магдалена – Вистина.мк

„Либеро бенд“ го промовираа својот „Ангел“… што тера на грев (ВИДЕО)

Антонио Димитриевски — Fri, 24 Mar 2023 10:48:55 +0000

Најбараниот македонски бенд за живи свирки по кафулињата и клубовите уште еднаш покажа дека со напорна работа и посветеност може да се дојде до речиси совршен музички производ. Имено, такава е новата песна и висеоспотот За неа на момчињата од „Либеро бенд“, насловена „Ангел“. Песна која уште од прво слушање предизвикува возбуда, влегува во уво и го воодушевува слушателот. Направена по современ терк, сосема поразлична од она што досега го изведуваа како сопствен музички продукт и стил, Иван Иванов, Александар Темелковски, Дејан Стојановиќ, Алек Тасевски и Јордан Георгиевски своето најново аудио-визуелно остварување вчера, 23 март 2023 година го промовираа во познатиот скопски ресторан „Дион“. Пред, за вакви прилики изненадувачки многуте присутни новинари, музичарите појаснија дека долго се работело на конечниот изглед на песната и видеоспотот. И заради зафатеноста на авторите кое се веројатно анјдобрите што во моментов Македонија ги има и заради желбата да се направи парче уметност кое ќе ги задоволи најстрогите уметнички критериуми и стандарди, а во исто време ќе биде и по вкусот на публиката која преферира и полесно ги прима покомерцијалните остварувања. И се чини дека во тој баланс „Либеро бенд“ максимално успеале, зашто „Ангел“ е навистина и музички и визуелно нивно совршенство во досегашната кариера... Но, не само нивно, туку и лекција и предизвик за многу други како се прави поизвод кој може да конкурира и на региналниот пазар во радио и ТВ етерот. Музиката и текстот ги потпишуваат познатите брат и сестра Лазар и Магдалена Цветковски, додека филмската визуелизација на нивниот „Ангел“ беспрекорно ја пренел на слика проверениот мајстор Даниел Јовески. Со автентична симболика во видеокадрите кои преку неговиот уметнички израз совршено ја следат лириката на стиховите, чија патина вокално одлично ја пренел пејачот на бендот Иван Иванов. Се' на се', ретко компатибилен аудио-визуелен производ во кој сликата исполнета со силна симболика, впечатливо ја надополнува и пренесува емоцијата преточена во песна. Како звучи и изгледа љубовниот „Ангел“ на момчињата од „Либеро бенд“ , проследете од видеото во продолжение (КЛИКНИ ТУКА):

Вака денес изгледа некогашната М2 ѕвезда, Ламбе Алабакоски: Ќе го препознаете ли со вишок килограми и проретчена коса? (ФОТО)

Антонио Димитриевски — Thu, 22 Jul 2021 08:53:15 +0000

Тој своевремено беше една од оние музичка надежи кои излегоа од музичкото шоу за потрага по таленти: „М2 - Потрага по ѕвезди“ на тогашниот менаџер и извршен продуцент Иво Јанкоски и композитрот и музички продуцент, Дарко Димитров. Македонскиот пејач Ламбе Алабаковски потоа стана познат, но и покрај песните и албумите, неговата кариера никогаш не ги достигна очекуваните височини кои ја минуваат границата и стануваш сериозен играч во музичкиот шоу бизнис. Постојано во сенка на мегапопуларниот Тоше и Елена Ристеска, која до крај беше „прва ластовичка“ во неговото „М2“ јато, „ламбата на популарноста“ на Ламбе кој остана и без „ветер во грбот“, полека почна да се гасне. Па така, тој го направи веројатно најпаметниот потег - се сврши со својата тогаш нова девојка, денес негова сопруга Магдалена која беше нашинка која живее во Америка, а пејачот од преспанско Љубојно заедно со неговата сакана замина да живее во САД. Оформија семејството во кое тој и сопругата Магдалена денес ги имаат и синовите Димитриј и Михаил. На музиката и кажа засекогаш „збогум“, барем на професионален план, иако веројатно се' уште потпевнува во секоја згодна прилика. Ламбе воопшто не е присутен на музичката сцена, а не е ниту нешто премногу активен и на социјалните мрежи, иако понекогаш знае да објави нешто од неговиот живот. Особено кога се важни денови во прашање, како родендени на децата, значајни празници, посета на родната Македонија во која и не доаѓа баш често, но кога ќе се врати емоциите рабирливо се силно присутни, а старите пријатели не се забораваат. И тоа е нешто што речиси никогаш не се менува, освен едно... Времето го прави своето, па слабото, високо, симпатично, насмеано момче од Љубојно, повеќе не изгледа исто. На една-две од последните споделен фотографии на социјалните мрежи кои се гледа дека Ламбе одново е во посета на родната Македонија, некогашната М2 ѕвезда едвај ќе ја препознаете... Буцкаст, со вишок килограми и проретчена коса, Ламбе Алабакоски сосема поинаку изгледа... Поразлично од она што го паметиме. Но изгледот не ја прави личноста, ниту е пак предуслов за личната среќа и популарноста... Особено не ако повеќе не си на сцената. За се' друго, поважни се некои други предуслови и фактори. Фото: Инстаграм и Фејсбук принтскрин/lambealabakovski

Близначките Марија и Магдалена се „македонските Спартанки“: Секси до болка, издржливи до коска… до последен здив! (ФОТО)

Антонио Димитриевски — Sat, 10 Apr 2021 07:51:40 +0000

26 годишните сестри - близначки од Кочани, Марија и Магдалена се ѕвезди на социјалните мрежи каде имаат бројни следбеници.

За себе, покрај студиите по право, велат дека не би можеле да го замислат својот стил и начин на живот без спортот и вежбањето.

Дека посветено се трудат да изгледаат атлетски и секси потврдуваат фотографиите на нивните профили, од кои пошироката јавност дознава дека близначките не го практикуваат спортот само рекреативно, туку имаат и натпреварувачки мотиви.

Беа во Бугарија, каде трчаа на Софискиот Маратон и освоија медали со кои се пофалија на Фејсбук. Трчаа и на Скопскиот маратон, а пак претходно беа на трка и во Подгорица.

Последното нешто со кое можат да се пофалат е Спартанската трка која се одржува во 30 различни земји во Светот. Се работи за трка на издржливост која се состои од повеќе различни дисциплини, но во принцип сите се подеднакво тешки.

Сестрите беа учесници во Супер трката на 19 километри офф роад, која вбројува повеќе од 30 препреки, влечење и носење товар, преминување реки, пливање по калливи канали и што ти уште не.

На крајот завршија како 7-мо и 8-мо пласирани од вкупно 150 натпреварувачи, што е повеќе од одличен резултат за Марија и Магдалена.

Покрај освоените медали, сестрите добија е еден дел од Трифектата која се состои од три дела, што се добиваат со завршување на останатите дисциплински трки на ова екстремно тешко натпреварување.

Сестрите - близначки, кочанчанките Марија и Магдалена дефинитивно се „македонските Спартанки“.

Секси до болка, издржливи до коска... Упорни и неуморни... до последен здив!

Огнен Здравковски по „Гранд“, тргна да го освојува регионот со – „Извини“ (ВИДЕО)

Антонио Димитриевски — Mon, 20 Jan 2020 13:27:37 +0000

Минатогодишниот финалист на „Ѕвездите на Гранд“, македонскиот пејач Огнен Здравковски откако виде дека може да се носи со врсниците од регион алната естрада, реши да си ја проба среќата во освојување на регионот. Неговиот музички „поход“ сепак почнува од Македонија каде иако испеана на српски јазик, автори на неговата нова песна се братско-сестринскиот тандем Лазар и Магдалена Цветковски, од чија фабрика за хитови излегува и оваа песна. Покрај авторството Лазар и Магдалена ги пеат и придружните вокали, а хитмејкерот го потпишува уште и аранжманот, а стои и зад продукцијата, миксот и мастерингот на песната која е снимена во неговото „ЛЦВ студио“. Музички - отприлика она што комерцијалниот пазар во регионот го бара... Лесно прифатлив поп со балкански „шмек“ и мирис на дискретно спакуван „фолк“. Предиспозиции да стане хит, во зависност од тоа колку ќе го вртат радијата и телевизиите и каков ќе биде маркетингот, кој е добро познато дека на север од Македонија - не е „гратис“! Во темата „Извини“ виолините ги свири сестрата на Огнен, Олгица Здравковска која исто така како и тој е академски музичар, а обајцата се потомоци од легендарното македонско музичко семејтво Џорлеви. Песната ја следи визуелизацијата преку спотот на режисерот Гордан Божиновски од „God Eye Production“, чија видеоприказна сосема солидно кореспондира со приказната во стиховите, иако е евидентно дека не се работи за високобуџетен спот. Во видеото партнерка на Огнен му е моделот Ана Коцевска. Како сето тоа изгледа и звучи, проследете од видеото за „Извини“ во продолжение:

Мите Стоилков буди љубовни спомени со – „Јави се“ (ВИДЕО)

