест години по настапот на Калиопи на Евровизија, лично имам желба да го продолжам паузираниот тренд и да запеам повторно на македонски јазик пред цел свет и Европа, без разлика дали во склоп на целата песна или во комбинирана верзија,“ изјави Лара. Песната е насловена како „Цвеќе на тагата“ (“Flower of Sorrow”), а за која вчера неочекувано и како изненадување за сите, таа објави lyrics-видео на македонската верзија на песната на својот YouTube канал, а гласањето за македонски претставник на Евровизија 2022 трае сè до 04.02.2022 година и истото може да се направи на следниот линк: https://evrovizija.mrt.com.mk/.

Огнен Здравковски ја објави и македонската верзија на – „Извини“ (ВИДЕО)

Антонио Димитриевски — Mon, 02 Mar 2020 13:20:20 +0000

„Извини“ се вика најновата песна на младиот пејач Огнен Здравковски, која премиерно ја објави во втората половина на јануари, заедно со видеото за српската верзија. Зад оваа музичка тема како автори се потпишуваат најдобрите во земјава, братско-сестринскиот тандем Лазар и Магдалена Ена Цветкоски, сега таа ја доживеа и својата македонска верзија. https://arhiva.vistina.com.mk/promoter/ognen-zdravkovski-po-grand-trgna-da-go-osvojuva-regionot-so-izvini-video/ Оги со песната се обидува да го освои регионалниот пазар, каде излезе од анонимноста како еден од учесниците и финалисти на музичкото регионално талент шоу, „Ѕвездите на Гранд“. „Да бидам искрен очекував дека ќе ѝ се допадне песната на публиката. Навистина ова е ремек-дело, кое верувам дека би посакал да го има секој пејач на естрадава. Како што знаете, првата верзија на оваа песна ја пуштив на српски јазик пред еден месец и верувајте дека ама буквално секојдневно добивам пофални коментари“ - вели Здравковски. Видеоспотот е во режија на Гордан Божиновски, а покрај Оги во спотот се појавува моделот Ана Коцевска која се претставува како Ана Даја Гри. Слушнете ја македонската верзија на неговата најнова песна:

Сузана Гавазова прво се сеќаваше, па му порача – „Роден си за грев“ (ВИДЕО)

Антонио Димитриевски — Thu, 18 Apr 2019 11:11:45 +0000

Сузана Гавазова продолжува да ја освојува регионалната сцена со уште една нова песна насловена „Сећање на твој грех“, за која веќе пишувавме неодамна.

Автор на музиката е Саша Диниќ, стиховите се на Ана Диниќ за српската верзија, додека за македонската верзија текстот е на Орце Зафировски, додека аранжманот го направи Александар Саблиќ.

Придружните вокали ги отпеа Сузана Бранковиќ, а на саксофон гостува Тункај Туна Шавлев. Сето тоа визуелно го дополнил Ник Скерлев, а снимањето се одвиваше на повеќе локации во соседна Бугарија.

„Голема благодарност на сите кои работеа на оваа песна и спот… дадовме голем труд и работа, па се надевам дека ќе ви се допадне“, напиша Гавазова претставувајќи ја новата песна тогаш на Српски јазик, а сега и македонската верзија насловена „Роден си за грев“, која доколку сакате да дознаете како изгледа и звучи, проследета ја во продолжение. https://www.youtube.com/watch?v=qmykzIt-gWQ

Јоце Панов ја претстави свадбената „Љубовта денес победи“ на македонски (ВИДЕО)

Антонио Димитриевски — Fri, 14 Sep 2018 12:40:44 +0000

Откако го објави видеото за хрватската верзија на песната „Данас је љубав побједила“ каде што главната улога ја има неговата сопруга Марина, Јоце Панов сега ја претстави и македонската варијанта насловена „Љубовта денес победи“.

Оваа балада, која е сместена на актуелниот албум „Ни Љ од љубовта“ е дело на хрватскиот композитор Миро Буљан и со стихови на Антонија Шола, за кои препевот на македонски го направи Иле Спасев.

За романтичната екранизација на свадбената приказна на младенците се погрижи режисерот Дарио Јанковиќ и неговата продукција „Генерал филм“, а како изгледа и звучи „Љубовта денес победи“ дознајте во продолжение. https://www.youtube.com/watch?time_continue=198&v=vuUMGVJiWmk