Македонијо во срце те носиме – Вистина.мк

Магична атмосфера во Кисела Вода како завршница на проектот „Македонијо во срце те носиме“ (фото)

Слободанка Илиева — Fri, 13 Oct 2023 11:51:42 +0000

Под насловот „Македонијо во срце те носиме“, вчеравечер во Кисела Вода, во паркот пред салата “Расадник”, се одржа финалниот скопски концерт на музичкиот проект кој во изминатиот период во 8 градови ги претстави најубавите македонски патриотски песни во изведба на 12 македонски изведувачи. Во волшебна атмосфера креирана од неколу десетици илјади публика, Кисела Вода обоена во боите на Македонија го пренесе музичкиот аманет оставен од генерациите пред нас. Два часа се пееја „Народе македонски“, „Едно име имаме“, Ми заплакало село Ваташа“, „Земјо македонска“, „Ој, Вардаре“, „Оган да го гори“, „Послушајте патриоти“, „Заветна“,„Налеј, налеј“ и останатите песни од проектот, освежени со нови современи аражмани, зад кои застана познатиот музичар и композитор Николче Мицевски. Публиката во еден глас пееше со Наум Петрески, Зуица Лазова, Андријана Јаневска, Бојана Скендеровски, Сузана Спасовска, Ламбе Алабаковски, Миле Кузмановски, ДНК, Александар Тарабунов, Огнен Здравковски, Марија Спасовска, Мина Блажев, а на крај уживаше и во величествен огномет. Вчерашниот концерт, како дел од проектот потпишан од продукцијата “Скендеровски” се одржа под покровителство на Општина Кисела Вода. -Ова е Македонија! Ова е мојот горд и обединет народ кој во еден глас ги пееше преубавите македонски песни!Ви благодарам на сите што бевте дел од овој спектакл, благодарам на продукцијата ,,Скендеровски” за овој прекрасен проект и на сите изведувачи кои повторно ги оживеаа македонските родољубиви песни. Да си го чуваме она што го имаме – Македонија и нашата традиција, бидејќи нема ништо повредно од тоа-изјави градоначлникот Орце Ѓорѓиевски извор:курир.мк

На 12. октомври: „Македонијо во срце те носиме“ ја заокружува приказната во Скопје

Антонио Димитриевски — Mon, 09 Oct 2023 09:54:29 +0000

Караванот „Македонијо во срце те носиме“ во четврток (12 октомври) доаѓа во Скопје. По Штип, Велес, Битола, Прилеп, Кочани, Тетово и Кавадарци убавата македонска песна ќе се слушне и во главниот град, каде ќе биде заокружен првиот дел од приказната наречена „Македонијо во срце те носиме“, а која во овој дел од турнејата опфати осум града. Скопскиот концерт ќе се одржи во паркот пред салата Расадник во Кисела Вода, а е со почеток во 20:30 часот. На репертоарот веќе ви е добро познато ќе се најдат сите 12 песни од проектот - „Заветна“, „Налеј, налеј“, „Народе македонски“, „Едно име имаме“, „Земјо македонска“, „Ој, Вардаре“, „Оган да го гори“, „Послушајте патриоти“... и, секако, химната на овој крај „Ми заплакало село Ваташа“..., а публиката ќе ги види и чуе Бојана Скендеровски, Сузана Спасовска, Наум Петрески, Зуица Лазова, Андријана Јаневска, Александар Тарабунов, Огнен Здравковски, Марија Спасовска, Мина Блажев, ДНК, Ламбе Алабаковски и Миле Кузмановски. „Македонијо во срце те носиме“ е проект со потписот на Скендеровски продукција, а аранжманот на сите 12 песни е на маестро Николче Мицевски. Проектот има за цел да им се продолжи векот на песните и да се испрати порака особено до младите генерации дека треба да го чуваме она што го имаме, највредното - нашата земја и нејзиното наследство. Дојдете заедно да пееме и да ја обоиме Македонија со најубавите звуци и, се разбира, да го зачуваме највредното – музичкиот аманет што ни го оставиле генерациите пред нас.