Антонио Димитриевски — Sat, 23 Nov 2019 11:40:19 +0000

Талентираниот македонски пејач Мите Стоилков ја објави својата најнова песна. Таа носи наслов „Јави се“ и како автори на истата се потпишува братско-сестринскиот тандем Лазар и Магдалена Цветковски. Оваа љубовна приказна беше и екранизарана, а во неа може да ги видиме и актерските способности на младиот пејач. „Јави се“ носи силна љубовна порака. Секој во животот би се пронашол и би му разбудиле спомени, сепак спомените се дел од животот. Искрено се надевам дека ќе им се допадне на публиката. За да изгледа се прекрасно како целина, беше врвно стручен кадар на соработници на кои сум им искрено благодарен од срце. Би сакал да ги издвојам најдобрите во нашите простори: Лазар Цветкоски, Ена Цветкоска, а тука се и Пеце Здравковски, Ѓорѓи Вацев, Александар Вајдевски и Христијан Српчански кои се погрижија за ова прекрасно видео“ – вели Стоилков. Мите не застанува тука. Тој веќе работи и на новата песна, за која вели дека е полн погодок. Да потсетиме, Мите Стоилков е победник во музичкото шоу „Ѕвездите на Пинк“, а во оваа сезона ќе имаме прилика повторно да го гледаме како натпреварувач во „Ѕвездите на Гранд“.

Мила Москов ќе ја претставува Македонија на детскиот „Евросонг“ со песната „Fire“ (ВИДЕО)

Антонио Димитриевски — Fri, 25 Oct 2019 10:41:29 +0000

Претстојниот „Евросонг јуниор“ ќе се одржи во Полска, а Македонија ќе ја претсатвува 14-годишната тинејџерката Мила Москов со песната „Fire“, која за неа ја напишаа братско-сестринскиот авторски тандем хитмејкери, Лазар и Магдалена Цветковски. Нашата претставничка била избрана меѓу 18 пријавени пејачи на аудицијата што беше оддржана уште пролетта во просториите на МРТ. Таа е ученичка во ОУ „Кочо Рацин“ во Прилеп, а има нижа музичка наобразба и искуство со свирење пиано и соло пеење. Мила во 2017 година била дел од фестивалот „Мелфест“ и настапувала на неколку хуманитарни манифестации. Инаку изборот за детска песна на „Евровизија 2019“ ќе се оджи за помалку од еден месец, на 24 ноември во „Гливице Арена“, во градот Гливице во Полска и на него ќе земат учество малите претставнивци на 19 земји. Тој како и сениоркиот „Евросонг“ е во организација на ЕБУ (Европската бродкаст унија). Слушнете ја песната „Fire“ на македонската претставничка Мила Москов и погледнете го видеото за неа кое го изработи Даниел Јовески: https://www.youtube.com/watch?v=1nzx1qeI-5I

Димитар и „Тајфата“ со десет згодни девојки во „Не си моја” (ВИДЕО)

Антонио Димитриевски — Wed, 25 Sep 2019 09:10:48 +0000

Летните одмори веќе завршија и време е да се засукаат ракавите, па Тајфата и Димитар Андоновски се фрлија на работа и снимија нова песна. Станува збор за нумера која ќе се најде на нивниот деби албум кој треба да биде промовирам многу наскоро. Новото музичко парче на ортаците од „Тајфата“ се вика „Не си моја“, а како автори се потпишуваат по кој знае кој пат македонските хитмејкери, братско-сестринскиот креативен тандем Лазар и Магдалена ена Цветковски. Интересна љубовна приказна преточена во уште поинтересен видеоспот во кој освен Диме, Аце, Влатко и Чирта, се појавуваат уште 10 преубави девојки. „Публиката доволно чекаше да извадиме нова песна. Лазар и Ена направија уште една одлична тема за која убедени сме дека ќе им се допадне на сите што слушаат добра музика. Инаку спотот се снимаше на неколку различни локации во Скопје, а Дарио Јанковиќ си ја заврши маестрално својата задача“ - велат од бендот. Што се однесува до настапите, Тајфата и Димитар буквално глава не можат да кренат од госттвања ширум државата, но сепак ветуваат дека во иднина ќе бидат многу поактивникога станува збор за нивната авторска музика. Во меѓувреме, уживајте во убавината на симбиозата на звукот, стиховите и кадрите од видеото на нивната „Не си моја“: https://www.youtube.com/watch?v=X5T5CqwtL4Q

Живеам да се вратам… Тијана ја промовираше српската верзија на „Километри“ (ВИДЕО)

Антонио Димитриевски — Thu, 11 Oct 2018 08:13:12 +0000

Македонската поп пејачка, водителка, а пво последно време и актерка со белградска адреса на живеење Тијана Дапчевиќ штом ја слушна песната „Километри“ на Влатко Лозановски, и јавно најави дека сака да ја има! Или поточно, да ја преработи на српски јазик, за да може подобро да мине кај северниот сосед и во регионот воопшто. Не помина долго време, а Тијана веќе се најде во студио за да ја отпее и сними својата верзија на „Километри“ во која сесрдно и помогнаа самите автори: композиторот Лазар Цветковски, авторот на македонските стихови - неговата сестра Магдалена, кои заедно со Лозано и ги отпеале придружните вокали, додека српската варијанта на текстотја адаптирал Милан Милетиќ.

