Наташа Беквалац ја одбила оваа песната која има над 32 милиони прегледи на „Јутуб“, а ја пее нејзина колешка

Христина Ѓоргиевска — Wed, 09 Feb 2022 09:26:55 +0000

Наташа Беквалац е некој кој нема влакна на јазикот и секогаш го кажува она што го мисли. Пејачката сега откри детали од нејзиниот живот за кои досега нема зборувано, а се однесува за одлука во нејзиниот приватен живот. Имено, Беквалац ја одбила песна која покојната Марина Туцаковиќ ја напишала специјално за неа. Се работи за нумерата „Лутка“ која на „Јутуб“ има повеќе 32 милиони прегледи. -Не сакам. Кукла. Куклата е убава, нема чувствува, молчи. Затоа и одбив една песна која Марина Туцаковиќ и Дамир Хандановиќ ја напишаа само за мене. Песната ја отпеа една моја колешка и стана хит. Ова никогаш не го кажав. Песна ја отпеа Катарина Грујиќ, изјави пејачката. Таа потенцираше дека не се кае што ја одбила песната. фото: инстаграм/bekvalceva/katarinagrujic

Александра Накова е „Лутка“ за балканскиот пазар (ВИДЕО)

Антонио Димитриевски — Tue, 25 Jun 2019 09:47:01 +0000

Периодов Александра Накова е речиси секојдневно експонирана во медиумите. Но, освен уживањето по грчките плажи и таверни, а и домашните базени, кафулиња и ноќни клубови, гевгелиската „кукла“ беше зафатена со снимањето на новиот спот за песната „Лутка“ на групата „Балкан бенд“, отпеана на српски јазик .

Накова таму ја има главната улога во музичката приказна од видеото за новата песна наменета за балканскиот пазар, кое бендот веќе го објави.

Во него макенскиот топ модел и џетсетерка, костимите ги менува во секој втор кадар, а нејзиното присуство е повеќе од естетско-декоративна природа, отколку некаква содржајна улога која би го следела текстот...

Впрочем стиховите имаат приказна, но не и видеото кое речиси целото е обична „тезга свирка“ на сцената, по која Накова бесцелно парадира покажувајќи го сиот свој телесен раскош. Но, тоа е проблем на режисерот и сценаристот на видеото, па и на самиот бенд, а не и на убавицата, која дала се' од себе, да го понуди најдоброто од себе.

А, Накова и тоа како има што да понуди, за разлика од спотот кој заслужувал да биде многу подобар и заради квалитетот и комерцијалноста на песната и заради желбата „Балканци“ да го освојуваат Балканот, ама...

Нејсе, „Лутка“ е сепак пристоен музички избор за обид да се отвори вратата на комшискиот пазар, а видеото...? „Лутка“ без Накова би било како (Л)утка без „Л“! Со неа, барем има што да се види... и без сценарио.

Изведувач: Балкан Бенд, Музика: Александар Тасевски, Текст: Александар Стефановски, Аранжман: Дејан Момироски, Снимање, микс и мастеринг: Дејан Момироски - студио XL Момироски, Видео: Студио 5 https://www.youtube.com/watch?v=Xdwh9FcFwL4

лутка – Вистина.мк

Наташа Беквалац ја одбила оваа песната која има над 32 милиони прегледи на „Јутуб“, а ја пее нејзина колешка

Александра Накова е „Лутка“ за балканскиот пазар (ВИДЕО)