„Македонијо во срце те носиме“ во недела патува во Кавадарци

Слободанка Илиева — Fri, 06 Oct 2023 10:45:24 +0000

Во недела (8 октомври) убавата македонска песна ќе се слуша во Тиквешијата, а така е затоа што во самата завршница на овој дел од турнејата караванот „Македонијо во срце те носиме“ гостува во Кавадарци. Концертот е со почеток во 20:00 часот, а ќе се одржи на Градскиот плоштад. На репертоарот и во градот сместен во срцето на Тиквешијата ќе се најдат сите 12 песни од проектот – „Заветна“, „Налеј, налеј“, „Народе македонски“, „Едно име имаме“, „Земјо македонска“, „Ој, Вардаре“, „Оган да го гори“, „Послушајте патриоти“… и, секако, химната на овој крај „Ми заплакало село Ваташа“… Публиката на сцената ќе ги види и чуе Бојана Скендеровски, Сузана Спасовска, Наум Петрески, Зуица Лазова, Андријана Јаневска, Александар Тарабунов, Огнен Здравковски, Марија Спасовска, Мина Блажев, ДНК, Ламбе Алабаковски и Миле Кузмановски. „Македонијо во срце те носиме“ е проект со потписот на Скендеровски продукција, а аранжманот на сите 12 песни е со потписот на Николче Мицевски. Проектот има за цел да им се продолжи векот на песните и да се испрати порака особено до младите генерации дека треба да го чуваме она што го имаме, највредното – нашата земја и нејзиното наследство. По Кавадарци следува големото финале и последниот скопски концерт предвиден за овој дел од турнејата, која опфаќа осум града. Караванот досега ги посети Битола, Велес, Прилеп, Штип, Тетово и Кочани. Дојдете заедно да пееме и да ја обоиме Македонија со најубавите звуци и, се разбира, да го зачуваме највредното – музичкиот аманет што ни го оставиле генерациите пред нас.

Песните од проектот „Македонијо во срце те носиме“ оваа среда ќе се пеат во Тетово!

Антонио Димитриевски — Tue, 03 Oct 2023 10:33:08 +0000

Полека се ближиме кон големото финале, односно заокружувањето на овој, есенски дел од приказната наречена „Македонијо во срце те носиме“ и последниот концерт во Скопје. А до Скопје следуваат уште два од предвидените вкупно осум концерти, во исто толку македонски градови. Така, по Штип, Битола, Велес, Прилеп и Кочани караванот „Македонијо во срце те носиме“ утревечер, 4 октомври, патува кон Тетово. Концертот е закажан со почеток во 20:00 часот, а ќе се одржи на Градскиот плоштад. На репертоарот и во градот под Шара ќе се најдат сите 12 песни од проектот, а „Заветна“, „Налеј, налеј“, „Народе македонски“, „Едно име имаме“, „Земјо македонска“, „Ој, Вардаре“, „Оган да го гори“, „Послушајте патриоти“, „Ми заплакало село Ваташа“... и овој пат ќе бидат отпеани од златните грла на Бојана Скендеровски, Сузана Спасовска, Наум Петрески, Зуица Лазова, Андријана Јаневска, Александар Тарабунов, Огнен Здравковски, Марија Спасовска, Мина Блажев, ДНК, Ламбе Алабаковски и Миле Кузмановски. „Македонијо во срце те носиме“ е проект со потписот на Скендеровски продукција, а сите 12 родољубиви песни во ново руво ги спакува маестро Николче Мицевски. Проектот има за цел да им се продолжи векот на песните и да се испрати порака особено до младите генерации дека треба да го чуваме она што го имаме, највредното - нашата земја и нејзиното наследство. Затоа дојдете заедно да пееме и да ја обоиме Македонија со најубавите звуци и, се разбира, да го зачуваме највредното – музичкиот аманет што ни го оставиле генерациите пред нас.

