Миа Колучи од „Млади бунтовници“ со солзи во очите откако сопругот доби ѕвезда во Холивуд

Горан Силјановски — Tue, 20 Nov 2018 12:35:46 +0000

Мајкл Бубле доби своја ѕвезда во Холивуд. 43-годишниот канадски пејач беше почестен со 2.650-тата по ред ѕвезда на Патеката на славните.

На церемонијата, Бубле ја доби поддршката од сопругата Луисана Лопилато, кај нас позната по улогата на Миа Колучи во серијата „Млади бунтовници“.

Во својот говор, познатиот музичар зборуваше за семејството и со своите зборови ја трогна Луисана, која не можеше да си ги задржи солзите. „Колку подолго живеам, толку повеќе сфаќам дека љубовта не е бесплатна. Љубовта има голема цена. Колку повеќе сакаш, толку повеќе се повредуваш. Ѝ благодарам на мојата сопруга, не постои нешто што можам да го кажам кое може да опише што чувствувам за неа и низ што поминавме. Таа е мојот херој и мојата карпа“ – вели Бубле во својот говор. „Моите деца кои ми дадоа цел во животот и ми ги направија ваквите денови уште послатки, бидејќи сега можам да разберам колку убави се добрите моменти“ – додава тој.

ВИДЕО:

https://www.youtube.com/watch?v=peKeM8lO0NI Мајкл и Луисана се во брак од 2011 година и заедно имаат три мали деца. На нивното најголемо синче Ноа во 2016 година му беше дијагностициран рак на црниот дроб, но силното момче успеа да се избори со страшната болест. Луисана го роди нивното трето дете пред три месеци.

Мајкл Бубле – Вистина.мк

Миа Колучи од „Млади бунтовници“ со солзи во очите откако сопругот доби ѕвезда во Холивуд

ВИДЕО: