мајкл џексон – Вистина.мк

Тиктокер „плукнат“ Mајкл Џексон: Тврди дека не оперирал ништо, а поради изгледот има 11 милиони следбеници (фото)

Слободанка Илиева — Tue, 30 May 2023 10:36:00 +0000

Поради сличноста со Мајкл Џексон, Фабио собра преку 11 милиони следбеници на социјалните мрежи, а со својот изглед секојдневно шокира многу луѓе. Легендарниот музичар почина во средината на јуни 2009 година, но Тиктокерот Фабио Мигел продолжува да ја збунува јавноста со неговите фотографии на кои изгледа речиси идентично како Џексон. - Како Мајкл Џексон да оживеа, што е ова?; Изгледаш морничаво; Синот на Мајкл?; Неверојатно - коментираат под видеото на Фабио што тој го објавува, кој се претставува како Фабио Џексон. Досега се појавиле многумина кои посакувале да личат на кралот на попот, но Фабио засега е најавтентичната копија. фотоPrintskrin/Instagram/You tube

Повеќе на vistina.mk

Неееее… Мајкл Џексон не воскреснал – напротив, овој лик играше во нашиот хумористичен ТВ серијал „Преспав“ (ФОТО)

Антонио Димитриевски — Fri, 24 Mar 2023 11:50:28 +0000

Славниот пејач, мегасветската ѕвезда Мајкл Џексон и по својта прерана смрт остана музичка легенда за сите времиња. Изведувач чиј успех и иновативна уметност тешко дека некој може да го повтори и надмине. Неговиот лик е честа инспирација за многумина уметници, актери, изведувачи... Затоа и на фотографијата која ја гледате не е ориганлниот Мајкл Џексон, туку некој сосема друг. Неееее... Мајкл Џексон не воскреснал - напротив... Зад овој лик се крие личноста која играше во еден од нашите најгледани хумористични ТВ серијали. Впрочем, нема кој не слушнал и не гледал барем една епизода од хумористичната серија „Преспав“, која е едно од најдобрите ТВ остварувања последниве години, ако не и децении во Македонија. Оние пак што редовно ја следат, а такви се многумина, сигурно се сеќаваат на онаа сезона кога пансионот „Преспав“ доби нова газдарица... Преслава. Или Славче, како што новата шефица на пансионот ја нарекуваше, Јелена од Драчево. Убава, згодна, неопходна, сексапилна, заводлива, неодолива, вамп… Јана Маринова - актерското засилување од Бугарија во ликот на новата газдарица која тогаш на прва ги освои гледачите… Особено, оние од посилниот пол, а Бога ми и некој од нашите актери во серијата како Игор Џамбазов, на пример. Нејсе, истата таа Преслава, верувале или не, е оној лик од почетокот на сторијата, престорен во Мајкл Џексон. Јана Маринова во неверојатна трансформацијаго оживеала ликот на покојниот „крал на поп музиката“, легендарниот Џеко! И сето тоа за потребите на лиценцното музичкото шоу „Како две капки вода“, бугарска верзија она што во нашиот регион се емитуваша и беше познато како „Твоето лице звучи познато“, каде познатите се трансформираа и ги имитираа естрадните ѕвезди. „Потсетување на одлична ноќ за мене на успех на „Како две капки вода“ но една недела претходно, ментално живеев за себе во кожата на Мајкл. ПС: Само да се знае - како 20-годишник уште на мојот прв мобилен телефон ѕвони „Човек во огледало“ (Man in the mirror) и никогаш не ја сменив мелодијата во следните 24 години“ - споделила бугарската актерка покрај фотографијата во трансфомираниот лик на нејзиниот идол. Фото: Фејсбук и Инстаграм принтскрин/Yana Marinova

Повеќе на vistina.mk

Обожавателите сметаат дека е собршен избор: Еве кој ќе го глуми Мајкл Џексон во новиот биографски филм (фото)

Слободанка Илиева — Tue, 31 Jan 2023 12:28:03 +0000

Џафар Џексон е избран да го глуми својот славен чичко Мајкл Џексон во нов биографски филм, што ќе го режира Антуан Фукуа. Внукот на покојниот пејач бил избран по обемна потрага за актер низ цел свет. Филмот со едноставен наслов „Мајкл“ ќе биде првата голема улога за 26-годишниот Џафар, кој е син на Џермејн Џексон, најстариот брат на Мајкл. „Џафар е олицетворение на мојот син. Прекрасно е да се гледа како го носи наследството на семејството Џексон“, изјави мајката на Мајкл Џексон, Кетрин.

