лубеница – Вистина.мк

Дали е здраво да јадеме семки од лубеница?

Слободанка Илиева — Fri, 15 Sep 2023 11:35:54 +0000

Сите сме сретнале приказна дека ако јадете семки од лубеница, лубеница ќе почне да ви расте во стомакот. Иако тоа не е точно, се отворија многу прашања дали е навистина здраво да се јадат овие црни семки. Истражувањата покажуваат дека лубеницата нуди многу здравствени придобивки. Една студија се фокусираше на потенцијалното намалување на болката во мускулите, како и на тоа дека семките ја прават кожата поздрава. Додека друга се зафати со големо прашање и наведува дека овие семиња дури и го намалуваат ризикот од малигни тумори. Експертите, вклучително и диететичарот Лорен Манакер, велат дека не само што семките се безбедни, туку и се преполни со хранливи материи. – Семките од лубеницата се природен извор на манган, фосфор, калиум, протеини, фолати, есенцијални масни киселини, железо и цинк. Овие различни хранливи материи, како што е манганот, му помагаат на мозокот и нервниот систем да функционираат правилно, додека фосфорот помага во здраво формирање на коските и го подобрува варењето – вели Манакер. Семките од црна лубеница се полни и зрели семиња кои можат да се садат. Здрави се за јадење, но имаат слаб вкус и многу потешко се џвакаат од незрелите бели семки. – Иако и двете се безбедни за јадење, повеќето луѓе ги плукаат црните семки бидејќи тешко се џвакаат и го прават непријатно јадењето месо од лубеница – вели нутриционистот Тами Лакатос Шамс. И белите и црните семки од лубеница содржат растителни влакна, а се смета дека никнатите семки од лубеница даваат уште повеќе хранливи придобивки. Кога се печени, семките од лубеница личат на семки од тиква и се здрава ужинка. Магнезиумот во семките игра клучна улога во производството на енергија, функцијата на нервите и одржувањето на стабилен крвен притисок, пренесува „Dailymail.co.uk“. извор:попара.мк

Сладолед од лубеница – нискокалоричен и превкусен десерт за цело лето

Слаѓана Атанасова — Wed, 19 Jul 2023 13:00:46 +0000

Сладоледот од лубеница освежува и истовремено е здрава замена кога очајнички ќе ви се пријаде нешто слатко. Сладоледот од лубеница освежува и истовремено е здрава замена кога очајнички ќе ви се пријаде нешто слатко. – 700 гр. лубеница (исчистена) – 1 лимон или лимета – 250 мл. грчки јогурт – 1 лажица мед – 1/2 лажичка екстракт од ванила – рендано чоколадо по желба Начин на подготовка: 1. Исчистете ја лубеницата од семки, исечете ја на помали коцки па распоредете ги на тава која ќе ја обложите со хартија. Ставете ги парчињата лубеница во замрзнувач на најмалку 3 часа. Потоа, извадете ја лубеницата и ставете ги парчињата во блендер. 2. Блендирајте додека не добиете хомогена смеса. Потоа додајте го сокот од лимон, медот и грчкиот јогурт, па уште малку блендирајте. На крај додајте малку екстракт од ванила. 3. Добиената смеса префрлете ја во поголем сад и вратете ја во замрзнувач на 2-3 часа. Со лажица за сладолед вадете топчиња и по желба изрендајте малку чоколадо одозгора. Извор: Курир

Летен хит: Салата од лубеница, краставица, кромид и „фета“ сирење

Слаѓана Атанасова — Tue, 18 Jul 2023 12:06:44 +0000

Новиот летен хит – салата од лубеница, краставица, кромид и „фета“ сирење е идеален за освежување во текот на топлите месеци. За овој рецепт потребни се: 50 милилитри маслиново масло, две лажички вински оцет, половина кафена лажичка сол, 400 грама лубеница, 150 гр. свежа краставица, половина глава црвен кромид, грст нане и 150 гр. од исечкано „фета“ сирење. Подготовка: Лубеницата се чисти од семките и се сече на помали парчиња. Кромидот, исто така, се чисти, лупи и се ситни. И краставицата – излупена, се сечка на коцки. Некои тоа го претпочитаат во издлабената кора од лубеницата. Во друг сад, се мешаат маслиново масло, оцет и сол. Се мешаат сите состојки освен нането во претходниот сад. Салатата се чува во фрижидер, а пред сервирање се посипува со нането.

View this post on Instagram

A post shared by Tasty (@buzzfeedtasty)

И на вашето лице му требаат витамини, со лубеница можете да направите ваква маска

Слаѓана Атанасова — Wed, 05 Jul 2023 11:34:04 +0000

Со над 90% вода, но истовремено и витамински коктел составен од витамините од Б групата, витамин А и Ц, лубеницата не само што ја навлажнува кожата, но ќе ја направи поубава, свежа и здрава. Лубеницата исто така го изедначува и освежува тенот па затоа често ја користат во производство на козметички препарати. Како се подготвува маската: Неколку парчиња лубеница се чистат од семките и кората и се пасираат. Додадете и четвртина авокадо и пасирајте повторно. Оставете смесата да се олади во фрижидер и така ладна нанесете ја на лицето, вратот и деколтето. Студената лубеница ќе ја смири кожата, а витамините и маслото од авокадо ќе и ги дадат неопходните хранливи материи. Пред да ја нанесете маската изложете го лицето на пареа за да се отворат порите со цел хранливите материи да се апсорбираат побрзо и полесно. Се остава да делува 30 минути, а потоа се плакне со млака вода. Извор: Курир.мк

Колкава количина на лубеница е препорачливо да се изеде? Иако е многу здрава, може да предизвика разни здравствени проблеми

Слаѓана Атанасова — Mon, 08 Aug 2022 12:30:20 +0000

Летото е во полн ек, а со тоа и сезоната на вкусни, слатки и сочни лубеници. Таа е една од најпопуларните летни намирници поради аромата, вкусот и леснотијата на консумирање, како и пристапната цена. Сепак, со ништо не треба да се претерува, вклучително и лубеницата. Јадењето премногу лубеница може да предизвика дијареа. Исто така, нивото на гликоза и ризикот од воспаление на црниот дроб може да се зголемат. Имено, луѓето кои редовно пијат алкохол треба да избегнуваат големи количини лубеница, бидејќи високото ниво на ликопен може да реагира со алкохолот и дополнително да предизвика воспаление на црниот дроб. Прекумерниот оксидативен стрес на црниот дроб може да биде штетен. Исто така, премногу лубеница може да предизвика прехидратација, односно труење со вода, како и кардиоваскуларни проблеми. Значи, колку лубеници можете да јадете дневно? Индискиот нутриционист и физиолог, Ритеш Баври, кој студирал на Универзитетот во Мичиген (САД), потсетува дека 100 гр лубеница има околу 30 калории. „Со оглед на тоа што најголемиот дел од неа е вода, лесно е да се изеде дури и ½ кг, што значи дека штотуку сте изеле 150 калории. Бидејќи е лесна за стомакот, може да не се чувствувате сити, што ќе ве натера да јадете повеќе отколку што треба, како и да посегнете по друга храна дополнително, бидејќи не ви е доволна. Исто така, има 6 g шеќер на 100 g, така што 500 g лубеница ќе ви даде 30 g шеќер. Идеално е за повеќето луѓе да јадат помеѓу 100 и 150 g шеќер дневно од сите намирници заедно. Шеќерот од лубеницата ви ја зголемува таа бројка“, заклучува Баври.

