мац награди – Вистина.мк

Водителката на црвениот тепих на МАЦ наградите ги „сликаше“ гаќичките: На Уна Сениќ меѓуножјето, за момент повозбудливо од доделувањето? (ФОТО)

Антонио Димитриевски — Fri, 27 Jan 2023 12:09:02 +0000

Уна Сениќ беше една од презентерките на церемонијата на музички награди (MAC) организирана од Skymusic. Водителката разговараше со познатите личности на црвениот тепих, но и известуваше за атмосферата од бекстејџот, а бидејќи програмата во живо е спонтана и непредвидлива, доживеа и незгода. Според кодексот на облекување, Уна се појавила во црн фустан со длабоко деколте, а камерите успеале да снимат незгодниот момент. Во еден момент од под мрежестите хулахопки, на видело изглегоа црните секси гаќички од тантела на згодната водитека, а тој момент со брзина на светлината стана вирален на социјалните мрежи. Ова предизвика лавина коментари, а малиот пех, колку и да беше непријатен, за момент го префрли целиот фокус од гламурот на церемонијата на долната облека на водителката. Ништо страшно... Се случува... Повеќето од ТВ гледачите, дури жалат и што не е почесто! Фото: Јутјуб/ Инстаграм принтскрин/una_senic

Емотивно: Поради овие зборови на ќерката на Шабан Шаулиќ настана молк на музичките награди во „Штарк Арена“ (фото)

Слободанка Илиева — Tue, 28 Jan 2020 11:43:31 +0000

На синоќешната церемонија на доделувањето на наградите MAC во Штарк Арена во Белград, пејачката Илда Саулиќ ја искористи можноста да прочита писмо до нејзиниот покоен татко. Таа ја прими наградата што постхумно му припадна на нејзиниот татко, а тишината во публиката по емотивното обраќање на Илда беше прекинато кога таа ја испеа еден од најголемите хитови на Шабан, песната„ Жал “. - Ги остави срцата исполнети со тага, но со гордост. Сакам да верувам дека таму каде што си се одмори и дека не чуваш. За нас, никогаш не си заминал и никогаш нема да заминеш. Затоа ти ветувам дека како и секогаш, ќе те сакаме неизмерно и ќе те правиме горд “, рече Илда со растреперен глас, а потоа запеа. Над 15 000 луѓе ја пееја песната „Жал“ заедно со Илда во чест на нејзиниот починат татко Шабан Шаулиќ, што уште еднаш се покажа колку е почитуван и дека неговите песни ќе бидат слушани и по неговата смрт.

Регионот обединет ќе ја слави музиката на MAC, а еве која позната македонска пејачка ќе биде водителка на спектаклот во „Штарк Арена“ (фото)

Слободанка Илиева — Thu, 23 Jan 2020 08:58:07 +0000

Долго очекуваниот MAC 2020 во Штарк арената се ближи, а атмосферата на регионалното доделување на музичките признанија на 27 јануари да биде на највисоко ниво, ќе се погрижат најпрепознатливите ТВ-лица од регионот. Живиот пренос на MAC килимот почнува во 19:30, а по него ќе прошетаат повеќе од 400 познати лица од шест земји учеснички: Србија, Хрватска, Босна и Херцеговина, Северна Македонија, Црна Гора и Словенија. За возбудувањето пред најголемата регионална манифестација и очекувањата, како и за свечените тоалети, со нив на црвениот килим ќе разговараат водителите Николина Пишек, Бошко Јаковлевиќ и Тамара Пауновиќ.

MAC е единствено признание кое, освен што го покрива целиот регион, го носи искрениот вкус на публиката, без плеткање на професионалците или критичарите. Искрената лакмусова хартија на она што го сака публиката без какви било филтери", вели Николина Пишек и додава: „Доза на омилените изведувачи во гламурозно издание пред очите на оние кои едвај чекаат да ги видат. И уште сето на едно место!"

Бошко Јаковлевиќ беше на црвениот килим и на претходниот MAC.