Не е познато дали воопшто ќе бидат вклучени обвинувањата за сексуално злоставување деца. Информациите за снимањето на новиот филм беа објавени и на официјалниот профил на кралот на попот на Инстаграм. фото:Инстаграм принтскрин/michaeljackson

Повеќе на vistina.mk

„Мојот син ги знае песните на Мајкл Џексон, а моите не“- Сека Алексиќ шокираше со својата изјава, па призна што би сакалa да прави нејзиниот Јаков (фото+видео)

Слаѓана Атанасова — Fri, 04 Nov 2022 08:49:21 +0000

Пејачката Сека Алексиќ блесна на црвениот тепих по повод роденденот на магазинот „Hello“ во црн фустан и кожени ракавици. Пејачката расположено им позираше на насобраните новинари и се фотографираше, а потоа признала: Мојот син Јаков и пее и игра. Го сака Џексон, го знае, но не и моите песни. Претпоставувам дека така е популарно меѓу врсниците. Кога некој почнува да слуша еден, тогаш сите други почнуваат. Јаков повеќе се приклонува кон тоа да биде гејмер или нешто слично - низ насмевка изјавила Сека.

Фото: Принтскрин/Инстаграм

Повеќе на vistina.mk

Мистериозната жена со која се ожени кралот на попот, делумно се обвинува за смртта на Мајкл Џексон (фото)

Слаѓана Атанасова — Mon, 05 Sep 2022 06:51:42 +0000

Поранешната сопруга на Мајкл Џексон откри неколку детали за смртта на кралот на попот. Во американскиот документарен филм „TMZ Investigates: Who Really Killed Michael Jackson“, Деби Роу низ солзи вели дека требало да направи нешто кога видела дека пејачот е зависен од лекови против болки. Во еден клип од документарецот, Деби вели: "Тоа е делумно моја вина. Требаше да направам нешто, а не направив. Има многу луѓе кои умреа од зависност и јас бев дел од тоа на некој начин". Имено, Мајкл Џексон почина од срцев удар во јуни 2009 година, а во телото имаше од моќниот седатив Пропофол доволно за да убие носорог, изјавил во документарецот поранешниот судски вештак, ЛАПД-а Ед Винтер. Роу се омажи за Џексон во 1996 година и беше сурогат мајка на децата Принц и Парис. Таа беше асистент на врвниот дерматолог Арнолд Клајн, кој почина во 2015 година, и кој даваше моќни лекови против болки на Џексон и на други познати личности. Во една прилика Роу призна на ТВ Фокс: „Всушност бев лоша како Клајн и многу ми е жал што бев дел од тоа“. Поранешната сопруга на пејачот одби да зборува конкретно за Џексон во документарецот и избра да се фокусира на Клајн, познат и како татко на ботоксот. Исто така, со децении, таа зборуваше во медиумите дека му била медицинска сестра на Џексон и помошник на Клајн додека тој го лекувал музичарот. За време на судењето за смртта на Џексон во 2013 година, таа го обвини нејзиниот поранешен шеф за хранење на навиката за дрога на Џексон. Клајн, кој исто така беше познат по тоа што лекуваше други ѕвезди како Елизабет Тејлор, почина на 70-годишна возраст во Калифорнија во 2015 година. Нејзината врска со Мајкл беше обвиткана во тајност. Само неколку луѓе присуствуваа на нивната необична венчавка, која се одржа во хотелот Шератон на Парк на 13 ноември 1996 година, додека Џексон беше на неговата турнеја „по повод албумот „HiStory“. Впечатливо е и тоа што Роу носеше нетрадиционална црна венчаница. Тајноста околу венчавката била толку силна што никој не ја потврдил ниту негирал откако се случила. Вработените во Шератон дури се заколнале дека Џексон не ја напуштил својата соба, објави „Ајриш тајмс“. Поранешната двојка наводно се запознала 15 години пред свадбата, кога Мајкл бил на третман за кожна болест. Се шпекулираше дека Роу всушност го тешел Џексон по раскинувањето со ќерката на Елвис Присли, Лиза Мари, а Роу и Џексон од тогаш станале големи пријатели. Фото:Принтскрин/Профимедиа

