мајонез – Вистина.мк

Не ви треба мајонез: Рецепт за совршено кремасти полнети јајца

Слаѓана Атанасова — Wed, 13 Dec 2023 13:16:33 +0000

Полнетите јајца се популарно мезе кое потекнува од антички Рим. Јајцата се вареле, а потоа се мешале со различни сосови и зачини и се служеле за време на големи гозби. Полнетите јајца се популарен избор и денес – тврдо варените јајца се сечат на половина, жолчката се меша со мајонез и зачини, а со оваа смеса повторно се полнат половините од белката. За да уживате во кремастите полнети јајца, не ви треба ниту грам мајонез. Наместо тоа, можете да користите зрело авокадо, кое на смесата и дава свиленкаста текстура. Имајте на ум дека рецептот ќе работи само ако имате на располагање зрело и меко авокадо. Состојки: 6 големи јајца 1 авокадо 2 супени лажици свежо исцеден сок од лимета 1 лажица сечкан власец 1 лажичка лук во прав сол и бибер по желба пржени парчиња сланина по желба Подготовка: Гответе тврдо варени јајца. За ова ќе треба да ги варите во топла вода околу 10 до 12 минути. Префрлете ги во сад со мраз и оставете ги да се изладат пред да ги излупите. Исечете ги јајцата на половина. Одделете ја жолчката од сварената белка. Измешајте ги жолчките со авокадото. Зачинете со сол, бибер, лук во прав и сок од лимета. Во кремаста смеса по желба можете да додадете и малку сечкан власец. Со добиената смеса наполнете ги половините од варените јајца. Врз јајцата можете да додадете пржени парчиња сланина. Добар апетит!

Домашен мајонез: Има подобар вкус од купечкиот, а готов е за секунда!

Слаѓана Атанасова — Tue, 14 Nov 2023 13:00:45 +0000

Потребно е: 1 јајце 200 мл сончогледово масло една лажичка сенф една лажичка сол лажица сок од лимон Подготовка: Сите состојки што ги користите треба да бидат од фрижидер. Изладете го сончогледовото масло во замрзнувач 20 минути пред да го направите мајонезот. Во блендер ставете ги јајцето, сенфот, солта, маслото и сокот од лимон. Со помош на стапчето од блендерот, на самото дно блендирајте ја смесата пет секунди. Потоа движете го блендерот горе-долу и матете околу 25 секунди. Вашиот мајонез е подготвен. Чувајте го мајонезот во фрижидер и употребете го во рок од пет дена. Извор: Попара

Три намирници кои може да го заменат мајонезот: Со нивна помош ќе ги намалите маснотиите, а вкусот на храната ќе остане одличен!

Riste Zdravkov — Fri, 13 Aug 2021 06:58:50 +0000

Многу луѓе секогаш бараат едноставни начини да ги направат своите оброци поздрави, и со овие совети ќе внесете помалку калории додека вкусот на храната сепак ќе биде одличен. Ако сте љубители на сендвичи со салата од туна, пилешко или јајца, овие три намирници можат да ви помогнат да го зголемите нутритивното ниво на вашиот оброк и да го намалите внесот на калории. Наместо мајонез, можете да користите: Хумус: Лекарите советуваат да користите намази со хумус наместо мајонез, кој има помалку калории и е богат со протеини и здрави масти. Домати: Наместо да користите голема количина мајонез, заменете половина со свежи домати, со што ќе ги намалите калориите и ќе додадете повеќе хранливи материи. Авокадо: Оваа популарна и вкусна храна ќе ја направи вашата храна кремаста и ќе ги зголеми здравите масти на сендвичот.