мачки – Вистина.мк

Сопствениците на домашни миленици на двојна мака: И кучињата и мачките ќе мора да патуваат со пасош со „Северна“

Антонио Димитриевски — Sat, 09 Mar 2024 07:44:27 +0000

Сопствениците на кучиња и други животни во Македонија за кои е задолжителна патна исправа за патување во странство треба да имаат патни исправи со „Северна“ место Република Македонија. Ветеринарните амбуланти, кои ги издаваат овие документи, засега немаат добиено известување дали тие што имаат патни исправи за милениците со старото име задолжително треба да ги сменат. Но, за разлика од проблемите на граѓаните со налепниците НМК, испаѓа дека државата била поорганизирана за патните исправи на кучињата, мачките и останатите животни, па патни исправи за нив со „Северна“ се издаваат повеќе години.

Ова треба да го знаат сите кои чуваат мачка: Вашето милениче вака ви покажува најискрена љубов

Слаѓана Атанасова — Mon, 22 Jan 2024 13:10:02 +0000

Кога малите предатори го споделуваат својот плен со вас, тоа мора да е знак на љубов. Исто така, ако ви ги донесат своите играчки, тоа значи дека многу ве сакаат. Мачката ќе ви ја покаже својата љубов на свои специфични начини, како на пример да го трие лицето од вашето за да ве обележи со својот мирис, да ви го покаже стомакот и да ве стиска со шепите. Сепак, еден од најчудните начини на кои мачките го прават тоа е кога ќе ви го донесат својот плен. Многу сопственици на мачки, особено оние кои имаат пристап однадвор, наишле на ситуација кога нивната миленичка донела глушец, врапче, гуштер или слично мало животно кое успеала да го фати до нивниот праг или во куќата. Не е типично за мачките да го јадат својот улов и тоа го прават многу ретко, попрво ќе ви го донесат, без разлика дали е мртов или жив. А кога мачето гордо ќе ви го донесе својот плен, не го карајте бидејќи на тој начин таа всушност ви покажува дека ве сака и ве смета за дел од нејзиното семејство. Исто така, тоа е начинот на кој сака да ви се заблагодари што ја нахранивте. Без разлика колку се припитомени, мачките сè уште ги имаат своите ловечки инстинкти, кои се зачувани во последните неколку стотици години. Мачките се горди на своите ловечки вештини и кога ќе ви го донесат својот улов, ви носат подарок – така го толкуваат тој чин. Кога малите предатори го споделуваат својот плен со вас, тоа мора да е знак на љубов. Исто така, ако ви ги донесат своите играчки, тоа значи дека многу ве сакаат. Ако сепак сакате да го спречите вашето домашно милениче да фати птици, глувци и други мали животни и да ги внесе во вашата куќа, првото нешто што можете да направите е да ги спречите да излегуваат надвор, доколку е можно. Секогаш е побезбедно мачките да бидат внатре за да не се повредат или залутаат. Исто така, можете да и понудите на мачката некоја подвижна играчка која може да ја брка низ куќата и многу да се забавува додека го прави тоа. Ова треба да ги задоволи истражувачките и ловечките инстинкти на ова многу љубопитно и интелигентно животно. Извор: Курир Фото: freepik

Мачките имаат 300 различни изрази на лицето: Необични резултати од едно истражување

Слаѓана Атанасова — Fri, 10 Nov 2023 12:58:56 +0000

Дали некогаш сте се запрашале што значат изразите на лицето на мачката за вас или за другите мачки? Студија од Универзитетот во Калифорнија (UCLA) може да ни помогне подобро да ги разбереме овие мистериозни миленичиња и што се обидуваат да кажат со нивните изрази. Истражувачите забележале дури 276 уникатни изрази на лицето кај мачките што ги проучувале, додека шимпанзата, за споредба, имаат околу 357 различни изрази на лицето. Друга интересна работа во врска со ова истражување е тоа што мачките делат некои заеднички изрази на лицето со луѓето. Ова може да биде фасцинантно, имајќи предвид дека мачките се домашни миленици илјадници години. Можеби во тој долг период на соживот со луѓето, тие усвоиле или развиле некои изрази на лицето слични на нив. Овој факт го покренува прашањето како во текот на нашата историја на заеднички живот сме влијаеле на начинот на кој мачките комуницираат со нас и едни со други, наведува Би-Би-Си. Иако оваа студија е многу интригантна, потребни се дополнителни истражувања за да се добие подлабоко разбирање на оваа сложена динамика на изразот на лицето кај мачките. Разбирањето на овие сигнали може да ја подобри нашата комуникација со нашите мачки и да ги подобри нашите односи со нив. Идните истражувања се надеваме дека ќе ни дадат повеќе увид во оваа магична врска меѓу нас и нашите крзнени пријатели. Извор: Попара

