МАЦ 2020 – Вистина.мк

Албанската претставничка на Евровизија со нов гаф: Прво ги провоцираше Србите покажувајќи двоглав орел на црвениот тепих, па сега ја ископира Лепа Брена (ФОТО)

Антонио Димитриевски — Wed, 19 May 2021 10:59:40 +0000

Претставничката на Албанија на годинешната Евровизија во Ротердам, со нов гаф. Имено, таа најпрвин предизвика скандал кога на црвениот тепих покажа двоглав орел, симбол на така наречената Голема Албанија. Сега, Анџелија Перистери се појави на еден од фестивалските настани со иста црвена тока каква што Лепа Брена носеше на церемонијата на доделување на ланските MAC 2020 награди во Белград. И тоа не е единствениот гаф на албанската претставничка на Евровизија кога станува збор за овој моден детал! Таа се појавуваше преку ден со токата на главата, што е надвор од правилата за носење тока. Строго модно правило е дека токата вечерен моден детал кој се носи исклучиво од 18 часот натаму, а до тогаш строго шешир или шапка. Фото: Инстаграм принтскрин/anxhelaperisteriofficial/lepabrenaa

Калиопи не освои награда на „MAC“, но доби најголеми овации во „Штарк Арена“

Христина Ѓоргиевска — Tue, 28 Jan 2020 09:50:00 +0000

Вчеравечер заврши второто издание на „Music Awards Ceremonу“ каде што учествуваа голем број на регионални ѕвезди. Меѓу домаќинките на шоуто беше и пејачката Тамара Тодевска која заедно со Галеб Никачевиќ, Ана Радишиќ беше една од водителките. Македонската дива Калиопи Букле беше номирана за најдобар концерт, но оваа награда отиде во рацете на Марија Шерифовиќ. Меѓутоа, Опи имаше спектакуларен настап во „Штарк Арена“ и со песната „Роѓени“ кои сите ја знаат како „Бато“ ги воодушеви присутните во салата. Таа пред милионскиот аудиториум уште еднаш ги покажа своите вокални способности и уште еднаш ја оправда титулата за поп дива. За оваа прилика, Калиопи одбра црна комбинација, а во еден момент и „полета“ на сцена.

На МАЦ 2020: „Јас сум Македонец, тоа е Македонија“… Влатко Лозаноски уште еднаш покажа колку е голем и како музичка ѕвезда и како вистински патриот и Македонец! (ВИДЕО)

Антонио Димитриевски — Tue, 28 Jan 2020 07:55:26 +0000

Вчеравечер во „Штарк Арена“ во Белград на спектакуларната музичка церемонија на доделувањето на регионалните музички награди „МАC 2020“, Влатко Лозановски ја освои наградата за најдобра поп-фолк нумера во регионот, за нумерата „Мајко“. Влатко победи во силна конкуренција, меѓу номинираните беа Тропико бенд, Наташа Беквалац, Антонија Шола, Илма Карахмет и Лексингтон бенд. Откако беше најавен како момчето од „Севена Македонија“, Влатко кога излезе на сцената најпрвин им се заблагодари на сите што гласаа за него, ги поздрави своите соработници, организаторот и публиката и како вистински патриот, како горд Македонец ја коригираше најавата со зборовите: „Морам да го поправам Сале... Јас сум Македонец и тоа е Македонија, а не со таа додавка која ја кажа пред малку. Сакам да ги поздравам сите Македонци и да им заблагодарам што ме поддржуваат сите овие години. Ви благодарам уште еднаш и се надевам дека нема да ми забележите што ви се обраќам на македонски јазик...“ - рече Лозано во своето обраќање при примањето на наградата, пошегувајќи се дека слушнал дека впрочем, македонскиот и на Јелена Карлеуша и е најсекси јазик! Со ова регионално признание, но пред се со својот настап и гест Влатко Лозаноски уште еднаш покажа колку е голем... И како музичка ѕвезда и како вистински патриот и Македонец! Впрочем, како и минатата 2019 година, кога беше првиот од малкумината кој одби да пее при промената на името на прославата што ја организираше власта, на која и го врати хонорарот! Како изгледаше овој негов настап и гест во Штарк Арената на МАЦ 2020 во Белград, погледнете во продолжение: