македонка – Вистина.мк

Една фотографија ги издаде: Еве која е скопјанката со гигантски силикони што го раздели Пике од Шакира (ФОТО)

Антонио Димитриевски — Fri, 17 Jun 2022 11:02:27 +0000

Телефоните постојано ми ѕвонат, веста се објави во сите бугарски медиуми, но верувајте, таква е ситуацијата, да јас ништо не смеам сега да коментирам за него – во разговор за ,,Фокус” открива моделот и блогерка, скопјанката Драгана Спасовска, која веќе подолг период живее и работи во Дубаи, а во Бугарија ги наполни страниците во медиумите, како причина поради која се разделиле Шакира и Пике. Веста дека по 11 години врска од која имаат две деца, се разделиле колумбиската поп ѕвезда Шакира и дефанзивецот на ,,Барселона“, Жерар Пике, е топ тема во светските медиуми. Како причина за нивната разделба се наведува неверството на фудбалерот со девојка за која многу малку се знае. Можеби, но само во Шпанија, ама не и во Македонија, но и во соседна Бугарија. Една заедничка фотографија од Дубаи на Инстаграм ги издаде и разоткри која е скопјанката со гигантски силикони што го раздели Пике од Шакира. Како што објавија многу од бугарските медиуми, особено оние таблоидните, таинствената девојка поради која се разделува славниот пар е токму нашата Драгана. Родена во Скопје, од татко Македонец и мајка Бугарка, која е доста популарна и во Бугарија, бидејќи и таму ја градеше кариерата и беше дел од многу модни настани и избори за убавина. Целиот текст прочитајте го ТУКА. Фото: Инстаграм принтскрин/spasovskadragana

Ни Данијела, ни Розга, оваа Македонка е првата пејачка на „Магазин“: По 32 години од напуштањето на групата, вака денес изгледа Љиљана Николовска (ФОТО)

Антонио Димитриевски — Wed, 16 Feb 2022 09:38:16 +0000

Групата „Магазин“ од Сплит ќе остане запаметена како една од најпознатите, најтиражните, најхитовски определени екс ЈУ и хрватски групи, која во своите поп песни го вметнуваше и негуваше медитеранскиот и далматинскиот мелос. Останаа запаметени и по тоа што од нивните редови поникнаа еден од најголемите композитори на денешницата, хитмејкерот Тончи Хуљиќ, како и популарните пејачки Данијела Мартиновиќ и Јелена Розга. Но сепак, прва пејачка на легендарната поп група „Магазин“ беше една Македонка. Љиљана Николовска (57), која многумина ја паметат по прекрасниот вокал, но и одличниот изглед.Пејачката во групата членуваше во периодот од 1983 до 1990 година. Заедно снимија вкупно седум албуми, а хитовите како „Коколо“, „Пиши, пиши ми“ или „Ти си жеља мог живота“ се појавуваат и денес на бројни компилациски албуми. Љиљана е родена во Сплит, а нејзините родители Вера и Боро имаат македонско потекло. Таа ја напуштила Хрватска и Југославија на почетокот на воениот конфликт во 1990-тите и сега живее во Сан Педро, Калифорнија, САД.Во 1996 година го сними својот деби соло албум „Let“ за Кроација рекордс.За деновите кога отишла во „белиот свет“ вели: „Дури и кога заминав, во 1989 година, моите куфери беа спакувани во првите три години, подготвена да се вратам дома, но случајно запознав бенд што ми се допаѓа, го запознав мојот сопруг, станав мајка таму, во Америка“ - раскажува Љиља . Денес таа е задоволна и среќна жена на која ништо не и недостасува. Кога се сеќава на периодот со „Магазин“, ја облеваат позитивни чувства: „Секогаш ми недостига публиката исто како и моите драги луѓе од работата“ - носталгична е вечно насмеаната Македонка! Пејачката веќе некое време напорно работи и снима нови песни кои ги чекаат првите реакции на пријателите и соработниците. Води мирен, спокоен живот, има голема градина, животни. Фановите на „Магазин“ ја паметат по песните „Тамара“, „Коколо“, „Пиши, пиши ми“, „Ти си жеља мог живота“, „Три сам ти зиме шептала име“ и многу други. Распеаната Македонка чија насмевка и денес плени е исклучително активна и преку својот Фејсбук профил, често комуницира со фановите, објавува свои фотографии и активно разговара и споделува информации со сите. Фото: Фејсбук принтскрин/Ljiljana Nikolovska

Која е Каролин Велковски, згодната Македонка од Австрија која измами воздишки во „Ѕвездите на Гранд“?