Караванот „Македонијо во срце те носиме“ во среда гостува во Прилеп

Антонио Димитриевски — Mon, 25 Sep 2023 11:58:39 +0000

По Штип, Битола и Велес караванот „Македонијо во срце те носиме“ оваа среда (27 септември) патува во Прилеп. Концертот е со почеток во 20 часот, а ќе се одржи на плоштадот „Методија Андонов – Ченто“.

View this post on Instagram

A post shared by Македонијо во срце те носиме! (@makedonijovosrcetenosime)

И овој пат публиката ќе ужива во стиховите на „Заветна“, „Налеј, налеј“, „Народе македонски“, „Едно име имаме“, „Земјо македонска“, „Ој, Вардаре“, „Оган да го гори“, „Послушајте патриоти“, „Ми заплакало село Ваташа“… отпеани од Бојана Скендеровски, Сузана Спасовска, Наум Петрески, Зуица Лазова, Андријана Јаневска, Александар Тарабунов, Огнен Здравковски, Марија Спасовска, Мина Блажев, ДНК, Ламбе Алабаковски и Миле Кузмановски. „Македонијо во срце те носиме“ е проект во чии рамки 12 македонски изведувачи препеаја исто толку родољубиви песни – сите спакувани во ново руво од неверојатниот Николче Мицевски, и има единствена цел да им се продолжи векот на песните и да се испрати порака особено до младите генерации дека треба да го чуваме она што го имаме, највредното – нашата земја и нејзиното наследство. Дојдете во Прилеп и не пропуштајте ја можноста да пееме во еден глас и да ја обоиме Македонија со најубавите звуци и, се разбира, да го зачуваме највредното – музичкиот аманет што ни го оставиле генерациите пред нас.

Караванот „Македонијо во срце те носиме“ патува во Велес

Слободанка Илиева — Mon, 18 Sep 2023 05:59:14 +0000

„Заветна“, „Налеј, налеј“, „Народе македонски“, „Едно име имаме“, „Земјо македонска“, „Ој, Вардаре“, „Оган да го гори“, „Послушајте патриоти“, „Ми заплакало село Ваташа“… оваа недела ќе се пеат во Велес, зашто караванот „Македонијо во срце те носиме“ по одличните концерти во Штип и Битола својата мисија ја продолжува во градот на Гемиџиите, родното место на Кочо Рацин, на големиот Прличко, на народниот херој Миле Поп Јорданов, на Јордан Хаџи Константинов-Џинот, на Жинзифов… Концертот е закажан во четврток, на 21 септември, со почеток во 20 часот, а ќе се одржи во Амфитеатарот во велешкиот Младински парк. Публиката ќе има можност на едно место да ги види и чуе Бојана Скендеровски, Сузана Спасовска, Наум Петрески, Зуица Лазова, Андријана Јаневска, Александар Тарабунов, Огнен Здравковски, Марија Спасовска, Мина Блажев, ДНК, Ламбе Алабаковски и Миле Кузмановски. Проектот со потписот на Скендеровски продукција, а во чии рамки 12 македонски изведувачи препеаја исто толку родољубиви песни – сите спакувани во ново руво од маестро Николче Мицевски, има единствена цел да им се продолжи векот на песните и да се испрати порака особено до младите генерации дека треба да го чуваме она што го имаме, највредното – нашата земја и нејзиното наследство. Затоа не пропуштајте ја можноста да пееме во еден глас и да ја обоиме Македонија со најубавите звуци и, се разбира, да го зачуваме највредното – музичкиот аманет што ни го оставиле генерациите пред нас.

„Македонијо во срце те носиме“ оди во Битола

Антонио Димитриевски — Mon, 11 Sep 2023 12:15:18 +0000

Платото на Офицерскиот дом во Битола ќе биде местото каде во среда со почеток во 20:30 часот ќе се одржи вториот концерт од караванот „Македонијо во срце те носиме“. На сцената публиката ќе ги види и чуе Бојана Скендеровски, Сузана Спасовска, Наум Петрески, Зуица Лазова, Андријана Јаневска, Александар Тарабунов, Огнен Здравковски, Марија Спасевска, Мина Блажев, ДНК, Ламбе Алабаковски и Миле Кузмановски.

View this post on Instagram

A post shared by Македонијо во срце те носиме! (@makedonijovosrcetenosime)

Проектот со потписот на Скендеровски продукција, а во чии рамки 12 македонски изведувачи препеаја исто толку родољубиви песни – сите спакувани во ново руво од маестро Николче Мицевски, има единствена цел да им се продолжи векот на песните и да се испрати порака особено до младите генерации дека треба да го чуваме она што го имаме, највредното - нашата земја и нејзиното наследство. Затоа бидете дел од караванот „Македонијо во срце те носиме“, дојдете заедно да ги отпееме најубавите македонски патриотски песни, да ја обоиме Македонија со најубавите звуци и да го зачуваме највредното – музичкиот аманет кој ни го оставиле генерациите пред нас. Сите концерти почнуваат во 20:30 часот, а по Битола во преубавата македонска песна ќе ужива и публиката во Велес, Прилеп, Кочани, Тетово, Кавадарци и Скопје. Караванот тргна од плоштадот во Штип, а планирано е да заврши во Скопје.

Караванот тргна: Штипјани први покажаа колку многу во срцето ја носат Македонија (ФОТО)

Антонио Димитриевски — Thu, 07 Sep 2023 06:11:29 +0000

Плоштадот „Слобода“ во Штип беше претесен за штипјани, кои дојдоа да го поздрават стартот на караванот „Македонијо во срце те носиме“. На сцената публиката ги виде и слушна Бојана Скендеровски, Сузана Спасовска, Наум Петрески, Зуица Лазова, Андријана Јаневска, Александар Тарабунов, Огнен Здравковски, Марија Спасевска, Мина Блажев, ДНК, Ламбе и Миле Кузмановски. Проектот со потписот на Скендеровски продукција, а во чии рамки 12 македонски изведувачи препеаја исто толку родољубиви песни. Сите се спакувани во ново руво од маестро Николче Мицевски, има единствена цел - да им се продолжи векот на песните. Да се испрати порака особено до идните генерации дека треба да го чуваме она што го имаме, највредното. Затоа и вие во вашиот град или во билокој друг каде караванот ќе врви бидете дел од „Македонијо во срце те носиме“. Дојдете заедно да ги отпееме најубавите македонски патриотски песни, да ја обоиме Македонија со најубавите звуци и да го зачуваме највредното – музичкиот аманет кој ни го оставиле генерациите пред нас. По Штип караванот продолжува во Битола, Велес, Прилеп, Кочани, Тетово, Кавадарци, а ќе заврши во Скопје. Стартот на концертите од музичкиот караван во сите градови во Македонија е во 20 часот.

„Послушајте патриоти“ – овој пат словото го кажуваат ДНК и Наум Петрески (АУДИО)

