маја ристеска – Вистина.мк

Стефан од „Некст тајм“ ги подгреа шпекулациите за новата љубовна врска со манекенката Маја Ристеска (фото)

Слободанка Илиева — Fri, 15 Nov 2019 08:38:11 +0000

Љубовниот живот на пејачот на братското дуо „Некст тајм“, Стефан Филиповски, деновиве е актуелен во домашните медиуми, откако естрадниот ТВ магазин „Бекстејџ“ откри дека тој наводно е во врска со манекенката Маја Ристеска. По оваа шпекулација, Стефан и Маја не се огласија со демант или потврда, а приказната остана само на претпоставки дека тие се новата позната македонска двојка. Неколку дена подоцна, Стефан како да сакаше да ги подгрее ваквите информации или дискретно преку социјалните мрежи да потврди дека помеѓу него и Маја навистина се родила љубов. https://arhiva.vistina.com.mk/radio-mileva/taa-se-razvede-a-toj-do-neodamna-beshe-so-druga-stefan-od-nekst-tajm-ima-nova-devojka-nasha-poznata-manekenka-foto/ Имено, тој на својот Инстаграм „стори“ објави фотографија во домашен амбиент со фокус во ТВ приментикот на кој во моментот се емитува спот во кој Маја има улога. Дека песната и не баш му била важна, туку ликот на манекенката, потврдува знакот за исклучени волумен на телевизорот. Освен тоа, го означи нејзиното име и остави симбол од неколку ружи. Пејачот и манекенката полека, полека почнаа да откриваат дека навистина има нешто повеќе меѓу нив, а кога појасно ќе ја покажат љубовната искра, останува да видиме...

Таа се разведе, а тој до неодамна беше со друга: Стефан од „Некст тајм“ има нова девојка – наша позната манекенка?! (ВИДЕО)

Слободанка Илиева — Thu, 07 Nov 2019 07:27:23 +0000

Пејачот на братското дуо „Некст тајм“, Стефан Филиповски има нова љубов. Според естрадниот ТВ магазин „Бекстејџ“, пејачот расчистил со поранешната девојка со која беше во врска неколку години, Пенелопа Стаматоска, но неговото срце е повторно освоено и тоа од нашата позната макененка Маја Ристеска. Тие се уште не се огласиле со потврда или демант, но според извор близок на двојката, „Бекстејџ“ открива дека Маја и Стефан веќе извесен период се заедно, а таа неодамна се појави и на промоцијата на новата песна на „Некст тајм“, „Јовка Кумановка“. Дека навистина има нешто помеѓу пејачот и манекенката потврдува и нивната заедничка фотографија која Стефан ја објави на својот профил на Инстаграм. Инаку, Маја е една од нашите најуспешни и најбарани манекенки во земјава, можеме да ја видиме на многу ревии на домашните дизајнери и нивните фотосесии, ја гледавме и на телевизиски реклами, а имеше кус обид и да го води државното Лото извлекување. Таа во 2016 година се омажи со фудбалерот Јован Костовски, а за нивната свадба се пишуваше на големо во домашните медиуми. Сепак, овој брак траеше само две години, Маја и Јован се разделија и секој тргна по свој пат. https://arhiva.vistina.com.mk/radio-mileva/za-nivnata-svadba-se-pishuvashe-i-zboruvashe-na-golemo-ama-brakot-puknal-po-dve-godini/ Стефан пак, никогаш не го криел приватниот живот како и досегашните девојки, а дали и во овој случај ќе се води по иста пракса, останува да видиме... https://www.youtube.com/watch?v=m0x_m2n4oC8

За нивната свадба се пишуваше и зборуваше на големо, ама бракот меѓу нашата менекенка и фудбалерот пукнал по две години?!

Слободанка Илиева — Thu, 21 Feb 2019 08:00:43 +0000

Убавата манекенка Маја Ристеска и фудбалерот Јован Костовски, наводно решиле да го завршат својот брак и на мирен начин да се разделат – пишуваат деновиве македонските портали. Приказната се појави поради тоа што двојката наводно ги избришала фотографиите од своите профили на социјалните мрежи, како едниот, така и другиот, а пак по ваквите пишувања, тие се уште не се огласиле да потврдат или демантираат. Сепак, на профилот на социјаната мрежа кај Јован, нема ниту една фотографија за прикажување, додека кај Маја приказната е нешто поинаква.

На нејзиниот профил сепак стојат свадбените фотографии, спротивно на она што се пишува. Дали е вистина или не, оставаме тие самите да откријат.

Инаку, Маја е една од нашите најуспешни и најбарани манекенки во земјава, можеме да ја видиме на многу ревии на домашните дизајнери и нивните фотосесии, ја гледавме и на телевизиски реклами, а имеше кус обид и да го води државното Лото извлекување. Јован пак, веќе некое време живее и игра во Белгија, каде со Маја живееја заедно по свадбата.