луси – Вистина.мк

Животни лекции: Ноне влезе во светот на кучките, за подобро да ги препознае „кучките“ околу себе?! (ФОТО)

Антонио Димитриевски — Tue, 12 Apr 2022 07:37:34 +0000

Некогашната македонска поп ѕвезда, Нона Неделковска одново „јава“ на океанските бранови, работејќи на големите прекуокеански крузери. Последната дестинација на која беше закотвена шармантната велешанка беше Јамајка... За неа некогаш „ветената земја“ или поточно земјата на „ветената љубов“ од која останаа само спомени. Откако одново тргна да плови по „големата бара“, Ноне времето на големиот крузер го минува работно, сега веќе како една од „шефиците“ во својата дејност. Можеби затоа има и повеќе слободно време, кое кога си на голем брод со месеци на море, сепак не ти дава многу опции за избор, на тоа како ќе ги потрошиш слободните минути! Бродската забава веројатно и е нешто „веќе видено“, по сите овие години веројатно оддамна ја има „изгустирано“, па затоа Ноне сега решила слободните часови да ги посвети на релаксација со книгата. Изборот на четивото за многумина можеби чуден, но за оние што добро ја познаваат, сосема логичен. Македонската морепловка се фотографирала со книга во рацете која носи необичен наслов во слободен превод: „Биди повеќе (од) кучка“... И тука оние неупатените веднаш ќе реагираат, дека Ноне баш и не им личи на оние, чиј карактер може да се поистовети со „бесна кучка“... Единствено ако и самата не решила да влезе во светот на кучките...? Што најверојатно и има допирни точки со вистината, зашто поднасловот на нејзиното книжевно четиво вели: „Ако вашето куче не сака некого, веројатно и вие не треба“! Поента од содржината на книгата што почнала да ја чита, од која некогашната пејачка би требало да ги извлече - „Животните лекции од нашите кучешки пријатели“ - како што вели поднасловот! Познато е дека Ноне е голем љубител на животните, дома во родната куќа во Велес чува и маче и куче, а нејзината пудлица Луси има третман на многу повеќе од само обичен домашен миленик, туку на неа гледаат како на полноправен член на семејството. Е сега, која и каква „кучка“ Ноне ќе препознае во книгата што почнала да ја чита, ќе се држи ли до правилото да ги избегнува оние што нејзината Луси ги лае и дали воопште ќе успее да извлече животни лекции од нејзината кучешка домапшна пријателка, останува да видиме кога екс пејачката триковите од книгата ќе ги примени во практика! Дотогаш, Ноне сериозно решила да навлезе во светот на кучките... За подобро да ги препознае „кучките“ околу себе!? Фото: Фејсбук и Инстаграм принтскрин/nona.nedelkovska

Еве кого Ноне маскираше за Априлијада: Како да и е ќеркичка или помала сестричка! (ФОТО)

Антонио Димитриевски — Mon, 02 Apr 2018 07:56:39 +0000

Некогашната македонска пејачка, најпрошетаната велешанка Ноне Неделковска, се врати дома... Се разбира, привремено, на куса пауза до следната прекуокеанска тура. Во родниот Велес времето го користи да ги наполни батериите, да се види со пријателите, ама не ги пропушта ниту настаните и збиднувањата во градот, па така беше и за денот на шегата - Први април! Само што овој пат Ноне наместо себе си, маскираше некој друг!

Имено, велешката „џепна венера“ е позната како голем љубител на домашните миленичиња, кои со години ги чува. Мачки, кучиња, папагали... Едни си заминуваат, други доаѓаат и сите заедно со неа и нејзините домашни, живеат во совршена хармонија.

Први април и Априлијадата беа згодна прилика Ноне малку да се забавува на градскиот „бал под маски“! Ама таа реши, годинава од забавата и од својата маска да скуси и да ја маскира нејзината Луси! Така, нејзината слатка, мала бела пудличка, ја дотера како да и помала сестричка или ќеркичка.

Убаво искапена и исчешлана, Луси беше променета во тексас елече со апликации со црешички, како ретко кое од кутрињата, а доби и црвено-бели машнички на ушињата. Така наместо Ноне, нејзиното кученце, променето, дотерано и маскирано... заврши на првоаприлска парада... Луси на Априлијада! Уште да запееше, место да лае?! Ама, тогаш ептен ќе беше априлили-ли-ли!

Кај Ноне дома славеа роденден, ама… без Ноне: Еве кој беше славеникот?! (ФОТО)

Антонио Димитриевски — Tue, 19 Dec 2017 08:49:04 +0000

Македонската џепна венера, Ноне Неделковска е на нова пловидба. Белосветскиот патник, пред Нова Година и Божиќ, очигледно го „дрмна“ носталгија, па се јави со жалење што највеселата ноќ нема да ја помине во родниот Велес, туку некаде по светските мориња и меридијани!

„Празници се ближат,а јас пак не сум дома“ - напиша Ноне до фотографијата на која за разлика од лани кога на огромниот Дедо Мраз не му беше ни до колена, овој пат цврсто го држи во прегратка, седната крај каминот!

Арно ама, и покрај нејзиното отсуство, во нејзиниот дом сепак се славеше. И тоа роденден! Ако не на Ноне, има на кого... И таа е слатка мала како неа, има сто така кусо име од 4 букви, како и Ноне и неа сите ја обожаваат, а таа е размазена па сака со сите да си игра и да се гали, иако не е во роднински врски со никого од Неделковски!

Ама сепак... славеничката ја облекоа во нови свечени алишата...

...па ја однесоа пред огледало да се види колку е убава.

И направија торта, и запалија свеќички и... И пееја: Happy birthday to You...

Место Ноне, свеќичките ги дуваше мама Мимоза! За среќен втор роденден на... ЛУСИ! Сега на ред е елката... и Среќна Нова Година!