Минатата година, исто така, бев и имав можност да присуствувам на настан кој продукциски е сработен по светски стандарди. Јас генерално ја сакам музиката, а MAC е единствена можност таму да сретнам неверојатни луѓе од тоа поле на уметноста", вели Бошко.

Преносот на манифестацијата почнува во 21 часот, а домаќини на вечерта во Арена ќе бидат Галеб Никачевиќ, Ана Радишиќ и Тамара Тодевска. Шармантната водителка на ТВ РТЛ од Хрватска Ана Радишиќ вели дека многу се радува на годинешниот MAC:

Секому кој следи и создава музика му е чест да биде дел од овој музичко-продукциски телевизиски спектакл. Одлично е што на едно место ќе го имаме собрано целиот музички регион и сите најголеми музички ѕвезди, од сите жанрови! Минатата година бев одушевена од сето што таму го видов и доживеав, а и наградата која стигна во рацете на организацијата е доказ за големината на манифестацијата. Импонира и чест ми е да се дели сцената со сите тие имиња. Возбудена сум и среќна! Ветувам дека ќе им бидам вистински домаќин на сите во Штарк арената, но и пред малите екрани пред милионската публика."

Со неа на бината силите ќе ги здружат и Тамара Тодевска и Галеб Никачевиќ.

Алтернативната уметност за да биде алтернативна, таа мора да биде во однос на нешто. Според правилото, тоа би бил меинстримот. Популарната уметност ги поставува основните рамки, но сигурно тргаме кон остварување на стабилен пазар на популарна култура и се оддалечуваме од нормативниот дискурс во кој луѓето ги делиме на оние кои го слушаат ова или она што е истовремено и чекор поблиску до остварување на култура на дијалог која е предуслов за прогресивна заедница", вели Галеб и додава: „Овие промени, се разбира, не се случуваат одеднаш. Тие се постепени и навидум незабележливи, но фактот дека денес може да се организира еден ваков спектакл во кој се наоѓаат сите слоеви на културниот хабитус на едно место е доказ за овој напредок, кој пред десет, петнаесет или дваесет години, едноставно, не беше возможен."

Тамара Тодевска вели дека е мошне среќна што ќе биде дел од MAC:

Тоа е ноќ во која ја славиме музиката, различноста и што е најважно – неверојатниот талент на нашите регионални музички уметници."

Гледачите од Србија ќе можат да ја следат манифестацијата на програмата на ТВ Пинк, во Хрватска на ТВ РТЛ, емитер во Црна Гора е РТЦГ, во Северна Македонија Канал 5, во Босна и Херцеговина РТРС и ФТВ, а во Словенија ТВ3.

Спектакуларна сцена за доделувањето на МАС наградите

Антонио Димитриевски — Tue, 21 Jan 2020 09:30:05 +0000

Шест поврзани подвижни бини, повеќе од 800 квадратни метри простор на сцените на кои најголемите ѕвезди од регионот ќе ги изведуваат специјално осмислените настапи, најсовремени ЛЕД екрани кои ќе се склопуваат и расклопуваат во воздух, 1 200 светлосни тела и досега најголемо ласерско шоу кога било изведено на овие простори – така накусо би можела да се опише атмосферата на претстојниот MAC, што ќе биде одржан на 27 јануари во Штарк арената. Продукцијата на манифестацијата Music Awards Ceremony ќе биде уште помодерна и пораскошна од лани, најавуваат организаторите од Скајмјузик и ветуваат спектакл за гледачите во Арена, како и за сите оние кои манифестацијата ќе ја следат на телевизиските екрани во шесте земји учеснички: Србија, Хрватска, Босна и Херцеговина, Северна Македонија, Црна Гора и Словенија. Комплетната опрема на Скајмјузик, познат по техничката продукција на концерти на домашни и светски ѕвезди, ќе биде прикажана на настанот во полн сјај. Каскадно поставените бини со подвижни елементи и самите ќе се „движат“ по просторот во Арена. Специјалните сценски ласери на најпознатиот светски произведувач Квант, кои досега се гледани само на најпрестижните светски манифестации како филмскиот фестивал во Кан и на Евровизија, ќе бидат користени на MAC церемонијата. Најавени се повеќе од 1 000 квадратни метри ЛЕД екрани, преку 1 200 интелигентни светлосни тела, пиротехника од последната генерација, а сето ќе биде инсталирано на неверојатни 400 моторни дигалки, а на MAC продукцијата лимит ѝ претставува само носливоста на покривната конструкција на Штарк арената. Специјално осмислени и режирани настапи на MAC ќе изведат Лепа Брена, Јелена Розга, Сенидах, Буба и Џала, Нина Бадриќ, Калиопи, Тончи Хуљиќ, Невена Божовиќ, С.А.Р.С., Балканополис, Мањифико, Who See, Сара Јо, Оливер Мандиќ, Александра Радовиќ, а во план е и специјален заеднички настап на 11 рап и поп музичари со актерот Виктор Савиќ. Свеченото доделување на наградите на MAC 2020 ќе трае околу три часа, а церемонијата ќе ја пренесуваат најгледаните телевизии во сите земји учеснички. Гледачите од Србија ќе можат да ја следат манифестацијата на програмата на ТВ Пинк, во Хрватска на ТВ РТЛ, емитер во Црна Гора е РТЦГ, во Северна Македонија Канал 5, во Босна и Херцеговина РТРС и ФТВ, а во Словенија ТВ3. Преносот во живот од MAC килимот почнува во 19:30, а преносот од манифестацијата почнува во 21 часот.

Калиопи заедно со Лепа Брена, Сенидах, Тончи Хуљиќ… ќе настапува на MAC

Антонио Димитриевски — Fri, 27 Dec 2019 13:41:05 +0000

Организаторите на MAC најавија спектакл во Штарк Арената на 27 јануари, а веќе со првите објави на имињата кои настапуваат, дефинитивно тоа и го потврдија – Лепа Брена, Сенидах, Тончи Хуљиќ и Калиопи настапуваат на церемонијата, а својот настап веќе го најави и Нина Бадриќ. Една од најголемите регионални ѕвезди Лепа Брена вели дека публиката на MAC ќе има можност да види нешто сосема поинакво: „Знаеме дека MAC ги собира најквалитетните и најдобрите во овој регион и исклучителна чест и задоволство ми е на покана од организаторите да настапам на оваа манифестација“, вели Брена и додава: „Секогаш настојувам да бидам нова, да бидам поинаква и на MAC публиката може да очекува нешто сосема свежо и поинакво. Ќе кажам само дека настапот ќе се состои од еден необичен микс на неколку од моите најпознати песни, а како тоа ќе звучи и изгледа ќе видите на 27 јануари во Штарк Арената во Белград.“ Легендарниот Точни Хуљиќ на претходниот MAC настапи заедно со Јелена Розга, придружувајќи ја на клавир, а овој пат подготвува специјален настап чии детали сè уште сака да ги открива. Сепак, навести дека станува збор за негова балада која ја напиша за една мега-ѕвезда, во чија изведба песната доживеа неверојатен регионален успех. https://www.youtube.com/watch?v=BvgA7_8rxXI&feature=youtu.be Music Awards Ceremony ги собира најголемите ѕвезди од 6 земји и ги спојува сите музички жанрови за време на тричасовната церемонија на доделување на признанијата. Моментално најпопуларната треп ѕвезда во регионот Сенида, која за песната „Слаѓана“ на претходниот MAC го понесе признанието за најдобра хип-хоп и треп нумера според публиката, не го крие воодушевувањето што и овој пат ќе настапи на церемонијата. „MAC е најголем музички настан кај нас и среќна сум што и годинава ќе бидам дел од него. За прв пат ќе настапам со својот бенд, што ќе биде можност да се претставам и малку поинаку, и едвај чекам! Особено ми е драго што годинава и Словенија е дел од приказната, сега сите сме на куп! Се гледаме во Арена!“ Желби за среќна и успешна MAC 2020 година доаѓаат и од Македонија, од големата регионална ѕвезда Калиопи која го најавува својот настап на церемонијата: „Морам да ја пофалам организацијата за начинот на кој сè ставија под едно небо, посветувајќи му на секој музичар доволно внимание и значење, сето сценски да биде проследено на еден светски начин.“