Антонио Димитриевски — Wed, 02 Feb 2022 10:22:03 +0000

Откако настапи во последната емисија на „Ѕвездите на Гранд“ и измами воздишки со својата појава и изглед, сите се прашуваат која е згодната Каролин Велковски? Младата Македонка која има охридско и прилепско потекло, која живее во Австрија, студира право и работи во Виена, меѓудругото ја отпеа познатата македонска песна „Судбо моја“, а потоа и отпеа една песна на Јелена Карлеуша. Меѓутоа, нејзиниот втор настап не им се допадна баш на сите. Жирито ја награди со 5 големи гласови кои ѝ овозможија да оди директно во баражот, а Саша Поповиќ мислеше дека ѝ недостига шесттиот. „Босанец попушти, види што можеше да добиеш?“, го праша Марија, алудирајќи на бакнежот на Цеца. „Од каде знаеш дека веќе не сум добил?“, се пошегува Боске, објаснувајќи го својот потег. „Овде одиграв двоен натпревар, морав да гласам за Јелена и типувам на Цеца. По малата шега, жирито се врати на коментирање на натпреварувачката и открило дека девојката многу напредувала во однос на првиот круг кога имала само еден глас. За жал, Каролин Велковски по последното појавување во шоуто, не се пласираше во следната рунда од натпреварувањето на „Ѕвездите на Гранд“. Сепак, тоа не значи дека настапот на оваа натпреварувачка поминал без комплименти. Каролин се појави на сцената во провокативно издание и членовите на жирито ја пофалија дека мошне модерно и секси изгледа. На некои членови од жирито особено им се допадна тоа што оваа атрактивна пејачка со македонско потекло покажа дека и одлично танцува додека пее.

View this post on Instagram

A post shared by Karolin Velkovski 🌸 (@karolin.ski_)

Фото: Инстаграм принтскрин/karolin.ski_

Огњен Амиџиќ нема да го препознаете, водителот доживеа тотална трансформација: Така е кога се обложуваш со жена… особено со Македонка! (ФОТО)

Антонио Димитриевски — Wed, 18 Aug 2021 12:01:53 +0000

Популарниот водител Огњен Амиџиќ, чија емисија „Амиџи шоу“ со години соборува рекорди во гледаност, мораше комплетно да го смени изгледот, па ја осветли својата темно црна коса и ја обои кај својот фризер, со што преку ноќ стана русокос. Како што се дознава, причината за ваквата промена е изгубен облог! Имено, Огњен го загубил облогот со својата сопругата, манекенката и топ модел Даниела Димитровски која по потекло е Македонка, па сакал- не сакал, водителот морал тотално визуелно-естетски да се преобрази. Се' уште стана тајна за што станува збор, кога е облогот во прашање, а Пинк.рс објави ексклузивни фотографии од популарниот водител со новата фризура. Дали ви се допаѓа неговата промена и како сега ви изгледа „жолтиот фламингос“, кој едно е сигурно - ја нучил лекцијата друг пат да не се обложува со жена...Особено не со Македонка!? Фото: Пинк.рс

Данијела Димитровска покажа со каков сексапил располага: Проѕирно боди и црна тантела кое едвај интимата ја сокрива (ФОТО)

Антонио Димитриевски — Mon, 22 Mar 2021 11:52:30 +0000

Данијела Димитровска, сопругата на популарниот водител и музичар Огњен Амиџиќ, е успешна манекенка и важи за една од најубавите жени во регионот. Самиот Огњен неретко кажува дека и самиот се прашува како успеал да освои ваква убавица, чија убавина што јавно ја истакнува во секоја можна пригода. А, Даниела уште еднаш покажа дека е убава, згодна и сексапилна со предизвикувачката и провокативна Инстаграм објава, на која е во проѕирно боди од црна тантела, кое едвај малку ја сокрива интимата на раскошната убавица, која по потекло е Македонка. Фото: Инстаграм принтскрин/danijeladimitrovska

Огњен Амиџиќ откри дека жена му ги држи сите конци во свои раце: Рецепт за среќен брак или среќен… „папучар“?