Антонио Димитриевски — Thu, 31 Aug 2023 10:50:12 +0000

„Послушајте патриоти да ви кажам словото, на Ѓурѓовден бев затворен, в црни темни зандани. Во зандани бев предаден од проклети шпиони, од проклетите шпиони неразбрани трговци...“, токму вака почнува последната дванаесетта нумера од проектот „Македонијо во срце те носиме“, овој пат во изведба на Панчо и Андреј од ДНК и Наум Петрески. Со „Послушајте патриоти“ се затвора кругот - 12 песни, 12 изведувачи, но стартува новото поглавје – концертниот караван во чии рамки ќе се одржат концерти во осум македонски града. „Послушајте патриоти“ е песна испеана за македонскиот деец Александар Караѓуле-Охридски, инаку и самиот автор на стиховите – сведоштво за неговите измачувања во софискиот затвор во 1892 година. Прв пат е снимена од бардот на македонската народна музика Никола Бадев, и тоа за дискографската куќа Југотон во Белград. Во своите музички биографии ја имаат запишано и Јонче Христовски, Гоце Арнаудов... Оваа композиција во македонското музичко богатство зачувана како револуционерна, овој пат спакувана од маестро Николче Мицевски, сега ја снимија и ДНК и Наум. „’Послушајте патриоти’ за нас е една несекојдневна соработка со нашиот добар пријател Наум Петрески, кој според нас е најдобриот машки вокал. За аранжманот беше задолжен маестралниот Николче Мицевски, а поканата дојде од проектот „Македонијо во срце те носиме“ на што не можевме да останеме рамнодушни, особено кога станува збор за Македонија и нешто што треба да остане како наследство за идните генерации. Со оглед на летната турнеја и многубројните ангажмани не успеавме да ја визуализираме песната, но не значи дека тоа нема да се случи во блиска иднина“, велат Панчо и Андреј. „Македонијо во срце те носиме“ е проект со потписот на Скендеровски продукција, а во чии рамки во изминатиов период слушнавте 12 македонски родољубиви песни отпеани од исто толку изведувачи, и од светот на забавната и од светот на народната музика, а сите спакувани во ново руво од Николче Мицевски. Она што ќе следува во склоп на целиот проект е концертниот караван кој стартува на 6 септември од плоштадот „Слобода“ во Штип. Освен штипјани во сите дванаесет нумери ќе има можност да ужива и публиката во Битола, Велес, Прилеп, Кочани, Тетово, Кавадарци и Скопје. Бидете дел од караванот „Македонијо во срце те носиме“, дојдете заедно да ги отпееме најубавите македонски патриотски песни, да ја обоиме Македонија со најубавите звуци и да го зачуваме највредното – музичкиот аманет кој ни го оставиле генерациите пред нас. Распоред на концертите: Штип – 6 септември Битола – 13 септември Велес – 20 септември Прилеп – 27 септември Кочани – 1 октомври Тетово – 4 октомври Кавадарци – 8 октомври Скопје – 11 октомври Почетокот на концертите е во 20 часот! Уживајте во „Послушајте патриоти“ и изведбата на ДНК и Наум:

Концертниот караван на музичкиот проект “Македонијо во срце те носиме” стартува на 6-ти септември

Антонио Димитриевски — Sat, 26 Aug 2023 08:16:39 +0000

Новиот музички проект во Македонија “Македонијо во срце те носиме”, од 6-ти септември стартува со големиот концертен караван кој што низ целата држава ќе ги посети поголемите градови каде ќе се одржат концерти, кои веруваме долго ќе се паметат. На концертите ќе бидат претставени и промовирани сите 12 композиции кои досега се претставени пред македонската публика. Македонски изведувачи од светот на забавната и народната музика ќе отпеат 12 македонски патриотски песни со нови современи аражмани, зад кои застанува познатиот музичар и композитор Николче Мицевски. Меѓу учесниците се: Наум Петрески, Сузана Спасовска, Миле Кузмановски, Бојана Скендеровски, ДНК, Огнен Здравковски, Ламбе Алабаковски, Андријана Јаневска, Александар Тарабунов, Мина Блажев, Марија Спасовска, Зуица Лазова, а на списокот на песни се: „Заветна”, „Налеј, налеј”, „Народе македонски”, „Едно име имаме”, „Земјо македонска”, „Ој, Вардаре”, „Оган да го гори”, „Послушајте патриоти”, „Ми заплакало село Ваташа”, „Море сокол пие”, „Болен ми лежи Миле Поп Јорданов”. Целта на целиот проект е да се зачува музичкиот аманет кој ни го оставиле генерации пред нас, да се прегрне Македонија преку некои од најубавите песни. Секоја нумера во изминатиов период се прикажуваше со видео запис, а крајната цел е одржување на осум концерти низ Македонија. Концертите се закажани за септември и октомври, а последниот најголем ќе биде во Скопје.