Зошто мачките сакаат да спијат кај сопственикот? Тоа им е омиленото место

Слаѓана Атанасова — Mon, 23 Oct 2023 08:10:03 +0000

Ретко кој може да им одолее на овие харизматични животни. Мачките се суштества кои луѓето ги припитомиле уште од античко време и се ценети и денес, иако не како во Египет – како богови. Но, да се вратиме на темата. Британските научници неодамна решија да откријат зошто мачките секогаш сакаат да се гушкаат покрај своите сопственици и дојдоа до овие три теории:

1. Топлина и лековити способности Мачките нормално имаат повисока телесна температура од нас, па логично им треба повеќе топлина за да се загреат. Луѓето губат најголем дел од својата топлина преку главите, па можеби тоа е причината зошто некои мачки сакаат да лежат на нашите глави или перници во текот на ноќта. Покрај тоа, долго време се веруваше дека мачките имаат исцелителна моќ. Овие „натприродни“ сили може да се објаснат едноставно. Имено, често делот од телото кој ни е повреден има повисока температура, па затоа мачките секогаш „се нацртуваат“ таму, како да знаат дека токму тоа место нè боли. 2. Неодолив мирис Мирисот на сопственикот ги привлекува мачките. Мачките особено го сакаат мирисот на жените чија коса мириса убаво, дури и толку многу што може да почнат да ја лижат. Сепак, треба да бидете внимателни, бидејќи плунката на мачката може да содржи преносливи бактерии кои можат да влијаат на здравјето на вашата кожа и коса. 3. Безбедност Кога е блиску до вас и го чувствува вашиот мирис, вашата мачка се чувствува поудобно и посигурно. Често се случува доаѓањето на гости да ја вознемири мачката и да ја направи депресивна бидејќи и е нарушена секојдневната рутина, но затоа мачката ќе легне со вас за да се чувствува побезбедно. Затоа, секогаш дозволувајте вашата мачка да спие на вас. Освен што ќе ве загрее, ќе ја намали болката на болните места и ќе ве смири со нејзиното предење. Мора да признаете дека е прекрасно да се галите со меко суштество додека гледате телевизија или читате книга. Извор: Попара.мк

Овој текст ќе го разберат само луѓето кои сакаат мачки

Слаѓана Атанасова — Tue, 04 Oct 2022 12:39:55 +0000

Чувањето мачки е добра и корисна навика. Зошто? Петте причини кои ќе ви ги презентираме, можеби не се научно докажани, но се докажани од луѓето кои ги обожуваат мачките, а еве кои се тие. Мачките го чуваат менталното здравје Мачките се омилено домашно милениче за забава кога навистина имате психички оптеретувања. Мачката знае да ве насмее, да ве разнежни со самиот поглед, а исто така може и да ве сослуша како најдобрата пријателка. Можете да и кажете се, таа и покрај тоа што сте згрешиле ќе ве погледне милно и ќе предизвика чувство на восхит и добро расположение кај вас. Мачката наместо седатив Кога се чувствувате вознемирени или ако патите од несоница, пробајте со вашата мачка. Ако ја прегрнете или легнете до неа таа ќе ја впие целата ваша негативна енергија и ќе ви даде волја за живот. Оние кои пробале рекле дека овој лек навистина делува. Мачката ве штити од штетното влијание на компјутерот Ако мачката дојде до вас и скокне во вашиот скут додека куцате на тастатура, немојте да ја бркате, бидејќи познавачите велат дека мачките ги апсорбираат зрачењата и негативните влијанија од компјутерот. Мачките го намалуваат ризикот од инфаркт Дружењето со мачката и со другите домашни миленичиња докажано го намалуваат ризикот од инфаркт и други заболувања, па според тоа дружењето со мачката го намалува и ризикот од прерана смрт. И за крај … не заборавајте Вие сте на нејзина територија, иако ве чувствува како газда, таа има инстинкт со кој смета дека треба да ве заштити. Затоа, одржувајте ја нејзината хигиена и одржувајте го нејзиното здравје на ветеринар, за да можете безгрижно да се дружите со неа. Доколку патите од алергиска астма или ако имате било каква алергиска реакција на влакната од мачката, тогаш за жал не би смееле да бидете во контакт со ова животно. Извор:Курир.мк