Кошкање и препирка во бекстејџот на Карлеуша: Фоторепортер и новинар се обидоа да снимаат, обезбедувањето ги спречи (ВИДЕО)

Антонио Димитриевски — Wed, 30 Jan 2019 11:39:16 +0000

Во бекстејџот, поточно во гардеробата на Јелена Карлеуша за време на одржувањето на МАЦ (Music Award Ceremony) наградите се одвиваше вистинска драма. Логично, после секс аферата интересот за неа беше најголем, па откако таа ја отпеа својата песна „Лајк“ побрза кон својата гардероба.

Новинарот и фоторепортерот на хрватски „24 сата“ успејаа некако да дојдат до бекстејџот и кога се подготвуваа да и постават прашање и да фотографираат, обезбедувањето од тимот на Карлеуша ги спречи во намерата.

„Што парвиш?“ - му викна членот од тимот на пејачката на фоторепортерот, малку оттурнувајќи го со лактот од себе, а овој му возврати: „Што ме допираш? Зошто ме туркаш?“

Ревносниот соработник на српскат музичка дива го спречи фоторепортерот да фотографира, а со другата рака го попречуваше новинарот кој се обиде во живо ( Фејсбук лајв) да се вклучи и да снима.

„Држи го овој со мобилниот“ - викшеа човекот од тимот на Карлеуша, која се правеше како да не ги слуша новинарските прашања, а обезбедувањето нејзе и нејзиниот тим ги изнесе на помошниот излез.

Карлеуша со спектакуларен настап на МАЦ: „Решив да бидам хероина на својот живот, а не жртва во вашите очи“ (ВИДЕО)

Антонио Димитриевски — Wed, 30 Jan 2019 09:54:22 +0000

„И еве ја. После се. Еве ја мајката на две деца. Сопруга. Ѕвезда. Нејзиното достоинство. Нејзиното име. Има убава кожа. Бледа е. Како да е овде веќе долго. Иако кога поубаво ќе погледам, нешто ми недостига овде. Не гледам крв. Не мириса на неа. На насилство без нож. Без пиштол. На зло. И тоа оноа, кое веќе не може да влијае на неа, па решила таа да влијае на тоа, како другите ја гледаат. Поради неа и сите нив, решив да бидам хероина на својот живот. А не жртва во вашите очи“ – со својот говор во пораката од моќното видео Јелена Карлеуша го започна настапот на МАЦ наградите во Белград.

Очигледно директно обраќајќи им се на медиумите кои по секс скандалот и порно аферата со босанскиот фудбалер буквално ја „распнаа“ и визуелно „распната пред објективот“, српската „мала од скандала“ го започна својот спектакуларен настап, од кој на многумина им застана здивот и им се смрзна крвта во жилите.

Погледнете како сето тоа изгледаше вчеравечер, вторник, 29 јануари 2019 год. во Штарк арената во Белград:

View this post on Instagram

New song #LaJK @music.awards.ceremony Art director @zoranbirtasevic Costume designer @zigman_official (JK&dancers), @stefanorlic (dancers) Song @tragofficial Lyrics @gazda_paja_official Choreography @zilenium & ?? @zigasotlar WE DID IT!?????? Thank you @gazda_paja_official ??@ljubicatriss @masastudiokristal @dakicjovana @itsmealeksa @marina___simic and many many more.... ???????? #budihejterbacilajk

A post shared by JELENA KARLEUŠA (@karleusastar) on Jan 29, 2019 at 11:20pm PST

Масимо, Плави оркестар, Емина, Розга, Раста… погледнете го конечниот список на настапи на MAC!