Продукцијата на темата е на Лазар Цветковски додека виолината во песната ја свири уште едно познато македонско име, Димитар Андоновски, чија вештина на прстите и умешноста со гудалото обвој пат ги замениле неговите вокални способности. По аудио делот, Тијана го најави и видеото на „Километри“ зад кое застана видеопродукцијата на уште македонец од Белград - Антонио Павловски и неговата „Сторителер“ кој на прекрасен начин ги визуелизирал емоциите и целата патина и тежина која во себе ја носи пораката на стиховите на овој македонски музички „бестселер“.

Очигледно Тијана и самата се нашла во него, односно стиховите ја допреле за да ја извади целата своја експресија и во вокалната изведба и во актерската глума во видеото, кои популарната „Ула“ ги направила на маестрален начин. Затоа и стои можноста, што е ретка прилика во последниве години кај нас, еден комплетно македонски аудиовизуелен производ да успее да направи вистински бум не само кај јужниот сосед, туку и во регионот,а со тоа и ширум да ги отвори и онака веќе подотворените врати кои Дарко Димитров со својата работа и соработка со балканските ѕвезди како Марија Шерифовиќ, Емина Јаховиќ, Анастасија Ражњатовиќ, Јелена Розга... успеа прв да ги отклучи.

„Живеам да се вратам“ - пее во своите „Километри“ Тијана, а ние живееме да го дочекаме денот кога ќе остане само разликата во километри, а не и во популарноста и успехот на македонските автори и изведувачи во однос на останатите од регионот! https://www.youtube.com/watch?v=VSrSiyPsbDQ

Досега не се појавуваше во јавност: Ова е најстарата ќерка на Ацо Пејовиќ (фото)

Христина Ѓоргиевска — Wed, 18 Jul 2018 09:38:46 +0000

Пејачот Ацо Пејовиќ во јавноста ретко се појавува со неговите ќерки. Тој со сопругата Биљана има три ќерки, Марија, Магдалена и Ива кои се нивна гордост. Пред две години неговата ќерка Марија се запишала на Медицински факултет, а тогаш гордиот татко ја частил патување во Америка. Додека пак за нејзиниот 18ти роденден и купил автомобил.

Најстара пејачка на Пејовиќ дипломирала на ФОН, а што ќе добие како подарок од нејзиниот татко останува да видиме. На свадбата на Александра и Филип, Магдалена го фати бидермајерот, па според народните верувања кој го фати бидермајерот е следен кој ќе заплива во брачните води.

Дали ќерката на Пејовиќ ќе биде следна која ќе заплива во брачните води останува да видиме.

(ФОТО) Најзгодните близначки на Софискиот маратон им покажаа на Бугарите дека му нема рамно на македонското девојче!

Антонио Димитриевски — Wed, 18 Oct 2017 11:59:22 +0000

Од содржините на Вистина.мк неодамна имавте можност да ги запознаете сестрите Марија и Магдалена Гаврилови, кои преку спортскиот и здрав начин на живот, а и со своите совршено градени тела ги освоија вашите симпатии.

Младите 26 годишни близначки од Кочани, Марија и Магдалена за себе велат дека не би можеле да го замислат својот стил и начин на живот без спортот и вежбањето. Дека посветено се трудат да изгледаат атлетски и секси потврдуваат фотографиите на нивните профили на социјалните мрежи каде имаат бројни следбеници.

Функционираат неразделно една од друга, а покрај истиот избор на факултетот за правни науки, Марија и Магдалена имаат исти пасии и гледишта кон животот. Без спортувањето не би можеле да го замислат своето секојдневие, а на секој маратон во трчање тие се први на позиција со својот натпреварувачки дух. Неодамна двете се упатија кон Бугарија, каде трчаа на Софискиот Маратон и освоија медали со кои се пофалија на Фејсбук. Инаку, Марија и Магдалена не пропуштаат ниту еден маратон. Неодамна трчаа на Скопскиот маратон, а пак претходно беа на трка и во Подгорица. Доколку ви треба мотивација за вежбање, тогаш Марија и Магдалена секако се вистинскиот поттик за тоа.