Младата кумановка ги распосла своите телесни убавини во бикини: Мартија ја отвори летната сезона, но дали е сама или нечие око будно внимава на младата дама? (ФОТО)

Антонио Димитриевски — Wed, 02 Aug 2023 08:10:04 +0000

Младата пејачка Мартија Станојковиќ однеодамна е полнолетна девојка која плени со својата убавина иако истата не и недостасуваше сиве овие години, додека беше помалечка. Но, со текот на годините, како напредуваше со возраста, напредуваше со гласот ама и со стасот, па од слатко мало девојче, Мартија полека прерасна во вистинска атрактивна убавица. Кога летото полека го зема својот замав, па доаѓа време да се опушти на плажа, без оглед дали е на одмор или се само ден - два за кус викенд во прашање, нејзиниот телесен раскош доаѓа до полн израз. А кога Мартија ќе се соблече во костим за капење, едноделен или бикини за неа сеедно, никако не им е сеедно на оние кои се присутни на истата плажа со неа, како и на сите останати кои подоцна го „листаат“ нејзиниот Инстаграм профил. Бикини комбинацијата во разни бои очигледно се нејзиниот избор и за ова лето, а шминката на плажа никако не е препорачлива. Малечката сирена тоа добро го запомнила, па воопшто не и пречи селфито во огледалото да го направи без грам мејкап на себе. Впрочем, кое вистинско машко би ги гледало деталите на лицето на пејачката, кога младата кумановка има да понуди многу повозбудлива телесна глетка. На плажа големите брендирани очила за сонце ионака покриваат половина лице, па затоа љубопитните машки погледи воопшто и не се фокусирани во нејзините очи... Како и би биле кога Мартија располага со таква телесна убавина која сосема на друго место погледот го кочи. Сепак, млади момчиња внимавајте... И кога ви се чини дека онака осамено ужива на лежалката, имајте на ум дека Мартија речиси никогаш не е сама. Зашто најчесто на неа од некаде подзаскриена мотри и внимава, будното око на госпоѓа мама. Затоа кога „фрлате поглед“ на убавата, згодна и мошне секси Мартија, внимателно и дискретно „шарајте со очите“, а при тоа најдобро е и да молчите... Зашто потоа со мама Снежана, сигурно не би сакале да се соочите. Фото: Инстаграм принтскрин/martijastanojkovic

Дали Мартија и Чурлинов се’ уште се во љубов: Репрезентативецот даде гол за Македонија, „бабата“ му ја лајкна фотката (ФОТО)

Антонио Димитриевски — Fri, 24 Mar 2023 09:47:47 +0000

Кога во ноември минатата 2022 година се прошири веста дека македонската поп пејачка Мартија Станојковиќ и македонскиот фудбалски репрезентативец Дарко Чурлинов се во љубов, јавноста ја „заскокоткаа“ шпекулацииите за нивната врска, па се чекаше на виделина да излезе доказ. А она што се вели „црно на бело“ бргу се појави, откако една нивна пријателка случајно или намерно сподели фотографија на која Дарко и Мартија во занесот на љубовната еуфорија, страсно се бакнуваат! Набргу потоа и самата Мартија ја потврди врската појаснувајќи во естрадниот ТВ магазин „Бекстејџ“ дека пејачката паднала на добрата душа на фудбалерот. И таман новото љубовно поглавје, нова страница во приватниот живот и интимата на пејачката и фудбалерот почна да се испишува, еуфоријата како што преку ноќ избувна, така и преку ноќ се стиша. Освен веројатно најблиските, јавноста остана „неинформирана“ за тоа како и дали воопшто се одвива врската помеѓу фудбалерот и пејачката. Дали таа се уште трае, како се развива, до која мерка е распламтена старста или можеби се' беше само еден моментален блесок, едно малечко љубовно жарче кое бргу згасна?! Старата добра поговорка вели: „Далеку од очите - далеку од срцето“, а токму двајцата експресно вљубени се со километри разделени, зашто Мартија е тука, а Чурлинов игра во Англија за второлигашот Барнли. Сепак, еден ситен детал како да наговести дека љубовните конци се уште не се раскинати. Имено вчера, 23 март 2023 год. македонската фудбалска репрезентација во Скопје го играше својот прв натпревар од новиот циклус квалификации за ЕП при што ја победи Малта со 2:1, а токму Дарко Чурлинов го даде вториот гол за Македонија. Мартија пак, во текот на денот од родното Куманово исто така дојде во Скопје. Заедно со нејзината мајка Снежана беше присутна на промоцијата на новата песна и спот „Ангел“ на „Либеро бенд“, момчињата со кои често заедно настапува по кафулињата и клубовите низ Македонија. Чурлинов фотографиите од прославата на постигнатиот гол ги споделил на својот Инстаграм, а токму мајка Снежена беше онаа што меѓу првите му ги лајкна. Дали беше присутна на арената Тодор Проески да го гледа натпреварот, Мартија не обзнани... Обзнани дека со колегите вечерта ја минала забавувајќи се во еден скопски ноќен клуб каде музика пушта ДЈ Шорти - како што му е вториот уметнички прекар на Панчо од „ДНК“! Чурлинов таму не го видовме... Не барем на фотографиите, а со оглед на строгите карантински правила кога е во прашање фудбалот и репрезентацијата, веројатно и не бил. А, дали Мартија и Чурлинов се виделе или допрва ќе се видат за време на неговиот престој во Скопје и дали воопшто се' уште се во љубов? Одговорот го имаат само тие двајцата... И веројатно мајка Снежана! Фото: Инстаграм принтскрин/churlinov7/martijastanojkovic

мајка снежана – Вистина.мк

Младата кумановка ги распосла своите телесни убавини во бикини: Мартија ја отвори летната сезона, но дали е сама или нечие око будно внимава на младата дама? (ФОТО)

Дали Мартија и Чурлинов се’ уште се во љубов: Репрезентативецот даде гол за Македонија, „бабата“ му ја лајкна фотката (ФОТО)