Антонио Димитриевски — Fri, 18 Jan 2019 11:46:24 +0000

Масимо Савиќ, Јелена Розга, Лете штуке, Емина Јаховиќ, Вива Вокс, Лолобриџида, Плави оркестар, Раста и Аца Лукас настапуваат на MAC, потврди Скајмјузик, кој го организира и продуцира првото регионално доделување на музичките признанија Music Awards Ceremony (MAC). Своите настапи на спектаклот на 29 јануари во Штарк арената претходно ги потврдија и Петар Грашо, Жељко Јоксимовиќ, Ван Гог, Стјепан Хаусер, Марија Шерифовиќ, Тони Цетински, Бајага, Сергеј Ќетковиќ, Каролина Гочева и Јелена Карлеуша. Ниеден настан во регионот никогаш досега не собрал олку ѕвезди на едно место што MAC го прави единствена манифестација на која, освен специјално осмислените живи настапи, ќе бидат доделени и повеќе од 25 признанија. Тричасовната церемонија ќе биде организирана по највисоки светски продукциски стандарди со присуство на повеќе од 200 ВИП личности, кои ќе прошетаат по црвениот килим. Селебрити гостите од регионот во Белград ќе бидат сместени во хотелот Crowne Plaza, во кој ќе биде организиран и коктел по повод одржувањето на првите MAC. Билетите се достапни на www.tickets.rs https://www.youtube.com/watch?v=lZL5XNPHzE0&feature=youtu.be

Овие 30 македонски изведувачи се во трка за првите регионални музички награди на МАС 2019

Антонио Димитриевски — Wed, 16 Jan 2019 12:00:39 +0000

Започна вториот круг на гласање онлајн и преку СМС И официјално започна вториот круг на гласање за првите регионални музички награди што ќе бидат доделени на 29 јануари во арената „Штарк“ во Белград, на манифестацијата наречена „Мјузик авордс серемони“ или МАС. Во прелиминарниот список со номинации се најдоа 30 македонски изведувачи, но тој број сега е доста помал бидејќи во секоја категорија останаа само по шест номинирани, односно по шест уметници/дела кои добиле најмногу гласови во текот на првиот круг. Имено, македонската публика сега ќе може да го даде својот глас само за шест домашни песни и изведувачи, меѓу кои „Ај кју“, Сара Мејс, „Фанк шуи“, Каролина Гочева, „Некст тајм“ и Лина Пејовска. Минатогодишните евровизиски претставници успеаја да влезат во потесниот круг во категоријата најдобра поп-песна од бенд со темата„Мојот крал“, а Сара Мејс со своето „Небо“ се натпреварува за титулата најдобра алтернативна електро-поп нумера. Фуриозната тројка „Фанк шуи“, пак, со својата „Виулица“ е во трка за наградата за најдобра рок-песна, а потенцијални добитници на признанието за најдобра етно-песна се Каролина Гочева за „Ти не дојде“ и „Некст тајм“ за ремек-делото „Слушам кај шумат шумите“. Од вкупно шесте македонски изведувачи што беа номинирани за најдобар нов изведувач, најмногу гласови успеа да добие некогашната Пинкова ѕвездичка Лина Пејовска.

Иако првично беше номинирано во 3, односно во 4 категории, ар-ен-би дуото ДНК не успеа да обезбеди ниту една официјална номинација, а во финалниот список го нема ни Лозано, кој беше номиниран за хитовите „Камо тебе да те имам“ и „Километри“. Правила за гласање преку СМС Како што споменавме, освен бесплатното гласање на официјалната веб-страна на МАС, каде што секој регистриран посетител има право на 20 гласа по категорија, отворени се и линиите за гласање преку СМС, а како што најавија организаторите, сите собрани средства ќе бидат наменети за хуманитарни цели.

Имено, секој може да испрати неограничен број СМС пораки на бројот кој важи за сите мрежи во државата во која се наоѓа. За Македонија тој број е 149 330, а цената на една порака е 35,4 денари. Во пораката задолжително се пишува МАС, потоа се остава празно место, а потоа се впишува редниот број на номинацијата за која се гласа. И бесплатното гласање онлајн и преку СМС ќе трае до 28 јануари на полноќ.

ОНЛАЈН ГЛАСАЊЕ ОВДЕ *На корисникот ќе му биде наплатено и доколку испрати погрешна содржина на пораката, и ако испрати порака по пред почетокот или по крајот на утврдениот период за гласање. Извор:РадиоМК