Повеќе на vistina.mk

Децата на Мајкл Џексон најпосле се појавија заедно во јавност (фото)

Слободанка Илиева — Wed, 29 Jun 2022 11:47:00 +0000

Откако во летото 2009 година кралот на попот ненадејно се замина во вечноста, неговите деца речиси и не сме ги виделе во јавноста. Парис Џексон почна поинтензивно да се појавува пред две години, кога го сними својот деби албум, додека од Принс и Бланкет речиси и да немаше ни трага ни глас. Но, откако оваа сезона на Бродвеј се играше претставата „MJ the Musical“, Парис и Принс се почесто шетаат заедно на црвениот тепих. Минатиот викенд тие им позираа на фотографите пред 75-тото доделување на наградите „Тони“ во легендарниот Radio City Music Hall во Њујорк. Имаа и добра причина - Мајлс Фрост, кој во популарниот мјузикл на Мајкл Џексон ја освои наградата за најдобар актер. Доби ласкаво признание, а присутните имаа единствена можност да ги видат децата на музичката икона. фото:Guliver/Getty Images

Повеќе на vistina.mk

Српската старлета ја шокираше јавноста: Тамара Ѓуриќ на важен настан се појави полугола, а ја донесоа на носила со Брза помош! (ВИДЕО)

Антонио Димитриевски — Tue, 31 May 2022 11:20:48 +0000

Поранешната ријалити учесничка, старлетата Тамара Ѓуриќ ги шокираше сите кога на еден голем настан во српската престолнина се појави во скандалозно издание. Уште претходно Тамара доби низа прекари за сметка на својот изглед кога го оперираше носот, а еден од нив е тоа што личи на починатиот пејач Мајкл Џексон. Таа сега реши да се пошегува на своја сметка, но на многу бизарен начин, веројатно сакајќи да ги надмине сите свои комплекси. Ѓуриќ се завиткала во завои, се намачкала со лажна крв по телото и во носила со возило на брза помош беше донесена на споменатиот настан. Таа дури и го нашминка лицето како кралот на попот, па „бизарниот спектакл“ го сподели во видео на Инстаграм. Тамара во оваа прилика обула чевли со вртоглаво високи ѓонови и потпетици и се појави само по бели гаќички од тантела. Овој нејзин потег никого не остави рамнодушен, а внимание привлече и натписот на градите на Тамара, инспириран од стиховите на песната на Констаракта: „И што ќе правиме сега?“ Откако ја спуштија од носилата на Брзата помош, се покажа како изгледа одзади, што беше забележано од новинарските фотообјективи и камери.

Тамара Ѓуриќ се пресоблече за време на забавата, а во новото издание и доминираа гигантските силиконски гради, чии големи брадавици јасно се проѕираа под фустанот. На забавата нејзе и се придружија и старие пријателки, српските старлети Маја Маринковиќ и Станија.

Фото: Инстаграм принтскрин/tamarastar89

Повеќе на vistina.mk

Израсна во вистинска убавица: Погледнете како денес изгледа ќерката на Мајкл Џексон (фото)

Слободанка Илиева — Tue, 17 May 2022 06:45:26 +0000

Парис Џексон, ќерка на популарниот пејач Мајкл Џексон, пораснала во вистинска убавица. Таа во животот поминала низ многу турбулентни периоди, но одолеала на многу предизвици и сега гради успешна музичка кариера. Парис е родена во 1998 година, а уште оттогаш е во центар на внимание во светската јавност поради славата на нејзиниот покоен татко. Без татко ѝ останала кога имала само 11 години, а мајка ѝ Деби Роу ја запознала на 13 години и тврди дека денес имаат квалитетен однос.

Од смртта на нејзиниот татко животот целосно ѝ се сменил, а тој ѝ го дал еден од најдобрите совети кои Парис ниту денес не го заборава: „Никогаш не заборавај“, ѝ рекол Мајкл. Со тага во очите Парис повеќе пати досега зборувала за односот којшто го имала со кралот на поп музиката. „Доколку утре умрам, секогаш сети се што сум ти кажувал“, ги открила зборовите кои Мајкл ѝ ги кажувал. „Го послушав неговиот совет и запомнив сè што ми зборуваше“, изјавила Парис кога ја прашале која е највпечатливата работа која ѝ останала од татко ѝ. Таа често во јавноста зборува и за односот кој го имала со својот татко.

