лук пери – Вистина.мк

Актерот Лук Пери планираше да се жени со 11 годишната љубов, но по неговата смрт таа остана со празни раце – еве кому го остави наследството

Слободанка Илиева — Thu, 14 Mar 2019 11:32:12 +0000

Актерот Лук Пери, кој сите ќе го паметат по улогата во серијата „Беверли Хилс“, неодамна почина од мозочен удар во својот дом во Лос Анџелес на 52 годишна возраст. Актерот зад себе ги остави синот и ќерката кои ги доби во бракот со поранешната сопруга Рејчел Шарп, а Пери ја имаше и свршеницата Венди Медисон Бауер. Тие во љубовта уживаа цели 11 години. Како што пишуваат странските медиуми, Лук и Венди имале намера да се венчаат во Лос Анџелес и дека дури ја планирале прославата и почнале да праќаат покани.

-Сакам да изразам благодарност на сите кои пружија љубов и поддршка. Неброените приказни за дарежливоста и добрината на Лук беа најсреќните години во мојот живот и благодарна сум што го имав тоа време со него. Исто така, сакам да се заблагодарам на неговите деца, семејството и пријателите на љубовта и поддршката. Најдовме утеха едни во други, знаејќи дека нашиот живот беше исполнет со овој неверојатен човек. Многу ни недостига- гласеше пораката која свршеницата на Пери ја објави во медиумите по неговата смрт. Во тестаментот е откриено дека Лук одлучил се она што го стекнал во животот да го остави на своите наследници, синот и ќерката, додека свршеницата остана со празни раце.

Последната објава на актерот Лук Пери ги расплака обожавателите (фото)

Слободанка Илиева — Wed, 06 Mar 2019 11:00:41 +0000

Лук Пери, славниот актер и ѕвездата на серијата „Беверли хилс“ доживеа мозочен удар и оттогаш бил под силни седативи. Почина во болница на 4-ти март опкружен со најблиските, на 52 годишна возраст, не можејќи да се избори со доживеаната траума. Неговата последна објава на Твитер расплака многумина од неговите фанови. Тој за јавноста сподели фотографија која е настаната при средбата со старите пријатели и колеги – Џени Гарт, која ја глумеше Кели, Џејсон Присли, кој го играше Брендон и Габријел Картерис, позната како Андреа од „Бевери хилс 90210“.

„Семејство“, напиша на фотографијата и на тој начин покажа колку тие му значеа, и колку беа блиски и толку години по прикажувањето на серијата.

Почина актерот Лук Пери: Светот се збогува од Дилан од „Беверли Хилс“

Слободанка Илиева — Tue, 05 Mar 2019 09:49:53 +0000

Американскиот актер Лук Пери почина вчера (понеделник) на 52-годшина возраст. Беше најпознат по улогата на Дилан во серијата „Беверли Хилс 90210“. Пери беше хоспитализиран пред три денови поради мозочен удар, но не успеал да се справи со последиците од мозочниот удар кој го доживеал пред неколку денови. Покрај него биле неговата вереница Венди Медисон Бауер,, неговите деца и роднин, како и неговата мајка.

Актерот имаше две деца, 21 годишниот Џек и 18 годишната Софи. Тој ќе биде запомнет како Дилан, улогата која ја играше цело 10 сезони во деведесетите и која му донесе огромна слава. Негов последен ангажман беше популарниот серијал Ривердејл во продукција на Нетфликс.

Ѕвездата од серијата „Беверли Хилс“ доживеа мозочен удар

Слободанка Илиева — Fri, 01 Mar 2019 09:39:50 +0000

Американскиот телевизиски и филмски актер Лук Пери, најпознат по улогата на Дилан Мекеј во телевизиската серија „Беверли Хилс 90210“, итно е хоспитализиран откако доживеа тежок мозочен удар во својот дом во Лос Анџелес. Моментално состојбата на актерот не е позната, а неговиот портпарол изјави дека Пери се наоѓа на интензивна во болница, пренесува порталот Кликс.

Во Беверли Хилс, серијата популарна во 90-тите, Пери го играше ликот на Дилан. Неодамна во ЛА ја снимаше серијата „Ривердејл“. Пери мозочниот удар го претрпел истиот ден кога телевизиската мрежа „Фокс“ службено потврди дека ќе се снимаат нови епизоди на „Беверли Хилс“.