Рецепт за летен специјалитет: Печено пилешко во лубеница- кажете му збогум на класичното

Слаѓана Атанасова — Fri, 05 Aug 2022 12:30:16 +0000

Ако ви е здодевно од класичното пилешко и сакате да пробате нешто ново – тогаш пробајте пилешко од лубеница. Со лажица извадете го „месото“ од лубеницата. Пилешкото зачинете го со сол и бибер, а потоа ставете цел лимон во пилешкото, лимонот издупете го со вилушка и исечете го на половина. Ставете лажица сос од соја на пилешкото и наполнете половина од чашата сос од соја и премачкајте го пилешкото од надворешноста. Полијте го пилешкото со лажичка зачинета смеса, ставете го во лубеницата и покријте го со исечениот дел од лубеница. Прицврстете го капакот на лубеницата на стапчињата, лубеницата ставете ја во тавчето за печење. Ставете сè во рерна загреана на 200 степени и печете го два часа. Потоа намалете ја температурата на 150 степени и печете уште три часа. Кога ќе завршите, извадете го пилешкото од лубеницата, а потоа извадете ги течностите од лубеницата и ставете ги во тенџере. Кога ќе ставите путер, промешајте додека не се стопи – ќе добиете сос што можете да го истурите преку пилешкото. Добар апетит!

Тоа што еден ред лубеница му го прави на човековото тело е неверојатно

Слаѓана Атанасова — Fri, 22 Jul 2022 12:44:12 +0000

Што има во лубеницата? На 100 грама лубеница има само 30 калории, содржи многу вода, што ни е многу важно во лето, а во исто време изобилува со витамини А и Ц, калиум и магнезиум. Иако сите сакаат ладна лубеница, чувајќи ја во фрижидер всушност губи некои од нејзините својства, како што е ликопенот, кој ефикасно штити од болести. Меѓутоа, откако веќе ќе ја исечете, задолжително чувајте ја во фрижидер, пишува 24сата.хр. Високиот процент на витамин Ц во лубеницата го зајакнува имунолошкиот систем и го скратува времето за опоравување од болеста, но го намалува и ризикот од срцев удар и рак. Цитрулинот, аминокиселина богата со лубеница, во телото се претвора во аргинин, кој е неопходен за добра циркулација на крвта. Лубеницата е добра за релаксација и опоравување после физичка активност. Факти за лубеница Моќен Л-цитрулин Во лубеницата, можете да најдете најголем дел од аминокиселината цитрулин, која ги релаксира и ги проширува крвните садови, па затоа е важна за еректилната функција – 210 mg во 100 g лубеница. Витамин Ц 20% од дневната потреба за витамин Ц се задоволува со 180 гр лубеница. Покрај тоа, витаминот Ц ќе ги заштити вашите мускули и коски. Калории Лубеницата е одлична за диета бидејќи содржи само 30 калории Моќен ликопен Вкусниот зеленчук може да го намали ризикот од мозочен удар за 20%, благодарение на високата количина на ликопен Витамин А Од 150 гр лубеница, 5 отсто е витамин А, кој е важен за здравјето на вашата кожа Хидратација Лубеницата се состои од 92% вода, 6% шеќер и 2% влакна Не ја фрлајте ни кората од лубеницата Иако луѓето често ја фрлаат кората од лубеницата, експертите велат дека таа содржи најмногу витамини и хранливи материи како што се витамините А, Б6 и Ц, како и калиум и магнезиум. Бидејќи кората не е премногу вкусна, можете да ја исечете на парчиња и да ја ставите во салата од туна или пилешко, само претходно добро измијте ја (дури и ако не ја јадете кората, запомнете дека расте на земја, па затоа често се наоѓаат голем број бактерии). Семките од лубеница се лек за бубрезите Семките од лубеница, кои речиси сите ги фрламе, може да се јадат! Во Кина семките се пржат и се јадат како закуски! Тие се здрава состојка која може да се користи за лекување на бубрезите. Чајот од свежи семки од лубеница е одличен диуретик, а можете да го подготвите така што ќе земете четири лажици свежи семки од лубеница, ќе ги згмечите и ќе ги варите 15 минути во два децилитри вода. Таа количина чај треба да се пие во текот на два дена, а третиот ден да се одмори. Со цел чајот од семки од лубеница да делува што е можно подобро, повторете ја постапката во текот на неколку недели. Интересни факти за лубеницата – Пред три години во Тенеси е измерена најголемата лубеница на светот – тежела дури 159 килограми – Бројот на видови лубеници кои се одгледуваат во светот е 1.200, а се разликуваат по боја, големина и форма, а има и видови без семки. – Иако потекнува од Африка, првиот запис за лубеницата е стар 5.000 години, а потекнува од Египет, каде што лубеницата била толку ценета што ја ставале во гробниците на кралевите. – Во Америка и Азија кората од лубеницата редовно и обилно се користи во исхраната.

