мајко – Вистина.мк

Гуру Харе со мандолински оркестар и детски училишен хор од Свети Николе ја преработи својата – „Мајко“ (ВИДЕО)

Антонио Димитриевски — Wed, 19 Feb 2020 13:38:38 +0000

Кон средината на минатата година македонскиот гитар- блуз мајстор Игор Атанасовски во јавноста повеќе познат под уметничкиот прекар Гуру Харе сними заедничка песна „Мајко“ со легендата на екс ЈУ и регионалната рок сцена, нашиот Аки Рахимовски – вокалистот на култните „Парни Ваљак“. Нешто подоцна истата ја визуелизираше и со спот во режија на Огнен Шапковски. Повеќе од половина година подоцна, Игор Атанасоски - Харе направи преработка на истата тема, преточувајќи ја во интересна мандолинско - хорско верзија заедно со Г.М.Д - Свети Николај од Свети Николе. Аранжманот овој пат го направил диригентот Баже Стефановски, а Гуру Харе својата „Мајко“ ја изведува заедно со мандолинскиот оркестар - Свети Николај и детскиот хор од основните училишта: Гоце Делчев и Кирил и Методиј од Свети Николе и Горјан Димовски. За аудио снимањето и продукцијата задолжен бил Мите Димовски (Тралала студио), а изведбата ја визуелизирала екипата на фото Кис. Режија и фотографија: Maxxxo, Камера: Дуле Јанев, Александар Гелевски, Александар Јанев, фотограф на сет: Дорина Јанева, монтажа: Дуле Јанев. Како сето тоа звучи проследете во видото во продолжение:

На МАЦ 2020: „Јас сум Македонец, тоа е Македонија“… Влатко Лозаноски уште еднаш покажа колку е голем и како музичка ѕвезда и како вистински патриот и Македонец! (ВИДЕО)

Антонио Димитриевски — Tue, 28 Jan 2020 07:55:26 +0000

Вчеравечер во „Штарк Арена“ во Белград на спектакуларната музичка церемонија на доделувањето на регионалните музички награди „МАC 2020“, Влатко Лозановски ја освои наградата за најдобра поп-фолк нумера во регионот, за нумерата „Мајко“. Влатко победи во силна конкуренција, меѓу номинираните беа Тропико бенд, Наташа Беквалац, Антонија Шола, Илма Карахмет и Лексингтон бенд. Откако беше најавен како момчето од „Севена Македонија“, Влатко кога излезе на сцената најпрвин им се заблагодари на сите што гласаа за него, ги поздрави своите соработници, организаторот и публиката и како вистински патриот, како горд Македонец ја коригираше најавата со зборовите: „Морам да го поправам Сале... Јас сум Македонец и тоа е Македонија, а не со таа додавка која ја кажа пред малку. Сакам да ги поздравам сите Македонци и да им заблагодарам што ме поддржуваат сите овие години. Ви благодарам уште еднаш и се надевам дека нема да ми забележите што ви се обраќам на македонски јазик...“ - рече Лозано во своето обраќање при примањето на наградата, пошегувајќи се дека слушнал дека впрочем, македонскиот и на Јелена Карлеуша и е најсекси јазик! Со ова регионално признание, но пред се со својот настап и гест Влатко Лозаноски уште еднаш покажа колку е голем... И како музичка ѕвезда и како вистински патриот и Македонец! Впрочем, како и минатата 2019 година, кога беше првиот од малкумината кој одби да пее при промената на името на прославата што ја организираше власта, на која и го врати хонорарот! Како изгледаше овој негов настап и гест во Штарк Арената на МАЦ 2020 во Белград, погледнете во продолжение:

Дарко Лазиќ ја објави првата песна по тешката сообраќајна несреќа (видео)

Христина Ѓоргиевска — Wed, 05 Jun 2019 09:14:04 +0000

Пејачот Дарко Лазиќ претходната година доживеа тешка сообраќајна несреќа од која едвај спаси жива глава. Имено, Лазиќ се уште оздравува од сообраќајката, но полека се враќа на своите обврски и ангажмани. Така тој пред некое време влезе во студио и ја сними својата нова песна која овие денови ја пушти во „етер“. Во песната насловена „Мајко“ се спомнува како секоја солза на мајка му го стигнала, но и дека нема лек за тагата бидејќи се уште ја сака жената која сега е покрај друг човек. Многумина коментираат дека оваа песна потсетува на бившата на Лазиќ, Ана Севиќ. Слушнете и проценете сами.... https://www.youtube.com/watch?v=8RiF3TQAkig За потсетување, Дарко и Ана се разведоа неодамна, а тој чека дете со друга жена.

Гуру Харе и Аки Рахимовски премиерно ја претставуваат „Мајко“ (видео)

Слободанка Илиева — Mon, 20 May 2019 11:28:21 +0000

Како најавија кон почетокот на месец мај, така и направија. Македонскиот гитар- блуз мајстор Игор Атанасовски – Гуру Харе сними заедничка песна со легендата на екс ЈУ и регионалната рок сцена, нашиот Аки Рахимовски – вокалистот на култните „Парни Ваљак“. Песната со налов „Мајко“ заедно со видео спот вчера (19 мај, 2019 година) беше поставен на јутјуб каналот на Гуру Харе, кој исто така во најновото издание на емисијата „Еден на Еден“ раскажа за соработката со Аки.

„Песната настана спонтано, во една дружба, без многу договорање и планирање, и е наблиска до некој македонски блуз. Аки сѐуште го сочувал правилниот и убав македонски јазик и ја испеа песната токму така. Многу пријатно се изненадив а Дики Тавитјан направи одличен аранжман, токму онаков каков што замислував“- вели Гуру Харе. Автор на музиката и на текстот на песната е самиот Харе, а Диран Тавитјан го направи аранжманост и ја продуцираше во студио „Парамециум“. Во видеото се појавуваат тој и Аки во неформална дружба и во работна атмосфера, а приказната ја доловуваат и актерите Виолета Шапковска, Сеад Хаџиќ, Милан Тоциновски и Јан Теодоров. Спотот е во режија на Огнен Шапковски, директор на фотографија е Кристијан Теодоров, а го изработи „Мелем продукција“. https://www.youtube.com/watch?v=9GPVdmyN_ig&feature=share&fbclid=IwAR2FQ0FmIOPsO5Yq6qhWYjSa_egiDsvTzgwCt7qtg1NRGBhwkKE3hrkgGG0

Гуру Харе и Аки Рахимовски – заедничка соработка во „Мајко“

Антонио Димитриевски — Tue, 14 May 2019 13:31:07 +0000

македонскиот гитар блуз мајстор Игор Атанасовски - Гуру Харе сними заедничка песна со легендата на екс ЈУ и регионалната рок сцена, нашиот Аки Рахимовски - вокалистот на култните „Парни Ваљак“.

Во видеото се појавуваат тој и Аки во неформална дружба и во работна атмосфера, а приказната ја доловуваат и актерите Виолета Шапковска, Сеад Хаџиќ, Милан Тоциновски и Јан Теодоров. Спотот е во режија на Огнен Шапковски, директор на фотографија е Кристијан Теодоров а го изработи „Мелен продукција“.

Влатко Лозаноски емотивно го преслика мозаикот на животот во – „Мајко“ (ВИДЕО)

Антонио Димитриевски — Tue, 12 Mar 2019 11:53:14 +0000

Влатко Лозаноски, вчера, (11.03.2029) го издаде синглот насловен „Мајко“, стандардно промовирајќи ја песната заедно со видеоспотот, кој само што осамна во етерот нанижа лавина ласкави коментари под објавената песна на интернет каналот Јутуб.

„Не си нормален човеку! Повели круната е твоја“; „Нов хит на повидок, секоја чест легендо“; „Која од која песна, се во поголем хит прераснува“- се само мал дел од пофалните фрази кои осамнаа не само од македонските обожаватели, туку и на оние од регионот, кој Влатко почна да го освојува собирајќи го признанието најпопуларен изведувач токму од овој наш екс ЈУ регион, на неодамнешното доделување на оскарите на попоуларноста во Бања Лука.

Емотивната „Мајко“ и овој пат ја потпишува незаменливиот братско-сестрински тандем од авторкиот тим на Влатко, композиторот Лазар Цветковски и неговата сестра Магдалена - Ена, додека исто толку моќното видео е изработено од режисерот Даниел Јовески.

Добитничката комбинација огледана во певлива поп мелодија зачинета со шмек на дозиран балкански фолклор и мирис етно компоненти од регионот, фузирани со емотивните стихови отпеани од сугестивниот вокал на Лозано, поткрепени исо одличниот аранжман и продукција, и овој пат „Мајко“ ја прави фаворит на прво слушање. Еден вид логично продолжение на одличната „Километри“, кое како и таа, штом ја слушнете предизвикува бура од емоции и море од лични чувства, чии бранови нежно, а во истовреме силно ве заплискуваат милувајкќи ви ги ушите и гребејќи ви ја душата.

Видеото само и дава печат и потврда на звучната слика која е доволно силна сама по себе, а со нејзината визуелизација прераснува во аудиовизуелна слика на парче од животот... На Лозано, мое, твое, на секој од нас! Сликата е иста... Само мозаикот кај секој од нас е различен!

И додека со нетрпение го чекаме претстојниот голем солистички концерт на Лозано, во моментов без сомнение најголемата македонска машка поп ѕвезда, а можеби и воопшто, проследете ја „Мајко“ која ќе ве прошета и низ Вашиот времеплов на животот. https://www.youtube.com/watch?time_continue=76&v=gWyMJeADGOo