Игор Џамбазов од прва рака во живо покажа, како се режира „Ромео и Јулија на дојрански начин“: Жена или храна? (ВИДЕО)

Антонио Димитриевски — Fri, 04 Mar 2022 09:15:01 +0000

Актер, водител, шоумен, блузер, писател... Игор Џамбазов сега на својата лепеза од професии додаде уште една - режисер! И тоа откако од прва рака, во живо покажа како се режира една љубовна драма, со среќен крај... Белким! Само што овој пат во главните улоги не беа тој самиот и неговата сакана Илина, туку сосема два други крзнени субјекта. Емилија, нагалено Емче и зетот Дончо! Таа шарена, природно надарена со сите бои, испружена да се сонча на симсот покрај прозорецот, тој жолт, навидум кутар, јаден и гладен под прозорецот! Таа мудро молчи и заводливо го гледа, тој моли, кука, плаче од глад... За љубов, или...? Храната не сака ниту да ја помириса, зашто фаталната Емче на нешто сосема друго му мириса... Ама сепак на празно меше, страв му е „у љубовни прегратки да се фане, да не му се деси да омане“! И тука настанува заплетот без расплет на љубовната драма наречена „Ромео и Јулија на дојранскои начин“, како микс од славното книжевно дело и локацијата на која со причина се одвива оваа драмолетка во два чина. Само што првиот го видовме, а вториот само можеме да го насеетиме и претпоставиме... Зашто режисертот и воедно наратор на љубовната приказна Игор Џамбазов, меѓу редови дискретно го најавува расплетот со прашањето: „Што бараш ти?“ - обраќајќи му се на зетот Дончо. „Жена или храна? Храна...? Утре дојди“! - сакајќи на некој начин да објасни дека на Емче не и до заедничко јадење, туку и е до... Е, де... До галење! Арно ама и кај мачките по се' изгледа светот се изопачи... Зетот прво би да јаде, па после да ја омачи!

View this post on Instagram

A post shared by Игор Џамбазов (@igordzambazov)

Фото: Инстаграм принтскрин/igordzambazov

Знаете ли зошто мачките го носат својот уловен плен кај сопствениците?

Антонио Димитриевски — Sat, 02 Oct 2021 09:40:27 +0000

Доколку редовно ја пуштате вашата мачка надвор од домот, многу е веројатно дека таа веќе неколкупати го донела својот улов кога се враќа дома. Списанието „Натјурал комјуникејшнс“ (Natural Communications) открива зошто мачките го прават тоа. Во куќата, мачките најчесто само спијат или си играат, но кога ќе се најдат в природа, тие целосно му се препуштаат на својот ловечки инстинкт. Мачките се многу способни, паметни и вешти грабливци. Имаат многу развиен ноќен вид и неверојатно брзи и умешни движења… Ловот е вештина што ја учат од нивната мајка, која им носи мртви животни, а подоцна и полуживи за мачињата „да ја довршат работата“. Кога мачињата ќе пораснат, мајката ги зема со себе на лов. На овој начин мајката ги учи малечките да преживеат во дивината. Набљудувајќи го ова, познавачите заклучиле дека мачките им го носат уловот на сопствениците за тие да се нахранат или да им се заблагодарат за грижата. Тој „подарок“ обично се мртви птици, глувци и други помали животни.

Ветеринарите предупредуваат: Еве на што треба да посветите особено внимание ако сте во самоизолација и имате мачка!

Слободанка Илиева — Mon, 13 Apr 2020 13:05:30 +0000

Сопствениците на мачки кои се во самоизолација и со симптоми на коронавирусот, треба да ги задржат милениците во својот дом за да спречат животното да го пренесува вирусот доколку го има на крзното, советуваат ветеринарите. Претставниците од британското здружение на ветеринари соопштиле дека животните може да бидат преносители и може да го задржат вирусот на своето крзно доколку ги допре човек кој е заразен со коронавирус. Тие на сопствениците на миленичиња кои имаат коронавирус или се во изолација, им препорачуваат нивната мачка да ја чуваат затворена, доколку имаат услови, се додека не помине периодот на инкубација и додаваат дека вирусот може да преживее на нивното крзно, исто како и на другите површини, како што се масите и кваките. Тие нагласуваат дека сопствениците на миленичиња треба особено да внимаваат на хигиената на рацете. Ветеринарите истакнуваат дека не советуваат сите мачки да останат во затворен простор, по секоја цена, туку дека сопствениците треба да го сторат тоа само ако мачката сака да е дома. Исто така, додаваат дека некои мачки не можат да останат во затворен простор поради здраствени причини и тоа е премногу стресно за нив. Има многу малку случаи во кои животните се позитивни на коронавирусот, еден од нив е тигар во зоолошката градина во Бронкс, но дури и во тие случаи нема докази дека животните може да им го пренесат вирусот на луѓето. Многу е важно луѓето да не паничат за своите миленици. Нема докази дека животните може да ја пренесат болеста на луѓето, советуваат од Британското здружение на ветеринари. Врз основа, се претпоставува дека кучињата не покажуваат симптоми, но мачките може да покажат клинички знаци на болеста. Поголема причина за загриженост е доколку заразените сопственици ги галат мачките, и потоа тие го напуштат домот, а потоа ги галат, чешкаат и гушкаат други луѓе. Сепак, мислењата се поделени во врска со прашањето дали миленичињата може да го пренесат вирусот на овој начин. Американското ветеринарно медицинско здружение има поинакви совети за сопствениците на миленичиња. Тие на нивната официјална веб-страна објавиле дека важно е да се запомни дека во моментот нема причина да се верува дека домашните животни може да бидат причина за заразување со новиот коронавирус. Затоа, не постои причина за да се отстранат миленичињата од домовите во кој има позитивни на ковид 19, освен ако постои ризик заразеното лице да не може да се грижи за нив. Во ваквите случаи, миленичињата и луѓето имаат потреба од меѓусебна поддршка, а ветеринарните лица треба да се погрижат за нивното добро, објаснуваат тие. Според нив, теоретски, ако пациентот кој го има вирусот во својот нос го допира носот и вирусот се пренесе на рацете, па го погали кучето, а потоа друг член на семејството го погали кучето на истото место и се допре на носот, тогаш би можело да дојде до пренесување на вирусот, Но, додаваат и дека доколку живеете во куќа со личност која е заразена од вирусот, фактор на ризик е човекот, а не миленичето. извор:кафепауза.мк

Домашните мачки да не се пуштаат надвор, препорачуваат ветеринарите

Христина Ѓоргиевска — Wed, 08 Apr 2020 13:00:40 +0000

Британските ветеринари препорачуваат домашните мачки да не се пуштаат надвор, како превентивна мерка против ширењето на новиот коронавирус, јави Би-Би-Си. Сепак, сопствениците на мачки „не мора да се грижат“, додаваат од Британската ветеринарна асоцијација. –Нема случај на домашно милениче, куче или мачка, да го заразило својот сопственик со Ковид-19, рече д-р Анжел Алмендрос, од Градскиот универзитет во Хонг Конг. Мачките е добро да не излегуваат надвор, затоа што новиот коронавирус може да им остане во крзното, како и на која било друга површина, доколку тие биле во контакт со заразено лице. Затоа, забраната за излегување треба да се однесува и на домашните миленичиња. извор:курир.мк