Зошто лубеницата не треба да се чува во фрижидер?

Слаѓана Атанасова — Fri, 15 Jul 2022 12:30:10 +0000

Најдобра опција да се освежите во летните денови секако е лубеницата, особено бидејќи содржи 922 проценти вода. Можете да ја јадете свежа, да ја додадете во овошна салата… Лубеницата е здрава бидејќи е богата со антиоксиданси, а истражувања покажале и дека содржи антиканцерогени состојки, го подобрува здравјето на срцето и го намалува воспалувањето и стресот. Нејзината тежина може да се земе за мана, па оттука за многумина проблем претставува чувањето. Она што треба да го знаете е дека со чување во фрижидер, лубеницата губи некои од добрите состојки. Повеќе истражувања покажале дека лубеницата која е на собна температура има повеќе хранливи состојки од онаа што се чува во фрижидер за да биде оладена. Низ 14 дневни тестови на разни водиво лубеници, потврдени е дека лубениците кои биле чуваните на температура од 21 степен биде во најголема нутритивна вредност. Останатите температури биле 12 и 5 степени. Утврдено е и дека лубеницата по берењето продолжува да произведува хранливи состојки. Ладењето само го забавува тој процес.

Лубеница на стапче! Слатко и освежувачко!

Слаѓана Атанасова — Wed, 22 Jun 2022 12:45:49 +0000

Ова овошје не може да биде досадно, но може да почнеме да подготвуваме и малку поинакви лубеници – на стапче. Уживајте во раскошниот вкус… Состојки: три и пол чаши исчистена лубеница пет и пол лажици шеќер лажичка сок од лимон половина чаша кокосово млеко шест средни киви една лажичка чоколадни трошки Подготовка: Во блендер ставете лубеница, две лажици шеќер и сок од лимон, измешајте, истурете во калапи за сладолед на стапче, па додајте ги чоколадните трошки и измешајте со чепкалка за заби. Ставете во замрзнувач да се излади и стегне. Во меѓувреме изматете го кокосовото млеко со лажица шеќер и прелијте ја замрзнатата лубеница. Вратете во замрзнувач да се излади и стегне. На крај измешајте го кивито со преостанатиот шеќер, истурете во калапите, ставете во замрзнувач да се стегне, па послужете.

Дали лубеницата дебелее? Еве зошто е добро да јадете 2-3 бадеми, лешници или ореви со парче лубеница

Riste Zdravkov — Wed, 11 Aug 2021 08:39:27 +0000

Парче сочна летна лубеница добро ни доаѓа во текот на летото и освежува, но дали и тоа дебелее? Содржи 90 проценти вода и 10 проценти влакна, не се препорачува за дијабетичари во големи количини, но здравите луѓе можат да уживаат во нејзиниот вкус. Богата е со витамини Ц и А и содржи ликопен кој ги чисти крвните садови. Дињата е слична на лубеницата по својства, но нема ликопен како лубеницата. Семето од лубеница, исто така, може да се пече и да служи како грицки или да зе измеле, па од нив се прави чај кој служи како диуретик – го отстранува вишокот вода од телото. Кога станува збор за лубеницата, треба да внимаваат само дијабетичарите – не треба да јадете повеќе од 200-300 грама дневно, но тоа мора да се подели на три порции. Луѓето кои не страдаат од дијабетес можат да земаат 500 грама дневно, исто така поделени во неколку порции. Лубеницата го намалува крвниот притисок, а со парче лубеница треба да јадете две или три лешници, бадеми или ореви со цел да го намалите високиот гликемиски индекс кој се „вчитува“ во организмот веднаш по конзумирањето на лубеница. Дали дебелее? Не, бидејќи 100 грама од овој зеленчук содржи околу 30 калории.