Антонио Димитриевски — Wed, 09 Dec 2020 12:33:26 +0000

Популарниот српски ТВ водител Огњен Амиџиќ е горд на љубовта што ја негува кон неговата сопруга Данијела Димитровска која има македонско потекло, но сепак открива дека убавата манекенка е таа што му дава стабилност на бракот и ги држи сите конци во нејзините раце. „Мислам дека жената отсекогаш била столб на семејството. Не без маж, но сепак таа е некој што ги чува работите да останат заедно и е столб на стабилноста. Едноставно мислам дека на жените тоа им е во гените. Секако, и помагам, но нејзиниот став, сила и посветеност сепак ставаат сè на прво место, а јас сум тука за тоа да го поддржам, одржам и да и помогнам во сето тоа“ - посочува Огњен, откривајќи што е според него рецепт за среќен брак. „Кога ќе ја пронајдете вистинската личност, тоа е рецепт само по себе, затоа и нема кризи во нашиот брак. Сепак, сè што се случува во животот не може секогаш да оди во вистинска насока, има подеми и падови, но ако вистинската личност е до вас, тогаш според приоритетот и разбирањето за сè, работите сами се решаваат. Ако станува збор за личност со која можете да функционирате, со која сте направиле сè и кон која чувствувате нешто, тоа е автоматски приоритет, а сè друго доаѓа на свое“. Огњен исто така се сети како се запознале тој и неговата сегашна сопруга. „Данијела и јас се запознавме во емисја и таа ми остави фантастичен впечаток. Јас не сум класичен романтичар во однос на цвеќе и појадокот во кревет, но тоа го покажувам на мој начин. Секако, сакам да ја изненадам со подарок, иако Даниела реагира многу повеќе на оние работи што не се материјални“ - изјавил водителот за Супер ТВ.

Запознајте ја Маика Маковски, шпанската музичка сензација со македонски корени и славјанска душа (ФОТО+ВИДЕО)

Антонио Димитриевски — Fri, 06 Nov 2020 07:58:08 +0000

Шпанка по националност, Македонка во душата... Пејачка со македонски корени од чиј ангелски глас ќе ве полазат морници, чиј сугестивен и моќен вокал ќе ве наежи и разнежни во истовреме. Специфична по својата уникатна и оригинална музика, но и по единствената драматично разорна, а сепак толку нежна интерпретација, за оваа пејачка велат дека е новата музичка сензација. Маика Маковски (Maika Makovski) е родена и израсната во Палма Де Мајорка, Шпанија и е ќерка на нашиот интернационален мултиталентиран инструменталист Ванчо Мачковски, кој е родум од битолско Буково. Маика започнала со создавање музика на 12 годишна возраст, на 15 години веќе настапувала, на 18 имала свој бенд, а на 21 година го издала својот прв албум.Со својот бенд има изградено успешна интернационална кариера, но на своите македонски корени се навратила пред неколку години. Водена од своите внатрешни пориви, во 2016 година се раѓа песната „Македонија“, како дел од нејзиниот седми албум, насловен „Chinook wind“. „Песната што ќе ја изведам сега е последна на албумот. За мене многу специјална и една од најдрагите, бидејќи зборува за корените кои неодамна ги открив, на еден многу освестен и комплетен начин…“ - вели во својата најава шпанската Македонка, на која многумина допрва и предвидуваат светска слава. Организаторите на домашните музички фестивали и манифестации (OFFest, Скопско лето, Таксират, Д фестивал, Локум фест... ) би било убаво да направат напор и оваа талентирана девојка, овој шпанско-македонски музички феномен да го донесат и во земјата на нејзиното потекло, дома во Македонија, за и нашата публика да може да ужива во музичката магија која Маика ја создава на нејзините концертни настапи. Во меѓувреме, од еден таков концерт, погледнете го видеото и слушнете ја нејзината инспиративна тема, која нас најмногу не допира и засега... „Makedonija“

“You made a nest

Where I could rest

You gave me a bed

To lay my head

You took my wrist

Opened my fist

You placed a bird inside

You said it’s fine

It’s not a crime

We swam in the lake

All summer long

We were not alone anymore

I feel I belong somewhere

Lele, Makedonija, lele

The dance of the men

For the ones who are gone

For the ones who are left

For the ones who I love

For the ones who love me

From far away

No matter what

No matter when“

И токму кога ќе помислите дека песната ќе заврши на 5:10 минути, точно тогаш сфаќате дека само што започнала магијата. Уживајте во композицијата „Македонија“, овој пат во изведба на Маика Маковски и Quartet Brossa. https://www.youtube.com/watch?v=osXaeqsCE5g&feature=youtu.be&fbclid=IwAR27Hnws_zIGfZfDEI-fnosGBQEgkNuFGoy5bDhHMXCb_D-JXhwuGs8uPdE Извор: Везилка Фото: You Tube & Instagarm скриншот/maikamakovski Видео: You Tube/nmpnutv/Maika Makovski - Makedonija (Fiesta VIII aniversario Nomepierdoniuna)

Стефанија Гаштарска е првата македонска балерина која се вработи во ансамблот на „Бољшој театар“ во Москва