„Заедно вежбавме, имавме малку импровизирано снимање. Би ми кажал: во оваа сцена ќе плачеш, па јас ќе го направев тоа. Сакаше да ме воведе и во светот на музиката и глумата“, се присетила таа. Парис повеќе пати се појавила во кампањите на „Келвин Клајн“ којшто ја поттурнал напред во понатамошно занимавање со глумата.

Таа пораснала во прекрасна млада жена која има доволно пари да не работи ништо, но тоа не ја спречило да посака да ја гради својата актерска кариера. Нејзиниот имот се проценува на над 100 милиони долари, а кога ќе наполни 30 години ќе наследи третина од богатството на Мајкл, а колку што ќе биде постара, така толку повеќе пари ќе добива. фото: Инстаграм принтскрин/Парис Џексон

Повеќе на vistina.mk

Ќе се снима биографски филм за „кралот на попот“ – Мајкл Џексон

Антонио Димитриевски — Tue, 08 Feb 2022 14:02:47 +0000

Се подготвува нов биографски филм за Мајкл Џексон, а овој проект ќе го води Греам Кинг кој го продуцираше биографскиот филм за групата „Квин“, „Боемска рапсодија“. Претстојниот филм наречен „Мајкл“ се снима со благослов на семејството и извршителите на имотот на Мајкл Џексон. Сценариото го напиша Џон Логан (автор на „Гладијатор“ и „Скајфол“), кој претходно работеше со Кинг на филмот „Авијатичар“ на Мартин Скорсезе (2004). Џон Бранка и Џон Меклејн, ко-извршители на имотот на Џексон, ќе го ко-продуцираат филмот заедно со Кинг, кој првпат го запознал семејството Џексон во 1981 година.

Повеќе на vistina.mk

Ќерката на Мајкл Џексон отворено за растењето без татко: „Се’ сама морав да заработам, никој не ми поклони“

Слободанка Илиева — Mon, 05 Apr 2021 08:37:24 +0000

Поп-sвездата Мајкл Џексон е обвинет од многумина за несоодветно однесување кон деца, но актерката, музичар и модел и негова ќерка Парис Џексон (22) изјави дека нејзиното детство било идеално. Зборувајќи со манекенката Наоми Кембел во серијата „Без филтер“, таа истакна како нејзиниот татко всади силни работни навики и еклектичен музички вкус. - Тато навистина се грижеше да биде културен, да имаме добро образование, и не само да ни покажува гламур, хотели со пет sвезди - објасни Парис.

Таа призна дека пораснала низ целиот свет. Познатиот музичар сакаше да ги носи своите деца со себе, па тие заедно со Парис, постариот брат Мајкл Џозеф Џексон и помладиот брат принцот Мајкл Џексон Втори, патуваа на различни места уште од најраните денови. - Не беа само метрополи како Лондон или Њујорк, луксузни места за богатите, тој исто така нè однесе во земјите од Третиот свет, па ни го покажа целиот спектар на човештвото - рече Парис. Младата музичарка е родена во бракот на Мајкл Џексон и Деби Роу. По разводот во 1999 година, нејзиниот татко доби целосно старателство, па дури имаше гласини дека бракот на пејачот од самиот почеток е само финансиска трансакција во која тој би имал деца, а Деби добила паричен надоместок.

Парис имала само 11 години кога нејзиниот татко починал во јуни 2009 година, но и таа самата признава дека тој и останал најголем пример до денес. - Уште од најраните денови требаше да заработиме за работите што ги сакаме. Ако сакавме пет играчки, требаше да прочитаме пет книги. Чувството дека го заработивме, а не дека ни беше дадено, остана во мене до ден-денес. Сè уште сум свесна дека морам да заработам сè, дека ништо нема да ми се даде само затоа што сум ќерка на Мајкл Џексон - објасни Парис.

Досега, тој напор се исплати. Пред неколку недели таа беше модел во рекламна кампања за новата колекција на модната дизајнерка Стела Мекартни, а во ноември минатата година го издаде својот деби албум „Вилт“. Иако нејзините песни се претежно инди - фолк, и воопшто не наликуваат на големите хитови на нејзиниот татко, Парис признава дека тој е нејзин пример. - Сакаше класична музика и џез. И хип хоп и R&B. Сепак, тој не избега од Топ 40 хитовите, рок-музиката - рече таа.

Повеќе на vistina.mk