Антонио Димитриевски — Mon, 01 Jun 2020 11:58:57 +0000

Македонската балерина Стефанија Гаштарска стана дел од ансамблот на многу посакуваниот руски театар „Бољшој“ во Москва. 18-годишната балерина од Скопје е прва Македонка на која ѝ успеа тоа. Таа настапи на сцената на овој театар уште пред две години како солистка. Гаштарска е бренд-амбасадор на компанијата „Гришко“, која ги прави светски познатите балетанки. Гаштарска заврши основно музичко училиште во „Илија Николовски-Луј“ во Скопје и од мала бележи големи меѓународни успеси. Средното музичко го заврши во Русија, една година во градот Перм, а потоа три години била дел од академијата „Бољшој“, ни објасни мајка ѝ Марија Крстевска, која исто така е балерина во Македонската опера и балет. - Ми се оствари сон од детството - вели Стефанија, која информацијата ја доби додека е во Скопје со своето семејство. Академијата „Бољшој“ работи под капата на театарот „Бољшој“ и сите годишни испити ги следи директорот на театарот. Годинава немале годишен испит, но по испитниот час директорот на „Бољшој“ одбрал седум девојчиња и едно момче. Меѓу нив е и Стефанија, објаснува Крстевска. Извор: Факултети.мк Фото: Стефанија Гаштарска /Каталог на „Гришко“

Македонка меѓу најубавите на светски избор за убавина

Христина Ѓоргиевска — Tue, 23 Oct 2018 11:06:57 +0000

Дваесет и две годишната манекенка месецов ја претставуваше Македонија на интернационалниот избор за убавина “Lady Universe” кој што се одржа во Софија во хотелот “Маринела”. Во силна конкуренција со земји учеснички од целиот свет Анѓела успеа да ја освои титулата “Best Catwalk.”

Таа за нашиот портал изјави: „Чест и задоволство ми е што на ваков интернационален избор за убавина успеав да ја освојам титулата за “Best Catwalk”. Веројатно затоа што чекорењето ми е најважно, не знаете на што можете да нагазите“.

Манекенката на овој интернационален избор беше спонзорирана од брендот “NANA” во соработка со националниот директор Роберт Граматиков.

Изборот за убавина траел една недела на којшто девојките се претставиле во национални костуми, костими за капење и вечерни тоалети.

За време на овој интернационален избор, покрај големиот број на фотосесии и исцрпните проби се одржало и модна ревија, кадешто на Анѓела и било укажано честа да ја отвори истата. Манекенката ја презентираше колекцијата на дизајнерот Христо Чучев, како и на модната куќа “Axel Hardy”.

View this post on Instagram

FASHION SHOW / TRADITIONAL COSTUMES/ LADY UNIVERSE 2018 ✨

A post shared by Angela Jakimovska (@angelajakimovska1) on Oct 18, 2018 at 1:41am PDT

Анѓела својата манекенска кариера ја започна уште на 16 години, а првите интернационални ангажмани ги доби за време на нејзините студии во Хрватска, Сплит. Анѓела сега е 4-та година на Економскиот факултет во Скопје и е дел од модната агенција “Моделс Ин”.

Сузана Гавазова во танга: Жешка Македонка со тело на Амазонка на грчкото крајбрежје! (ФОТО)

Антонио Димитриевски — Tue, 10 Jul 2018 06:56:26 +0000

Македонската фолкерка која живее на релација Македонија - Шведска, откако се врати на подолг престој дома, летото го користи малку работно, малку за уживање. Сузана Гавазова нема викенд да нема настапи, но и нема слободно време да не тркне на море. Ем и се може, ем грчкото крајбрежје и Егејот не и се далеку од родната Струмица, па Гавазова очигледно повеќе време поминува на плажа, отколку по дома.

Атрактивна, привлечна, згодна, неопходна, штом се појави и расоблече, пејачката веднаш ги мами погледите на љубопитната околина. А како и не би, кога таа носи таков сексапил, што не постои некој кој рамнодушен би бил на нејзиниот изглед и еротската привлечност.

Па ако уште сето тоа го зачини соблечена во мини танга бикини, кое како на дланка ги нуди сите нејзини телесни убавини, како на последните фотографии, каде сликана меѓу палмите и маслинките, среде летната идила ја поттикнува волшебната игра на сите сетила.

Дефинитивно, згодната Македонка со тело на Амазонка, сликана среде зелената градина доминира со својата природна убавина... Особено од онаа перспектива, што ја нуди погледот на последната фотографија! Гавазова за плакнење очи... и влажни погледи. И момински мост кој ги спојува народите!